2010年9月29日 星期三

無聊事一則

才子桃杰真係崇英崇到上晒腦,今期係《一周》話:「獅子銀行係良心企業,新總部落成,底層完全留空,讓市民自由穿梭步行......等菲傭跳土風舞.......」

其實,底下留空,亦可能是想塌起來特別大鑊,何解要塌起來特別大鑊?因為總部有金庫,金庫門直接連接地基,如果有人想爆破庫門搶金(例如政府),整座大廈就會倒塌,等大家一鑊熟,寧為玉碎不為瓦存,所以底下要留空!呢d就係「良心」!

2010年9月27日 星期一

競爭性貶值與黃金



飾金終於升到13000/兩,近日又時常聽到一個詞──「競爭性貶值」compeitive devalution,筆老林說過、潘國光說過,某些新聞亦有提及,所以想在此說說!
-
日本政府增發貨幣,令近期兌美元不斷創新高的日元由升轉跌是個經典的例子,但其實日本之外,近一兩年,亦有多個國家都干預過匯市,包括南韓、菲律賓、巴西、俄羅斯、越南等。日本的行動令近年在匯市一向表現勇猛的日元增添不隱定。投資者終於看到,信用紙幣是如何容易受到人為的干預而跌價,在匯市上並沒有永遠安全的避風港,連最後的日元亦出事,黃金不升就出奇了!
-
日元升值除了因為資金避險,中國購買日債的行動亦可以說是火上加油,購買量雖不多,但買了一次就有第二次第三次,對投資市場一定有影響,結果令日本政府不得不出手干預日元升勢,保護自已的出口。其實,中國何止買日債,近期正不斷購買不同國家的債券,南韓為數亦不少,當然亦包括美國的國庫債券。我相信中國這種行動的最終目的是要迫使全世界主要貨幣慢慢地貶值,為人民幣國際化舖路!何以見得?
-
中國買其他國家的貨幣及國債,用的是甚麼錢,當然是賺回來的美元了!先在市場上沽出美元,換入其他國家貨幣,再購買其國債,如此情況不斷,就會慢慢扯高該國貨幣的匯價!如果該國主要出口美國,如日本、南韓,那對美國來說,這些國家的貨品就會變貴,美國要獲得這些國家的貨品,有數個選擇!
-
(1)進一步增加美元的供應,再印鈔!
(2)滅赤減債,或減少美元供應等,令美元升值!
(3)將美元貶值,增加出口,透過先苦後甜方式,賺回失去的美元!
(4)其他國家的貨幣貶值,以維持美元對該國貨品的購買力!
-
做(1),美元長遠會貶值,其他國家的貨幣變相升值,引發其他國家像南韓日本一樣干預匯市,結果形成惡性循環式的競爭性貶值,最終齊齊進入通賬。
做(2),美國形成惡性通縮,做不來!
做(3),其他國家跟著做,最後同樣變成競爭性貶值,一起進入通賬。
做(4),美國貿易逆差,繼續負債及財赤,繼續印錢,美元同樣貶值,最後同樣出現競爭貶值。
-
正如富媽媽所說,美國已進退失據!
-
結果,阿爺不斷用賺回來的美元去購買世界其他國家的債券,不論是美債,日債、韓債、歐債,最終只有一個目的,就是要世界出現競爭性的貶值。(除了那些能自給自足,不假外求的國家)
-
在整個過程中,阿爺最先及買得最多是那國的國債?美債是也!結果將美元匯價托住,減少了美國競爭力。未來日子相信仍會keep住買,只是多與少問題,但有一樣可以肯定,其他國家的債亦會keep住買。 令這些國家一是立即增加貨幣供應,以貶值保住出口(像近期的日韓),否則就要由得匯價上升(或不變),失去競爭力,靠借貸度日,令債務上升。(像希臘、意大利等歐豬五國)。
-
中國為何有能力有這麼多美金去實現這個「進展」,因為中國正正是透過競爭性貶值,第一個獲得最大利益的國家(指當代)。
-
八十後或者不知,1980年前人民幣的匯率是非常高的,從1955年3月至1971年11月,2.5元人民幣就可換到1美元,1973年到1979年還升了值,大約1.5-1.7人民幣就可換1美元(指的是國內的官價,由於人民幣不是自由兌換貨幣,所以沒有國際價,另外國內還有個黑市價,比官價要高)。不過到了1980年就開始貶值,從1980年貶到1994年的8.619人民幣對1美元,共貶了近4倍,結果以出口帶動累積了大量美元彈藥,並將各國的生產技術吸收過來,提升自已生產力,變成世界工廠。
-
當時各國為何不貶值,與阿爺競爭,或者索性指控其操控匯價加以抵制? 反而到了四十年後的今日才來月月講,日日講?
-
(1)因為心虛,1980,各國紙幣剛經過通賬危機,黃金升值差點令紙幣倒台,誰敢貶值?
(2)因為貪婪,有人(阿爺)肯自動將自已貨幣貶值,提供大量廉價勞動力及資源,那就算自已大量增發貨幣亦不會引發大通賬,印鈔的同時可以安撫普羅大眾,殊不吸引。
(3)因為輕敵,沒想過生產落後的窮國能提升效率,發展出強大生產力。
-
四十年後的今日,人民幣兌美元仍然是6.7,但今日西方已騎虎難下,要迫令一個滿手美元,掌握世界生產命脈的阿爺將其貨幣升值,減少其他國家出口的壓力,避免世界出現競爭貶值,又談何容易!打貿易戰,那就要找出一個可完全取代阿爺的國家以低價繼續為西方服務,否則將引發大通賬,以債務創造出來的貨幣必定消亡。若同其鬥貶值,那不就正中阿爺下懷?這就叫一步差錯,滿盤皆落索!
-
競爭性貶值的最大得益是甚麼,當然就是黃金了!相信阿爺對此早有預備,七十年代已成立黃金部隊到全國採探黃金。致於對西方貨幣的認知,相信在改革開放前,早已參透了,早已有了部署。走到這一步,美元與各主要信用法幣的消亡已成定局,早已不是會不會發生的問題,而是時間的問題!
-
或者有人聽到我這樣說,會反駁,其他國家貨幣貶值,那阿爺辛苦賺來的外匯豈不變廢紙?豈不蝕水?(很多分析都持有這論點)
-
我的答案是,有遠大目光的領導者不會只看重眼前一堆堆的廢紙,最重要是令自已創造出來廢紙得到世人信任,有了創造廢紙的能力(就像以前的美國),那到時要多少就有多少了。當然亦可以一早準備定大量黃金,最後等所有主要法幣陸續大貶值後,將自已的貨幣與金子掛勾,那世界的大部份財富及資源就變相轉移到自已手中,這相信是阿爺古厲民間買金買銀的原因,而更重要是透過賺取廢紙的過程提升了生產力及效率,這才是千秋萬代永保昌盛的基石!
-
大家將釣魚台紛爭、美國迫人民幣升值、日美美韓軍事演習等事件組合起來思考,可以想到很多東西出來!
-
關於中國黃金部隊的新聞:http://paper.wenweipo.com/2010/09/25/WY1009250005.htm

2010年9月25日 星期六

電視少見較好的分析

潘國光,富邦副總裁兼投資策略及研究部主管,之前冇乜留意佢既野,因為講股居多,諗唔到講金又頗有文有路!最抵死係踢爆ETF唔一定取到金,真係大膽!

沈大師仲抵死,冇啦啦話自已係黃金大好友,唔通佢唔記得係金價700-900時,佢多次教人做空,結果唔使兩日就慘被夾死,有d仲係一晚就被夾死。而家金價升到1300,竟變身大好友,呢個世界認真冇奇不有!?

2010年9月23日 星期四

通脹殺到 星巴克宣布漲價

http://hk.news.yahoo.com/article/100923/21/kd2h.html

通脹巳現,連我食過的杏仁餅,因為綠豆價格上漲而大幅溝淡,

D味怪怪的.

白銀追落後

如果係看好金價既,其實不妨入多d白銀,雖然銀價已升近歷史高位,但以金銀比率計,其實仍然落後,過去三十年,平均50兩白銀換到1兩黃金,最低時更跌到20兩白銀換1兩黃金,但而家仍然係62兩白銀換1兩黃金,即係白銀好大機會仲會升!

2010年9月22日 星期三

俄羅斯八月份增持9噸黃金

http://www.kitco.com/reports/KitcoNewsMarketNuggets20100921_AS.html

由年初巳增持了215噸,巳增加了40%,加上泰國的快速增持,聯儲局快印鈔,

還有中日釣魚台之爭,可能係大陸巳認為到左適當的時機,

所以COMEX金可有隠形買手大幅鬥法爭持.

2010年9月20日 星期一

記得睇百痴黃金分析!

金價連番創新高,同愈來愈多人要「實」唔要「虛」有好大關係!對家當然要想盡辨法消滅實金需求,繼年幾前要求有三張合約先至可以提貨,而家COMEX又推出不可提貨的細形合約,每張10安士,疏導實金的需求。(謝糟老頭資料)
-
香港呢邊當然亦要加把勁,今晚10點半,做完《公主嫁到》,TVB將推出「SPXX特約:透視黃金市場」,明珠台就會係8:30推出,雖然得幾分鐘,不過個特輯肯定俾左好多錢,估計例牌都係講果d野,最後再讚下自已產品係number one啦!
-
相信類似節目將陸續有來,遲下可能做到財務公司廣告咁,再唔係就拍番部現代版《公主嫁到》,關菊英間鑑金號,變成黃金ETF投資公司!

2010年9月18日 星期六

K金回收店殺入商場!



早前king兄話見過商場有收金專門店,點止一間,仲要係兩間,全部係貴租地點,旺角先達,及黃埔吉之島,佢地仲賣一版廣告,又同最好賣既八婆雜誌合作,憑印花有5%回贈(相信又有班師奶仔落搭)。咁貴租,齋回收K金都有肉食?係日本仲有145間分店,但日本人唔係好鍾情金飾,大家去日本旅行,有冇見過金舖?好似日本妹鍾意鑽石多d喎,收咁多金做乜?
-
補充:呢幾日行街經過,順便望下,旺角分店開正大街大巷,應該係施達最貴的幾個舖位之一,但我兩個鐘頭內經過三次,鬼影都冇隻,得兩個店員發呆,唔知咁既舖點捱貴租?如果半年內唔執,好大機會係要金唔要錢!

2010年9月17日 星期五

http://www.theglobeandmail.com/globe-investor/news-sources/?date=20100916&archive=ccnm&slug=636989_1
Sprott Physical Gold Trust宣布買多6噸黃金,約等同1900份COMEX合約,

加上早前非洲最大金礦商結束對沖帳,COMEX金市可有大龍鳯睇!!!!

隨便諗下:購買日債動機

「日本財務省8日指出,中國7月淨買入的日本資產淨額高達5,830億日圓(69億美元),高於6月的4,567億日圓,其中全部幾乎是日本政府公債,中國今年上半年買入的日債高達1.73兆日圓,幾乎是2005年全年買超2,538億日圓的七倍。」
-
中國買日債 →日元升 →投資者沽美元買日元 →美元跌 →黃金升
-
中國買日債 →美元跌 →美國再推量化 →美元大跌
-
中國買日債 →日元升 →日本貨變貴 →日本出口下跌 →中國出口上升
-
中國買日債 →中國出口上升 →預期人民幣需求上升 →有利中國國債銷售
-
中國買日債 →影響日本經濟及美元 →變成政治籌碼
-
中國買日債 →日元升 →日本沽日元壓抑日元升勢 →日元供應量進再擴大 →埋下大貶基礎

結果:
「中國增持日債 日要求協商」《工商時報》 http://news.chinatimes.com/focus/0,5243,50106530x122010091000200,00.html

溫總理:我都想協商架,但要幫手準備軍事演習,暫時唔得閒,國家安全好重要架!仲要去福建慰問船長屋企人,人地屋企人咁傷心,我身為總理,當然要做d野。

吹淡金銀的總路線!


今日大鱷係新聞講,而家冇一樣資產係安全,包括黃金,唔知佢所指既資產包唔包括各種紙幣,如果係,咁真係唔知佢想d人點做?金、樓、股、債、匯、商品全部唔安全,咁可以持有乜野?
--
金融界一向對黃金白銀唔友善,唔係唱淡,就係只識教人炒出炒入,買倫敦金、期金.....大家都知背後根本原因係關係老美貨幣既生死存亡,同時亦可能係唔想人地同佢地爭貨。
--
除左呢樣野之外,仲有一樣就係黃金白銀,尤其係實金實銀亦關係到金融界生死存亡,如果,假如有一日,愈來愈多人走去玩實金實銀,咁.........
--
1/好多金融從業員都會失業,尤其係財演。全世界都係玩兩樣野,唔係升就係跌,咁仲有乜好分析?更加唔使教人揀股,揀外幣。亦唔使理財顧問教人設立投資組合,因為黃金白銀只得一種!
--
2/分析員係神係鬼,兩三野就知,金銀唔係升就跌,幾次教錯人,即刻原形畢露!想教人換馬都冇得換,唔通金換銀,銀換金?定係為各大銀行的保險箱評定安全級數?
--
3/你買實金實銀,佢收左你錢,d錢要分俾開礦商、礦工、冶煉廠、運輸、儲存........成本太高,有幾多錢可以落袋,唔使講都知,現金流大減,仲點樣拎d錢炒炒買買、再投資?
--

買銀要趁早!


銀價迫近歷史高位,真有一番滋味在心頭!
幾年前要買貨,除左去外國同kitco訂,只得中銀最多貨,不過所謂既多,都係一次幾十個,據聞當時中銀有限每次購買量,唔會賣太多俾人,兩年前,岩岩又係九月,銀價跌到得番$8-9左右,經過中銀,拿拿林買番d楓葉,當時一個賣$98,超抵!但結果只係得15個,照殺!
今日一個賣番俾中銀係$173(昨日收市價計),兩年升值76.5%,其實當日資金比今充裕(因為已投資左金銀),好想買多d,但奈何冇貨,今日kitco已進駐,連利昌都有貨,實在方便好多,銀價雖已迫近歷史高位,但相信仲有排升,有貨真係要趁早買,否則好似我咁,拎住呢張收據,真係得個「恨」字!

2010年9月15日 星期三

2010年9月14日 星期二

愚民檔案

《今晚金價又創新高了,升穿1270!》

小小開心!但冇乜大感覺,因為太多野在預計之內了!反而想介紹大家睇下呢個blog:http://blindfile.wordpress.com/author/blindfile/

呢個blog叫愚民檔案,作者係個銀甲蟲(可能亦有買金),佢有好多學生追隨,或者好多人睇左,會唔知佢講乜,或者會覺得佢好神怪好偏激!因為從內容知佢叫人cut保險,cut基金,cut晒所有同當今經濟體有關的一切投資,只買銀買金,又講到操控香港及世界的組織!

不過,各位金甲蟲,唔理係死硬派,定係溫和派,都一定會有所體會,其實未睇佢個blog前,年多前我已經cut左其中一份保險,取回所有錢,全部用來買金,並叫部份有幾份保險的朋友及同事跟,結果當然係冇人理你!

現在諗番轉頭,慶幸自已當時做了呢個決定,雖然最終結果亦未必代表我的決定一定對,但睇到今日新聞講MPF,再睇埋呢個blog,我覺得如果只係普通打工仔,實在冇必要用自已薪金的10%-20%去買保險,尤其是果d有投資成份的,我認識好多人一買竟然係五六份,一個月供成萬蚊都有,佢地對呢d保險的前境及將來充滿了憧憬,我愈來愈覺得最終結果會令佢地會出乎意料!

2010年9月11日 星期六

IMF沽10噸金比孟加拉央行

http://af.reuters.com/article/metalsNews/idAFN0922204220100909?sp=true

IMF沽10噸金比孟加拉央行,這是上年沽比印度,毛里求斯和斯里蘭卡後的首次,

今年本來轉在公開市場沽金而且十分低調,估計和為左頂住COMEX有關,

現在又沽比其他國家,之後又會不會再沽比其他國家?

無記錯的話,IMF有403噸金可沽,按報道中上年巳沽了212噸,今年7月底為止,

又在公開市場沽了88.3噸,加埋現在的10噸,那應只有92.7噸可沽,

沽完之後又會點呢?

2010年9月8日 星期三

差價起變化

兩個月前kitco各款銀幣售價與差價:

1安士楓葉:賣出163.83 / 回收141.75 / 差價 22.08
1安士女神:賣出163.05 / 回收145.6 / 差價17.45
1安士愛樂:賣出162.27 / 回收136.75 / 差價25.52
-------------------------------------------------------
今日kitco各款銀幣售價與差價(至2010年9月8日3pm):

1安士楓葉:賣出179.43 / 回收157.44 / 差價 21.99
1安士女神:賣出180.99 / 回收161.29 / 差價19.7
1安士愛樂:賣出178.65 / 回收152.44 / 差價26.21
------------------------------------------------------
除了楓葉,另兩種的差價又進一拉闊,當中以女神尤甚,可能是之前愛樂一度供應緊張,令國際投資者轉而買溢價較低的女神,現在掉轉頭又輪到女神供應緊張,kitco當然會「承人之危」mark高差價。與清茶淡飯個blog講的不謀而合http://blindfile.wordpress.com/2010/09/03/silver-standard/,他認識人在澳洲鑄幣局工作,對國際銀幣銷情應該有一定掌握。

人債反擊戰

今日中行再發零售人債,共兩種,2012年到期,年利率2.65%,2013年到期,年利率2.90%,此舉乃金融戰上不錯的一招!
--------------------------------------------------------
港幣與美元掛勾,美元的超低息與量寬,令香港的資產出現泡沫,尤其是樓價!錢放在銀行冇息,好多依賴利息維生的人都被迫買樓收租,早前有人就買了十多個美孚新村收租,回報約4%。樓價急升亦令好多人的按揭桿杆愈做愈大,若將來利息回升,將屍橫遍野。
--------------------------------------------------------
今次零售人債的回報率,買100萬,兩年內可收53,000,及三年內可收87,000,雖不及租務回報佳,但計及買樓手續費及管理樓宇成本等因素,再加上人民幣升值預期,亦有一定吸引力。
---------------------------------------------------------
如此看,發行人債,一方面可以將部份資金鎖死,幫助壓抑香港樓價,另一方面,要求人民幣升值的聲音亦陷入兩難,如果繼續大吹特吹人民幣升值,咁人債就會更好賣更受歡迎,有更大動力加碼發行,如果反過來吹人民幣貶值,試圖打擊人債發行,咁阿爺大可順手將人仔貶值,咁就對中國出口有利。唔知《蛇果日報》會點評論發行人債?

2010年9月7日 星期二

樓價長升長有的因由


仁仁超雖然有時語無論次,不過有時提供的資料又頗有用,好似今個星期一的投資者周記:
「1981年太古城每呎售1200,供樓利率24厘,一間1000呎住宅售120萬,首期30萬,貸款90萬,月供利息$1.8萬,以1981年港人收入,有多少人供得起?.........到今日,同樣1000呎太古城,賣850萬,首期250萬,貸款600萬,供樓利率2.6厘計,月供利息亦是$1.3萬,以2010年港人收入,很多人供得起。」
--------------------------------------------------------------
利率對資產價格及物價有著顯著的作用,好多人只覺得物價及資產格價上升是必然,並沒有深究當中的原因,像樓價,若非利率下跌,今日一呎太古城可能仍然賣$1200。
-------------------------------------------------------------
再細看金價,1981年是金價下跌得最勁的一年,當然由1980年的850美元下跌到1981年的約500美元,大約可買3呎多太古城,到今日,太古城連折舊計在內,每呎仍然要$8500,1安士黃金買不2呎,黃金的購買力還遠未發揮出來!
-------------------------------------------------------------
當然,這只是粗略估計,仍未計及當時金價是否過高等因素,且當時的太古城等同今日的凱旋門,以此看,1安士黃金今日應不只可買到3呎太古城!

2010年9月6日 星期一

東尼 VS 黃金


很久沒有看東尼了,最近看,別有一番滋味在心頭,特別是成為金甲蟲之後!東尼有好多捧場客,我曾經亦是一份子,更買了他的著作,很多人亦跟我一樣,他的名言包括長渣必勝,重長遠增長而不要短期炒作,因為股票的復息增長可以非常驚人云云,其壹周刊專欄所設的一百萬投資基金的表現至今回報教人刮目相看。
-----------------------------------------------------------------
基金於1999年6月設立,至2010年9月2日那期《壹周刊》共升值502%(本金+股息+再投資),成績非常不錯。不過,對比一下黃金,其實亦差不多,1999年6月-8月的金價徘徊在250左右,6月時平均是251,8月最低見過240左右,若當時用100萬投資黃金,今日有498%至520%增長(以這兩星期$1250金價計),成績不相拍仲。
----------------------------------------------------------------
十一年來,東尼花在閱讀公司年報及揀股上不知花了多少心血,才能有這樣成績,但黃金全球只有一種,無需揀,無需讀年報,只需買入並持有至今,成績已跟東尼一樣,甚至如果是在低位$240買入,更會跑贏東尼。計我話,長渣必勝亦可用於黃金,且比東尼要渣得舒服好多!(嘻嘻)
---------------------------------------------------------------
ps:今人常說黃金最大問題是無利息,但東尼的投資組合沒有拿走過一分一毫利息,全計在總額內,有的就用於再投資,結果亦只是與沒有利息的黃金打成平手。沒有利息真是缺點嗎?

2010年9月5日 星期日

難以估計通賬軌跡之:不蛋定


記得好耐以前,曾與好多網友討論通賬,有人只看政府公佈之CPI,但CPI已撇除了好多野,我就認為最實際就係看看身邊的各種物價走勢,像雞蛋,原來又升左唔少,特別係大陸,令到好多香港商人,如蛋卷製造商要轉用泰國蛋。最近大陸流行一句野,如果想笑人「唔淡定」,就改成「不蛋淡」,因為雞蛋價格自六月起,日日都唔同,今日賣$6.2,聽日就變成本8.2。
--------------------------------------------------------------
點解大陸的蛋會升咁多呢?通賬就係咁,好多野令你估都估唔到。原來大陸各地政府一向有監控民間物價,唔俾商戶亂加價影響民生,商品交易市場亦被看得很緊,唔俾人亂炒,本來雞蛋價格一路都穩定。點知因為粟米及小麥等飼料近呢一年不斷漲價,令到生產雞蛋的成本仲貴過蛋價,即係好似黃金市場出現過的「倒價」,係價格冇得加,養殖成本又高過蛋價的情況下,農民為免損失,於是減少或停止供應雞蛋,令供應減少,而又因為雞蛋保存期較短,所以街市的販商及批發商好難一早入定大批蛋,結果一層推一層,最後雞蛋價格還是私下被炒起,出現日日唔同蛋價情況。雞蛋價格極之「不蛋定」。
--------------------------------------------------------------
香港而家仲可以用住泰國蛋或美國蛋,但繼美國蛋出現三文氏菌後,泰國蛋亦可能係不久將來被炒高,香港的腿蛋治、餐蛋麵、全蛋麵、蛋卷、雞蛋仔........應該好快會加價。
連大陸呢種政府主導經濟發展的國家都控制唔到商品價格,通賬要來時,話之你九招十二式,定係四招十三式,都一樣無用。
--------------------------------------------------------------
PS:我幫襯一間理髮店已幫襯了十七年,店開係一個小閣樓,有一條好窄的樓梯行上去,樓底又低,呢d舖位真係唔知可以做乜生意?所以十幾年來,業主一路冇加租,理髮店老闆亦好安心做生意,準時交租,與業主保持良好關係,點知最近業主突然要加租50%,結果理髮店被迫搬舖。通賬係乜?身邊就可發現。

2010年9月3日 星期五

黃金對分散投資的重要


早前已講過黃金在配置資產的重要性,不過就冇推出實質數據。今日信報畢老林提供了相關的數據,佢指出過去一年,美股標普500與各行各業ETF的相關系數有0.65-0.95以上,至於匯市,除了日元外,相關系數亦有0.6-0.8,債市有6.1,在云云資產中,最低係黃金與白銀,過去一年,相關系數只有0.45,最低跌過去負0.30。即係話在各種資產類別中,股債匯的相關性都非常大,較大機會同升同跌,只有黃金白銀例外。與股市的關係性較小。
唔使多講,想分散投資股票的風險,並唔係買多幾種唔同的股票,亦唔係買外幣及債券,而係買黃金與白銀!可惜,冇投資顧問會咁樣教人!唉............................