利昌買銀

今日不忙，有大陸親戚來港買金，一買30,0000，全用現鈔，看她一個女人帶大量現鈔，又不懂廣東話，於是就陪佢一齊去買，點知中銀的金幣及金條全冇貨(後來4pm才通知有貨)，唯有去恆生，終於買到3條金條及12個金幣！

-

親戚在大陸做生意，教育程度不高，只有初中，竟然也識得買金，看來阿爺鼓勵民間買金已有一定成效。我問她為何要買？她答是因為身邊很多人買，加上黃金保值，所以就買！她預計會儲存一段長時間，因為用的都是閒錢。問她為何來港買，佢話大陸比香港貴，剛巧又要來港做事，所以順便一齊買。

-

親戚滿載而歸，我都想買，可惜儲蓄已買得七七八八，有部份又要留作日常流動資金，所以最後唯有買銀補數。兩條500g利昌白銀，盛惠約$6000。

-

PS：非恆生用戶，用現鈔買金，每次不可超過10萬，幸好陪埋親戚一齊去，因為佢唔係用戶。

再PS：買金時，旁邊有一對港人男女查詢買金事宜，但最後竟決定買紙黃金，可惜！

貨幣幻象

先多謝168師兄介紹這幅圖，彌補了年多前另一幅圖的不足！以上是樓價與金價的比例圖，97年，美聯香港樓價平均是6300左右，當年金價是平均是331美元，樓金比例大約20。這是近20年高位，此後一直就下跌，跌到今個月(十月)，香港平均樓價是4931，1安士黃金是1350美元，比例是3.652，比2009年11月30日的歷史低位3.636尚差少許，當時金價$1200下，最高見1180。

-

好了，這幅圖教懂我們甚麼？

-

1/樓價近幾年的升，只是以港元計價的升，實際上，自97年至今，若以黃金計價，香港樓價仍處於超級大熊市，至今已經13年。

-

2/金價升到$1350，購買力卻不及$1180時，金升，金甲蟲不一定受惠，資產跌卻可能更受惠。

-

3/樓價表面升，其實對黃金貶值，這正正是貨幣產生的價值幻象，等你以為你的資產價格正在上升，實際對硬貨幣(黃金)正在貶值。

-----------------------------------------------

-----------------------------------------------

這幾日仔細地想，走勢會否像其他技術分析一樣有見低的可能，見低即代表反彈，例如，比例見1，即是金價見頂！自已傻笑......黃金可以分割得很細，1安士可分10個0.1安士，或100個0.01安士，或1000個0.001安士，樓市的大熊市可能是無低深潭，價格一路升，但對黃金卻一路貶值！

當然，買樓收租的收益計算在內，還有租金再投資及其產生的經濟效益，比例可能會有變，而且樓是必需品，升升跌跌也要地方住，但想說的是，見到樓價升，不值得香港人過份欣喜，見到金價跌，大家也不要過份落漠，小心計算其購買力才是實際！

美銀擴大暫停全美法拍屋業務

http://hk.news.yahoo.com/article/101009/8/kmkp.html

看來越來越多野睇

成為真正的金甲蟲真不易

無意中看到一個blog，http://yoki.ws/

當中有幾篇講到黃金，作者分析得有文有路，同樣亦找對方向：買金。

不過，卻把60%投放在黃金ETF，唔知佢知否當中風險及利害？

所以說，能夠走上投資實金一途，真不容易。

懂得黃金的重要，還要在一大堆黃金產品中轉來轉去，幸運的，才能明白實金之於黃金市場的意義！

競爭性貶值.....續

金價連番創新高，相信同匯市的混亂有一定關係，日本政府因為日元不斷升值，將利率降到零，又再擴大量寬，但對日元升勢一d降溫作用都冇，對美元更創出新高，原因是美元更加弱，加上南韓及巴西更加緊將貨幣貶值以支持出口，人民幣升值又被中國政府強硬立場阻止，市場上各種貨幣都非常難升，剩下可以買的安全貨幣只得黃金了。

日本干預匯市唔係第一次，上一次有好多國家幫拖穩住日元，今次則冇人幫手，個個由得佢自生自滅，危難時各家自掃門前雪就係咁樣，其實我都替日本唔值，想當年，佢犧牲自已經濟將日元升值，換來歐美另一個繁榮期(當然其實係被硬屈)，到左而家又有邊個幫佢？

基兄之前有講，匯市資金因為股市不濟，及各國量寬下，幾年間多左成倍資金，如無記錯應該大約有4萬億美元，如果匯市波動，呢d資金無路可走，結果會點？金價既升幅係其中一個答案。

老美財長岩岩講，如果人民幣唔升值，就會增加世界各國通賬風險，原因就係人民幣一日唔升值，各國貨幣亦會一樣唔敢升，或走上貶值一途，結果係所有主要貨幣火燒連環船，你貶我又貶，以增加出口及在貿易上佔有利位置，結果就係通賬會慢慢走近。呢場戲係一場悲劇，唔知最後點收科？

又系十月。。。可能既“黑天鵝”。。。

http://www.zerohedge.com/article/90-day-mortgage-meltdown-foreclosure-moratorium-imminent-robosigning-scandal-goes-mainstream

美國Foreclosure大大煲。。。

美伊戰爭完場 退役兵恐生自殺潮

http://hk.news.yahoo.com/article/101004/18/kjk0.html

文中話七年多的戰爭,做成160萬退役軍人,以目前的經濟環境無野撈係好大可能,

對美國的經濟環境會雪上加霜,又推高失業率.