回聖誕快樂兄

怎樣救歐元? 定係根本無得救?
如King兄所言，掛黃金可能救到，但絕對難以實行，因為歐洲好多國家的黃金都儲存了在美國，早前德國有表示過想提回國(希臘危機前)，黑人總統立即訪德，隨後就不了了之了。如果沒有實貨黃金在手，就算掛勾，人家拿著歐羅來換金，又如何拿出黃金給人？到時歐羅會死得更快。就像1948年國民政府因為法幣失效，於是從新發行金圓券取代法幣，但人民立即瘋湧去脫換黃金，結果發現原來換不到，金圓卷只用了十個月就貶值2萬倍，最後亦同告失效。

如果歐元瓜柴,個過程應該會點?
呢個就難預少少了，如果將歐豬踢出歐羅區，歐羅可能有救，但咁樣亦要重新訂立歐羅的匯價，如果不踢出，咁較富有的國家就要繼續補貼財赤國。現時的計劃是先由各國政府集資救助，但其實好多國家亦有周身債，叫佢地集資，佢地又係再問市場借(發債)，若然冇人借，或者要高息才肯借，咁又點算？可能到時會集唔夠資，最終又係要富國，主要係德國出多d，但德國都唔係傻，長貧難顧，冇可能無止境補貼其他國家。

所以，最終可能由歐洲央行印錢去救，如此歐羅一定貶值，希臘人或者覺得問題唔大，因為有人救自已，借錢俾自已，就算手上貨幣貶值都冇咩所謂，鬼叫自已以前大花筒又不事生產咩？

但德國人就會好唔忿氣，點解我一直勤勤力力做野(德國人退休年齡長希臘人5年)，到頭來手上的錢卻要貶值？所以，佢地會開始拋售手上的歐羅，脫換做黃金及其他貨幣以保存自已購買力。當然希臘人同樣可以咁做，所以整件事對德國人好唔公平。(呢個或者可以解釋King兄那段德國金瘋的新聞，似乎有錢的德國人正為此事作好準備！)

如果歐羅要崩潰，首先會從央行印銀紙開始，之後歐洲人會拋售歐羅，貨幣不斷貶值一定會激起民憤，在民主製度下，一定會有政黨提出脫離歐羅區以爭取民心，如果呢類政黨能在大選中取到好成績，又會再加速歐羅貶值，此時若果有某國政府為保政權，宣佈退出，咁就是正式解體的開始。

一夜間發生,還是可以循序漸瓜呢?
呢個好難講，要視乎局勢發展，不過個人認為慢慢解體機會大一點，成員退下一個退下一個，除非有某主要大國突然退出，如德國，咁就一夜間係咁先了。

(以上純屬個人推測)