謝SP兄的提醒！黃金的「首飾用途」與「投資用途」看似是兩種不同範疇的東西，但其實細心想，會發現兩者可合二為一，投資用途可等同首飾用途，首飾用途亦可等同投資用途。 此話何解？這要從黃金的物理性談起，問一個很簡單的問題，一對龍鳳手鐲跟一條投資用的金條或金幣有甚麼分別？答案是沒有！除了形態上不同，熔了後，龍鳳手鐲可變成金條或金幣，同樣，金條及金幣亦可熔掉鑄造成龍鳳手鐲。
其他非金屬類首飾又如何？鑽石、玉器、水晶等首飾，可以如此還原嗎？不能！其次是每一件之間的品質都存在差異，亦即是物理性不夠均一，計算價值時非常困難，亦即是香港人說的「海鮮價」。所以投資性質的鑽石、玉器、水晶市場與首飾市場是截然分開的，兩者並不互通！我們普通在首飾店買到的鑽石、玉石，大多數一經購買，價值就會失去一半以上，若要放手，完全沒有一個全球公開的價格可以參考。
黃金就沒有這個問題！因為物理均一，可還原成最基本的原材料！世界上，除了歐美年輕人外，兩個最愛金飾民族──印度人、中國人，婚嫁時購買的金飾很少真的用來配戴，而是用於儲存。儲存甚麼？那就是儲存黃金的貨幣性！
其實最初人類配戴金飾，亦是由其貨幣性開始，上圖是奧地利Kunsthistorisches博物館儲存的羅馬金鏈，金鏈上鑲滿了羅馬時期的金幣，當時的羅馬人甚至用金幣做耳環，在一些金幣上的人物還會用金幣做頭飾。作用是甚麼？炫耀財富！
這種情況今天仍然存在，例如恆生銀行亦有售14k的財神金牌框，可以將金牌鑲在框上配戴，外國亦有類似的框賣，可鑲各種金幣，如果大家買一個金幣來戴，那應被視為投資還是首飾？同樣，亦有人買金飾作為投資，例如立法會議員梁美芬，雖有高昂手工費，但卻有更高觀賞價值。這些金飾可隨時按市價出售。
其實，紙幣亦一樣可作製飾，例如巴布亞新磯內工的騁金旗(上圖紅圈)，最早期土人嫁娶時，會將用作貨幣的貝殼掛在枝架上巡遊，後來紙幣取代貝殼，土人就將紙幣照樣貼在枝架上遊街，之後錢都不會用，多數掛在家中裝飾。這種情況下，紙幣又是否要分裝飾用途或投資用途？當然我們不會這樣分，但從這個例子，就可以知道黃金的首飾及投資用途是如何難分辨！
黃金呀！黃金呀！為何你是如此令人費解？連要做一個統計，計算首飾用途還是投資用途佔多數都那麼困難？一切皆因貨幣性而起！
83 則留言:
恆生銀行亦有售14k的財神金牌框，可以將金牌鑲在框上配戴
------------------------------------------------
好多年前曾經流行以1/10楓葉金幣配金框做吊嘴,不知Joe兄有沒有儲起一些?
雖然從字裡行間看出祖兄有點投石問路之意, 但看出祖兄實仍珠寶業的門外漢, 但眼見祖兄講到黃金本應天上有的意景, 不禁替鑽石和「翡
翠」感到不值
鑽石、玉器等首飾經切割後不能還原是缺點, 同時也正正就是優點, 物以罕為貴, 試問女士們會把她們手中的「靚」鑽石(5卡以上)和玉器(
晶瑩剔透的綠「翡翠」,垃圾玉石例外)平價賣出嗎?
再者, 擁有又珍貴又稀有的鑽石和「翡翠」是普通人嗎?
持有的收藏家大多是非富則貴的富豪/有權力的貴族, 試問英女皇會否用皇冠上的鑽石來換取黃金白銀嗎, 我相信她不會這樣傻吧
5卡鑽石要賣..一係賣番比店...一係上網賣...不過一定會DISCOUNT左...因為暫時有講鑽石的交易市場係HK好細...
KANNY
除非你話過幾十卡的鑽石例外
gold is money. diamond and other stones are not.
gold is the focal point of store of wealth.
simple as that.
非富則貴的富豪/有權力的貴族也難保證沒有沒落的一天,當需要用「靚」鑽石和晶瑩剔透的綠「翡翠」來換取黃金白銀,相信一定比直接用已儲備的黃金白銀方便.
金人
匿名提到...
5卡鑽石要賣..一係賣番比店...一係上網賣...不過一定會DISCOUNT左...因為暫時有講鑽石的交易市場係HK好細...
KANNY
2011年9月6日下午9:06
----------------------
我都無謂講咁多行內的資訊, 好簡單一個例子, 政府賣地不是一般市民可以有"資格"參與, 層次差距太大, 有時講得多都冇意思
匿名提到...
非富則貴的富豪/有權力的貴族也難保證沒有沒落的一天,當需要用「靚」鑽石和晶瑩剔透的綠「翡翠」來換取黃金白銀,相信一定比直接用已儲備的黃金白銀方便.
金人
2011年9月6日下午9:52
-----------------------------
我地很樂意見到英女皇變乞丐, 要變賣寶石成黃金白銀;
也很期待"你+X"、"你兆機"、"島王荷紅生"沒落的一天, 到時可以買到很多平古董和珍藏了 XDDD
也可以肯定那天是富貴權貴的世界末日, 全世界已陷入混沌狀態了
世界無所不有, 可能有一天在中環的金鋪裡見到一個金甲話:「你地鋪頭賣的都是不值錢的"石頭", 送都無人要」呢 :)
Joe 提到...
英女皇當然不會出賣稀世鑽石，不過亦未聞英國建立鑽石儲備，當年鴉片戰爭、英法聯軍打勝仗，亦未聞要中國以翡翠作賠償，除了割地，其次就是賠償白銀、黃金。
2011年9月6日下午10:21
----------------------
那麼大英博物館內的都不是寶物 , 笑死XDDDD
英法的所藏的所有寶物都沒有價值, 無條件送給JOE兄吧XDD
大家的交流令我想起今日在交銀有張poster寫著金鑽級人民幣服務...好似有D緣機wor ?_?
英女皇當然不會出賣稀世鑽石，不過亦未聞英國建立鑽石儲備，當年鴉片戰爭、英法聯軍打勝仗，亦未聞要中國以翡翠作賠償，除了割地，其次就是賠償白銀、黃金。
英國為了一個南非金礦，發動了一場空前巨大的波耳戰爭，卻未聞為了鑽石、翡翠而發動過任何戰爭。波爾戰爭，大英帝國動用了45萬大軍，歷時四年，成為大英帝國國力轉淚點，賠上整個國家只是為了一個金礦，鑽石與黃金之間，英國人在歷史上已作出了決擇。波爾戰爭後，英國統治了南非，於南非發現了最大的鑽石，後來這顆鑽石送到了英國皇室，但戰爭不是為了鑽石而起。
波耳戰爭：http://zh.wikipedia.org/wiki/%E7%AC%AC%E4%BA%8C%E6%AC%A1%E5%B8%83%E5%B0%94%E6%88%98%E4%BA%89
英法的所藏的所有寶物都沒有價值
-------------------------
黃金有價值，不代表寶物沒價值！要分清楚！只是兩者的價值不同，一種是文化價值，一種是金融價值，怎比較？
文化價值可以是無價寶，而金融價值則是控制世界資源的基石，沒有當年以金本位雄霸世界，博物館內的一大堆寶物又從何而來？
joe兄,
我終於明白點解SP兄唔係度留言，而留言係168。你和Fate兄這幾篇這麼顯淺易明的優秀文章，把黃金的優越性和重要性簡短地清楚表達。
但...唉，和金銀有緣的人畢竟是極少數。就讓他們在黃金usd10000時再賣給他們算了吧！
這場為了黃金而戰的戰爭，歷史上的評價大致與維基百科所說雷同，總結：
「經濟方面，隨著世界上最大的蘭德金礦被英國把持，英國得以控制全球經濟命脈。來自南非的黃金使得倫敦迅速成為全球金融業和黃金交易的中心。
但是，第二次英布戰爭也標誌著英國的海外擴張史的終結。英國政治家發覺由於近代化戰爭代價高昂，同時保衛大英帝國海外領地和英國本土的做法，在經濟上和戰略上都是不可行的。因此英國不應當再保持孤立政策。波耳戰爭結束之後，英國便開始了全球範圍內的戰略收縮，將部分海外勢力範圍轉託給加、澳、新等白人自治領，英國本身的戰略重點則轉回歐洲。」
如果沒有黃金，今天大英博物館內的展品可能要少三分二，英女皇頭上當然亦不會有礦世巨鑽。
唔知各位有無試過..把以下兩件東西
一粒鑽石購入價是10萬,(質數約為2V,G color就當1卡圓石)...
數兩黃金亦是同等價值10萬,
一同拿去當鋪,你話邊樣野可以當得多些法幣?
好多年前曾經流行以1/10楓葉金幣配金框做吊嘴,不知Joe兄有沒有儲起一些?
------------------------------------
我有幾個1/4安士，但不會帶上身，因為身上已有條二兩重金鏈！
上面有個匿名, 好鐘意"XDD", 我就叫佢做"XDD".
大家反駁XDD都好有道理, 但都唔中重點. 假設1oz金可以換到100呎樓, 一間750呎的樓就要7.5oz金. 如果我手上有一條8oz金條, 我剪7.5oz出來就可以成交.
又假設1卡極品鑽石可以換到100呎樓, 我手上有8粒1卡極品鑽石, 我可以點買間750呎的樓? 如果切開一粒1卡鑽石做兩粒0.5卡, 已經破壞左粒鑽石的價值, 哩個0.5卡碎鑽唔能夠買50呎樓. 如果俾8粒, 咁對方應該找贖幾多卡鑽石? 點決定? 就算決定到, 如果對方冇哩個規格的鑽石, 都係做唔成交易.
又假設你有一粒8卡鑽石, 按上述條件你可以買幾多呎樓? 唔知道. 又假設你有8粒1卡低質素鑽石, 你可以買幾多呎樓? 唔知道. 英女皇粒105卡鑽石可以買幾多呎樓? 唔知道, 不過我肯定, 105oz金可以買到10500呎樓, 那怕哩105oz係楓葉金幣, 金條, 定係龍鳳鈪.
我都知翡翠可以好值錢, 但小心地震同細路仔, 因為一跌碎左就一文不值. 鑽石係最硬的礦物, 不過要小心防火, 因為鑽石同超市賣的黑炭一樣, 幾百度就會燒著, 化成二氧化碳, 即係XDD噴出的廢氣. 黃金呢? 你心情唔好想發洩, 可以放心用菜刀斬, 用火燒, 貨幣價值絲毫無損. 要黃金化為氣體, 需要超過2800度, 而石油氣爆炸都只有2100度.
我諗哩度唔會有人傻到話鑽石冇價值, XDD之流只係斷章取義. 世上有好多野係無價實, 法老的金面具, 英女皇的105卡鑽石, 幾多金銀財寶都換唔到. 但有價值唔代表可以成為貨幣, 因為除左要"有價值", 貨幣仲需有好多條件; 正如阿媽一定係女人, 但女人唔一定係阿媽.
說得太好了 JL 我局外人都要給你1個讚!
但何必說太多呢?教"精"人唔會說多謝KA
等到"SHIT"價飛天先講啦!
佢地無爬文唔知當中理由
JL兄:
我喜歡呢句"阿媽一定係女人, 但女人唔一定係阿媽."
希臘就快唔店！
1年債息已升到88%！
整個世界超過80％的鑽石由Debee公司控制價格，他們每年定量拋出鑽石售賣(由各分銷投標扣買）
鑽石其實應該很便宜！
跟本地球的地下有更多的鑽石,礦存巨大.
Debee在市場上不控制定量，如何獲利?
鑽石極其量是「車次品」！
但這「車次品」完全不真實!
好多年前曾經流行以1/10楓葉金幣配金框做吊嘴,不知Joe兄有沒有儲起一些?
上嗰月同frd講起,佢係Africa 20歲成年家人送左1oz kruggerrand neckless 比佢
金飾>金幣>金條 係貴啲同有藝術價值(唔係嗰嗰認同)
投資黃金選擇金條...投資黃金+藝術選擇金幣...投資黃金<藝術選擇金飾
歷史價值又別一回事
JL 提到...
上面有個匿名, 好鐘意"XDD", 我就叫佢做"XDD".
大家反駁XDD都好有道理, 但都唔中重點. 假設1oz金可以換到100呎樓, 一間750呎的樓就要7.5oz金. 如果我手上有一條8oz金條, 我剪7.5oz出來就可以成交.
又假設1卡極品鑽石可以換到100呎樓, 我手上有8粒1卡極品鑽石, 我可以點買間750呎的樓? 如果切開一粒1卡鑽石做兩粒0.5卡, 已經破壞左粒鑽石的價值, 哩個0.5卡碎鑽唔能夠買50呎樓. 如果俾8粒, 咁對方應該找贖幾多卡鑽石? 點決定? 就算決定到, 如果對方冇哩個規格的鑽石, 都係做唔成交易.
又假設你有一粒8卡鑽石, 按上述條件你可以買幾多呎樓? 唔知道. 又假設你有8粒1卡低質素鑽石, 你可以買幾多呎樓? 唔知道. 英女皇粒105卡鑽石可以買幾多呎樓? 唔知道, 不過我肯定, 105oz金可以買到10500呎樓, 那怕哩105oz係楓葉金幣, 金條, 定係龍鳳鈪.
2011年9月6日下午11:39
----------------------
窮人和富人的思維不同, 為什麼新X界 主直 "彤叔" 不將他手上的巨鑽換成黃金或fiat呢, 巨鑽的持有者通常不愁沒錢, 難道他會為買樓發愁嗎? 他買地會用鑽石買嗎, 我想你肯佢都唔肯la
還有的是:頂級的鑽石是那麼容易拿出來任人"愚欲"切割這麼愚昧嗎? 除非周XX財困, 或"同叔"破產, 否則要他將手上數十卡的鑽石切割並非易事, 物以罕為貴ma
JL 提到...
我都知翡翠可以好值錢, 但小心地震同細路仔, 因為一跌碎左就一文不值. 鑽石係最硬的礦物, 不過要小心防火, 因為鑽石同超市賣的黑炭一樣, 幾百度就會燒著, 化成二氧化碳, 即係XDD噴出的廢氣. 黃金呢? 你心情唔好想發洩, 可以放心用菜刀斬, 用火燒, 貨幣價值絲毫無損. 要黃金化為氣體, 需要超過2800度, 而石油氣爆炸都只有2100度.
我諗哩度唔會有人傻到話鑽石冇價值, XDD之流只係斷章取義. 世上有好多野係無價實, 法老的金面具, 英女皇的105卡鑽石, 幾多金銀財寶都換唔到. 但有價值唔代表可以成為貨幣, 因為除左要"有價值", 貨幣仲需有好多條件; 正如阿媽一定係女人, 但女人唔一定係阿媽.
2011年9月6日下午11:39
--------------------
我未見過細路仔戴過億元的翡翠出街, 世界上最值錢的東西都是最沒有用的東西
如果連currency同money都未識分，不如返下學先喇！
當世界央行都在accumulate黃金，有錢果班不會大聲高呼“嗱，我買金啦！”，他們都不會像小市民般在追逐昨日新聞、投資已過時工具，而是一早已作好避險，食頭水等，當所有人都在爭上這條船時，他們才會開始大聲高叫“入啦”，譲自己跳船。不過今天，1000人入面，可能一萬人都冇人會或敢買入世上唯一真正“money" - 黃金白銀。
可以控制物件價值(金銀、股、鈔票價值)的"東西"不需要多, 一件就夠, 得此"東西"者, 得天下
可以控制物件價值(金銀、股、鈔票價值)的"東西"不需要多, 一件就夠, 得此"東西"者, 得天下
----------------------------
等我估下先──政府？
或者印鈔機？
不過印鈔機都要被人製造出來，及有電力，才能印鈔，未印出鈔票前，又憑甚麼叫人幫手製造印鈔機？
可能是強權！但要發展出製造出印鈔機的技術，社會要有細密的分工，在原始森林，部落首領就算用強權，亦迫不到族人製造出印鈔機，迫死他們亦沒有用。因為印鈔機不可能由一個造出來，有人負責做螺絲，有人負責做電版.....而電版所需要的原材料亦要有人提煉等等。
簡單講，社會已有基本的商品交換及財富累積，那未有印鈔機前，商品交換及財富的累積又是以何種形式進行？
百幾年前，馬克思講資本主義的興起，已解釋得很詳細！
祖兄咁快就將所學的知識還給"馬"兄, 我對你好失望, 心中只有金銀, 早晚被金銀沖昏頭腦
XDD
算小弟愚昧，或者學習能力不足！那請多多指教！不能一句給金銀沖昏頭腦就作了結！
大家在此都是想理性討論，不存在甚麼沖不沖昏頭腦，我的說法存在錯誤，可以指正！正如我不能指你「心中沒有金銀，早晚會給這種概念沖昏頭腦。」
匿名提到...
窮人和富人的思維不同, 為什麼新X界 主直 "彤叔" 不將他手上的巨鑽換成黃金或fiat呢, 巨鑽的持有者通常不愁沒錢, 難道他會為買樓發愁嗎? 他買地會用鑽石買嗎, 我想你肯佢都唔肯la
還有的是:頂級的鑽石是那麼容易拿出來任人"愚欲"切割這麼愚昧嗎? 除非周XX財困, 或"同叔"破產, 否則要他將手上數十卡的鑽石切割並非易事, 物以罕為貴ma
------------------------------
如果你只係想證明鑽石玉石有價值, 根本唔需要咁做, 係人都知鑽石玉石有價值.
世上好多野有價值, 鑽石, 玉石, 黃金, 白米, 綿花, 甚至廢紙, 但佢地代表不同價值: 鑽石玉石黃金有觀賞同文化價值, 另外黃金有貨幣價值, 白米有食用價值, 綿花有紡織工業價值, 等等. 有觀賞價值的東西令我地開心, 有食用價值的東西令我地飽肚, 有紡織工業價值的東西令我地唔怕凍, 而有貨幣價值的東西, 作用就係方便我地將有不同價值的東西作交換的媒界.
我話鑽石玉石冇貨幣價值, 就有如我話鑽石玉石冇食用價值, 只係講出事實, 而唔係否定佢地的觀賞價值. 彤叔幾有錢都好, 佢都唔可以生產一切生活所需, 都要食飯, 鑽石唔食得所以要買白米, 買白米就需要有貨幣價值的東西, 例如鈔票 (題外話: 鈔票的貨幣價值, 是基於政府的信用). 至於鑽石點解冇貨幣價值, 我已經解釋得好清楚: 鑽石的價值, 係隨品質同重量指數式上升. 哩樣或者係優點, 但就令鑽石不能成為貨幣. 貨幣的必要條件之一, 係價值要隨數量線性上升, 鈔票同黃金都有此特性 (這條件只是必要但不充份, 例如白米也不能成為貨幣)
彤叔唔會隨便分割佢D鑽石, 只係因為佢有好多貨幣(鈔票)俾佢作交易. 假如彤叔將佢所有鈔票換成鑽石, 佢時時刻刻都會面對交易困難的情況, 因為鑽石冇貨幣價值.
匿名提到...
我未見過細路仔戴過億元的翡翠出街, 世界上最值錢的東西都是最沒有用的東西
----------------------------------------
係咪細路仔唔重要, 大人都會唔小心跌倒, 翡翠只要刮花少少, 就已經見財化水.
另外有好多人被廣告所欺騙, 以為"鑽石恆久遠, 一顆永流傳". 鑽石的確非常堅硬, 但其實同黑炭一樣, 用普通煤氣爐都可以燒成輕煙, 化為污有. 如果此匿名君係從事鑽石買賣的, 好抱歉我要在此踢爆哩個世紀謊言.
係咪講緊黃金比較合適做貨幣因為財富易於保存.
定係講緊有咩野值錢呢?定係講緊鑽石翡翠合適做
貨幣?
英女王粒石幾錢買架.e+賣幾錢?佢做咩賣呀.等錢使咩?
咦...同我既諗法甘似既..
我本來想買多幾粒半兩重既利昌金，在金粒與金粒之間，加插著球狀體既古銀粒，形成手串的飾物~~
哈哈~~
串既原因係炫耀財富~~
現在骨灰也可以製成鑽石(carbon),給你戴在身上,永遠懷念你的親人.
英女王粒石幾錢買架.
答:英國靠什麼起家的? 搶! 兵和賊只是一線之差
e+賣幾錢?
答:無價寶
佢做咩賣呀.等錢使咩?
答:好多富豪想買都買唔到, 世上金銀多的是, 皇冠絕非人人可以擁有, 所以英女皇的皇冠應是富豪級之上的階層擁有的, 一人之下, 萬人之上, 是你有幾多噸黃金都買唔到的寶物, 而擁有皇冠的人會等錢使嗎?
可見祖兄和JL只是在珠寶的領域只是一名門外漢, 相信祖兄和JL只懂中國的和田玉等"低價玉石"而已, 這是很正常的, 因為你們生活最常接觸的都是中國的玉和很多假貨, 大金鋪賣的雖然是真貨, 但只有中環一帶的分店有收藏價值, 一隻鶕春蛋般大的緬甸翡翠已動輒數百萬, 唔好信我講, 有興趣可以自己走去望下, 我講咁多野只係為啖氣, 眼見版主對珠寶的相關知識貧乏 而又經貶低珠寶的價值而深感不滿...
Gordon
http://news.silverseek.com/SilverSeek/1315318111.php
Very bullish silver!! Also some details on the operation of COT report for your interest.
Congratulation to our greediness.
匿名提到...
可見祖兄和JL只是在珠寶的領域只是一名門外漢, 相信祖兄和JL只懂中國的和田玉等"低價玉石"而已, 這是很正常的, 因為你們生活最常接觸的都是中國的玉和很多假貨, 大金鋪賣的雖然是真貨, 但只有中環一帶的分店有收藏價值, 一隻鶕春蛋般大的緬甸翡翠已動輒數百萬, 唔好信我講, 有興趣可以自己走去望下, 我講咁多野只係為啖氣, 眼見版主對珠寶的相關知識貧乏 而又經貶低珠寶的價值而深感不滿...
--------------------------
我同你講咁多野都係為啖氣, 不過我講咁多個point你一個都唔敢回應, 明眼人就知你心虛:
1. 英女皇可以唔分割佢D鑽石, 只係因為佢有好多貨幣 (鈔票, 黃金) 以交換生活所需.
2. "一隻鶕春蛋般大的緬甸翡翠", 跌碎左就連一隻鶕春蛋都不如
3. 如果白金漢宮大火, 英女皇個鉑金皇冠仍會完好, 但粒鑽石就會不翼而飛
4. 黃金, 鑽石, 白米都有價值, 但價值的性質不同. 鑽石唔可以當貨幣用, 正如黃金唔可以當飯食. 根本唔係乜野"貶低珠寶的價值"
真人真事: 去年上海膠州路住宅大廈大火, 有居民的鑽戒只留下金托, 鑽石不翼而飛. 莫非有人趁火打劫? 非也, 豈有笨賊會花功夫拆下鑽石, 不要金托? 究竟什麼才可以"永留存"? 不要再被這個20世紀最大謊言所騙!
http://www.guokr.com/ask/item/19455/
to XDDD,
DeBeers owns and control over 90% of the diamond, each year they only let out a tiny portion of the dimond, so as to keep the price artificially high. if they let out their huge stockpile, the price will drop much much lower. they are a monopoly they know what to do to keep price artificially high.
diamond is made of carbon, around a decades ago, scientists have already worked out the technology to make diamond themeselves, and note these are REAL diamond like those in the natural, just made in laboratory. and the cost is only a fraction of the natural diamond.
it is not fair to use the Crown Jewel as an example to argue, because the crown jewel is unique, it has historical value which i suspect is worth more than the diamond itself.
it is the same as those antique gold water jar in the Forbidden City museum that is now worth not just the gold price but also the historical value.
it is true that it is possible to buy valuable, such as painting or jewelry and have more return than buying gold. but the problem is, you have to be expert in the field to tell what gems are worthwhile, and most of all, you have to wait for a willing buyer to buy at the price more than you paid. it is worth something, but it is hardly currency.
please get these straight first.
matisse
good job Matisse!
JL 提到...
我同你講咁多野都係為啖氣, 不過我講咁多個point你一個都唔敢回應, 明眼人就知你心虛:
1. 英女皇可以唔分割佢D鑽石, 只係因為佢有好多貨幣 (鈔票, 黃金) 以交換生活所需.
2. "一隻鶕春蛋般大的緬甸翡翠", 跌碎左就連一隻鶕春蛋都不如
3. 如果白金漢宮大火, 英女皇個鉑金皇冠仍會完好, 但粒鑽石就會不翼而飛
4. 黃金, 鑽石, 白米都有價值, 但價值的性質不同. 鑽石唔可以當貨幣用, 正如黃金唔可以當飯食. 根本唔係乜野"貶低珠寶的價值"
2011年9月7日下午1:54
-------------------
好, 唔講鑽石講錢幣, 廢事你地以為我在這裡sell野,
有冇人咁愚蠢將紀念鈔拆散黎賣/用? e.g.渣打4連體/35連體鈔票, 又或者有冇人賣一板中國 金猴郵票 拆散黎賣咁蠢呢? 你唔知去邊度賣錢幣郵票會賣得高D(好X角中心)唔代表人地唔知, 正如你唔知富豪會去邊度買賣珠寶的交易場所一樣道理
我其實唔係想同你討論珠寶能否做貨幣的問題, 而係想糾正你和祖兄不小心使用比喻法和 比較 的問題, 用玉器和黃金作比較是不正當的比較, 正如你用糧食和黃金作比較一樣
仲有第2點. "一隻鶕春蛋般大的緬甸翡翠", 跌碎左就連一隻鶕春蛋都不如
回應: 不如你話在 名畫 上畫一筆, 又或者將佢剪碎la
Matisse: the main point is gold bugs do not respect in jewellery e.g.jade because of their limited experience and use a wrong comparison to compare jade with gold in the terms of "money-gold". I know gold is king and it's a type currency and real money "but" I'm not discussing using jade to be money instead of gold.
I see we have a large gap of misunderstanding each other in our discussion
XDD
我認為可以作比較！只要解釋得清楚就可以！你覺得難比較，因為困在「價值」二字，而價值在你來說又等同值多少錢！
當然小弟亦寫得不清楚！
但如果我說清楚一點，我認為黃金的「金融價值」遠勝鑽石及玉石，那就清晰很多了！要了解「金融價值」，就要先了解金融二字的意思。
相信這點是無傭置疑的了！
小弟以黃金、鑽石、玉石作比較，並非要說明在其他領域的價值，而是指金融領域，要解釋清楚何解三者都出現了超過數千年，但黃金在金融領域有強大的影響力，而鑽石、玉石，再稀有、再美麗，都不會對現代的金融市場構成影響力。
黃金的格價、租賃黃金的利率、某些國家存金的息率，甚至聯儲局的黃金儲備在負責表上的計算方法.....都影響著全球金融市場的走勢！
本身來說，「金融」二字就已肯定了黃金在財務領域的地位！
小弟並非要比較三者誰較值錢？
任何事物都可以比較
比較都係用 各人的主觀睇法 & 客觀事實 來分析
大家都知李+x搵錢好叻啦
姚明搵錢好多啦
單純計邊個搵錢多 咪同 你話多多金都唔及皇冠上鑽石值錢一樣囉
係某個角度睇一定係客觀事實
但如果話姚明靠籃球搵的錢多過李+x係"do not respect 李+x"咁睇黎好難講得通喎
問題係呢道討論皇冠上鑽石幾值錢同討論姚明打波都係無太大意義囉
何必咁勞氣呢?
各位金甲兄弟: 和氣生財, 家和萬事興, 應該有big money sold gold, 和中國金交所加按金有關...short term USD1925 is bubble price :)
唔怪得金價呢2日跌左USD100: from USD1925 drop to USD1825
魯賓尼指金融危機漸成形寧持現金
http://hk.biz.yahoo.com/110907/371/4a2iv.html
【克鲁格曼：黄金飙涨的真正原因】克鲁格曼在博客中写道，黄金上涨的真正原因是其他投资的预期回报率下降，而不是所谓的“通胀预期”。事实上，黄金飙升非但不是严重通胀即将来临的先兆，反而是持续低迷的经济深陷流动性陷阱、面临日本式通缩威胁(而非魏玛式通胀)的结果。
~我再重伸~有些人要借用世界末日concept來迫你地做炮灰~當出事時即係石頭回歸石頭價錢時~個blog主就會唔再回覆~同粉妮公主爽人嘆世界~自行消失~!日後記得企定定比我叫你一聲炮灰!
我覺得party未玩完, 因瑞郎開始 "Q" "E" 貨幣供應量又要大增了, 對股市不是好事呀
~人人常歡笑~~不要眼淚掉~
~真係好鬼死嬲呀點解都係企硬20000點~只係代阿J兄同班世界末日撚講既!
嬲到阿媽都唔認得都係企硬其實係C9仔都識得答既好簡單問題~有暴亂嗎?~樓價有調整嗎?~股市萬一點嗎?~
業主,打工仔,老闆,炒股C9,投資者都未驚過~何必恐慌?只有世界末日撚唯恐天下不亂!~似乎有班人想用恐慌迫到你賭身家!
~做炮灰?
同你一樣咁開心，企硬20000點！全年冇郁過不特止，仲倒跌！好彩舊年10月25日放鬼晒，唔係真係悶到噁茄！咁既市，對長線投資者極不利！(不計短炒)
所以我重申：長期投資，如打算渣一年，以一年回報為目標，股市唔係出路，就正如我在舊壇留下最後一言所講。
見住係20000點彈上彈落，其實幾好睇！希望快點重上小弟舊年10月25日個清倉價，等小弟唔開心一下，因為今年望住d金升足49%，開心的時間比較多！哈哈！
當然，如果懷念昔日去海洋公園跳彈床人士，不妨買下股，重溫昔日情懷！當然，似乎有人有心要人地同佢一齊跳！
以上純粹戲語，不要見怪，個市唔就我都冇辨法！
指數兄就當你0岩都好
就我個人而言自己選擇的投資方式自然要自己負責啦
就算金銀真係泡沫
你喜歡咪係道理性討論囉
唔喜歡咪去搵0岩傾的人討論囉
咁做何苦呢?只會令更多人覺得唔想同你一樣咁諗野
因為你而家的表達方法只會令更多人覺得你同比警察射癲佬一樣......
其實如果相信明天會更好，最佳投資機會在歐債，借一年錢俾希臘政府有88厘，過去年一有邊隻股有這樣的回報？有，都要識搵出來，而希債機會就在眼前。講唔怕危機容易，要用行動表示，通常都冇膽做！正所謂口不對心！
fubjj兄，算啦！通常升上二萬點，佢就會出現，跌穿二萬點又會消失！前後都試過幾次！好似6月30日我做半年回顧，當時個點數仲低過我清倉價，佢就講：
~你既決定會非常錯~
~留意漢奸既動向 "對著幹"~
----------------------------------
過左三個月，暫時來講，其實進一步證明我決定非常對！所以我非常開心！
致於如果照佢講「對著幹」，而家已成炮灰！
GN兄，好耐冇見！別來無恙？
GN兄,
Cheers！為貪心飲杯！話時話，真係要買定支18年麥卡倫準備爆倉之日，賀賀佢。joe兄話事頭，保持高生活質數嘛，哈哈。
最近見到張庭賓有篇文章寫得幾好，我覺得可以解釋到金價點解今日大跌。
可能係佢老美見希臘有事，向歐盟落井下石有關，我兄請笑納。
http://blog.sina.com.cn/s/blog_59b377290100tctj.html
金甲蟲兄,
我是新手, 想請教一下, 我有一個2011年熊貓1盎司金幣, 但表面有三條小花痕, 不知中國銀行會否以當日的買入價購回, 還是會不收/壓價, 謝謝幫忙!!!
Gordon, GN,
真係爆倉就我都開番枝 royal salute, 到時一齊乾左佢.
:-)
我是新手, 想請教一下, 我有一個2011年熊貓1盎司金幣, 但表面有三條小花痕, 不知中國銀行會否以當日的買入價購回, 還是會不收/壓價, 謝謝幫忙!!!
-------------------------------
現在去放，多數會壓價！不過，若儲存五六年，到時都不知甚麼世界，很難擔心得咁多！必要時，去多幾間問價，可能比中銀更高！
睇好個市撚, 快d買希臘政府債, 有88厘好過廢鐵好多啦!
股市企硬二萬點真係好叻叻, 我d金就慘，舊年咁貴仲走去接貨，而家好驚佢突然Bungie Jump～
我開始感覺到指數兄的苦心, 因為看指數兄的訊息是不能從字面去睇, 而係用個心去感受他對我們的好意...做丑人唱衰金價真係好大"希生", 日日都被其他不明白他意思的金甲罵, 但其實佢都係自己人, 想盡辦法買平宜金, 指數兄, 衷心感激你, cheap gold O既將來就靠晒你啦, 真係唸到都興奮 :)
到時我會在底位努力買返一百幾十個金幣黎報答你的大恩大德, 未知可否如願幫我唱衰金價去到USD1300呢? Thanks a million :)
多謝, 你的意見!!!
那麼, 隨了中銀以外, 那裡收購的價會高d????
淨係睇見恆指係二萬點就瓜瓜嘈, 就知呢條友廢啦!
恆指二萬但D股就跌到瞓係到....你不如公開吓你投資有幾叻先啦!
我覺得呢D人多數繼續係到嘈至到黄金牛未時, 自已心態改變走接最後一棒!
我同你講我今年至八月二日離場...賺兩成, 最多見過四成。早前才入金市。入得唔係平, 但如Joe兄講我打算睇長D。
手上D金由之前佔不到1%到現在5%...仲有大把子彈加注。
租兄， 哥頓，各位网友好，剛完成了澳紐長旅行回港。
走前千九元外賣了些鴻運唱澳紐元，作日買回賣出的數量，旅行的費用有差不多補回了。這些都不算驚喜。
最驚喜是在紐西蘭吃到了比在香港任何地方吃到的都好上許多的泰國絲苗， 好到笛了二十公斤後寄飛機倉回港。那賣唐人什貨的老華人說是用泰國入口最新年份的頂級絲苗。
好玩好食好住， 好到唔想返來。
Goldensun: 我都係和你差唔多, 投資表現 今年至八月三十日離場...賺三成七, 所以有大把子彈加注 :)
執筆時已由1800上升至1838, 可惜
GN: welcome back :)
GN兄,
咁你咪放左成200個金幣？
激呀！訂二十公斤米寄飛機倉回港。反樸歸真了。
Gordon,
I did not spend that much money for my trip, and please tell me where in HK can buy 200 ANA in one day. I will rush there to stock in.
I lived in relatives home and it did not costs me much. Anyhow, my trip is not completely free. It took me few days to buy back from Heng Sang Bank and Kitco. Heng Sang seems has not much stocks in Central.
20 Kg rice did not need to order, was bought direct from the Asian Shop in Auckland. I have spare luggage weight anyway. But I have only now 5kG left as I advertised too much to my relatives.
GN兄,
請原諒小弟的職業病，大膽估算你的使費。
say total spend of your trip is HKD100,000 for over 3 weeks in 澳紐.
Y=nos. of gold coin
HKD100000=(USD1900-1830) x Y
Y=~200 nos. gold coin
If the above calculation is not correct, that's mean you just used total spend in the trip >~HKD30000??
GN兄,條數有幾多分呢？
唔使計得咁複雜. 假設一個coin賺1910-1820=USD90=HKD700, 10個coin就賺7000, 20個就賺14000, 如此類推. 如果要"旅行的費用有差不多補回了", 起碼要20個吧? 但一次過買賣20個聽落都有D誇張.
哥頓兄，
條數當然是滿分了。
差異是:
- 機票是免費的，飛行哩數換
- 去了三週是對了， 太短了，下次要再耐的
- 多數住霸王屋， 食霸王野
- 租車，滑雪，去冰川，請親友吃飯，唔住霸王屋時一定租最好的，住最好的，吃最好的
- 最唔低是機票燃油附加費，六千多一位， 現在自己俾時才留意到咁貴
- 沒你估計那麼好的金價出入位
拉均一日使等值大約一千港幣上下，很很很豐盛的了， 也很敗家地盡情使， 也才用了兩萬多。唱返港幣時加匯水賺了點滴，自己補返多少，不錯了。
更正: 是三千多一位。
JL，
愚現金極貧乏，要＄時只有變賣家檔。
早年一次過買賣十來廿個鴻運並不太少有，眼下是賣廿個一樣容易，買回就愈加困難了。一來金價升得快過不材微薄收入很多， 二來恒生貨不多。Kitco倒是有貨的。
GN兄,實在太謙了. 你出埠的時候,指數兄還以為你躲避他呢.
張貼留言