回aquarius兄

aquarius問了一連串問題，小弟一時睇漏，特勾出來回答，Jay兄已答了少許，小弟再跟口水尾補充。(紅字部份)

1. 為什麼索羅斯認為"通縮壓力"，有利金價升?
>>> 索佬就係睇死伯佬唔會比通縮出現，所以一見到通縮嘅苗頭，一定會開印鈔機，咁你話金價點會唔升？
現在全球大多數資產都是靠借錢來買的，有錢如香港首富亦如是，如果通縮，即係資產價格愈來愈跌，最後價格比借來買的錢還要少，如借400萬買一層600萬，樓跌到300萬，即係就算你賣樓還錢給銀行，都還要另加100萬，才沒有欠銀行錢。通縮時，價格不斷跌，變成資不抵債，一資不抵債，銀行就會迫還錢，好多人唯有變賣資產還債，令資產進一步下跌，如是者又進一步令價格下跌，價格下跌，欠債進一步上升，於是追債壓力又上升，更多人抵受不住，唯有變賣資產，變成惡性循環。

好了，就你所知，多唔多人借錢買金？當然好少。即是黃金不會產生資不抵債問題，不會產生惡性價格下跌。黃金價不跌，其他東西跌，即是黃金購買力變相上升。1930年代美國及1997-2003香港都是好例子。

2. 黃金最怕通縮，通縮一來到，黃金會跌?
>>> 理論上係，但通縮會出現係美國嗎？記住，美國係全球最多黃金嘅國家！

因為很少人借錢買金(實金)，所以黃金並不怕通縮，有很多數據可以支持！

3. 黃金仍被視為「避風港」，但黃金係「貨幣資產」，通縮時，CPI等數據一路下滑，物價跌，貨幣購買力上升，貨幣，資產二元性地升貶，唔駛持有太多資產.?
>>> 回望「沙士」時，cash is king！

當你見價格不斷跌，你敢不敢買資產。不借錢買的還可以，如果是借錢買，豈不是陷上問題一的陷阱。通縮時借錢入市，等同自願加入被追債行列。

4. 美國為刺破全球泡沫做準備，為了將資本打回美國?
>>> 我認為基本上每一個泡沫嘅爆破都有美國嘅影子係當中。就拿今次商品小災，高盛係第一個發聲嘅人。若商品向下、兼歐洲有危機、亞洲緊縮，資金自不然要回美國。

美國的行動仍有很多可能性，很難說！

5. QE推高石油、糧食價格，推高通脹，各國加息最終刺破泡沫，熱錢撤離，基礎貨幣減少，貨幣被動緊縮，資產泡沫加速下跌，資金（包括熱錢、外商投資、本國資金）加速外逃，最終美元升值，黃金下跌?
>>> 同4，但美元嘅短暫升值只係資金為安全而泊岸，若世界經濟繼續向上，資金總有流出的一天。而美元運行的大下降通道，到時到候都會有反彈嘅行情，有陣時係要配合發債、有時係為左維持美元嘅地位！

加息並不一定能刺破泡沬，有時反會加速泡沫，1970-1980，息一路加，通賬一路升，現在越南、印度、巴西、中國等，都已大幅加息，巴西已加到12%以上，通賬卻更勁。原因太長，將來請留意本blog講解。

6. 這個美元彈回，金銀大跌，愈跌愈見鬼，資金走向仍是美元為重?
>>> 你指係金同銀都係paper，但要認清嘅係，呢度好多師兄都係渣實貨；佢地買實貨嘅原因係有一個信念 --- 紙貨幣系統會crash。所以，由paper市場引致嘅現貨下跌只會令佢地更興奮。

美元彈回，只是近幾星期的事，只是短期反彈，相對3年前，或者1980年代，大勢趨跌，愈跌愈見鬼是美元！

小弟信資產泡沫刺破，熱錢外逃，資金走向美元，更多的回流熱錢買回美債，縮小欠債，實現財富易手，通縮出現，美債危機消失，資金更多的流向美元，黃金仍不貶值??
>>> 我相信你是認為美元會繼強，咁樣我點樣解釋都係口同鼻x。我勸你可以望下宋鴻兵的書，唔係叫你信哂，係睇嘅同時，可以對照下現家美國政府同wall street班艾賓嘅行動係點。我相信，聽其言不如觀其行。我之前都唔係太信入邊內容，但美國嘅動作令我越來越明佢賴債嘅願望！

全球大多數資產是靠借貸而來，即係借錢買，包括美國房地產、及整個美國資產產市場，根據數據，美國人平均每人欠債40萬港幣，資產泡沫刺破，資產價格下跌，即是問題一所說的惡性循環亦會出現在美國，美國更多人破產，美國人沒錢還銀行，美國更多銀行及借貸公司破產，銀行及借貸公司沒錢借給美國企業，更多美國企業破產.......

其實要美債有人買，不一定令泡沫爆破，聯儲局而家已在做，自已印美元買自已的國債。資產價格下跌，美國人沒錢還銀行，就印錢給銀行，還有一步未做是印錢給美國人及美國企業。

由於聯儲局的主要服務對象是美國各大投資機構及銀行，加上全球資產一環扣一環，刺破泡沬很可能影響到負債累累的美國人及美國企業，為了不想他們破產，再而影響到銀行及投資基構，亦有可能不刺跛泡沬。

就算刺破，即是很可能形成通縮，同樣返回你問的第一個問題，其他資產會跌得勁過黃金，結果黃金購買力變相上升。可能的結果是美債、美元、黃金同升，但如果美債利息不升高，美元利息不升高，吸引力何在？

ps，小弟仍在寫餘下幾集馬田，思考較遲緩，以上寫得有點急，有錯，望指正！