搞乜！？講講下金，講到米！
這就是做金甲銀甲的樂趣了！基本上，全世界買的都是同一樣東西，只是買入價位問題而已，所以當跌市，只需等低位入就得，無需像投資股市那樣去「揀股」，亦沒有甚麼年報要讀，只需多留意國際局勢，看多點新聞，時間比「認真」投資股票要清閒許多，當然有時間做其他野，享受下生活，168號師兄們愛講蘭花，最近又講game，唔知頭唔知路的新人可能以為去錯討論區，真係笑鬼死！
-
當基本大方向確定，就算高位入了，亦不是大問題，只要不是勁高追就可以，現在這個位，都幾肯定不久將來會成為低位！所以我昨日明知可能還會跌，但去開中環，都去了kitco買了些少鷹揚銀幣，跟住去埋生興號！
-
下次你地去kitco，都可以去生興號，好近架。去做乜？咪買米羅！d米靚過超市多多聲，當然都貴些少喇，去到同老闆歐陽先生講，要鏞記米，鏞記米係乜？咪就係中環鏞記酒家用來煮飯既米羅！係生興號特別為鏞記溝出來的米，以舊米溝新米，舊米有口感，新米有飯香，煮出來一流，食過包你番唔到轉頭食超市米！唔好以為靚野好貴，只係$7.5/斤。冇錢去鏞記食燒鵝，食碗鏞記飯一樣有意思！
-
超市米有咩問題？就係雪藏過，而且精米過程好多時都已經係外國做完，米的外層被磨過，就好似鮮橙搣皮後再放雪櫃，好食就有鬼羅！生興號店內所有米都係放常溫，再續少續少精米，所以好食好多！生興號仲有好多好米，問下老娘闆就得！誠意推介係金鳳香米，同超市果d金鳳好唔同。另外，大陸洪字牌絲苗亦好好，超市冇得賣！
-
而家超市霸權，將舊式米舖、士多趕絕，以前d人成日話係進步，表面就係羅，但其實冇有效的競爭法保護，我地既選擇權亦被剝削，好多好野都唔能夠再買到，可惜！
-
生興號地址：上環蘇杭街116-118地下
營業時間：8am-5:30pm(周日休息)
123 則留言:
hi, Joe 兄,
我住九龍, 佢地送唔送貨o架？
>而家超市霸權，將舊式米舖、士多趕絕，以前d人成日話係進步，表面就係羅，但其實冇有效的競爭法保護，我地既選擇權亦被剝削，好多好野都唔能夠再買到，可惜！
讚同！我同老婆買野都係盡量幫襯區內D舖頭仔，尤其最近多左好多賣本地農場種植的有機疏菜更是值得支持。
沈日我都係襯低位(將來)到金拓入了D銀噃...:)
生興電話25440743，可以打去問下幾多斤先至送？
其實呢d好野就好似金銀咁，係上一代智慧結晶，可惜後生一代唔識欣賞！而家通賬唔勁，遲d可能變成貴價食品，而家我地又唔能夠買定來儲存，有得食就好食！
Joe,
請問可否解答一吓我既疑難, 因我想大量入貨,但又怕儲得唔耐. 先謝過.
小C9 提到...
Joe,
想請教:如果D米係真空包裝, 會唔會儲存耐好多呢? THX.
2011年3月14日下午7:50
要儲得耐，不是儲白米，而是儲存穀！真空包裝沒有恆溫，頂多一兩年貨仔，沒有用！真是要儲糧，應是易於保存之粗糧，如燕麥、麥片、番薯乾、合桃等，像連殼合桃，放於防潮箱，五年亦不變壞。白米其實是貴價之糧，看看阿信的故事就知，以前有飯食，很好了！
米是非常難搞之物，要有足夠雨水，種時又要插秧，苗與苗之間要留足夠空位，否則影響收成，又要有很好排水系統，水一多就放水，水少就加水，收成後仲要精米，當中不知花多少人力物力，米內多水份，保存又難，從前是有錢人才吃得起！小麥易搞好多！
Joe,
明白哂. Thanks a lot.
地球人真係好多餘, 本身大米好好地唔除殼, 即係糙米閒閒地可以儲存幾年, 就係地球人為了賣相, 口感去將米打成白米, 最有營養的外殼就這樣白白的浪費了, 白米失去外殼就很易變壞.
講到呢到覺得呢個世界好多事情真係好荒謬.
一到大跌巿就少了很多人留言
茉莉香米 在網上找到的資料很有限和好"行貨", 希望joe兄可以指點一下, 謝謝!
大風暴 提到...
一到大跌巿就少了很多人留言
2011年3月16日下午8:24
Agree with 大風暴兄
買返d可以擺幾年的帶殼米傍身好似唔錯....但要煮時應該點算呢？定係就咁煮就ok?生興有冇得買呢？
今天我都去咗Kitco買幾個鷹揚銀幣及維也納愛樂團銀幣, 但發覺全都有花痕, 請問是否正常呢?
本身已經食緊 25KG 裝金鳳K
JOE兄，有無D更好介紹呀？
糙米紅米紫米又有無介紹？
有無真正既紫米而唔係黑糯米買？
匿名提到...
今天我都去咗Kitco買幾個鷹揚銀幣及維也納愛樂團銀幣, 但發覺全都有花痕, 請問是否正常呢?
我今日都去KITCO入o左幾個銀鷹揚同銀楓葉...
留意到d鷹揚都仲係2010年o既...
o係邊位有少少鎸色~
現在明白超市米有咩問題了，謝謝，等我下次去入銀時順便又入D鏞記米先！
咁要自己楂車去入貨了. 金銀滿屋, 米缸常滿!
閒人
Thank you for your the info, Brother Joe.
I will try the Yung Kee Rice! Actually HKD7.5/catty is similar to the price of Kim Fung Rice in supermarket!
The price of gold and silver dropped a bit...Will it drop further? I supposed it will drop even more after reading the comment in your blog. Though I didnt sell my stock when the price was high and I dont have money to buy anymore...
我又講吓米,我食開金x已多年,一向都係超市買,但發覺越食越冇飯味,米既質量不斷下降,於兩年前打去代理詢問,點解 d 米越來越差?得到個答案竟然係 d 米係泰國直接裝運,質量不受代理監控,如想要食到靚米,則可選擇 15kg或 25kg包裝之金x米,呢d包裝受佢地監控,於半信半疑下於代理購入15kg試食,果然如代理所言,從此直接向代理入米,至今已兩年,為免為他人賣廣告,如想食得好d,自己扲個係超市買來之金x袋睇睇個代理電話,佢地一包都送,不過要夾時間.
JOE兄，响生興買米佢地會用咩嘢裝俾你呢？麻包袋？
哈! 之前去搵利昌時見過! 重同位呀哥吹左一陣水 XD~
依家努力儲彈藥, 再低D就沖去入貨!
匿名提到...
今天我都去咗Kitco買幾個鷹揚銀幣及維也納愛樂團銀幣, 但發覺全都有花痕, 請問是否正常呢?
----------------------------------------------
有花痕有無得換？會唔會影響將來賣價？定係都係個句：金就係金，銀就係銀？
而家銀US$33.X啦，JOE兄，入手未？
$7.5/斤又唔係好貴好多，都可以考慮下..
嘩 Joe, 你連米都咁有心得 佩服
--
金電視
噚日見金價回返啲又得閒，走去上商入多批楓葉金幣，今日繼續跌，心急咗添！
有花痕有無得換？會唔會影響將來賣價？定係都係個句：金就係金，銀就係銀？
而家銀US$33.X啦，JOE兄，入手未？
有花痕沒影響，除非崩左一大舊！33.xx，我估仲有得落，表面冇QE3影響仲未反映出來，我會等多兩三個星期，看情況決定，但心血來潮都會少量買！
本身已經食緊 25KG 裝金鳳K
JOE兄，有無D更好介紹呀？
25k金鳳好好架喇！至於紫米、紅米等，冇乜研究，米係好大學問！
下次返香港嘗試吓先^^
Joe和各位隊員,
大家好,我是新隊員,想分享一下我的看法.
日本大地震和核危機引發的巨大經濟停頓和資金需求,相信可以成為QE3"迫於無奈"推出的大原因. 現在環境出現了突變,可能要重新修正無QE3的推測喎.
現在日元已升上JPY 100 兌 HKD 9.87的水平, 證明日元套利活動的拆倉潮在進行中, 所有的投機活動均會大受影響, 在昨晚美股的下跌已看到骨牌效應在進行中.
我相信銀價短期也會因為炒賣者平倉而下跌, 不過並不能推測可以有多少下跌空間. 我會等多一等,在一週尾段的星期五,不明朗的星期六日前,或許可以有靚價位入貨.
但中線而言,如環球股市持續下挫,我相信QE3有可能會加快公佈.到時金銀價必應聲而彈. 唔知大家點睇呢?
新隊員 螞蟻鋒
回螞蟻鋒:
你問呢d咁o既問題, 相信呢度d前輩唔會答你ga, 等我呢個小朋友代為解答你關於金"價"的問題la, 好簡單: 只要你見到呢度有金甲元老都賣金之日, 就係金"價"見底之時, 我個人認為底部應該係USD1200
但如果好似當年 H.S.I. 咁由 14,000點跌到11,000點,
咁金價的頂應該是usd1444, 而底部則是usd1100/oz
小朋友在joe大個blog胡言亂語, 希望各位前輩有怪莫怪, 細路仔唔識世界 ^_^!
回螞蟻鋒:
...只要你見到呢度有金甲元老都賣金之日, 就係金"價"見底之時, 我個人認為底部應該係USD1200...
回Charen Wan,
謝謝你意見,不過唔係好明...
1. 這裏的前輩們相信都是看長線的,賣金之日我想不會在今年內呢,在USD1200的價位,我相信他們會買,並不會賣呢
2. USD1200是一個心理上的推測嗎?
我係初哥投資銀條,係利昌買同Kitco 有乜一嘢分別,如果要賣银,那間容易sell?? 美金價係35 why i buy at 利昌with handling fee is about US$43 am i buy too expensive?? Is it buy at US and Canada is cheaper ?? is it safe?? should i buy silver coins instead of "條" ?? Pls advice
只要你見到呢度有金甲元老都賣金之日, 就係金"價"見底之時
唔係啊金甲元老們會賣金??
賣定買先?
買野唔睇清楚度量衡?!
你好joe,
我來自澳洲, 我有看你的文章一段時間.而且用google reader訂閱了你的文章. 不過你可以將文章的留言加入在feed中嗎? 我發覺有好些人的留言好值得參考,因此想他們的留言也一併訂閱在google reader中.這樣可行嗎?謝謝.
回caleb，盡量試試吧！
但如果好似當年 H.S.I. 咁由 14,000點跌到11,000點,
咁金價的頂應該是usd1444, 而底部則是usd1100/oz
小朋友在joe大個blog胡言亂語, 希望各位前輩有怪莫怪, 細路仔唔識世界 ^_^!
---------------------------------
細心找資料，把時間拉長一點，如1980年至今，從股市與金價升跌，看不到兩者有任何有規律的關係，黃金的升跌關鍵不在股市，而在債市！
日本大地震和核危機引發的巨大經濟停頓和資金需求,相信可以成為QE3"迫於無奈"推出的大原因. 現在環境出現了突變,可能要重新修正無QE3的推測喎.
現在日元已升上JPY 100 兌 HKD 9.87的水平, 證明日元套利活動的拆倉潮在進行中, 所有的投機活動均會大受影響, 在昨晚美股的下跌已看到骨牌效應在進行中.
我相信銀價短期也會因為炒賣者平倉而下跌, 不過並不能推測可以有多少下跌空間. 我會等多一等,在一週尾段的星期五,不明朗的星期六日前,或許可以有靚價位入貨.
但中線而言,如環球股市持續下挫,我相信QE3有可能會加快公佈.到時金銀價必應聲而彈. 唔知大家點睇呢?
-------------------------------------------
有此可能！但分析清楚美國金融由何些人控制，提早的機會應低於推遲機會！
1980債市牛市開始
亦係黃金熊市之始
沽金買債?
我問過老媽
佢話7.5/斤
抵WO
叫我下次去開上環買5斤返黎試下
買債是最危險的時刻, 糙米可以去點點綠買, 真空包裝, 可耐存儲
回大風暴:
1980年美債牛市, 亦係黃金熊市
有可能是有些人沽金買債@@
銀可防輻射???????
今天中午看到核電廠又爆和災民的慘況看到很心屈，雖然以往看到其它地方的天災也會替災民難過，但此次天災卻特別感到香港的直接影響，經常要擔心爆炸的話，核輻射會否對在香港的自己和家人有害呢？
也想到日本如此狂印銀紙，中期內起碼不會再買美債，甚至拋售，逼得超通/超縮/滯漲提早到來，金銀的價位真的仍會如事發前預測落到較低價位呢?
震一震，將整個局勢震亂，所有決定都只是搏一鋪，唯一肯定，是無論金銀再跌，或維持現有價位，都只是一個中途站！
完全同意！震一震，整個局勢突然大亂，所以我已經行動，唔要銀紙，換成手裡掌握實金銀，再次感謝你的無私分享。
如果金價升唔穿1444呢個位, 則已確認到頂, 技術上已呈現鎚頭頂的形態, 2008年恆指到頂之時都出現過死貓彈, 金價今次也不例外, 估計彈到1434, 然後一夜之間急跌至1260的支持位
Charen,我之前都講過，純技術分析不可靠，特別是金市，可以看看過去20年的走勢。有些人認為加息，金就會跌，結果2004-2006，息口不斷升，黃金卻由350升到700，呢類所謂技術分析係做來給炒倫敦金的人看的。由1032升至今，又有那些技術分析估到，在9xx，幾乎一面看淡，今日9xx都不知是甚麼位了。類似的技術分析大多數分析錯，例子多到數不完！
鑑古知今, 但過去的數據經常成為我們失敗的岔水嶺,
雖然自己身為金甲是不應該對fiat money存有一絲的幻想,
但 如果將來聯儲及央行的佈局並不如金銀甲們所想的景象,
美元不再亂印、fiat money數量急跌...
那麼我們豈不是已經站在崖邊而不自知嗎?
"美元不再亂印、fiat money數量急跌"
小朋友先生/小姐, 你意思係通縮?
幸福唔係必然, QE唔係必然, 無止境地印銀紙唔係必然,
通貨膨脹唔係必然, 物價上升唔係必然, 通常物價在經歷了一段恐慌性爆升後e.g.鹽、金、銀, 到左turning point之後, 一切都已經唔係必然, 需求都會急跌, 因為好多人食成世都唔會食或用得晒->因為大部分人要買都在恐慌發生時買了, 所以物價在恐慌出現後會呈 "物價"急跌是必然發生的事
各國紛紛恐慌性抛售美元, 買入黃金白銀, 也是如此, 黃金白銀下跌的原理同上
我只信宋鴻兵 :)
何況實金實銀又只是自己資產一小部份, 所以無謂炒來炒去啦 !
Charen,其實你的問題以前都有討論過了，168那裡亦講過多次，當中的原理是怎樣運行，你可以看多一點，先把概念搞清楚。
你可以這樣想吧，先將黃金與白銀看成一種貨幣，這跟柴米油鹽等商品是不同的東西。
金銀的升跌不獨涉及美元，亦涉及所有信用貨幣，所以QE的含蓋面不應只看美國。
而更重要是債市及利率市場，及其發展出來的衍生市場，絕不能簡單地看成美元Vs金銀，或金銀VS美元。
物競天擇,適者生存始終係硬道理
貨幣世界也是如此
睇唔睇到因果道理,往往原自一些慨念上既少少差別.
但這少少差別以經深深植入,很難改變
幸福唔係必然, QE唔係必然, 無止境地印銀紙唔係必然,
通貨膨脹唔係必然, 物價上升唔係必然, 通常物價在經歷了一段恐慌性爆升後e.g.鹽、金、銀, 到左turning point之後, 一切都已經唔係必然, 需求都會急跌
-----------------------------------
物價上升不是必然，會有turning point！同樣，信用貨幣的價值能夠穩定而不墮，亦非必然，歷史上，貨幣崩潰，失去信用，多如星數，現在四種主要貨幣雖升升跌跌，但匯率長期算穩定，長遠看，美元並沒有大跌過(至今都是)，穩定的狀態亦會有turning point，照你的邏輯，美元大跌亦是必然，力史上貨幣失去價值，可以不見100%價值，那應如何判斷他們到了這個point？
小心為上，應該！防範金銀大跌，亦應防範貨幣失去信用，失去100%價值，所以穩健投資，可學lisa，既渣信用貨幣，亦渣金銀，50%cash：50%金銀，在當下懂得做的人已屬難能可貴！
me too...
宋老師既歷史觀好強..另見微知著既洞察力亦值得學習..
其實有時不必想得太復雜，從一些普通常識就看到了！例如，各國政府都有儲存黃金，特別是老美的8000頓，問問任何一位投資大師，為何美國三十年來都沒賣過1安士？守著那麼多黃金做乜？相信大多數都答不出！
三十年來，無論黃金是$250/安士，還是現在的$1400/安士，他都沒賣過，中國多次表示有意買，美國都沒回應，何解？5倍的利潤，對一般股市散戶，是一塊大豬肉，但他就是不賣，當中一定有他的原因，而不是一般散戶懂得理解！
很明顯，黃金的價值在政府心目中不是以美元計價那麼簡單，已經超越了一般的投資範疇，否則政府大可沽金買債買商品買石油等等，如果政府都如此做，那作為小市民，儲一點，而不去計算它的價格，應不會錯到那裡去！
Joe 提到...
Charen,其實你的問題以前都有討論過了，168那裡亦講過多次，當中的原理是怎樣運行，你可以看多一點，先把概念搞清楚。
你可以這樣想吧，先將黃金與白銀看成一種貨幣，這跟柴米油鹽等商品是不同的東西。
金銀的升跌不獨涉及美元，亦涉及所有信用貨幣，所以QE的含蓋面不應只看美國。
而更重要是債市及利率市場，及其發展出來的衍生市場，絕不能簡單地看成美元Vs金銀，或金銀VS美元。
2011年3月18日上午11:53
有時會咁唸: 現在幾乎大部份人都睇過money is debt、central bank、聯儲局的債市運作、monetary system的運作、fiat money的產生過程等等...
如果你係世界操控者, 你會唔會將個system或者制度改變呢, 因為大部分人都已經懂得利用system內的漏洞變錢出黎, 然後錢生錢, 而家已經有好多人識得借錢買金的運作, 咁作為世界系統的主宰(羅富齊家族/羅斯xx德、銀行家等)又會唔會立即改變策略呢? 我成日都"仍住"佢地會改變玩法, 令金銀甲一鑊熟
祖兄解釋得極好，說明黃金不是一般商品，要理解其中曲折，真是要有緣份才行呀！
在另一角度，如果美國有想要的東西，而只需要開動印鈔機印出無限的綠色紙，就可換回來，她為什麼出售極稀有的黃金呢？
WAN兄，好似最多實黃金係羅先生們度喎。
Gordon 提到...
WAN兄，好似最多實黃金係羅先生們度喎。
沒有任何證據証明羅富齊現在擁有的黃金等於以前的數量, 可能羅富齊的黃金隨時日的過去, 手上已有一大堆fiat money都唔奇呢
因為羅氏家族擁有大堆綠色紙, 他/她們仍然想控制全世界,
於是再一次將遊戲規則改變, 金銀爆發大貶值, 十年黃金變爛銅的說法再現
i read some articles in the past, government lend out their gold and silver, and receive some kind of interest...
but the gold is still consider as an asset in the balance sheet
so the gold/silver US of A has, might not actually be there?
有時會咁唸: 現在幾乎大部份人都睇過money is debt、central bank、聯儲局的債市運作、monetary system的運作、fiat money的產生過程等等...
-----------------------------------
據我的觀察,在我身邊的人中, 認識 Money is Debt 等等的人少之又少, 20個人裏面沒有1個; 至於買實物金銀的, 更是50個人裏面沒有1個. 反觀常看財經,談論投資股票的,大約5個裏有1個.
不知能代表實情與否,因為我只能觀察到身邊認識的人,所以這些觀察很個人和主觀,不能肯定可代表香港大眾. 比較客觀的就是看現時投資渠道多寡, 推斷該項投資在大眾的普遍程度. 實金實銀在香港,似乎還是相對冷門的投資項目. (比較股票,外匯,基金而言)
我很認同逆向思維是一個成功的思考模式,在別人恐懼時貪婪,在別人貪婪時恐懼.
不過首要條件在於正確掌握大多數別人的心態. 逆向思維者,有可能會錯誤地把自己和自己身邊同道的一群視為大眾, 以致把自己本來已和大眾不同的想法再加逆向. 這是我觀察我的弟弟(一個極端逆向思維者)所得的一個發現.
至於如何正確掌握大眾的心態,而不是片面的,不知大家有何高見嗎?
wan兄,請留意,如果推斷沒有依據,便有可能陷於杞人憂天了,沒有任何完美的證據証明,明天太陽不會突然爆炸吧?
kidthief,
yes, they were lend out, but my point of view is where were they distination? From safe A of a bank at NewYork to safe B of a bank at Pennsylvania?haha
would they lend to ETF for show only?
i have no idea, i just thought that some might be in out hand haha
如果出現羅氏黃金騙局又如何呢? 如果money is debt是偽造的故事, 羅氏家族擁有大堆黃金只是個故事, gold smith只是一個故事是事實, 我們必須知道「幻想」和「事實」兩者, 觀察我的親友, 十個有七個都有買實物金銀, 做小食和做清潔的朋友亦有買(紙)金銀的,因紙金銀本錢少和買賣方便容易,打個電話就得, 還有的是有很多高中的朋友開始談論起金銀來, 怎麼不叫人擔憂呢
以訛傳訛, 則假可成真
如果黃金係騙局...
their value will not drop to 0?
when currency/stock/bond is a scheme, their value could go to 0
all these assuming its cash only, no leverage/margin
其實不用理會羅家是奉行法幣還是奉行黃金為貨幣,他們有能力控制兩面勢力, 無論最後法幣還黃金失敗, 羅家仍是世界最有權力的其中一個家族.
所以不要用羅家的動向來決定投資方向, 畢竟大家目的不一樣.
羅家是要控制, 我們只是為自保.
根據故事所講:羅家是世界最有權力的其中一個家族, 那麼他們的決定絕對有能力影響法幣的成功和黃金失敗的結局, 各位親愛的金銀甲朋友們, 我們現在身處法幣和黃金的岔水嶺, 行錯左無得返轉頭, 借錢買金銀的更加無得返身, 故此我們必須謹慎行事
To:螞蟻,
至於如何正確掌握大眾的心態,而不是片面的,不知大家有何高見嗎?
>呢個問題好難,雙憎一糖就係以為自己掌握到,所以攪到一鑊泡,但來參與這個blog討論的人,起碼不會於昨天去搶鹽吧? 算不算掌握到少少呢?
TO:WAN兄,"我們必須知道「幻想」和「事實」兩者", 呢個問題好MATRIX喎,
TO:THEGOLEDNMEAN, "其實不用理會羅家是奉行法幣還是奉行黃金為貨幣,他們有能力控制兩面勢力, 無論最後法幣還黃金失敗, 羅家仍是世界最有權力的其中一個家族. ",你呢段令我突然想通NWO兄講過ALEX JONES可能係DOUBLE AGENT問題,我都有D奇怪佢咁出位,無人睇住,可能一早出左車禍啦?可能佢係羅家出糧既,專門搵佢唱衰神秘組織另一巨頭,X家族, 記憶上AJ只唱衰一X家族. 因為將來貨幣系統倒塌時,分分鐘要好似金融海嘯時要搵單位(e.g.熊仔銀行)背上黑鍋的,羅家有充分動機咁做.
如果有人搵到AJ的收入來源,所有猜測也可對正.
謝謝Gordon.
有一件事真的很想知道,大家身邊的親戚朋友,買實金實銀的人比例大約有多少? 買紙金銀的人比例大約又有多少? 可否發表一下?
這關鍵到金銀投資是否已經過熱的問題. 猶記得2008年頭,觀察到每2個同事中有1個投資股票,大部份人都很樂觀時,心裏總覺不妙,果然那時是跌市之始.
現在,身邊同事30個中只有我投資實金實銀,暫時又看不出泡沫. 紙金紙銀或會多一些,但也不過2,3個. 但我又不能排除可能身邊同事都是後知後覺之人... 所以希望大家講下你地身邊的人會投資實金實銀和紙金紙銀的比例.
如果出現羅氏黃金騙局又如何呢? 如果money is debt是偽造的故事, 羅氏家族擁有大堆黃金只是個故事, gold smith只是一個故事是事實, 我們必須知道「幻想」和「事實」兩者, 觀察我的親友, 十個有七個都有買實物金銀, 做小食和做清潔的朋友亦有買(紙)金銀的,因紙金銀本錢少和買賣方便容易,打個電話就得, 還有的是有很多高中的朋友開始談論起金銀來, 怎麼不叫人擔憂呢
-------------------------------------
我也有點擔憂！不過，更擔憂是貨幣崩潰，因為觀察親友，十個有十個都持有信用貨幣，連街邊的黑衣都持有，因為信用貨幣是用紙做，儲存方便，存入銀行超過5000元又不收手續費，成本低廉，而且每個月出糧也是紙幣形式出，大多數人的主要財富都是信用貨幣形式儲存，金銀佔財富比例非常少，所以應令人更擔人才對。
假設羅家的目的是要略奪世人的財富，亦假設他們有強大的力量(只是假設)，應該擇肥而吃，令大多數人持有的大多數財富──信用貨幣失去價值，目的才能達到，而不是令較少人持人的少數財富──金銀失去價值。
wan兄，邏輯在投資非常重要！
wan，金銀的風險，我之前有提過的，一是講言慧珠，二是講康同璧！兩者都涉及政治風險！
再講多次，邏輯非常重要，如果因為看到身邊的人都有金銀，令你非常擔心金銀會失去價值，十年黃金變爛銅。那紙幣應令你更擔心，因為身邊的人持有更多的紙幣，佔財富的比例更遠遠高於金銀。right？
Joe兄,小弟有個問題希望可以比d意見我
因為我就黎畢業出黎搵野做,無可避免地要供mpf
mpf唔似美國咁可以揀金銀黎供....揀黎揀去都係廢紙基金/股票/債券
點樣既選擇先係最好呢?
謝謝
eddie
回eddie，係冇得揀架！有，一早講左！唔單止MPF，連我地香港外匯基金投資都係買呢三種野！
ps：wan兄，外匯基金是香港的家底，即係所有香港人幾十年來的積畜，係一粒金都冇架，甚麼是多數，甚麼是少數，要分得清楚，如果羅家要食左外匯基金的價值，就是令股、債、匯全部貶值，而外匯基金沒有的金大升值，那就能把香港人的財富搶走！
http://www.inv168.com/phpBB3/viewtopic.php?f=48&t=55224&p=1491762&hilit=shake#p1491762
糟老頭很好的留言。
金銀跌唔落 !
DXY 75.84
祖兄和EDDIE，可能仲有揀的，我之間特意去圖書館借左本關於MPF的書想研究，不過睇左三分一就因太沉悶，還是放棄了。
我本來是想到有兩類人應該不用供"強抽金"的，第一類：老闆或富豪（所有收入都是被動收入，例如一個靠十個單位收租過活的入或者李生）；第二類：赤貧戶（只是沒有銀紙的人，生活質素不一定差，有辦法的話，可能也可以很好）
MPF內的各種基金分別不大,就是紙,無謂費神研究，中高低風險買齊就OK！
我研究的目標就是如何才可以不用供"強抽金"呀，不知道廢紙騙局還可以忍受，明白後就好似被抽了10%稅呀！雖然機會渺茫，但點可以就咁束手就擒！
"強抽金"嘛，從第一日開始我就當交咗稅算，望都無望過一眼。
我開頭都有研究下，但慢慢發覺好廢！通通都是紙上資產，不會像外國的會買物業、黃金等實物，因為實物轉讓麻煩，又有紀錄可查，但買紙，基本上股轉債，或債轉匯，都唔使解釋任何野，萬一有人要查，搬出外國評級機構就得，成績又可以用會計裝飾，而家主席姓胡的紅豬俠口口聲聲話有5%回報，其實都是會計裝飾，實際當然唔單止冇，甚至要倒蝕，點樣選組合都是死路一條！
GORDON, 金錢一一, JOE,
我都想當交咗稅算, 但我地公司唔止MPF, 仲有ORSO, 你話死唔死. 交稅交咗12,3%, MPF+ORSO 就15%. 成份糧冇咗差唔多3成. 唯有靠自己. 唉!
小C9,MPF跟ORSO應該係二選一喎，你係咩公司做㗎？
"強抽金"點止好廢，是騙局！好簡單，就算你揀了哪一種風險基金，你其實不能完全確定到裡面包含了什麼？例如，何謂XX低風險基金呢？究竟呢隻XX低風險基金包含哪些股票，哪些資產呢？
有人可以攪清楚嗎？
和上市公司年報相比簡直是笑話。
金錢一一,
唔係呀, 我地公司 ORSO 係TOP UP MPF. MPF MAX. 供$2000. 咁ORSO 係STAFF 5%-$1000; 公司就10%-$1000. 好多公司都有ORSO TOP UP GA. 如果可以, 我想公司比埋D TOP UP MONEY 比我地算.
GORDON,
都有寫GE. 我啱啱收到佢地GE MONTHLY INVESTMENT REPORT. 入面有寫 X % HOLD 咗D乜. TOP 10 HOLDINGS 係D 乜. BUT好似JOE 話齋得CURRENCY, BONDS, EQUITY 簡, 冇乜CHOICE LOR.
To:小C9,
我好多年無睇CHECK過那些REPORT，只是最開始供時睇過下，請問會是XX低風險基金包含了YY基金嗎？有無一些好似雷曼債券個種未爆前，都有AAA評級的，寫明個名的"低"風險債券呢？
三種又可通過會計或金融手法掩飾偽裝，例如bonds，買一間持有bonds既公司，同直接持有bonds好唔同，但兩者都會同樣當持有bonds，持有bonds可直接收息，但持有一間bonds公司，收左息就要同該公司及基金經理分，就算降低管理費，但bonds公司收的錢是不當管理費的，而是當他幫mpf公司買bonds的代理金。
GORDON,
好似唔同FUND HOUSE, 有唔同GA. 我先生果間GE CHOICE 同我已經唔同. 我果間有寫明TOP 10 HOLDINGS: EG, JAPAN GOV'T #291 0.2% 04/15/2012; GERMANY OBL#158 1.75% 10/09/2015, etc... 另寫埋S&P/Moody's Credit Rating AAA/Aaa XX%; AA/Aa YY%....; Currency Breakdown: YEN XX%, EURO YY%, etc...
我老婆冇做野成年，全職照顧小朋友，得閒做下兼職，佢一直想找正職，但我反對，就係唔想佢供埋呢d無謂野，連埋交稅，計埋正職要花的時間心血，冇幾多著數！
JOE,
你老婆真係幸福, 可以唔使做.
明白了, thank you 小c9.
祖兄，我都計過類似的數對我將來的影響，
100%收入= 40%收入供樓 - 5%MPF - ~10%稅 - 5%強醫金 - 10%交通開支
REMAIN=30%收入，養自己，老婆同兩個細路，HELP!
唉, 強積金又名強姦金
嗚呼哀哉
之前清茶淡飯對mpf解釋得好清楚，有冇人有資料？
小c9,
Moody's, S&P 都是一些無良"收水評分公司" 佢地收入來自大行比生意佢地做, 不要對甚麼aaa信太多....top 10 holdings 背後有好多不明資產,嘗試揀d全股票, 簡單d既...
joe,
我之前寫左篇關於基金的文章, 得閒比d意見, 因自己及身邊家人好友都受很多不快經歷
http://voguishwoman.blogspot.com/2011/03/blog-post.html
為甚麼香港mpf無實金/銀fund?
應該有market...
唔知道點先可以開一個咁既fund呢?
小朋友早於2008年中在hsbc的一個mpf研討會中已當場提問過當時的講者和所謂的專家以下問題:
1.為甚麼香港mpf無實金/銀fund?
應該有market...
唔知道點先可以開一個咁既fund呢?
2.為什麼只能買升, 可唔可以有沽空(買跌)的fund?
3.為什麼不能做買樓的首期?
點知hsbc個基金經理畀我o既答案係:
1.黃金係一項高風險投資, 上落好大, MPF管理局的「監管機構」唔批, 所以唔會有該類fund,
2.佢地都有做沽空做對沖, 「監管機構」只能畀佢地做,但不能超過資產的百分之一
3.強積金的目的是保障你的退休生活云云...又係講埋d好「行貨」o既答案, 有興趣請自行上積金局個網站睇「成立的目的」
-------------------------------
Joe 提到...
之前清茶淡飯對mpf解釋得好清楚，有冇人有資料？
MPF係是用來鞏固金字塔成員實力的policy之一, 睇完 清茶淡飯 的資料後我立即想到如果hsbc出現擠兌, 那麼hsbc便可以用香港人的MPF(就好似內地的存款準備金咁) 發放給前來提款的人, 銀行便不會存在(東亞)當年出現流動性的問題了
hk跟本就無甘多金銀.......
黃金係一項高風險投資, 上落好大, MPF管理局的「監管機構」唔批, 所以唔會有該類fund
thats too bad~~
================================================================================
MPF係是用來鞏固金字塔成員實力的policy之一, 睇完 清茶淡飯 的資料後我立即想到如果hsbc出現擠兌, 那麼hsbc便可以用香港人的MPF(就好似內地的存款準備金咁) 發放給前來提款的人, 銀行便不會存在(東亞)當年出現流動性的問題了
可以的嗎???
但啲錢應該唔係hsbc...
但hsbc出現擠兌再如果有人放風hsbc用香港人的MPF...
應該會...
講來講去,揸實金實銀都係要靠自己.政府唔想你擁有既野,就要靠自己去做.
講來講去,揸實金實銀都係要靠自己.政府唔想你擁有既野,就要靠自己去做.
講得好!!!
Katherine the GrEAT,
我mpf組合冇買bond, 只係抄出黎比gordon 睇(佢問我). 我100% 買咗hk equity. 但如果可以有其他choice就更好.
Gordon,
You're welcome~
原來Katherine又係一位財經猛人,睇你年青外表的icon,錯覺以為你讀緊中學tim,hehe.
多謝你的文章,"互惠基金的真相",內容充實,仲有你daddy 的相片構圖很好,看到更易理解文章中心思想,讚!
唉,究竟我楝邊隻"強迫金",使我65歲時可用那些錢由買到兩個包,變到買到3個包就好無奈...
wan兄,我諗你當時可能你問佢任何問題,佢地都只能回答呢類標準答案 - "強積金的目的是保障你的退休生活云云...又係講埋d好「行貨」o既答案"
2011-03-19 00:10:21
貴金屬: 利比亞宣佈停火後油價、金價走低
利比亞外交部長宣佈立即停火後，原油價格自盤中高位大幅回落，金價亦走低。NYMEX四月原油期貨最新跌55美分，至每桶100.87美元，跌幅0.5%。利比亞外交部長庫薩(Musa Kusa)下令立即停火後，該期貨合約較盤中高位下跌超過2美元。ICE期貨交易所五月布倫特原油期貨合約跌82美分﹐至114美元，跌幅0.7%，亦較盤中高位下跌超過2美元。金價也從盤中高位回落。
正勸緊老細轉用公積金..棄用強積金..
Gordon,
過獎了，我只是普通市民在學習中，要同大家學好多野，金銀真的是初哥
I live in Canada and I buy silver in the headquarter of Kitco in Montreal. I find it really bizarre that people here don't really buy American silver eagle coins. While Canadian and Australian silver coins are always out of stock, there are still a lot of American silver eagle coins to buy. But my friends in Hong Kong told me that even American silver coins are very popular there. I wonder if there is something wrong. Joe, I would like to know what you think about it...
今日終於聽joe兄推介,去咗買鏞記米...宜家賣緊8個幾一斤.
米飯,有飯香之餘,比超市米煙韌同[綿]好多.
好食!
張貼留言