創刊號就插金

今日又一本新財經雜誌創刊，叫做Investors，出版機構係富贏投資有限公司，創刊號，千揀萬揀竟然搵左黃金做封面主題，仲大字標題話「金市率先爆煲」，當然會引起我呢隻金甲蟲仔興趣。一睇出版機構係投資公司，都知唔會有咩好分析，不過當參考都買來睇一睇！

-

封面故仔當然會搵一大班人做分析，先至顯得出版機構的誠意，證明自已有做野，其中當然又有丁Sir份，丁Sir提到黃金雖然升到1400美元，但只係對美元，由6月份起計，以澳元及歐羅計價其實不升反跌，所以黃金升價是「假象」，先不論為何取樣是相對6月，而不是由1月，2月或3月4月(若然全年計，不論對歐元或澳元都創出歷史高位)，其實用簡單邏輯已經可以知道這類分析係幾咁流。

-

首先要問，為何黃金以美元計是升，以澳元及歐羅計是跌就是「假像」？為何要黃金對歐羅及澳元升才是真像？而不是用美元計？筆者憑甚麼要選出歐羅及澳元，而不是日元？加元？印度盧比？或俄羅斯盧布？

-

另一位蘇偉民就提到，由於美央行的黃金只值1.3億美元，而2008年全球銀行體系已有61萬億美元，所以難以製訂美元對黃金的對換率，所以難以實行金本位。

-

這當然啦，因為黃金升得未夠嘛，如果黃金再升，美央行的黃金就唔會值1.3萬億了，如果黃金升多47倍，美央行就會擁有61億美元的黃金了，這個對換率好易計，61除以1.3，小學生都識計啦。

-

蘇生最後仲講到，如實行金本位，黃金擁有者就會索取高價將黃金賣給央行，會做成通賬。

-

岩岩佢至話央行有1.3萬億總值的黃金，咁點解仲要向民間買金？而且黃金定價竟可以任人索取，任人定，唔通央行係傻既？唔識得討價還價？賣金俾央行就做成通賬，咁國際貨幣基金組織賣金俾印度、斯里蘭卡，豈不是有心做就通賬？