剛剛寫完第四章，第五章講倫敦金的已開始寫緊，希望可以盡快完成！近來，覺得愈來愈迫切，除左因為呢度多左人上來，還因為黃金ETF的勢力乘著金價處於高位而愈來愈昌狂，廣告大賣特賣，地鐵見到，雜誌又見到，電視又見到，我住港島區，日日都見到電車來來往往，黃金ETF當然唔會放過機會宣傳，今日又見到佢地在電車賣廣告，已經係今個月第二次，仲要係用番上一次係人言報果張「超人護衛推金圖」先至抵死！個護衛仲要放到鬼死咁大個，當電車行果陣，佢就好似推住d金係路上面行一樣，Lisa曾貼過一段新聞，話佢地d廣告費及行政費會通過出售黃金支付，咁即係話係電車上既廣告都係用緊投資者d黃金支付(如果佢地真係有買的話)，不過又有幾多投資者會察覺唔妥？ (PS：上圖為地鐵拍到的ETF廣告燈箱)
3 則留言:
嘩，Joe兄，咁夜仲寫?
其實我兄已非常盡力拯救我等，功德無量矣！唯望保重身體，一齊坐頭等，睇好戲!
我早期都有投資紙黃金，我其實都有想過銀行會拿了我們的錢去買,我亦有問銀行職員,他們回覆緊係會買啦,但看到你們講解紙黃金有咁多問題，我再去查下資料，發現我們在銀行買的紙黃金，銀行不會去買和以上你們講他們只會用我們比他投資的用去廣告上叫多人去買,有幾多人有幸來到此處看到你們寫的好野,多謝你們:-)
羊毛出在羊身上, 所以實金都係自己保管好, 俾人保管當然要俾行政費 ! 俾少少銀行保管箱費會平過突然金俾人拿用無金收 !
張貼留言