我看德國不會輕易任由歐央行印鈔，不過當危機進一步加深，如股市再大跌，歐羅再貶值，咁德國的民意亦會慢慢由反對變支持，所以我估計遊戲有排玩。
而幕後推手當然是老美，當佢製定了各交易所停市機製，建了保險門後，就會再發動攻勢，目的就係令歐元同佢一齊量化寬鬆，一齊貶值，否則美元會再貶值，又誰來買美債？不過，歐洲人也不是傻，可能會諗出新方法反攻，所以未來仍有未知之數，但個人覺老美贏面較大，因為評級機構在其手上，歐洲要建立一套有利於自已的評級機構不是短時間內可做到的事。
要知像木迪、錶舖等評級機構出現了已超過一百年，過去半世紀與銀行及聯儲局有千絲萬樓的關係，其評級機製又受到法律保護，可以保密不公開，而全世界的主要交易貨幣是美元，美元的發放源頭在聯儲局及銀行，過去半世紀，這些發放出來的資金要如何流動，借俾邊個？借幾多？都要評級機構給一個評級，所以佢地影響全球貨幣流動已經有好長時間，連我地的MPF都要跟佢地的評級來買。(呢點我非常勞氣，點解我地MPF要跟佢評級買？)
要註冊成為評級機構一d都唔容易，一切由美國監管機關把守，自97年後就再冇新的評級機構成功在美國註冊，而過去好多細評級機構亦已被兼併，最後得三行獨大，當中以木迪及錶舖最大，佔去市場差不多七成多生意，另兩成多就由胃預佔有，胃預大股東是法國公司，但佢專做金融機構評級，客仔亦以美國公司多，幫唔到歐洲幾多。去年有間中國評級機構想係美國註冊，都被拒絕，理由係冇一個客戶，其實客戶想搵三大行以外的機構做評級，隨時會被三大行杯葛，到時借貸無門，苦過弟弟，以前都試過無數次，有公司更差d搞到執笠！
在此情況下，歐洲要反攻非常困難！
(以上內容是我憑記憶寫，若有出入，望指正！)
PS：阿爺亦已在發展自已的評級機構，但現在2/3已被美國三大評級公司收購，表面看，好多大陸經濟評論員好憤慨，不過，阿爺胡蘆裡賣咩藥？實在好難講！會否是一種滲透的統戰策略？定係純粹利用老美三大評級公司想三家獨大的心理，撈一筆油水？定係真係受三大行壓迫？值得深思！
沒有留言:
張貼留言