母親節，當然要送份禮物孝敬下阿媽，有咩好得過送金，但沉日去周生生買，牌價12060，真係幾貴，揀金果陣，隔離台來左一對準新人買金結婚，可能係第一次買，竟係度講價！
新人(女)：四萬五千喎，仲有冇節，幾個月前萬零蚊之麻！
店員：其實唔算貴架喇！
新人(男)：但話唔定遲下會跌架播？
店員：應該難d，睇報紙都話會升！
新人(女)：萬二蚊兩，真係幾貴，平少少就好咯！
店員：其實，我地已經計少左手工費，個實價，度度都一樣架喇！
新人(女)：有冇得再減少少？
店員：.......實價真係冇得減........
結果唔知點？因為我已買完走人！
6 則留言:
Joe兄 所以話呢,而家同一般人講金仲係言之尙早.
到實金地位正式確立之日,金就會似股票咁,佢地貴一貴都會買架啦
Gold still have long way to go.....
想問下周生生價錢牌上的I80, I360, I1160是乜意思
謝
http://img269.imageshack.us/img269/8696/dsc00056cj.jpg
http://img691.imageshack.us/img691/3773/dsc00055dx.jpg
http://img28.imageshack.us/img28/6274/dsc00054py.jpg
數字前面有個「工」字，即係手工費，現在金舖手工費係每兩700，咁如果件首飾係0.324兩，就要按比例計番手工費，即係226蚊。
手工費是可以講價的 ! 有VIP可以減至一半咁多 !
其實一兩金值港幣伍萬元我覺得不出奇,
不過人的心態係咁,見高話高,見低會認為更低.
拜一般人對黃金白銀的認知不高，我地先可以用依家呢個價位買到金！金銀甲蟲們！把握時間入貨！時日無多！
張貼留言