2015年7月1日 星期三

人類共同DNA:We Need Money






希臘銀行開放予老人家領取退休金,人山人海,你逼我推,就是為了提取他們本應獲得的退休金,向以優厚福利見稱的歐洲,原來也可以變成為這樣。不久前,津巴布韋取消津元,限期兌換美元,也出現這種情況。1948年2月,國民政府眼見通脹失控,准許人民每天兌換最多40克黄金,上海出現黄金搶購風潮,同樣逼爆。危機下,古今中外,人性相同,因為金錢是交易媒介,生活必需品。所以我才不信有甚麼小農DNA,我們只有一種DNA—WNW,We Need Money。

20 則留言:

Lisa 提到...

不一早為自己預備的大眾 !
叫人買一些黃金白銀防身, 俾人說三道四 !

林祖 提到...

所以金銀人人必需。
點都要儲番多少,以防萬一。
現在希臘老人家可真慘了!
福利由天跌落地,如何面對?


林祖 提到...

現在還未算違約!
只是延遲還款(拖數)!
好戲還在後頭!
希臘正在玩火!

阿MAN 提到...

看到那些老人家,積谷防饑都不及養兒防老

Lisa 提到...

四方人唔會養兒防老的, 而是年青時交稅, 老年靠政府養, 到政府無錢時, 你就無咗依靠 !
真是傻的嗎 ?

林祖 提到...

交多一點稅,不代表就有好福利!隨時係得個吉!

soros lai 提到...

星期五新資金到手,一定要加注實物金銀。
直覺話比我知,金銀甲蟲 預見的未來即將發生,
但也有機會引來最後一次的打壓,大家要頂過去!

HKSAR CHINA 提到...

錢梗係自己袋好過俾政府袋啦!

HKSAR CHINA 提到...

同意soros 兄所言,最後打壓可能使金價跌至1000或以下,但到時實貨市場未必咁易買到貨,所以由現在開始要一路儲貨,到時見到低價一閃震埋啲好友出來,之後可能出現爆炸性上升,到時追貨都追唔切。

HKSAR CHINA 提到...

Lisa姐,我都有過咁嘅經歷,仲俾人笑我買金銀,好似老餅咁,交情唔太深都係唔好多事。

Satan_Wong 提到...

:@密密收。現在我連熊貓銀幣也有。

金錢一一 提到...

去痕身買金响以前一向都認錢唔認人,
最近去買卻要登記身分證或戶口過數,
可能聞到味

Lisa 提到...

恒生買金要有戶口已實行起碼兩年 !

都係中國人最醒, 你養得仔女咁辛苦, 佢地長大了當然要照顧返年老父母, 不過也有好多逆子, 所以一定要積谷防饑, 而錢在自己袋安全過放在人地的袋中 !

就如 Martin Amstrong 說, 佢地會迫資金流去美元, 所以乜資產都會跌, 而美元會是最後倒下來個隻, 所以金銀要分段買, 每一次跌市就買少少 !

Lisa 提到...

睇下呢篇對黃金有偏見的文章:
http://creating-cashflow.blogspot.hk/2015/06/wealthwarwisdom.html

當初以為呢個後生仔好醒, 不過依家都費事曬口水了 ! 依家好多年輕人一定要自己去親身經歷先會明 !

林祖 提到...

所以每個年代,每個危機,必有人中招,沒完沒了!

Frederick Cheung 提到...

JOE兄,如果我有錯誤理解馬田大師的評論,請不吝指教.希臘人寧願排長龍到銀行提款但不買金,是不是因為他們對歐羅仍然有信心?他們怕的萬一希臘脫離歐元體系後,重發陰司紙一樣的drachma,所以早早到銀行提取一個在他們而言仍然可靠的貨幣.

Ryan 提到...

好聽就叫政府,咪同陀地一樣。
從來唔信政府可以保障市民性命,財產。
政府無水,第一個就係搵國民開刀。

如果自己係希臘果班公公婆婆,交左大半世稅,
而家先至話政府無錢要破產。真係慘過死。

積穀防飢最實際
早幾年,新聞有報導美國佬話中國人儲蓄太多,
又乜又物,真係痴得佢。

chi wa Chan 提到...

就好似佢篇文章所講,每個人都有偏見,佢係身於新金融理念之下成長所以一定會有某啲學者既想思,更何況金銀已經被主流學派講成石器時代既產物。
而佢講既又唔一定有錯,情況唔同有就有唔同演繹,如果戰爭時用金換樓可以有好大投資成長,如果只長期持有其實好白痴,正如好多人所講錢唔用並唔會屬於你,要係適當週期去使用先有價值。
金銀本位我覺得無咩機會再出現,正如qe一樣,現代人對現時行緊既貨幣中毒太深,只會更換做另一種紙幣去繼續,金銀只係果個更替既時候得以重估,所以金銀揸一世我個人唔讚同。

林祖 提到...

回Frederick,因為佢地仍然要用歐元交稅!政府公共收費仍然只收歐元!希臘人湧至銀行提款是怕有朝一日政府退出歐元區,會強行以官價,將人民歐元存款兌成新希臘元德拉克瑪,歷史上屢次發生這樣的事,遲些我會在HKG撰文解釋,中國國民政府就試過這樣做!

Frederick Cheung 提到...

那我先多謝JOE兄搜集史料印証理論,期待你的新發報