2013年1月12日 星期六

回Mandy問題

網友Mandy來信問:


「這次是因為濫印而成的通賬,
理論上有利於實物資產
而樓同金都是實物理應同步上掦
那麼如果我今年以後看淡樓市不是應該金也跌?
但是今年以後如果看好金銀是否不應放賣樓房
這令我有點煩擾有點矛盾應何去何從?」

========================================
首先要搞清幾個概念:

1/ 金價與通脹的關係,並非一般人說的那麼大,80-97年,香港的通脹比現在高許多,80年代CPI曾去到八九%,但金價卻是熊市。最影響金價的,正如我在BLOG內多次講過,是政治局勢。70年代通脹強勁,金價大升,令很多誤以為通脹推動金價上升,其實通脹的源頭是世界局勢不安,推動通脹及金價,源頭是局勢。

2/ 樓價受政府政策影響多於受通脹影響,我可以寫包單,如果明天政府實施樓房空置稅、土地閒置稅,或學大陸限制購買第二套房,香港的樓價凍過水。事在人為,只欠政府做或不做?所以冇得分析,估計樓價升還是跌,像賭博!以小弟愚見,繼續看淡!(利申:小弟有樓在手,屬自住物業。),因為隻狼要收買人心,中國要正式收回香港治權,不建立政積,難以服眾,樓價再升機會不大。

3/ 所以如果看好金銀價,不必理會甚麼通脹,隨時可買!賣不賣樓,視乎你的樓是甚麼性質,自主,賣了也要租,唔抵。投資,要看你甚麼位入?

4/ 黃金不一定要通脹才會升,通縮一樣可以,因為於債務貨幣下,通縮往往會引致資不抵債,造成經濟危機,人民不信政府,信賴貨幣,黃金及貨幣一同升值。未來通縮還是通脹?當下似乎縮的機會較大。情況像日本,QE出來的錢,流去了其他地方。


希望可解決Mandy煩擾!

10 則留言:

Lisa 提到...

好多人在投資中的錯誤是想賺到盡, 希望可以在最低位買入和在最高位賣出, 所以好多時會搞到自己兩頭唔到岸 !
其實樓和金銀是有兩個唔同的 cycle, 而金銀比起樓的 cycle 是長好多的 !
還要知金銀價是有人控制的, 所以唔可以用普通常識去分析 !
實金實銀只可以用閒錢買起來儲, 以防金融體系出亂子, 可以保自己財力, 所以絕對唔係用來短炒的工具 !
自住樓就一定唔可以賣, 是養老必備, 而又有邊個可以準確睇通, 樓價幾時會趺 ?

匿名 提到...

請問Jo兄,在恒生買入二手鴻運金幣(即不是全新)對保值有沒有問題?如何檢查有沒有瑕疵?又鴻運的保護套是否可以打開?請賜教.

Chris

Jo 提到...

回Chris, 沒有影響!檢查瑕疵可以打開保護套細心看,大多數情況下很少有瑕疵。保護套可打開,爛了亦有相同的套可在Kitco及LPM買到。

Jo 提到...

沒有影響,因為黃金的物理性高度穩定,不變質!所以一手或二手都沒有分別!

匿名 提到...

謝謝你的解釋.

Chris

匿名 提到...

又或者去錢幣鋪買一套津巴布偉的鈔票.
得閒囉出來望兩眼.或會有幫助

怒人甲

Wong Wai Leong 提到...

Someone has the same view with Joe. The writer is describing the US situation. Not good at translation, just quote the original.

「To be sure, prices of many items are rising, partially due to legislative changes in taxes, fees, regulation, compliance costs, medical mandates and other non-market forces. However,
competition in the marketplace has created downward pressure on market driven prices.」

「We have an unusual paradox whereby legislative and regulatory changes elevate the cost of living, yet with this inflation, there is no associated growth in income and standards of living decline. 」

「These Fed actions raise inflationary expectations which result in rising financial speculation and increasing interest rates. It has now been more than five years since the near 1800% increase in the Fed’s balance sheet, yet the economy languishes, and prices remain under downward pressure. Why? The Fed does not control the amount of money circulating in the economy nor the speed at which it turns over.」

- Lacy Hunt, Hoisington Investment Management Company (HIMCO)

查實,老曹係08之後一直認為老美走日本之路,這點不得不承認,他有先見之名,雖然佢對黃金睇法有時會令人失笑。

不是QE沒有效力,只是不是以我們認識的通脹形式出現。像日本那樣,通脹仍然是有,只是去了其他地方。

老實講,愈黎愈BUY JOhn Mauldin果套(信報翻譯佢D免費英文文章),佢認為我地經歷緊超級債務周期,但唔係世界末日,佢自己都每月一金,對沖央行/政治人物的錯誤政策,像馬田大師看法一樣。JOHN其實都屬於悲悲地觀,不過佢對有潛力的投資項目仍然充滿樂觀,好喜歡搵新的投資項目。做人有能力真係要幾手準備。

Jo 提到...

黃兄,期望超通的金甲可能會失望了!脹與縮之間的討論,似乎暫時以縮的一派(馬田大師)佔上風!

不過,老美是否走日本一樣的路,又未必完全一樣,因為經濟人口結構都不太一樣,但需要多點時間去看美國!

Wong Wai Leong 提到...

最近有個感覺。

持通縮看法的人,佢地認為由於負債過重,以致不能像以往無限借貸消費,所以唯有減少不必要的開支,除非那些開支項目係強制性。咁的情況下,無論FED印幾多錢都多,班友仔都唔係好似以前咁瘋狂借貸消費,FED都吹佢地唔脹。更諷刺的係,美國政府的負債只會愈黎愈重,因為佢地要履行entitlement(Social Security, Medicare etc.),班友仔唔多清楚政府究竟點樣解決依堆問題之前,都唔係好敢大手投資,例如佢地可能預期到自己會面臨加稅壓力。係需求不足下,應該係睇通縮,但通縮唔等於生活質素上升,反而可以係下降,因為其他地方通脹,例如我上面引述所講。

(李嘉圖等價定理,佢認為加稅和發行國債都打擊國民收入,加稅係即時,國債係延遲,因為將來的人見到政府係咁發債,最終都會以加稅解決問題,李嘉圖咁諗係岩,但當年無實質數據支持,所以近代會見到D國家愈借愈好境。依家有啦,debt/GDP超過90%好容易出事,國家再發債只會壓抑經濟,不能刺激經濟)

睇超通的人,我成日諗起國民黨當年。但老老豆豆,如果係果D時期,政治都唔方穩定。所以我估計係經歷一輪上面所講的通縮,人民頂唔順,最終搞到政治變天,最後先有機會發生類似的超通。

嘉芙蓮 提到...

無論是通縮或超通,對一般人來講都是很大影響,重要的是怎樣去面對,靠政府必死,既然呢班人都有危機感,proactive一點總好過等升等跌等打救吧!