2011年4月19日 星期二

自編自導的大龍鳳!?

標普「史無前例」調低美國展望至負面,在市場引起一陣混亂,加上債王、高盛先後有動作,還有馬田太師、富爸爸、宋鴻兵的評論,令金甲銀甲們對未來金銀走勢出現了一點分歧。


煩惱!?忐忑!?不知現在繼續入?定係等到六月回調?


首先,無論雙方對短期走勢看法如何分歧,有一點可以肯定,就是長遠看好,只是一方認為會先跌後升,一方認為會直升。綜合考慮後,我認為先跌後升的機會較高。


第一,環顧整個金牛,由1999年升至今,大幅的回調只有一次,發生於2008-2009年間,從接近1000跌至700,於一個牛市周期來說,次數似乎未夠,起碼應還有一次,兩次亦不出奇。

第二,近期老美市場動作多多,先有債保爾森沽美債,繼而有高盛唱淡商品,再而有標普調低美國展望。資訊很雜亂,但似乎有點自編自導大龍鳳的味道:


1/ 債王雖說不看好美債(今晚更出聲叫人不要買美債),但他沽空美債並不多,只有3%,反而持有大量美元,似想趁低吸納資產,多過真想大規模做空美債,如果他沽空15%以上,那才是真正舉動,只沽空3%,6月QE停,美股、美債肯定不止跌3%,到時又是吸納好時機,一邊輸少,一邊贏多,何樂不為?現在大力唱淡,有種引人入局感覺。


2/ 標普調低美國前景,各方意見紛紜,有人認為是迫政府推QE3,因為美債將下跌,政府將不得不出手托美債。亦有一方認為是想迫政府停QE3,因為調低展望皆因老美負債沉重而起。我的看法覺得似在測水溫,看看調低最大國家展望,資金會如何流向?好作之後的部署,結果證實資金流向金市,金甲銀甲可要有心理準備!


所以我認為六月回調機會較大,但就算估中又如何?現在全件事已差不多通天,醒目的都知,QE是沒可能停下來的,只會換個名繼續,甚至只是停一回,再來過,回的話,金銀買盤肯定湧現,我估計回調5%-10%,貨源會開始緊張,回10%-15%,短缺開始出現,回調15%-20%會買不到貨。


在整個牛市,買入是長期策略,逢低吸納,900時我曾大手入,之後一路回調到700,再入,結果那段時間的平均價是800,所以不必為短暫的波動而忐忑、煩惱,路途還搖遠,心理健康很重要。


以上純粹是一種推測,歡迎提意見。我之前已說過,愈多資金流入金銀市場,波動將更大,我們無法預測到信心的走向,大國的行動,如阿爺會否趁低吸納?甚至幫手推低才吸納?或者歐美已看出其意圖而不壓金銀?而像馬田大師的預測更是關係到地震週期,天知六月往後又會怎樣,正如我上一次發警後數日就發生日本大地震,回調立即中斷。看到長遠,中途的崎嶇就不要太放心上了,還是學bosco兄話齋,停下來飲杯茶等看好戲!

97 則留言:

大風暴 提到...

既然係咁, 可以用平均成本法購買, 分2至3注錢. 心理上會比較平衡一些

大風暴 提到...

買了重貨的朋友, 當然可以坐下來等睇戲啦
但未買貨的朋友, 上到來聽到各位金銀甲蟲都已經買晒貨, 但佢就一盅司都未買貨, 個心就會十五十六了

有一樣野我唔係想得通
標普是美國企業, 照道理唔會踩自己國家的經濟, 美國的發債這麼順利, 就多得標普長時間都給予美國主權最高的評級, 即aaa, 使他發債能夠享有最優惠的息率

大膽些去想, 標普與美國就是一幫人, 但今次下調評級展望為負面, 美國政府會容忍這件事情發生? 還是他們已有共識?

再陰謀論來說, 難道美國想自己引爆世紀經濟大核彈??????????

大風暴 提到...

有沒有朋友到過swiss investor這間公司購買金幣銀幣?
我打過給angel, 她說有幾百款銀幣出售, 真係得閒要上去他們的公司看看.

honson 提到...

回大風暴
昨日下午去swiss investor買左1KG銀Bar,價錢$11650,
佢地有個玻璃櫃仔放左的產品係到..都有銀幣,三幾十款就點都有,

匿名 提到...

我爸爸喺香港, 但佢話等回落一啲先至買. 我喺多倫多, 喺kitco買咗60oz咁大把. 有冇人可以話比我知, 要對付呢場扙, 我至少要買幾多才夠我最基本的生活, 以4人家室為例. 唔該哂各位師兄師姐!

我自己一個月只可以使用$800港幣去買.

Marco

匿名 提到...

香港是世界金融中心,香港金拓一向白银货源充足。现在只剩下一些货尾而已。白银的回调,不大可能。

匿名 提到...

但點解加拿大同美國有咁多銀可以買嘅? 可能我唔係咩大人物所以先咁易買...哈哈.

Marco

匿名 提到...

swiss investor買金幣銀幣同香港金拓邊一間價好?

匿名 提到...

同一樣銀幣2間邊間便宜?

匿名 提到...

同一款銀幣,應該是kitco平d.但如果kitco無貨,就要找SIC.

大風暴 提到...

借錢買金銀計劃進行得幾順利

kidthief 提到...

hey macro why go to kitco if you are in canada?

try this list from crm, some of the dealer would be selling cheaper than kitco, and they are authorize dealer of crm

http://www.mint.ca/store/mint/customer-service/dealer-locator-1400026#ontario

Bosco 提到...

Joe兄好文。

Wong Wai Leong 提到...

很擔心沒有「上車」的朋友
誠如168師兄,JOE兄所言
要成為金甲銀甲,的確需要緣份

匿名 提到...

留意如果金銀ratio 明顯不跌反升, 即代表JP Morgan/HSBC/Barclays 等連金價都壓唔住了. 總之金要有D銀又要有D啦 :P

閒人

kannyfai 提到...

本來我都炒開股票...一個月前看到joe 兄的好文後....立刻全部轉晒實銀....

匿名 提到...

這個論壇有看淡白銀的朋友嗎?

匿名 提到...

小弟不但看好銀價, 而且還借了月薪8倍買銀添!

奮青

匿名 提到...

白銀升幅是黃金的2倍, 呢舖緊係訓身la
另外請大兄不要再貼廣告la, Thanks!

奮青

嘉芙蓮 提到...

引用cnbc最近的一個訪問的一句說 "every bubble we've seen in the past has been characterized by people borrowing and leveraging to get into this trade."

Cefull 提到...

升得咁急, 追貨好吃力...

匿名 提到...

Re: 大風暴 and 奮青

Good to hear your silver/gold purchase by leveraging are running smmooth. Wish you all the best also for replaying the loan.

Generationnext

匿名 提到...

Re: 大風暴 and 奮青

Good to hear your silver/gold purchase by leveraging are running smmooth. Wish you all the best also for replaying the loan.

Generationnext

黃泰利 提到...

Joe兄...

你說的波動,是否單指期貨市場的波動?

我們這些七字頭入金的,只是吃著花生看戲...但如果是1200甚或1300才入金的...的確會很擔心回調...所以joe兄的分析對遲來的金銀甲十分安慰

唯獨joe兄好像沒提到歐債的部分.而家歐羅高得十分不像樣(1.44x),如果要估資金流向,假若我做編劇既話,下一步我們發動傳媒機器吹大歐債危機,搵啲友仔勁沽歐債歐羅(一野隊5-10%不為過),推高歐債債息,資金就會「好像」一下子往美元避險(1.2x-1.0),用「強」美元形象乘勢做低商品...美股仲可以走多轉...

如果我係阿爺,知道人民幣in the long run(兩年)並非在升值,我一定買黃金保值...而而家供緊樓又冇黃金揸手既,兩年內可以說命途多桀...(不死身公務員除外)

如果係小市民,現階段千祈唔好再入人民幣資產...

大風暴 提到...

各位,你們成日講話高位入左貨,怕會回調,但係我想話比你地知,金銀現正回歸貨幣的功能,到了最後,美元被黃金取代成為流通貨幣.

匿名 提到...

多謝哂kidthief 嘅資料提供

Marco

Tamama 提到...

這個價位, 開始有點瘋狂的先兆 ...
雖然長線看好, 但借錢 / 槓桿投資從來都是極高風險的活動....
學這裡的先輩話齋, 牛市都可以死人的 !!!

要小心....小心.....

小初哥 提到...

其實大家所講的 '金本位', 係代表paper money 由 gold back? 定 真金實銀咁交易?

當真係回復 '金本位', 咁對銀行有咩影響?
如果銀行制度唔改, 有冇金本位最終都好似一樣...

(佢地照派息, 息從何來? 所得的息會create 新的money, loop again...)

大風暴 提到...

黃金不屬於任何一個國家的貨幣, 強如美國也一樣, 你們覺得現在黃金很貴, 因為你地現在用美元來計價, 調番轉來說, 黃金個價很貴是因為美元貶值的速度更快

你們可以試換一換看法, 黃金是美元衰退的照妖鏡, 以現在黃金平均每天升1美元來說, 即是說你手上的美元或港元每天就貶值0.06%

匿名 提到...

如果係小市民,現階段千祈唔好再入人民幣資產...

買人民幣可唔可以呢?

Cefull 提到...

如果回到金本位的話, 肯定一點就是猛烈的通縮. 所有貨物的價格會慘跌. 但債務是不會跌的, 而債仔就會被迫死.
所以舉債買金銀, 依小弟看, 是高風險的賭博行為.

匿名 提到...

現階段千祈唔好再入人民幣資產.

點解?

黃泰利 提到...

這是一個支持投資黃金的網誌.你想現在人民幣兌黃金是升是貶???

不如再簡單一點,你說現在人民幣在國內是買多了還是買少了東西???

順帶一提,我們在電視上看到的通脹率,其實另有一個更血腥,更真實的名字:貨幣貶值率

講完

匿名 提到...

貨幣貶值率---I like it, but it's not the same as inflation rate:)

Marco

kidthief 提到...

Been thinking what I would you do if I dont want people to own gold/silver...


I think if there is world war 3, than gold wont last in nuclear blasts, a good way in to get rid of gold, and leave us with fiat currency

second it could be ship to space, once it reach a point of no return, well no one can retrieve the gold. (would happen if America know that they would lose in the real war or financial war. It could also happen if lets say China+US join effort) This would only leave us with limited gold/silver and with lots of fiat currency. They could then stop us in owning gold and silver (confiscation/nationalization), which both happen in China/US.

Any Inputs????

Lastly, any chance anyone know anything about China joining World Trade, and make an agreement with the Americans, to sell their silver (china has ALOT of silver, while American has none). US agree to depress the gold price either by selling/leasing etc...So in short, China is using Silver in trade of Gold, not a bad move if you ask me. I read this 4-5 days ago and can't find the source... if anyone can point me to it, i will appreciate your help!!!

大風暴 提到...

上面個位人兄, 係咪你有野唔係好明呢? 你知唔知咩叫做金本位制?

金本位制就是使用黃金作為社會各種交易的媒介, 黃金就是貨幣!

你所借的是美元/港元, 到時候已經消失了, 你的債務也隨之消失

匿名 提到...

點解當金本位時,會通縮?

初哥

i 提到...

朝辭白帝彩雲間
千里江陵一日還
兩岸猿聲啼不住
輕舟已過萬重山
....

大風暴 提到...

借廢紙, 得實物, 還廢紙, 物超所值.

黃泰利 提到...

to marco

我讀得書少...未聞任何教科書定義,而本人亦從未依賴任何教科書定義贏取回報...所以如有錯漏,見諒見諒...

kidthief 提到...

大風暴 you talking to me???

but anyway just some of my thoughts
i think gold/silver standard would not work and here is why

Assuming gold and silver is money we would not like to carry the gold/silver in our pocket to go shopping, either it would get lost, or stolen etc.

So most likely paper back by gold, or digital gold. Both of these two solutions is subject to the integrity of the person/group/business/government issuing and auditing/making sure no one is playing any tricks. History have told us that it does not work. It would work in the beginning, but than sooner or later it would not work, as we seen with the US of A. Founding fathers make sure that ONLY gold and silver is use as money, and look at what happen now???

Again assuming, we do use gold and silver in their physical form. Some kind of standard would have to be created and is accepted, such as gold/silver use in transcation is measure in grams. 1 gram, 2 grams, 5 grams, 10 grams 20 grams, 50 grams, 100 grams 500 grams and 1000 grams.(very similar to HK money) Government(people who want power/money to spend) would likely tax us, or debase the gold/silver. Debasing either by mixing with other metals, or tax us by clip off a small amount. Like what happen to the Romans. Again it would work at first but fail later on.

So hopefully during my time, and maybe one to two generation after me, gold and silver is money!

Yes, if gold and silver is money debt in usd/hkd would disappear.

Cefull 提到...

博主有個斧頭國的故事, 簡單的說明通縮, 金本位, 債務等等的關係.
http://gogoldjoe.blogspot.com/2011/01/blog-post_3621.html

匿名 提到...

to 黃泰利 兄,

sorry...我唔係笑您用個term--貨幣貶值率. 我都話我好鍾意呢個名稱, 但是我個人認為呢個名稱唔等於通脹率, 但是貨幣同通貨膨脹都係因為供給引起的. 我都唔係好叻, 請指教.

Marco

大風暴 提到...

我係講緊上面cefull所發表的留言

TheGoldenMean 提到...

上面個位人兄, 借$如同有痛腳比人渣住,如果遊戲規則改變,情況有可能失控

匿名 提到...

..........."金本位制就是使用黃金作為社會各種交易的媒介, 黃金就是貨幣!"
誰說?
不要誤己誤人!

匿名 提到...

這是一個支持投資黃金的網誌.你想現在人民幣兌黃金是升是貶???

不如再簡單一點,你說現在人民幣在國內是買多了還是買少了東西???


相對況元, 人民幣趺得多, 還是港元趺得多呢? 手持港元安全d 還是人民幣呢?

大風暴 提到...

那就請你發表你的見解!

Joe 提到...

謝泰利兄提示,市況混亂,真係好難估!陰謀論咁睇,亦可有多種未來演繹,只有讓時間去證明。

大風暴 提到...

有些人好反對借錢買金, 買銀, 係, 站在你們立場, 有些少閒錢, 可以用來買下貨. 但一些無乜錢的人, 他們怎樣才能坐上這班貴金屬投資列車?

你們有什麼建議給這班朋友?

匿名 提到...

無乜錢的人更要注意風險

大風暴 提到...

咁一無所有的人你對佢地想投資貴金屬的人有咩提議?

kidthief 提到...

大風暴

i think people that borrow money, and doesnt have much money should be worry about what if the gold/silver bought by borrow money drops. If you have money, or can generate money more than expenses, than i dont disagree with borrowing.

can people in Hong Kong buy gold/silver in gram?
higher premium, but still gold and silver, and no borrowing

Gordon 提到...

joe兄,
好文,很精彩!

匿名 提到...

一無所有的人可能根本不會去想“投資貴金屬”。

“投資貴金屬”的風險和收益比其實不適合一般星斗市民

大風暴 提到...

白銀又升破45元了, 今天美元又貶值了3.4%了

Gordon 提到...
網誌管理員已經移除這則留言。
Cefull 提到...

回大風暴,
我是不會借錢買金的. 借錢買金等於在賭未來金價上升幅度高於借貸利息. 雖然機會很大, 但未來總是充滿變數, 不敢說金價絕不回調.
其中一個很重要的變數就是聯儲局, QE2 結束後會否 QE3? 如果真係QE3, 你賭嬴了! 金價肯定一飛沖天, 銀行拿著廢紙哭哭. 要是 QE 終止, 聯儲局加息回收貨幣, 金價就會下調. 這回你就哭哭, 銀行笑騎騎.
就算不借錢, 小弟持有的金銀也會在 QE 中升值, 小弟也是嬴家之一, 但 QE 終止, 由於小弟沒有欠債, 就絕不會變成輸家.

大風暴 提到...

........無錢既人註定一世貧窮, 無錢的人(星斗巿民)根本無資格投資貴金屬.....真係一個很好的見解喎!!

Joe 提到...

匿名人兄,定義細密才可討論!甚麼叫一無所有?零儲蓄?沒有任資產?又甚麼是星斗市民?指甚麼收入階層?包不包括中產?

大風暴 提到...

風險? 你們會怎樣對待?
人一出世唔識食野, 唔識行路, 怎樣去學識? 就是要不斷的經過反覆的練習, 經歷不斷的失敗,每次練習就是一個風險, 有咩風險? 噎死, 跌死, 撞死等. 咁有沒有人類因為怕有風險就不去學習食野及行路?

希望能夠點醒某些人的思想!

Cefull 提到...

一塊銀幣只係要價三舊幾水, 三舊幾水都拿不出就唔好諗投資啦...

大風暴 提到...

每個人有不同的選擇, 也希望每個人能尊重不同人的選擇

TheGoldenMean 提到...

先指聲明,我唔抗拒借$. 只係想補充一下借$既風險
其實在給一個有風險的投資見意比網友時應最好亦講清楚利同弊, 有$賺時亦唔好自吹自雷

匿名 提到...

睇黎6 月真係有場大龍鳳上演...
而家先4月尾 , 個金銀市已經上左咁多
唔排除會一下打壓落黎 , 減少市民買金保值意欲
買左貨就坐定定,見步行步

Joe 提到...

一塊銀幣只係要價三舊幾水, 三舊幾水都拿不出就唔好諗投資啦...

---------------------------------
說得好,一個月儲唔到三四百蚊?根本沒有任何投資可做,連存入銀行都嫌少,仲講乜野投資風險與收益!

匿名 提到...

我好反對某人的思維..咩叫"無錢既人註定一世貧窮, 無錢的人(星斗巿民)根本無資格投資貴金屬"!!!

第一, 無學識點去尊重係錢的人!
第二, 人地想一出世就無錢架, 您講到咁係咪啲人一出世就要好像李xx咁有家底呀? 如果無係咪要go to die?
第三, 就算一個人無錢, 只要有學識, 只要繼續去學習, 或從失敗中領悟一啲嘢, 我相信係可以改變由無錢到有錢囉!

仲有, 樣樣嘢都唔好一概而論, 要留一線在底, 咁先日後可以有好相見!

真的希望你可以反省!

Marco

大風暴 提到...

我所講的[無錢言論]係反諷上文說:
匿名 提到...
一無所有的人可能根本不會去想“投資貴金屬”。

“投資貴金屬”的風險和收益比其實不適合一般星斗市民

2011年4月21日上午12:00

Gordon 提到...

風暴兄,
算啦,根本大家所處的社會位置不同,講唔明的。你有無睇過[窮富翁大作戰II],田二少講得最多邊一句?
"唉,依家先知..."

好似我呢d金甲寄生蟲 (嘻嘻,咁都俾我諗到既),係阿joe兄呢度學到咁多好野,joe兄唔鍾意人地借錢買金,梗係應該尊重joe兄意思先啦,果d衰野不要再提了。

所以,我都表達下個人睇法,其實我心底深處都好憎人借錢抄金。

匿名 提到...

大風暴: 我唔係話您, sorry, 令您有誤會

Marco

匿名 提到...

大風暴兄, 您仔細地閱讀我講嘅嘢就知我唔係話梗您.

再次講:對不起, 因令您有所誤會!

Marco

tom 提到...

同枱食飯各自修行
借力打力(如期貨,借貸)風險高,但回報可比揸實貨'等運到'高
投資和資產配置需視乎各人的目標,風險承受程度,能力圈而定,無'one size fits all'嘅

匿名 提到...

Gordon兄...

有邊個唔憎喎??! 但無計, 有啲人鍾意咁做我地係阻止唔到的!

Marco

大風暴 提到...

看過joe兄的斧頭文章
當中有人提過英國經過200年的長期物價穩定, 國家積累大量財富, 只因為當時是實行金本位制, 黃金是隱形的國家財政監督者,

大風暴 提到...

點解呢個世界有咁多世代貧窮, 社會上大多數人的貧窮就是由當權者所造成的. 我好討厭當權者, 他們只識派錢, 唔係教識我們點樣賺錢, 只係教我地所謂的學術教育, 但就唔教我們財務教育.

我的思想係唔想那些貧窮的人在這股通貨膨脹下變得更加貧窮, 希望他們能扭轉局面, 從這次的財富轉移能夠得到重新的機會

當然, 長遠來說是要教識他們財務知識, 就好像富爸爸的理念一樣

i 提到...

青山相待,白雲相愛,
夢不到紫羅袍共黃金帶。
一茅齋,野花開,
管甚誰家興廢誰成敗!
陃巷簞瓢亦樂哉!
貧,氣不改;達,志不改。

有時強求唔只得個吉,仲爭到周身債就無謂。唔啱timing做唔啱嘅野, 自作孽,不可活!
不如看開一點,無牽無掛亦是福, 陃巷簞瓢亦樂哉!


話埋比你聽,借錢,唔係而家,幾時?當金銀跌到阿媽都唔認得嗰時,我即刻檔埋條低褲去借!

kammy 提到...

做任何事每個人都應認清自己可承受的風險。
借貸與否,應看值博機會,
輸晒時如何自處,作最壞打算,
與做生意一樣,看眼光同膽色。
當然,金銀甲買實貨簡而儲之,
根本不會為此煩心,多心安呀﹗

匿名 提到...

kammy:

您講得真係好啱, 好有point!

Marco

Gordon 提到...

joe兄,
我以為大家成年人,應該理性討論.

有留言用到[自作孽]呢個詞,攻擊某些人的選擇,會否過火了?請問你會否容許此類用詞使用於此網誌呢?

Duck 仔 提到...

大風暴,
白銀又升破45元了, 今天美元又貶值了3.4%了
美元貶值率會比較細D

設A貨幣(或物品)同B貨幣(或物品)對換率為1對1
A:B
1:1
之後A貨幣 升值50%
1:1.5
如看回B 貨幣貶值了,則
0.66(1/1.5):1
即B貨幣對A貨幣貶值了三份之一(33.3%)
由此, 貨幣貶值率不是通脹率

honson 提到...

其實睇返現時金價US$1506對其它主要貨幣,
金價實情係跌....
如有錯誤.請指點.

黃泰利 提到...

To Honson

第一,港元即係美元,如果你活在香港,你的大部分收入都應該是「美元」...

人民幣及歐羅兌美元升值是否「真」的升「值」??第一,請留意每安士黃金兌人民幣及歐羅價格;第二,匯率這些東西是很吊詭的...歐羅數字上上升並非代表歐羅升值,而只代表美元更貶值...

tam 提到...
作者已經移除這則留言。
Eddie L 提到...

http://www.goldprice.org/spot-gold.html

事實勝於鴻辯,金價對於於咩貨幣係值格上都係升緊

天天 提到...

有冇人知如果去SIC買鷹揚楓葉需唔需要被人抄身份証?佢地個價同出面錢幣店相比,邊個好D?

我唔想再幫襯KITCO.....

honson 提到...

我的說法.是參考呢個圖表


Kitco黄金指数下降,而以美元计价的金价上升:
这表明相对其他主要货币,美元走弱,黄金真实价值并没有像看上去的那样上涨。

http://www.kitco.cn/CN/KGXCN/kitco-gold-index-CNs.html

大風暴 提到...

i 提到...

班人叫人借錢高追,仲要段章取義嚟玩標籤!

唔啱timing做唔啱嘅野, 唔係自作孽,唔通係天意? 邊嗰係理性 自有共論。

"自作孽" - 有啥問題? 係米講得太中, 夭親呢?

匿名 提到...

如果借錢買實金實銀, 點解唔買倫敦金?
借錢買實金實銀, 根本就同本blog宗旨背道而馳!

Gordon 提到...

在整個牛市,買入是長期策略,逢低吸納,900時我曾大手入,之後一路回調到700,再入,結果那段時間的平均價是800
-------------------------------
Joe兄,
我純粹想學習你的分析心法,好像以史為法般,參考前人成功的經驗,用於現在,這個學習法,讀歷史的你最明白的。

請問可否分享由900跌至800時,因何未有買入,而一路跌至700時,又因何才買入呢?

Joe 提到...

講漏左,900至800都有買,800至700又有,但700左右買最多,當時好似又係出現期貨倒價,但詳情要check,唔確定!

Joe 提到...

確定了,當年點解會愈跌愈買呢?因為當時金價雖跌,但供應竟非常緊,有師兄去買,連兩條金條都話冇(可能168師兄們搶晒)。我試過去買鷹揚,只係得三個,澳洲、楓葉通通冇貨,當時同幾位師兄,包括Xhirt(佢唔想張揚俾太多人知,好早退出)、基兄、泰利兄一齊分析,覺得非常不妥,照計一樣野供過於求,價格先至下跌,但金係愈跌愈難買,我地結論係錯價,有人操控市場,加上已看了宋先生,所以一致認為買得過。

呢種對實貨市場的觀察,我覺得今日仍然好有用,是神是鬼,看看供應情況就略知一二。如果聽日金跌到1000,但全港都冇金賣,咁肯定就係厄人的價格。

Gordon 提到...

joe兄,

哦,明白了。巴菲特也是觀察生活中發生的事物,去確認某某股票是否真的有前境。

我猜當時也有大量媒體在大力吹淡吧?但你和168的師兄們,觀察到實際生活中的情況不合邏輯,及有期貨倒價後,才判定那時是錯價,於700時更大手入貨吧。

這"金係愈跌愈難買,愈難買愈錯價"方法很好。但這方法需要大量有錢金甲,要一出手就買清銀行當日存倉,才能知銀行深淺,而且願意公開交流現貨資訊。可惜,現今168資深師兄們大都食飽了,等飲茶了,可恨遲出世呀...

honson 提到...

多謝job兄提點怎樣去處理金價下跌的情況,
學習.

小初哥 提到...

今日去左金鋪, 一隻龍鳳鐲 約 半兩重, 原來要17XXX 大元!!!

大Crazy 了, 一兩金粒才144XX...手工費竟然係金價1倍!!! 原本想買定一隻俾屋企人, 但真係負擔唔起, 寧願買一兩金粒!

小初哥 提到...

講錯左, 手工+profit+expenses > gold price, 叫人點買

Gordon 提到...

現在四月尾,白銀已經谷到快要掂到USD50/oz!日日聽到金銀新高都聽到麻木。
如果一路咁升法,到6月時都有可能到USD70/oz,就算真係諷整返30%,都仲係USD49!
即使銀價只上到$60,回調返到$42。Lisa的"有餘錢最買的策略"都已証明到係回報最高的買入方法,如果無得回的話,個升價率仲高,到時Lisa真係威到爆!