2011年4月14日 星期四

僅佔環球資產千分之一 黃金長線值博


作者: 黃國英 (內容由Quamnet提供)



叫人買金,難過登天,正因如此,先至抵博。



推介黃金,有禮貌的散戶,或附和曰:「好呀」,但聽後水過鴨背,行動缺缺。更多是:「哇,升咗咁多,好貴呀!以前幾百蚊美金一盎,我都唔買,唔通成千五蚊一盎,先去買咩?不過黃生,好唔好買招商銀行(3968)呢?有無得升呀?」「招行幾蚊雞上市,宜家廿幾蚊,夠升咗幾倍,咁你又恨買呢呵?」此乃散戶不自覺的心理盲點,亦乃黃金值博率的來源。



以古鑑今,回看樓市:2003-2007年,緩緩上升,但投資者稀。2009年海嘯後,樓價墮後急漲,炒樓之風,才趨熾熱,但普羅大眾,仍是心大心細,猶猶疑疑,拒絕上車。及到2010年底,漲幅加劇,直逼九七,方恍然大悟。投資情緒鐘擺,由嫌三嫌四、恐懼保守,忽然擺到見樓即買、貪婪不已的另一端。前幾年看錯市,滿街平樓不買,當然不會反思。買本《地產霸權》,自傷自憐,怨天尤人,邊罵邊買,不在話下。事後孔明,當然是「早知沙士買啦!」,但如果投資心法,不斷是唔hit唔買、唔貴無買,只會落得「一世悠悠長,『早知』千百次」的下場。深信幾年後的暢銷書榜,應被《黃金霸權》雄霸。


機構投資者大大聲細細注



事實上,機構投資者,雖然看好黃金者眾,亦只是大大聲、細細注。據估計,全球黃金市場的總值,約在1.1萬億美元水平,與此相比,環球股市、債市總值相加,共132萬億美元,金市可謂魚毛蝦仔。而且在該1.1萬億中,可供投資者投資的,如ETFs和金條,僅佔19%。簡單計算,可供投資的黃金,竟只佔環球資產的0.14%!這個比率,等同閣下有一百萬身家,只有1400元的黃金。由此可見,黃金絕對是over-talked, but under-owned的資產類別。



或曰:抗通脹,可以用「與通脹掛鈎債券」出擊(簡稱TIPS),「正!有息收又唔怕通脹,去邊度搵呀?」看似有理,但細心一想,且慢!TIPS實收債息,會與消費者物價指數(CPI,官方的通脹數字)同漲。買TIPS抗通脹,罩門有二:首先,TIPS所用的CPI,是美國而非中、港的通脹數據。美國衰敗如03年的香港,物價升幅,自是較低。用美國TIPS對沖香港生活所需,難言有效,例如交易所掛牌基金TIP,歷史年息率,只是2.8%,跑輸中港CPI一截。此外,通脹難壓,CPI卻可輕易操控:政府可以藉故改變CPI的結構,壓低CPI的數字,從而少付利息。



狂印銀紙激發通脹



「一定有通脹嘅咩?」死心眼如此,可參考佛利民(Milton Friedman)名言:Inflation is a always and everywhere a momentary phenomenon.化成常人能明的語句:通脹是印銀紙印出來的。誰有印鈔機?政府。為什麼政府要狂印銀紙?因為莫水,入不敷支。何故入不敷支?因為福利永不嫌少,派完錢,都怨氣沖天;唔派,搵亞水選你?加上債重息高,越借越大,還到氣咳。當然,中國亦是此道高手,GDP升9%,M2升16%,只是大家唔覺而已。

71 則留言:

匿名 提到...

就係因為'僅占環球資產千分之一',所以黃金才無泡沫.

Merry Christmas 提到...

黃生買左好多中國金銀幣的!!

大風暴 提到...

對啊

Alex 提到...

唔記得講...
星期三明報有一篇報導講ETF,
好似話計劃緊推出有息派既黃金ETF...
唉...

Lisa 提到...

古靈精怪, 簡單(買實金實銀)就是美 ! :D

匿名 提到...

有息派既黃金ETF 就係等於無黃金但就有其他古靈精怪嘅資產喺手!!
叫呢啲人唔該唔好咁害投資者, 人地都係為咗賺錢同埋保障自己. 都係買有實物揸喺手先至係最正!

Marco

Joe 提到...

如果上市記者會上有人問:黃金冇息收,借金利息又得1%,你幫投資者買既都係實金,人地俾幾多錢,你買幾多金,咁你d利息點來?你係唔係冇幫d客買金,而係做左其他投資?

唔知佢會點答?(哈....哈.....)

匿名 提到...

派息個隻好似唔係ETF,應是一隻金礦股,個主席話以後股息會同黃金價格掛鉤,金每升一美元,股息就會派幾多云云

匿名 提到...

joe兄:

我就係想講出呢個問題, 不過您的文采比我好好多. 多謝您的睇法.

匿名:

如果係一隻金礦股,咁就仲衰. 股票冇嘢好, 黃金白銀就唔同, 雖然冇得炒, 但至少可保障個人的購買力!哈哈~

Marco

匿名 提到...

回Marco,

市場上不停出現一些花臣去阻礙人們去買實金的,最早期的有紙黃金,跟著又有黃金ETF,依家又有外國金礦股聲稱派息與金價掛鉤,萬變不離其宗,終歸都係想sell你去買張紙。

匿名 提到...

Tbb又講白銀
又係話投機情況好明顯
仲話d人冇錢炒黃金去炒白銀
用埋"一窩風"好似"癲"咁去炒

tbb d主持可唔可以讀下書先

Eddie

Joe 提到...

回Marco,係呀,總之就係用盡所有方法,等d錢唔好流入實金市場,派息同金價掛勾係其中一種,遲d可以整多幾隻基金同呢d股票掛勾,變成掛勾金股利息的黃金基金。

Joe 提到...

大家都已清楚成個系統係點運作,就係Paper!匯、股、債、基金、MPF......全是paper,所以日日都派幾條友出來唱好,股市跌,陸X就會出來講:我買緊貨!.....通賬呀,咁買通賬股啦,地震呀,咁買地震重建股啦......傳染病就買藥物股啦,就來世界未日都有世界末日概念股。

匿名 提到...

同意Joe講法,依D好似魔咒咁,驅使D市民買到周身paper,用廢紙買廢紙,結果仍然係廢紙.

Alex 提到...

咁應該要買之前上市果隻"xx生命"啦...
佢做儐儀的...
橫又死豎又死XD

kannyfai 提到...

我叫我ㄚma 買金銀, 她好反感...好次我叫她買輪甘......

匿名 提到...

畢老林真係置生死於度外了.
信報 投資者日記 - 「魔鬼」藏於細節 辨清ETF風險
http://bull3.blogspot.com/search/label/%E4%BF%A1%E5%A0%B1

閒人

匿名 提到...

其實SPDR Gold ETF都係合成ETF的. 聽講只有一隻瑞士出既黃金ETF先真係有黃金backup.

閒人

嘉芙蓮 提到...

市面上好多隻都話有實金backed, 有d又話可redeem, 都唔知真定假....
swiss 果隻應該係 Julius Baer Physical Gold Fund
http://www.six-swiss-exchange.com/funds/fsm-9085_01-en.pdf

唔肯定都係買實物算啦....

Wesley Chen 提到...

玻利維亞政府宣佈將國有化境內的鋅、白銀礦。

玻利維亞政府計劃徵用鋅,銀礦,理性報報導,引述總統莫拉萊斯。
玻利維亞國營礦業公司Comibol可以解除合約,公司包括Glencore International AG公司,泛美白銀公司(PAA)的,以及科達倫礦業公司(CDE)的,拉巴斯的報紙報導,引述Comibol總統烏戈米蘭達。


Bolivia's Evo Morales to Expropriate More Mines, La Razon Says
By Alex Emery - Apr 13, 2011 10:54 AM ET
Bolivia's government plans to expropriate zinc and silver mines, La Razon reported, citing President Evo Morales.
Bolivia's state mining company Comibol may rescind contracts with companies including Glencore International AG, Pan American Silver Corp. (PAA), and Coeur d'Alene Mines Corp. (CDE), the La Paz-based newspaper reported, citing Comibol President Hugo Miranda.
Glencore spokesman Marc Ocskay, Coeur spokesman Tony Ebersole and Pan American spokeswoman Kettina Cordero didn't immediately return telephone calls and e-mails seeking comment.
Morales seized Glencore's Vinto tin smelter in 2007, La Razon said

Wesley Chen 提到...

金礦股 銀礦股 吃到龜苓膏啦

wahd 提到...

美国有两只100% redeemable 既ETF, Sprott gold 同 Sprott silver.

匿名 提到...

03081 價值黃金ETF 有實物黃金

匿名 提到...

全球首項庫存於香港的實金ETF
基金可能需要出售金條並保留少量現金以支付費用及開支,並不會借貸其金條。
贖回單位(只限於合資格參與證券商)
最少300,000單位

Joe 提到...
作者已經移除這則留言。
Joe 提到...

所有etf都一擔擔,口就話有實物黃金,但從來唔敢比人入去check!若真係有實物又使乜要將提金資格定得咁高!

匿名 提到...

極度同意joe兄同埋咁多位網友所講, 我真係好想知呢個game仲要玩幾耐? 可唔可以快啲即刻用黃金白銀去進行交易? 我唔想有超級通貨膨脹出現, 因為個境況真係慘不忍睹! 只聽人講/睇wiki, nowandfutures就知有幾恐怖!

Marco

Gordon 提到...

joe兄,閒人兄,
今日信報報內,羅仔有篇全版的文章 - 再說史上超級通漲。想不到他在交通銀行工,會倒銀行米!?
睇完今日信報,應該少左人買ETF,基金,做定期啦。

Cefull 提到...

咪人講乜你就信乜啦. 佢話有實金咁你點知佢係唔係真係有? 數量足唔足?
點解你要投資黃金? 純粹想搭金價順風車, 還是用來抵抗紙幣狂魔造成的惡性通脹? 前者的話你就去買甚麼實金紙xxx, 紙實金yyy啦. 後者的話, 除實金實銀外, 沒有別的方法.
咪話我唔警告過你, 到了法幣制度崩潰時, 所有紙製品都無法兌現為實金的.

匿名 提到...

請問有沒有師兄師姐近星期去過利昌買銀呀? 我想知大約幾錢一兩? 還有佢(利昌) 有冇回收呀? 差價大約多少? 謝謝....

大風暴 提到...

如果到時貨幣爆煲, 黃金白銀重回貨幣地位, 那麼全球很大部份人都變得一無所有, 唯有手持資產才能自保.
到時候, 買東西很大機會要用黃金或白銀交易, 我地就話有黃金白銀係手, 但其他人無貨係手到時點樣買到基本生活所需?
你們有沒有一些好的見解?

大風暴 提到...

我想到時白銀在巿場上真正缺貨的時候, 有廠家機構出來高價搶貨時, 銀價就會出現真正的爆升.
現在還在一個穩定狀態下, 你給利昌或其他地方回收, 價錢肯定差得多.
現在各位買定貨都是等待將來一個意想不到的事件, 這事件會導致貴金屬價格出現幾何級數的上升

大風暴 提到...

kitco最近有新產品, 係北極熊銀幣, 但只限加拿大地區, 唔知幾時會係香港有得賣呢?

Gordon 提到...

風暴兄l
到時弱者只有被搶,交易只會係強者之间進行,你未睇過北斗之拳咩

大風暴 提到...

我有啊, 全套三輯都睇過了.
你有沒有睇過
我知道你想講的另一個意思, 強者是制定規則, 弱者只能遵守規則.

snowcat 提到...

到時候銀行既角色會係點?

大風暴 提到...

銀行會回到黃金儲備系統, 但這是短暫性的, 似終要有一個由黃金衍生出來的貨幣系統來進行交易.
到時全球可能會出現:
全球單一貨幣系統, 全球中央銀行成立, 由中央銀行集中做黃金儲備.
中央銀行或由中央銀行批淮的國家銀行或地區銀行
替代食物, 複製食物大行其道. 只有有錢人強者才能食原始健康食物,窮人只可以食人工食物.
有很多人會解甲歸田, 做農夫, 自給自足

小初哥 提到...

大風暴, 原來係咁...
這幾日在想如果有一個國家實施金本住, 咁佢點同其他non-gold backed 的國家兌換呢? 全球一體化, 同一個貨幣體系, 同一中央銀行, 咁咪又係佢地玩晒, 今次真係食 X LA 咁!

現在農地不敷應用, 又會餓死好多人。之前JOE兄說實施金本位會減少浪費, 引申現在很多的行業要關閉, 特別是marketing 的公司, 那些做贈品的公司生意一定會大受影響。 (通縮???)

匿名 提到...

話比大家知,近來真係多左好多人去買銀和金,小則買一兩萬,多則十幾弍十萬。(可能有d成百萬未定,因為要問利昌擺銀行戶口入數),下午已見有人用C9 買送車,買廿幾萬白銀,之後利昌都冇貨!?

要比錢先,訂貨下星期一,二取貨!

去利昌,請打電話先!

匿名 提到...

我今日中午問利昌d staff ,

佢話成半朝只係回收左幾kg銀!



証明多人買,少人賣。


另外,兩大報紙,和幾本財經書,都沒有大遍幅講買白銀,

近來只有CCTVB,嘅倉褲方,話白銀價貴係因為投机炒賣!?

匿名 提到...

http://tw.myblog.yahoo.com/jw!ek8_sO6eFRP40o.CuFM-/archive?l=f&id=15

台灣人.有關..金銀..

有興趣..........@@......自己睇...$$$

Gordon 提到...

到時候銀行既角色會係點?
------------------------
實例你睇電曼債券單野之後,中環幾間大銀行總行門口,日日人山人海抗議!

到貨幣系統崩潰之後,群眾一覺瞓醒,驚覺一生積蓄被銀行體系化為灰燼,我諗形容那時的銀行的社會角色為過街老鼠,已經極為文雅了

匿名 提到...

真係恐怖到...唔識得講!
總之, 有備無患!!

另外, 我想問, 如果我無咁多錢去買白銀, 咁可以點? 係咪只能一點一點咁買?因為我仲係一個大學生, 啱啱失業中. 請各位仁兄指教一下小弟, 多謝~

Marco

Gordon 提到...

風暴兄,
小弟見你為了應付將來的糧食危機,一心研究務農事項,想到有點小意見,想向你請教一下。

香港農地極少,人口極多,反比例太懸殊,當飢民處處時,風暴兄到時是否有足夠實力保護到自己的農作物不被偷、搶、徵收呢?

如果到時只能在香港,香港四面環海,何不考慮做漁夫呢?甚至有高明釣魚技術也很有用,近海的漁夫從來不會餓死的。
而且這技術是搶不走的,日日釣到十條泥掹魚都唔駛慌飢死Y。

大風暴 提到...

現時世界上有很多所謂的禁忌, 例如複製食物(動物及植物), 基因改造食物,它們都通過不到社會道德的關口.
世界上的可耕作農地已不斷減少, 原因是氣候反常, 農地改造成房地產, 過度耕作放牧.
人口卻不斷增加, 根據供求定律, 結果人類最終要食用複製食物.
以上問題已經開始慢慢浮現.
就好像中國大陸, 假食物, 化學食物, 有毒食物不斷毒害自己人, 背後原因就是中國糧食就是養活不到13億人, 另外中國貧富懸殊太嚴重, 有些中國人連買基本食物也買不起, 導致有商家為求賺到這些窮人的錢, 唯有使用成本很低的食物材料, 包括回收廚餘, 舊皮革, 病豬, 陳年蓮蓉等.

大風暴 提到...

回到香港的情況,香港的食物差不多大部份來自大陸, 單靠香港的農地來自給自足簡直沒有可能. gordon說做漁民, 這是很好的建議, 到時候應該會有些人買番隻船, 出海捕魚. 但是我不會這樣做, 因為我不懂得游水!
根據gordon的擔心, 其實可以參照鄉村中圍材的模式, 例如在錦田, 圍村是一班人, 通常是同性族群, 圍起城牆, 設護城河, 24小時有人值班看守.
而我的想法是找一群人組成部落, 當中這些人要有不同行業的技能, 有些人要懂得耕作, 有些人懂得木工, 電工, 水喉工, 還有醫生, 律師, 電腦技術, 大量警衞, 武術高手, 家務工, 公關, 管理人員等.
由這班人組成小部落, 建造圍村, 實行自給自足的生活.
當然最基本要找尋到有足夠面積的農地去照顧這些部落.
在經濟進入冰河時期的時候, 實行部落制度制度, 直至全球再實行新秩序為止.

金甲超人 提到...

Gordon:香港四面環海,何不考慮做漁夫呢?甚至有高明釣魚技術也很有用,近海的漁夫從來不會餓死的。
而且這技術是搶不走的,日日釣到十條泥掹魚都唔駛慌飢死Y。

大風暴:gordon 說做漁民, 這是很好的建議, 到時候應該會有些人買番隻船( 金甲超人:要帆船 ), 出海捕魚!

我對上兩代都是船民,事實香港水域已經無乜魚!而各位現在在街市買的魚,多是國內飼養!高價都是飛機魚(東南亞坐飛機來)。所以要在美元崩盤那天前,學會生存技能!做人在野( Man vs Wild )fans 先掂!!

匿名 提到...

金甲超人&大風暴: 掂! 我都要學番呢啲生存技能至得!

匿名 提到...

有冇人買過sic 的銀呢質量ok嗎

匿名 提到...

補充是 Swiss Investor

匿名 提到...

SWISS INVESTOR 要預約參觀....

銀43.07 ..............................

匿名 提到...

Swiss Investor要預約? 唔洗吧!可能當時Angel(唯一華人)唔係度才要約時間0者,因為其他職員係歐洲人.

匿名 提到...

i saw Angel buy Silver in Kitco woo....

匿名 提到...

我去到Swiss invest 門口,但冇按鐘。

好像怪怪地,最後到係去返利昌。

helmutt 提到...

甘d銀 質量ok嗎 謝謝各位師兄,

匿名 提到...

回金甲, Gordon, 大風暴:
有冇咁嚴重呀?! 呢層我信共產黨喎! 大不了用番糧票配給咋喎! 唔會餓死既, 因為顧住人民肚皮係政權既根基來架!

閒人

大風暴 提到...

angel幾好談, 她不斷游說我買銀條, 說溢價最小, 最衰之前已買滿貨, 現在只能買多幾個銀幣
唔知真人靚唔靚呢

大風暴 提到...

閒人:
共產黨治國60年血漬斑斑
1. 三反五反 超過1千萬人死亡
2. 大躍進, 人民公社造成大饑荒 超過5000萬人死亡
3. 文化大革命 超過2千萬人死亡
結果, 共產黨還是屹立不倒, 政權穩固

金甲超人 提到...

對不起!回顧歷史、我只信自己。天下烏鴉一樣黑!

snowcat 提到...

風暴兄︰背後原因就是中國糧食就是養活不到13億人

不敢苟同,只係因為農民被壓搾得太厲害
做農民係生活唔到,大家都去城市做工
然後係富士康到跳落黎

只要大家共識食物既重要,農民既重要
就會肯畀一個令佢地生活得到既價格
其實令佢地生活唔到係好蠢
不過唔壓搾佢地,就到另一邊廂食貴野
所以非洲搞咁耐到發唔到圍

大風暴 提到...

我想買番枚金幣, 唔知買那一款?

大風暴 提到...

唔知你地對下面幾句陳述有什麼睇法?

1. 現實世界是弱肉強食, 政府營造出來的是虛幻的社會和諧
2. 少數人的幸福建立在大多數人的痛苦身上
3. 人口大幅減少能改善地球環境

匿名 提到...

Re 大風暴兄:

1. 呢個世界不嬲都係咁.
2. 冇計, 唯有做有錢人, 但要俾時間
3. 冇可能, 都有嘅---打扙同埋餓死人...咁就冇咁多人去爭資源.

Marco

匿名 提到...

About US safe deposit box:

http://howthehellshouldiknow-wallyworld.blogspot.com/2011/02/if-people-have-their-emergency-money-in.html

Gordon 提到...

About US safe deposit box:
---------------------------
Thank you for your sharing. Do you think it will happen in HK? In a place of China?

匿名 提到...

回大風暴,如你在說人口滅絕問題,昨天清茶淡飯也暗暗留了幾句。有關本港十三價疫苗,作為金甲蟲。我已知道金融體系的謊言,也開始懷疑現今的醫療、基因食物、911真相等世界給我們的資訊,以保護自己及家人。

匿名 提到...

點樣可以睇到清茶淡飯呀?
自從佢幾星期前轉場後就無得睇啦..話我知啦...

匿名 提到...

About US safe deposit box:
---------------------------
我想香港將來唔會有咁架act, 因為好多人會返對。

匿名 提到...

點解要睇清茶淡飯?

大風暴 提到...

各位白銀支持者, 如果需要買膠性銀, 可以到我網誌[經濟冰河時期準備團]中的[金甲蟲專區]留言訂購, 我會在那裡集中處理.
有任何查詢可以電郵 itech3388@gmail.com

有關於膠性銀的資料:
成份: 100%純水, 銀離子10-12ppm, 食用梳打1-2ppm
容量: 450ml
生產國家: 美國

大風暴 提到...

有關膠性銀的功效:
以銀離子狀態下能發揮最大的殺菌功效
能對付各種真菌,病毒,細菌,鏈球菌,葡萄球菌.
能對付的疾病:包括:暗瘡、香港腳、濕疹、膿疱病、肛門痕癢、痔瘡、癬、癤、皮炎、葡萄球菌、疹、疣、膀胱敏感、慢性膀胱炎、淋病、白帶、攝護腺肥大、附睪炎、傷風感冒、肺炎、肺癆、鼻炎、耳炎、梅尼艾氏性眩暈病、膿性扁桃體炎、鏈球菌、眼耳口喉化膿、眼結膜炎、角膜炎、角膜感染潰瘍、角膜燒傷、百日咳、白喉、嬰兒毛病、猩紅熱、腦脊膜炎、肚痾、痢疾、胃炎、傷寒、結腸炎、沙門氏菌病、白念珠菌、敗血病、發炎性風濕、齒槽膿漏等等