2010年6月29日 星期二

相信幾年內會見真章


美國十年期國債孳息不經不覺已落到貼近3%的歷史新低,而債價則去到歷史新高,與此同時金價徘徊在歷史高位,出現史上少有的金債同升局面,搞到很多評論員一頭霧水。上星期,畢老林寫了一篇《唔係你死就係我亡》加以分析,得出結論係:

1/央行買債干擾了市場。
2/央行人為地把短息維持在勁低水平,令銀行可以借短債買長債,推高長債需求。
3/亞洲央行持續吸納美債。
4/投資者同時怕通賬及通縮,金債俱買。

不過,佢認為四個說法都只能為金債齊升提供一些可能的解釋,金與債歸根究底是不可能同升的,最終都要分出勝負,唔係你死就係我亡!倘若金價中包含的通脹和貨幣貶值預期正確,那麼債券利息唔使兩三年就會被蠶蝕貽盡,債券投資者會損失慘重。如開動印鈔機的行動,最終不引發高通脹,金甲蟲就是杞人憂天。佢最後話:My money is on Gold!

「我的看法係,四個原因雖然諗落好似各有不同,但綜合去諗,源頭只有一個:資金泛濫!過多的資金暫時緩和左黃金與國債的傳統敵對性,在八九十年代國債最昌盛的日子,濫印的鈔票大部份走進了國債市場,令金市步入寒冬。今日,金市發圍,卻暫未引發債市爆煲,都是因為資金太多,多得資金走入了金市,都仲番剩好多去持支債市。

此現象是人類史上僅見,資金多得可同時托起金、股、債、匯,好難想像,最後如果盛載最多資金的債市爆煲,資金向金市shift過來的後果會如何?我相信呢樣野將會係人類歷史上未曾發生過的壯觀場面。現在,只有靜待通賬去決定各方的生死了!」

8 則留言:

匿名 提到...

佢最後話:My money is on Gold! Me too!!

kam168 提到...

現在,只有靜待通賬去決定各方的生死了!


Sure!!!!

Joe 提到...

看通賬,CPI已不能作準,不家不妨多d留意樓價、租金,日常食品價格等。

kam168 提到...

《NewAge 拆解王》ep15 – 拆解世界局勢、影子政府、金錢制度 (2)


http://www.leedeeradio.com/newagexplain/newagexplain_ep15/

Merry Christmas 提到...

請問
1.美債既死穴是什麼?
2.日本國債大部份由日本人持有,點解日本人咁鍾意買國債?
謝謝.

Joe 提到...

1/同所有國債一樣,死穴就係通賬,通賬一升就會將國債利息食晒,因為國債利息多數是定息,利潤一早已鎖定。通賬一升,買的人就會減少。

2/我估計係日本愛國的民族性,但可能仲有其他原因,我未深入研究過。

Wong Wai Leong 提到...

日本好像是壓得利率很低。因此銀行便可以利用存戶的錢去買日本政府的債券,賺取息差,以作苟存。因此,日本的資金來來去去都只是銀行和政府之間,就像現時的美國。

有錯請指教:)

Joe 提到...

我估計仲有一個原因係佢地通縮,資產在跌價,無形中即係錢升值!