2017年6月2日 星期五

運氣還是有影響


最近這裡突然熱鬧起來!可能是有人於2011年高入了黄金白銀,心有不忿吧!不知道!而且本Blog建立年期正好在高位前一年,更容易引起猜測是要引人入局。

其實本Blog開始不在這裡,已是在一個叫uwant的討論區,大約2008頭吧。當時金價在1000樓下,去到金融海嘯時一度低見700,比小弟當年估計730再低30元。

能夠於當年跟入者,今日仍然有賺,雖然賺的不多,但小弟已多番強調不是追求最高的利潤,而是追求一個付出最少的,自已覺得最舒服的投資方法(或曰保存資產方法)。

後來者見金價上升而加入,有人早,有人遲,有人可能於2011年高位,如何選擇,當中包含了個人分析力,有人一點就明,有人多番猶豫,有人按兵不動多時……林林種種,或多或少涉及個人決定及運氣。其實投資最重要找到自已一個認為最舒服有趣的方法,輸嬴不怨天尤人,身心才會健康,這比任何財富都重要。比來比去根本沒有意義。

小弟有個親身經歷。多年前,內子曾跟人買過一隻股,買了之後大升數成,其後跌低過買入價,內子當時懷了孕,心情很差,最終在小弟勸慰下,微蝕離場。過了一段時間,那股又升過,但我們還是決定不入,因為怕波動會影響心情,影響胎兒健康。這個決定至今沒有後悔,因為獲得的是比任何財富都要珍貴的無價寶。

PS:延續多年前討論,當年由1971年計起去比較,事實不切合實際。如果一定要將黄金與物業投資回報作比較,小弟覺得以樓宇供款期25年最為恰當全理,未供完的物業不算是自已資產,供完才算,正如我不能以其他高槓杆黄金工具來放大實金的回報,然後與物業作比較。而普遍供款期約25年,30年期很多已經要做二按。對物業價格資料,小弟不是行內人,不知好手可否提供資料?

28 則留言:

匿名 提到...

樓主,呢度插你的人,係你不知何謂投資,你上次亂買入的所謂金礦etf,已潛有槓杆放大回報,唔好一知半解,自圓其說。

林祖 提到...

但我從來沒有將槓桿金礦股的回報計入實金投資回報之中喎!
我與那師兄2011年是對比實金VS物業回報,關我近年買入金礦股乜事。
實金還實金,金礦股還金礦股,2011年我又冇用金礦股去對比樓價,而係用實金。
今日有人不服,要再比,當然繼續用實金。

點呀!
不敢以25年期對比「實物黄金」VS「物業」的回報呀?
還是沒有25年前美孚樓價資料……笑了!







林祖 提到...

就是因為當年是用實金去比
而實金沒有槓桿,所以我才提出要用25年期。

用金礦股去比,年期就不是25年了。
而係幾個月就可以了:
http://gogoldjoe.blogspot.hk/2017/02/129573.html

我2016年12月2日買入金礦股
2017年2月9日放
獲利57%

三個月美孚又升幾多?

一樣還一樣,明唔明!

物業全槓桿,唔會大廳面積有槓桿,睡房就冇槓桿。
如此,我投資黄金的回報,又怎可以將沒有槓桿的實金與有槓桿的金礦股撈亂來計。

如此比較,你覺得好公平?笑死人!

林祖 提到...

小弟傾向不用有槓桿的金礦股與物業作比較。
原因是物業的槓桿基本已固定,借貸年期,借貸比利率都比較固定。(當然你可以用借完再按再借再按再買……等方式加大槓桿)

不過如此就很難作比較,因為沒有劃一的槓桿標準。
而黄金槓桿工具就有很多不同槓桿玩法,有的是兩倍,有的三倍。期金甚至可以做100倍。

所以要客觀地呈現黄金與物業的對比。
最好不過是用劃一沒有槓桿的對比法。

即>>>>>>>實金VS供完物業

當然有人可挑戰,可以一炮過付清物業,不借貸!

Sorry Sorry Sorry Sorry

不借貸買物業,由本Blog成立第一天起,小弟都舉腳力讚!

匿名 提到...

i think Joe only express his opinion in investment, not guarantee 100% accurate.If someone not agree with Joe, they can stop reading his blog. No need to jump over on him.

Manfred_1234 提到...

你當時的決定很正確,現在很多人炒股已上腦,將投資凌駕於生活。

Jackcal 提到...

歷史總會重複發生,有人高位入市買金,我相信會有更多人高位入時買樓或供樓。不用講外國或遠古歷史,香港近二十年也有超多人因高位上車慘變負資產,而當時成街都貼銀主盤,這都是記憶猶新。而買實金成負資產的,則是零聲個案,因為好少人要去供金,最多就是覺得買得唔抵,玩期貨紙金的相對炒樓的真是不值一提。現在的樓市泡沫有多大,連地產市場都知道是嚴重病態,勸告各位渣住大把貨而要供的,請用你們的理性念下音樂椅的古事吧…

匿名 提到...

而家同我2011年金價高位,認為不應買金應買樓一樣,唔會叫人而家買樓

林祖 提到...

而家同我2011年金價高位,認為不應買金應買樓一樣,唔會叫人而家買樓
----------------------------------------------
講得好好呀!
最閉我地唔係2011年高位叫人買金,係2008年頭開始。
就係因為而家已經由2011年高位大調整左50%,但又跌唔落,所以先至要買。

匿名 提到...

你地2011年開始仲有係高位入貨,其他人當時跟入係蝕錢

匿名 提到...

你冇講自己買左幾多金?平均價幾錢入?唔通我話你有欺騙成份呀?

林祖 提到...

都話左由2008年開始已叫人入貨,咁唔係個個係最高位跟入架嘛。
咁2008年跟入果咪賺錢囉,咁佢有冇分比我,我有冇要收佢顧問費呀?
我用平均成本法買,得唔得?

原因好簡單,我不斷有現金流收入,有咪買囉。致於採用咩策略,係平均成本,定係儲一段時間先至一炮過入,人人情況唔同,又唔係好多人私人揾我教。我只係將我買金既紀錄POST出來,有咩問題?而且一早已落左以下提示:

「這是投資實物金銀的網誌!宗旨是讓投資者能夠互相分享。本網誌一切言論純粹是個人意見或經驗分享,絕不應被視為投資建議,也不構成推銷任何投資產品。撰文作者不保證引述的資料真確性和完整性。務請運用獨立思考能力自行分析和驗證。一切投資決定以及該投資決定引致的收益或損失,概與本網誌無涉。」

林祖 提到...

你冇講自己買左幾多金?平均價幾錢入?唔通我話你有欺騙成份呀?
-----------------------------------------------------
唔透露私人資產數量,點算欺騙?
我而家係話你做比較時,用full pay冇槓桿計,但建議人買時又冇講明係full pay定係槓桿,你明唔明有乜分別呀?

如果人地因為你話用full pay入貨大賺,但唔知頭唔知路,冇跟你用full pay,而係做大槓桿,一個加息來到,槓桿出問題,被銀行call loan,可唔可以賴你唔講清楚呀?

我平均價幾多入?

我有POST入貨紀錄架嘛,而家係其他人上來揾料,咪自已去計囉,大約都計到幾多。我有乜責任要計埋俾所有人睇,你建議人地買樓,又有冇將你咁多年物業買賣紀綠公佈?

兩者相比,我已經比你,比好多人更加開誠佈公啦!股票亦係一樣,全都有出入紀錄!

你要求有冇高啲,係咪因為我係金甲,就對我特別要求高,理由又係乜?

林祖 提到...

不如咁啦

我已公佈左好多買賣紀綠。要計都計到平均價約數。

你咁自豪自已眼光,不如又將咁多年物業買賣樓契,喺政府既買賣紀錄又POST出來。

連埋股票買賣紀錄就最好!睇吓你係咪十年前買google並揸到而家?

定係果個匿名唔係你,係第二個?(我估可能你會咁講)

匿名 提到...

Joe兄唔好嬲,大家交流討論下姐。

Lisa 提到...

都唔知吵乜野 ?

我2006年開始儲實金, 2010年開始買實銀, 當初唔識買又唔知去邊度買, 好彩見到 Joe 的分享, 才可以買到平實金銀 ! 2011年高位手上好少實金銀, 幾驚價唔落再買唔到平野, 點知個價回到2016年, 而我就一路跌, 一路買 XD !

匿名 提到...

我完全唔識買美股,我呢幾年最近第一個留言係post話2011年同你討論樓同金果段紀錄留言
我叫Alan ok?

Lisa 提到...

2011年我身家多數是物業, 全已無欠債, 而實金實銀好少, 當時發夢都估唔到樓價會升到痴線, 還以為金銀會先升 !
呢十年來可以慢慢收集實金銀是一種福氣, 等升浪來臨 !

匿名 提到...

Lisa 而家有冇投資股票?

Lisa 提到...

得一隻525IPO 留到依家, 升值一倍, 但 keep 咗二十幾年 !

匿名 提到...

希望有人能夠盡快用佢方法, 建立blog又好, 寄俾我代貼又好, 盡快展示十年前買入google apple, 以及物業買賣嘅紀錄。

Joe from mobile

匿名 提到...

希望joe能夠盡快展示2006,2008年買入黃金買賣嘅紀錄。


Alan

林祖 提到...

是不是我展示,有人就會展示?

小初哥 提到...

Joe兄,唔好再回了。如果因為睇左你的文章就當你係神咁,冇自己分析跟住做,跟住返黎係咁插你,你同佢講咩都冇用,浪費氣力。因為佢地要找個人黎blame,或佢實在係太厲害了,同我地呢啲普通人唔同層次。
你不如直接整返個disclaimer算啦。
呢個網係一啲有差不多目標的人share opinions.我地好多都經過2011的大時代。留得低的都有佢原因。平時睇你啲文章,都係抱住見下老朋友咁,will not take it too serious。因為大家都試過睇過馬田好一段時間。盲目跟入唔係你的朋友。大家都各自修行啦。
再覆簡直係拖低呢度的質素 。

林祖 提到...

希望joe能夠盡快展示2006,2008年買入黃金買賣嘅紀錄。
Alan

﹣﹣﹣﹣﹣﹣﹣﹣﹣
已經幾粒鐘了,一個暫時交待也沒有
ALAN你評評理,那人是不是烏龜?

匿名 提到...

你問Lisa佢會唔會肯比你睇呢D咁私人既野?

David Chan 提到...

Joe 兄說得好,本人有買物業,亦有買金銀。當年,即使省吃儉用,但利息開支驚人,總結廾載的按月供款,若不是自住,必定賣掉。買金買銀是每月剩下來的零用錢,點滴而成。雖然有買貴,但亦有低買吸納。

David Chan 提到...

我是指林祖兄說得很好,我贊同林祖兄的分析!