2012年6月15日 星期五

聯匯玩完?



任總講脫勾引起熱烈討論,你點睇?羅仔的文章『任志剛,今次你賺幾多?』寫得頗到肉。不過最到肉是最後結論說政府官員的回應是心中有鬼:「曾、陳如斯緊張,除了自知級數或段數不及草民外,可能就是「心裏有鬼」。這樣,好事來的,起碼近十年來行之無效的聯滙,有機會變了。

http://www.inv168.com/phpBB3/viewtopic.php?f=5&p=1711985#p1711985

小弟看法雷同,任總發言不是要推倒聯匯,而是怕有人要改變聯匯,故先發制人,引起社會反對(近日傳媒反對脫勾居多可見一斑),到時誰改變聯匯就變成「妄顧民意,獨斷專行」。

為何要改變聯匯(脫勾)?小弟認為是要長遠令港元慢慢貶值。為何要貶值?

看羅仔《世事循環》P.153的「四川重慶實質工資指數」(見上圖),1937年至1943年的民國通脹期,社會各階層的實質工資皆趨跌(購買力下跌),但跌幅不同,教師、公務員比工人、農村工人階層跌得「更甘」,以工人為例,6年間從100跌至80,教師卻由100跌至20。1920年代德國超通時亦出現類似情況。

何解如此?通脹之下,人人必需的生活必需品愈有價值,生產這些東西的勞動力愈有議價能力。此處要弄清,購買力下跌不等同工資或收入下跌,收入大增但追不上通脹,仍是購買力下跌。假設香港重演當年重慶,地產經紀的購買力下跌就會大過漁民。

還有更慘階層嗎?有!銀行及有錢人。有錢人的儲蓄漸漸流失購買力自不用說,銀行從事借貸,借出去的錢隔幾年收回,本金購買力不見一截,損失亦慘重。

例設你問銀行借400萬,通脹下物價大升,你工資亦跟隨上升至20萬一個月,那銀行的欠款變相縮小。聯匯脫勾後,不再需要有美元才可「印銀紙」,政府可透過發幣決定港元匯價。那麼,為何是令港元貶值已不是令港元升值?原因可能有.......

1/欠銀行樓按的普羅百姓可更快還清欠款。貶值其實是一種消滅債務方法,受損的只是少數債主,如地產商。

2/政府可透過印銀紙貸款給部分市民(真正用家)還樓按,那麼就算大量建屋引致樓價下跌,亦不會引起廣泛不滿。(當年負資產引起廣泛不滿不單止因為資產跌價,最重要是業主借不到錢應付銀行Call Loan)

3/銀行為了彌補損失,可能會加息,除非政府出手相助,否則因為買地而借的錢將面對息口上調,地產商將損失慘重。

4/港元對其他貨幣貶值將令香港整體生產成本下跌,包括租金。(在工資隨通脹大升下,就算租金上升亦可以變成變相下跌。)

5/港元貶值,可能令港人增持黃金,是國家整體戰略的一部份。(陳德霖取代任志剛不久就向倫敦提取香港存放當地的2.2噸實金)

如果羅仔推測沒錯,有人「心裡有鬼」,你就要作好心理準備,港元將脫勾並慢慢貶值。聯匯脫勾及印銀紙可能是一種變相的劫富」,量化寬鬆下,誰人被劫?一切視乎主事人將印出來的錢分給誰而已?至於任總先發制人,梁特首如何部署?則是後話!(奉勸一句,除了自住外,借錢買樓投資,將來未必能得到政府幫忙。)

44 則留言:

helmut 提到...

謝Joe兄 任總 我成日覺得是隻鬼 在J0e兄 羅耕D分析下現形了

Jo 提到...

很多人仍不明白為何當初班財閥如此遏斯底理地反對隻狼做特首,原因就是他將要改變整個遊戲規則。

helmut 提到...

是的 當形響到那班人利益 就群魔亂舞 會不會是中央用返毛主席那招 引蛇出洞. 我之前只係覺得他怪怪的 十分模糊 之後在非常時期 説不應説的話 經 J0e 兄 羅仔点明 就一目了然

小初哥 提到...

Joe 兄,

同意借貸款的人在港元貶值下有好處 而銀行, 中產同有錢人係輸家(因低下階層有政府照住, 而且已經冇嘢可以輸)

但同時如果港元同美元脫勾了係咪要同某D嘢有聯係才有認受性吧? 香港不是出口地, 無實質生產力, 如果唔同另外的"東西"(如貨幣)掛勾, 是否會冇人換呢?

----
4/港元對其他貨幣貶值將令香港整體生產成本下跌,包括租金。(在工資隨通脹大升下,就算租金上升亦可以變成變相下跌。)
----

但香港非常依賴入口, 貶值會使所有嘢都加價(inflation). 香港現在都有inflation, 但唔見得人工有加。 加人工除左通脹外另一原因係本地生產力上升. 然而香港的支柱行業之一 - 金融業 實際上說不上是生產, 連資源分產的功能也說不上。

所以我認為政府應該不能像美國般自己印錢, 因為冇人要。 而貶值策略對出口國家有短期好處, 但香港不是出口地, 只是轉口地。 金融, 貿易業也涉及太多其他國家及貨幣, 自己印錢最終會否使他們棄用港元?

Joe 兄的文章另我想起港元同美元脫勾後就"自成一幣", 不知我有否會錯意? 請賜教!

Jo 提到...

但同時如果港元同美元脫勾了係咪要同某D嘢有聯係才有認受性吧? 香港不是出口地, 無實質生產力, 如果唔同另外的"東西"(如貨幣)掛勾, 是否會冇人換呢?
-------------------
------------------

回小初哥:

香港怎會沒有出口呢?不過係平時沒留意,小學都有讀啦,水深港闊.....還有香港的人材,如香港醫鼻煙癌就是世界首屈一指.......這些亦是綜合生產力的一種,不一定要看得見,摸得到。

不過這些在沒有聯匯下究竟值多少錢?是另一個問題。

Jo 提到...

但香港非常依賴入口, 貶值會使所有嘢都加價(inflation). 香港現在都有inflation, 但唔見得人工有加。 加人工除左通脹外另一原因係本地生產力上升. 然而香港的支柱行業之一 - 金融業 實際上說不上是生產, 連資源分產的功能也說不上。

-------------------------------------------------
唔見人工點加,是因通脹仍未夠勁,若入口瓜菜升到100蚊一斤,新界圍村人即刻走去種菜,唔會再將土地閒置變廢車場。如此新界人收入就會增加。

其二,入口有多少與普羅大眾有關?中環置地廣場threesixty有機超市一個蘋果由$30加到$60關唔關你事?
中國輸入的東西才關大眾事,年初人民日報咪無啦啦發表社論話中央會保證供港食物,當時個個一頭霧水,只要阿爺保證供港食品價格,其他國家入品貨品上升,只會對愛用外國進口品的有錢人有較大影響。

Jo 提到...

PS:小初哥


人工係唔係真係冇加?

我好多朋友這兩三年都有加,只是不夠通脹升得快而已,這就是我說的人工照加,但購買力變相(實質收入)減少。

匿名 提到...

世人都喜歡表面加,實際減,討厭負際加,表面減

匿名 提到...

用通脹來改變遊戲規則, 好危險喎 !
連董建華, 美國政府, 西班牙政府.....都冇辦法叫樓價唔好高過政府容忍的, 但跌起來又止唔到瀉 !
香港開放又多三山五嶽人馬出入, 到時會唔會控制得住 ?
而且有錢佬窿路多, 抵擋通縮通脹能力, 高過小市民, 未收拾到有錢佬, 先引發暴動民變, 弱雞政府真係咁有信心 ?

Charen 提到...

任總被一沉百踩

Jo 提到...

對付有錢佬,老共最勁秋,讀讀建國頭廿年歷史就清楚,如果班有錢佬真係咁勁,唐唐早就做左特首啦。

三反五反,銀元之戰......你睇下老共當年點樣對付班有錢佬先啦。

Jo 提到...

其實樓價跌有幾可怕?

冇債務的話,有乜咁得人驚?美國樓價跌可怕之處是政府唔肯bailout負資產業主,只肯幫銀行,若當年董伯伯又量寬鬆幫負資產業主,樓價跌,生活成本降低,你話幾happy!最唔happy只係班有錢佬。

匿名 提到...

我記得2000左右的通縮期生活最好!

Chris 提到...

所以通縮對窮人是好的!

匿名 提到...

狼是學老共「打土豪,分田地」啊!

匿名 提到...

所以通縮對窮人是好if and only if你是公務員

馬馬 提到...

嗰段時期是賤物鬥窮人!

Charen 提到...

匿名提到...
所以通縮對窮人是好if and only if你是公務員
=======================
匿名係M121學生?

Satan_Wong 提到...

小心物賤鬥窮人~~

Generation Next 提到...

漲縮之說, $之兩面而已, 孰利孰弊, 是赢是輸, 企啱邊否耳

開那一面, 大家估得中否?

企緊去估果邊未?

匿名 提到...

經濟現象中, 通縮一般與失業一齊出現, 如果你的現金流有保證, 或小市民唔會冇左份工, 才是對窮人好的!

但政府一般更怕通縮, 失業人多會出現陳勝吳廣 !

匿名 提到...

對付有錢佬,老共最勁秋,讀讀建國頭廿年歷史就清楚,如果班有錢佬真係咁勁,唐唐早就做左特首啦。

三反五反,銀元之戰......你睇下老共當年點樣對付班有錢佬先啦。
------------------------
歷史時空不同, 而且現時的有錢佬老奸巨滑, 幾手準備部署了幾十年

而且前題是不能破局, 有錢佬在最壞程況下徹離香港, 損失有數得計, 但單單計算已超過半港股市值的上市中資股( 數以萬億啊 ! ), 如何收場 ? 已知現在誰是瓷器, 誰是缸瓦

如果玩法可以破局, 當年鄧小平就不必同英國佬談判, 幾十年來小心翼翼維持局面

Charen 提到...

專家話希臘唔會有事, 星期一股市照升, 表現好過金價
http://programme.rthk.hk//assets/contentindex/asx/radio1_1086_181797_19844.asx

Jo 提到...

歷史時空不同, 而且現時的有錢佬老奸巨滑, 幾手準備部署了幾十年

而且前題是不能破局, 有錢佬在最壞程況下徹離香港, 損失有數得計, 但單單計算已超過半港股市值的上市中資股( 數以萬億啊 ! ), 如何收場 ? 已知現在誰是瓷器, 誰是缸瓦

如果玩法可以破局, 當年鄧小平就不必同英國佬談判, 幾十年來小心翼翼維持局面

-------------------------

歷史時空有甚麼不同?要講清楚!不能一句不同就不同!現在有錢佬比以前有錢佬更老奸巨滑?共產黨比以前更傻?

又取甚麼來比較分析?從而得出一個今日的有錢佬比以前的巨滑,共產黨比以前更傻的結論?

Jo 提到...

如果玩法可以破局, 當年鄧小平就不必同英國佬談判, 幾十年來小心翼翼維持局面

-----------------------
-----------------------
閣下似乎搞錯了!不是老鄧找英國人談判,而是英國人自已主動找老鄧談判的,即是方針一早己定,同你談判是俾面,唔談是理所當然,否則就不是鐵娘子去北京,而是老鄧去英國了。

好多歷史可以證明,包括鍾士元訪問:
http://www.youtube.com/watch?v=ifdWX2uB2kQ

Jo 提到...

專家話希臘唔會有事, 星期一股市照升, 表現好過金價
http://programme.rthk.hk//assets/contentindex/asx/radio1_1086_181797_19844.asx

-----------------------
我都認為短期唔會有事,但長期會有事,債始終要還,左拖右拖直拖橫拖,都係要還,唔還就係違約,無論債主願意放過債仔,還是債仔發惡唔還,都係違約。

Jo 提到...

而且前題是不能破局, 有錢佬在最壞程況下徹離香港, 損失有數得計, 但單單計算已超過半港股市值的上市中資股( 數以萬億啊 ! ), 如何收場 ? 已知現在誰是瓷器, 誰是缸瓦

--------------------
--------------------

咩係最勁武器?

有錢佬識得印錢咩?所謂損失係乜呀?四萬億唔夠,咪印夠8萬億,股市一個double咁上都仲得。

撤資?你指撤走港元,定係美金?土地撤得走咩?呢頭你撤走港元,我果頭可發行新幣,令你d港元變廢紙,甚至不讓你用舊港元換新港元都仲得,不能在香港用的港元,在地球上邊個會承認?

冇政府背後支持貨幣的價值,你估有錢佬撤走的資金還有價值嗎?

Charen 提到...

港台節目「原來錢作怪」今晚7:35PM有得睇la, 唔知邊個做代表上節目呢?

C 提到...

Jo 提到...
我都認為短期唔會有事,但長期會有事,債始終要還,左拖右拖直拖橫拖,都係要還,唔還就係違約,無論債主願意放過債仔,還是債仔發惡唔還,都係違約。

2012年6月16日下午2:16

=========================
回JO: 希臘違約150年都冇事, 仍然健在, 沒有什麼大不了!! 股市可以一樣照升!
有書為證:原來希臘早於150年前已破產!!
http://www.snb.hk/blog/front/blogdetail.aspx?postid=60515&blogid=23252

猛虎勇士 提到...

港台節目「原來錢作怪」今晚7:35PM有得睇la, 唔知邊個做代表上節目呢?


啊叔好上鏡,好有型!

匿名 提到...

Jo, 放心, 香港唔會有機會發行幾萬億新貨幣來解決困局的 !

Jo 提到...

回C,

無事是甚麼意?1200年前羅馬帝國違約,今日意大利仍在健在,不過中間唔知打左幾多場仗,死左幾多人咁解姐?國民政府多次違約,今日中國仍然生勾勾,不過中間打左一場內戰及共產黨上台咁解姐。

150年前希臘違過約,中間發生幾多經濟危機?單是1994-49一場內戰影響不知多大?

Jo 提到...

Jo, 放心, 香港唔會有機會發行幾萬億新貨幣來解決困局的 !
------------------
-----------------

何以見得?


(其實我只是打個比喻解釋政府發幣的原理,等大家明白有錢佬再有錢,與政府仍然是不同級數。)

Jammy 提到...

歷史格局不同最好笑。
我記得2000年同2007年,玩估市D人都係咁講架wor。

記唔記得2000年D start-up market cap 可以買成個紐西蘭? 記唔記得2007年D人話中國唔係牛市,係龍市?

每次D人話今時唔同往日都係得淡笑。

Jo 提到...

上面打錯希臘內戰時間,應是1944至1949

詳情:

http://zh.wikipedia.org/wiki/希臘內戰

匿名 提到...

歐洲債券將以黃金做支持

星期六同朋有睇波,計希臘和歐債,原來即將發行的歐債是以黃金做抵押品,但朋友說,歐洲何來這麼多黃金。還是金本位即將回歸?

外電
http://www.telegraph.co.uk/finance/financialcrisis/9298180/Europes-debtors-must-pawn-their-gold-for-Eurobond-Redemption.html

Jo 提到...

幾年前已經講過,但佢地d金好多存放在美國。

黃泰利 提到...

Joe兄,

你的分析沒有提到港元與人民幣掛勾. 現在人民幣正在貶值, 如人仔貶至接近7.8或更多, 到時再與港元peg, 你認為如何?

Gold Coke 提到...

為什麼一定會貶值?

Jo 提到...

用貶值來降低香港的生產成本!

當年中國改革開放亦用人民幣貶值這一招!

Jo 提到...

簡單說是現在香港的物價,包括樓價及人工在聯匯下是一個錯價,很簡單問你一個問題,香港一個洗碗工人薪金點解高過晒周邊地區,包括東南亞及中國?香港洗碗工人洗得特別好?就算係,又應高過人多少?但肯定不是現在五六千元這個價。

不能通過貶值來調整不合理的價格(相對周邊地區),結果就是產業外移(如工廠北移),競爭力不斷削弱,產業不斷空動化。

Jo 提到...

如果港元貶值50%,200港元才換100人民幣,那一個五六千元的香港洗碗工人薪金,對商人而言,其實等同一個二三千元人民幣的中國工人,擴展到其他行業,搬了的工廠可以通通回流香港了。

Gold Coke 提到...

如果改變為1美元兌5.8港元又如何呢?

(小弟純粹想探討下,無挑釁之意。)

謝謝jo哥回應!!!

^^

coke

Gordon 提到...

哈哈,千辛萬苦先可以翻牆過到來。十幾日無睇Jo兄網誌,呢度依然惹火。