2011年12月15日 星期四

今日入貨



今日入了90個楓葉銀,2個楓葉金!合共約5萬!中午一點半的恆生,好多人,有外國人,有印度人,仲有個有錢阿婆,由兩個工人扶來買金條,人龍有大約四十人,好多都是來買金。中銀人較少,約十五人,都係買金為主,有個阿伯一口氣買左十幾個楓葉金幣,有個大陸女人超麻煩,買6個金幣要人分三張單,在櫃位搞左好耐!有個中年男人同一女人一口氣買左十幾個,即買即拿到樓下保險箱。

41 則留言:

匿名 提到...

最後一次入貨機會.之後只等美國QE3....

Jo 提到...

QE3唔使講,一定會出!不過唔知買乜?
金價有人話睇1400,不過我唔理咯,到時又有錢再買!

Jo 提到...

唔QE就會導至全球資產去槓桿化,邊樣資產最大槓桿就死得最慘!樓價有機會跌剩40份之一!

匿名 提到...

金價有人話睇1400
<------
金價幾錢邊有人會介意?
學某人名言:[有錢掃.冇錢訓]

satan_wong 提到...

今日少少地,去左金拓入左個墨西哥天使銀幣~~
勁靚靚~~呢排減赤~~

Jo 提到...

我地咁買法,好多人睇到眼火爆!錢雖然唔算多,但死都唔買paper,硬係要買埋d唔等使,又唔食得,又唔可以印既野,認真係屎坑頑石,臭崩崩又沖唔走!嘻嘻......

匿名 提到...

我地咁買法,好多人睇到眼火爆!錢雖然唔算多,但死都唔買paper,硬係要買埋d唔等使,又唔食得,又唔可以印既野,認真係屎坑頑石,臭崩崩又沖唔走!嘻嘻......


你以為自己買好多咩?果2個!

Jo 提到...

你識唔識字?我冇話得我,係「我地」,包括所有只買實貨的金甲,後面再加「錢雖然唔算多」,即係話「我地」唔多錢。請好好進修閱讀理解!小學生都明白以上句子的意思!

匿名 提到...

甘很串呀!

Jo 提到...

只是指出你的錯誤理解,正如之前有人以為雞婆是國語,還死口唔認,小弟亦引經據典指正,金甲都有種尋根究底的個性,請見諒!

Jo 提到...

之前這裡發生過有趣的雞婆事件,引起牽連大波,想知詳情,可用雞婆在網誌搜尋search!

匿名 提到...

邊個係雞婆?

匿名 提到...

哦,果條友甘衰,甘話人地既?

匿名 提到...

原來呢度之前有d甘既人係到玩野!= ="

匿名 提到...

想問教主旺角有間賣银器好多年間野叫咩名?

匿名 提到...

xx行

Jo 提到...

係唔係呢間?

http://gogoldjoe.blogspot.com/2010/12/blog-post_06.html

匿名 提到...

係呀,唔該

Kio 提到...

Jo兄

可否把此blog內26Sep11一段Post出來share比大家, 好informative,

http://tacticaldefensellc.com/Blog.html

thanks

匿名 提到...

尋日都去中銀買左1金20銀, 同時左邊一個師奶買兩個楓葉金, 右邊一個阿叔買5兩金條, 好似開倉大特賣

JL

旁邊學 提到...

昨天見佢個價咁低賤亦忍唔住走落中環買咗1金5銀(幣)........:)

snowcat 提到...

之前入早左,依家唔夠流動錢入貨呀
唔開心~

匿名 提到...

當全球通脹和增長預期雙雙放緩時,黃金抵禦通脹的功能將會被削弱。



在肖磊看來,黃金市場真正的利空因素,是信用貨幣信用價值的抬頭,美元指數的上升有助於提升美元的信用價值,短期內又出現了全球經濟增長速度放緩的預期,中國等國的CPI又出現下降,即是說全球通脹和增長預期雙雙放緩的時候,黃金抵禦通脹的功能將會被削弱,其需求量會受到影響。另一層面,當美國股市的回報率預期增加,債券市場安全係數上升的時候,資金進入這兩個市場的意願就會增強,其他包括黃金在內的資產在短期內受到的擠壓是不可避免的。

Kim 提到...

昨天在market watch看到的有趣gold model
http://www.marketwatch.com/story/the-truth-behind-golds-price-2011-12-14

之後再看看連結, 對黃金 vs inflation依個假設的重新審視
http://www.crossingwallstreet.com/archives/2010/10/a-model-to-explain-the-price-of-gold.html

http://alephblog.com/2011/12/13/the-gold-medal-gold-model/

不過我相信匿名係睇唔明, 因為佢只著重"price"

Cefull 提到...

今天我都買了一枚gold maple.
建議關閉匿名留言, 回應那些廢話簡直浪費時間, 有害無益。

匿名 提到...

關閉匿名的話我就不會發言了, 財不可露眼, 我唔想俾人知我買金銀 JL

Kim 提到...

網主沒有限制人留言必需要登入, 所以有匿名留言. 不過就算留名, 都不代表是真名或者要負責. 所以關閉匿名作用不大呢.

匿名 提到...

hi

匿名 提到...

你地關閉匿名,姐係變左共產黨一黨專政,唔比有自由,同其他唔同或反對既聲音啦,你地唔覺你地關閉匿名後小左好多人留言,得自己圍內既人住留言有咩意思呀?

匿名 提到...

目光短淺! 鼠目寸光!

Jo 提到...

樓上匿名,我暫時不會關閉匿名留言!除非再出現沒有意思的漫罵及洗版!(不過,下次留言,不妨在留言下加個匿稱,否則多人如此做,就會不知邊個打邊個?)

如此做並非因為怕少人來留言,而是為方便大家,特別是不欲有任何機會給人追蹤身份的金甲。

Jo 提到...

在肖磊看來,黃金市場真正的利空因素,是信用貨幣信用價值的抬頭,美元指數的上升有助於提升美元的信用價值,短期內又出現了全球經濟增長速度放緩的預期,中國等國的CPI又出現下降,即是說全球通脹和增長預期雙雙放緩的時候,黃金抵禦通脹的功能將會被削弱,其需求量會受到影響。另一層面,當美國股市的回報率預期增加,債券市場安全係數上升的時候,資金進入這兩個市場的意願就會增強,其他包括黃金在內的資產在短期內受到的擠壓是不可避免的。
-----------------------------------------
-----------------------------------------
小弟淺見:

以前討論過很多類似的問題了,所以不詳加回應,不過論者肖磊連一些很基本的概念都搞不清。究竟是美元指數的上升有助於提升美元的信用價值?還是因為人們更信任美元而多買美元,令美元指數上升?

似乎他搞錯了因果關係,以我看,人們對美元信任才是導致美元指數上升的原因。不過當下美元指數反彈,並非因為信心上升,而是避險,避險與信任是兩回事,大地震後,很多房屋倒塌,但有一些沒有即時危險,災民走入沒即危險的建築物暫住,不能稱為對該建築物有信心,當地震再臨,災民一樣會撤離。

其次,如果肖生有讀史,應知道在過去歷史中,當經濟放緩及陷入通縮,黃金的購買力升幅比通賬期更勁。其實金甲更願意看到的是通縮及放緩,而並非通賬。1869-1900的世界性經濟放緩,史稱長通縮,就是一例。見圖:
http://www.telegraph.co.uk/finance/personalfinance/comment/iancowie/6255482/Gold-has-proven-historically-to-be-a-poor-hedge-against-major-inflations.html

Jo 提到...

註:購買力上升,不代表價格上升。

1869-1900,黃金價格基本被鎖死在官價20美元,購買力上升只因,物價持續下跌了30年,例如小麥就從1969年每蒲式耳200美仙跌到1900年的60美仙(羅家聰《世事循環》p130),如果全球經濟放緩,亦可能出現這情況,人工、樓價、物價通通長期性下跌,形成通賬,通賬之下,更多人資不抵債,愈是槓桿大的資產,跌幅愈大,如香港樓市。

snowcat 提到...

我反而覺得匿名人仕有時都幾幫忙
畀一D其他人既睇法
從而思考一下自己既諗法係咪正確

仲要多謝 JO 兄用心回答~
我完全睇唔明肖磊既邏輯

Jo 提到...

打錯字,是通縮

匿名 提到...

我反而覺得匿名人仕有時都幾幫忙
畀一D其他人既睇法
從而思考一下自己既諗法係咪正確

你講得岩,如果靜係聽死一樣野,一種說法,一樣既意見,買金銀好!d錢冇其地出路,一有錢就買,唔理幾錢,你會好似洗腦甘,冇好處!

Gordon 提到...

咁得易洗腦咩,洗腦要破解潛意識防衛架。Joe兄免費公開咁多優質文章,又解答咁多疑問,講野應該客氣d,係咪?

匿名 提到...

各位師兄,
如果我啱啱出嚟做嘢儲到一兩萬左右究竟買白銀好啲定係金好啲呢?

Jo 提到...

一兩萬,就買住白銀先啦,再儲到,才買金,積少成多,慢慢來!(不過要看多些文章,知道自已買的甚麼才好!)

Charen 提到...

師兄:柑價(陳皮)表現好過金價

jack 提到...

請問系咪恆生,中銀的所有分行都有金幣賣架?