2011年10月3日 星期一

公告

兩星期內,小弟收到許到關於本blog路向的意見,有許多讀者認為本blog最近的文章過於政治化,證明讀者中以關心金銀市場動向者佔多數,為尊重多數人意向,小弟決定將新人問路區同時設為政治討論區,今後所有「小弟認為」與金銀投資關係不大的文章,將會移師至新人問路區繼續討論。另外,如果發表文章者本身亦有blog,請盡量發表於自已blog內,不要重復發文,小弟一直尊守一個原則,其他blog發表的資訊,小弟就不再重發,希望各位網友尊守。小弟一直無時間將文章分門別類,有許多新人認為刨文非常困難,待小弟完成手頭要務後,會著手處理,分門別類!

52 則留言:

Ilulissat 提到...

讚同

kenlyl 提到...

讚成!!!

嘉芙蓮 提到...

幾日冇黎變咗咁,都好嘅,十卜

i 提到...

為免以後頭痕,又免予人十時花六時變之感,收起貼貼權啦,至少收緊(好多),之前有post過文嘅或者係有獨到意見才保留或獲發貼貼權。個blog嘅tone係應該由你set, nobody else.

講真,一路都係為睇你寫嘅野而來,從來無睇過其他貼,有料嘅人都自己開blog啦,肥水又怎會流別人田, 所以貼貼權係廢嘅,只會增加麻煩...

kidthief 提到...

support support!

honson 提到...

十卜

Generation Next 提到...

非常好, 說實情是有點遲了。

chapman 提到...

十卜 十卜

Yellow 提到...

軍艦護航打擊不了索馬里海盜-因為真正的威脅來自岸上

呢句說話到底咩意思?希望Joe哥可以仔細諗清楚。

davidtam 提到...

支持joe兄!

Joe 提到...

謝各位支持!其實小弟還寫了一篇政治文回應!但並不打算發表,因為想這裡的討論不要太政治化,因為政治化的交流區太多,用不著這裡!

各位放心,文章只花了小弟很少時間,因為漏洞及含糊不清的概念實在太多,只要稍加一兩個問題,例如何謂xx?甚麼是YY?已能指出問題所在!

Yellow兄說話不妨直接一點,那會較容易明白!

Joe 提到...

我覺得大部份爭論皆因對字面定義含糊不清所致!其次是邏輯思維出問題,語理分析不清!

Joe 提到...

非常好, 說實情是有點遲了。
----------------------
GN兄:

都怪小弟這個月實在太忙了!不知是否年尾,公司的人走完一個又一個!想死!

chapman 提到...

有既定立場和信念,政治話題很難有結果.

i 提到...

How could anyone miss the Sunday interview of Martin?!

http://www.kingworldnews.com/kingworldnews/Broadcast/Entries/2011/10/2_Martin_Armstrong.html

Yellow 提到...

Joe哥,
有d野講太白會得罪人架!
問題唔係傾咩話題,亦唔係因logic同定義唔同有爭拗
而係爭論雙方對對方講野唔啱聽,係要駁人、拗贏人、甚至串人、玩人,激嬲人,所以咪嘈囉

Generation Next 提到...

都怪小弟這個月實在太忙了!不知是否年尾,公司的人走完一個又一個!想死!
======

這是一個普遍問題, 想想現在每年新畢業的大學生按年增加, 中五六不再升學投入工作的就按年減少, 在真正有實力的大學畢業生和相對要求不高的中五六學歷人士在勞動力人口的比例日益縮減的情況下, 做了兩三年比較醒而又有經驗的年青一輩, 又怎不會是搶手貨? 愚的經驗是, 標青的, 畢業時從科大/港大等請回來, 三年下來人工要翻2倍多才留得住, 但賣價卻沒多大增幅, 只有殺掉對手公司擴大市場份才能活命. 但生意愈大愈不夠錢做. 人家也想殺掉你呢.

如果是中高層跳草裙就更刺手. 做做埋埋不夠出糧.

Yellow 提到...

聽GN兄口氣,似係老闆級人馬,唔通係我get錯?

Joe 提到...

yellow是否上次留言45元買銀被困者?

Yellow 提到...

唔係,不過我都想知道45買落果啲而家點算好。

P.S. 我係邊個同而家嘅話題有咩關係?

Generation Next 提到...

Yellow兄為何講得這樣白? 難道閣下是為了得罪不材嗎?

當愚是跟yellow兄開玩笑吧!但看來閣下get錯的不會少。

Yellow 提到...

Yellow兄為何講得這樣白? 難道閣下是為了得罪不材嗎?

唔講白d joe哥又唔明,講白d又話我得罪你,你地講哂啦!
清者自清嘛!

當愚是跟yellow兄開玩笑吧!但看來閣下get錯的不會少。

邊句係開玩笑?而家到我唔明。
Get錯咪get錯囉,估下姐

Joe 提到...

Yellow:

我是開始在45元叫人買白銀嗎?

此blog是幾時成立?當時銀價又是多少?

你的問題已在很多篇文章有解答,包括兩篇白銀精華文章!
這是一場大決戰,老早就要有本死無大礙的精神才好買,我曾叫個幾個人唔好買!

如果買了東西又承受不到價格波動,只許升不許跌,又沒有時間等的,我建議Hold現金,不過當現金再次大貶時就唔好嘈嘈閉。怨樓價為何急得快又急,怨通賬為何那麼高!

Yellow 提到...

Joe,
等都要有個限度,冇理由買落十幾二十年仲唔升,實際購買力大縮水,仍然on居居等落去掛?人生有幾多個十年?

Joe 提到...

不過我都想知道45買落果啲而家點算好。

--------------------------------

如果要真係答這問題,我會答:

叫人買金買銀的討論區早於2004就成立,本blog亦早於2008年開始叫人投資金銀,何解你一早沒有察覺金銀的投資機會?何解不一早買而要等到45元才買?只要早於2008年買,現在仍有3倍利潤,早於2004年買,更有6倍利潤!

Yellow 提到...

Joe哥,

仲有你唔使咁激動,我而家唔係代果位師兄怨你。
每人都要為自己所做的決定負責

Joe 提到...

Joe,
等都要有個限度,冇理由買落十幾二十年仲唔升,實際購買力大縮水,仍然on居居等落去掛?人生有幾多個十年?

------------------------------------------
你或許新來了,我在很多留言中已聲言,投資白銀最少看5年,看10年更好!有非常多的網友可以做證,如你有需要,我可以在7000多個留言中找出來給你看!現在由高位回落未夠半年就要定出限度?

Joe 提到...

激動?給人用十八個粗口問候,我都打不還手,罵不還口,小小一個問題又怎會激動?

今年5月8日白銀回落,就有個人留下此言:

你個仆街 Joe, 人地 Alex 講乜野都洗你管. 你老母自以為事, 含家產死撚左佢啦. 要管管鳩你老母個西啦

Yellow 提到...

你或許新來了,我在很多留言中已聲言,投資白銀最少看5年,看10年更好!有非常多的網友可以做證,如你有需要,我可以在7000多個留言中找出來給你看!現在由高位回落未夠半年就要定出限度?

咁係因為而家係2011年,試諗下如果而家係1980年,銀價從亨特兄弟價回落、潛水、橫行三十年仍未望見家鄉。你仲會唔會講得咁瀟灑?

Joe 提到...

所以我們就要分析2011年的市場跟1980年的市場有沒有分別?

1980年-1999年金銀大熊市,是否等同2011的往後二十年一樣會出現大熊市?

所以我們與眾師兄就不斷透過各種理論及數據去分析,暫時得出的結論是:不會!(致於是甚麼原因,你可以看看過去數年的分析)

如果你認為會,那理據是甚麼?就單憑1980-1999年是金銀熊市,所以推論經過1999至2011的12年升市後,金銀會再步入熊市?

Cefull 提到...

怕甚麼? 除非買的是紙白銀/ETF/倫敦銀, 舉了債去買的才要擔心. 小弟有部份白銀是 usd49/oz 買的, 小弟從未擔心過甚麼. 投資黃金白銀的, 最忌只看眼前的價格上落.

目前法幣制度還未崩潰, 就未到收成季節. 小弟認為不出十年法幣制度就要崩潰, 到時手裏沒半點黃金白銀的就變成窮光蛋.

Joe 提到...

投資只根據過往經驗?1989年-2011年日股是大熊市,那是否等同今後日股不值得投資?1999年至2011年美股是大熊市,又是否等同今後美股不值得投資?1964年-2011年港股大牛市,又是否等同今後港股值得投資?

如果投資根據過往經驗能必勝,那世界就沒有窮人了,大家亦不必為將來走勢做分析了!

時間不早,上床了,望yellow可看到一點本blog及其他友網的過往文章,尤其是168,他們早於2004年,當大多數人仍然看不到金銀投資價值時,已率先入市。

Yellow 提到...

你都仲未明。
"而家"係2011年,ok?
你試下幻想將時光倒流三十年,回到1980年代。而你$50買左白銀
當時未有清崎,宋鴻兵,馬隆尼
更加未有馬田大師,168班勁人嘅分析三十年前同而家有咩唔同
而銀價開始高位急跌,而且毫無回升跡象
你仲會唔會咁鎮定?

kidthief 提到...

RE: Yellow
而銀價開始高位急跌,而且毫無回升跡象
你仲會唔會咁鎮定?
==================================================
你應該問你自己買銀原因?
原因有冇變到?
冇變係唔係你自己睇錯?

Joe 提到...

回Yellow:
試想想如果回到1973年,見到白銀由高位回落,毫無回升蹟像,且當時未有各路專家分析,你鎮定還是不鎮定?

Gordon 提到...

如果買了東西又承受不到價格波動,只許升不許跌,又沒有時間等的,我建議Hold現金,不過當現金再次大貶時就唔好嘈嘈閉。怨樓價為何急得快又急,怨通賬為何那麼高!
----------------------------------
Joe兄,

難為我兄了,"怨"人還是一定會出現的,對於經濟,我已挷好安全帶了。

Joe 提到...

1973-1978,白銀整整回調了五年,花了五年才回到原來價位,其後才展開瘋狂上升,當年亦沒有宋鴻兵、馬克、168,馬田大師則是私人投資顧問,1小時收費數千美元。

其實白銀的賣買歷史很長,差不多有三四百年,價值的計算方法,在1873年前後亦有分別,整整三四百年,亦沒有任何專家指引(亦可能是有,但我們不知),就算1999年後不計,不明白為何要舉1980-1999年一段為例?而不是舉過去三四百年的任何一段時期為例?

我得出的結論是,回顧過去三四百年,萬一真是不如大家所願,持有白銀最少都不會渣都冇,最多將它留給後代。當然這有可能因為買了白銀而錯失其他投資機會,但此時此刻又有甚麼工具值得投資,而未來不會有風險?

就算持有cash亦一樣要面對!因為過去三四十年,美元的波幅並不比白銀小,若要抽取某些回落時期,與今日對比,一樣很難保持鎮定,何解持有cash的人不去好好想想?今天還那麼鎮定?

honson 提到...

好多人都係諗住坐順風車,
見人買我買,唔好執輸,
點知銀價大波動,又捱唔到價,
買金銀講來講去都係要用.."閒錢"買,
食得鹹魚抵得渴,


馬田大師5月在"The Silver Crash of 2011?"一文,已經提醒我地的銀甲蟲

"The jury is still out and the future may be bullish long-term, but the short- term can kill you."

米仔 提到...

Allow me to sidetrack a little ...
Believe it or not, words on the street are French is at the final stage of selling their 3 largest banks to China.
http://www.youtube.com/watch?v=bpPx5TAYfzY&t=15m43s

I guess they really are in deep shxx under Euro slow motion bank run and the Greek bond crisis.
http://streetlightblog.blogspot.com/2011/09/europes-banking-system-slow-motion-bank.html

米仔 提到...

typo earlier: "... final stages of negotiating the sell ..."

Joe 提到...

米仔,係都幾大新聞,不過我諗未能確定!

米仔 提到...

To be determine ...

Joe 提到...

Joe兄,

難為我兄了,"怨"人還是一定會出現的,對於經濟,我已挷好安全帶了。
----------------------------------------
回Gordon:

其實已發出過很多提醒,亦寫了多次有關白銀風險問題,叫投資者要小心波動,並且要有心理準備面對波動,否則就不要買,寧願買金!但不知何解,就是有人不看前文,有時也很難怪各位師兄,如你及GN兄那麼激氣。

Yellow 提到...

試想想如果回到1973年,見到白銀由高位回落,毫無回升蹟像,且當時未有各路專家分析,你鎮定還是不鎮定?
Joe哥開始帶我遊花園:)
我問你又唔答,掟番個波比我(你做官架?)
鎮定就鎮定,唔鎮定就唔鎮定lo,簡單一句啦。

難為我兄了,"怨"人還是一定會出現的,對於經濟,我已挷好安全帶了。

你應該問你自己買銀原因?
原因有冇變到?
冇變係唔係你自己睇錯?

你地睇唔睇野架?
我都話1)我唔係45買左果個咯
2)我而家有"怨"到佢咩?

不明白為何要舉1980-1999年一段為例?而不是舉過去三四百年的任何一段時期為例?

因為一個人一生工作能力最強,賺到錢最多也不過二三十年,而呢一代即將退休嘅工作人口也多在八十年代投身社會(包括不少年輕人的父母),而咁啱段係金銀大熊市。

kidthief 提到...

你應該問你自己買銀原因?
原因有冇變到?
冇變係唔係你自己睇錯?

你地睇唔睇野架?
我都話1)我唔係45買左果個咯
2)我而家有"怨"到佢咩?
===============================================
1)我知道你唔係$45買但你有冇買白銀先
如有你為甚麼會買?
2)我想你應該冇"怨"
你條問題係又高位開始急跌,毫無回升跡象,會唔會咁鎮定
令你買白銀原因不變應該都幾鎮定,急跌可能會興奮(如我)

===============================================
1980年,銀價從亨特兄弟價回落、潛水、橫行三十年仍未望見家鄉。你仲會唔會講得咁瀟灑?

等都要有個限度,冇理由買落十幾二十年仲唔升,實際購買力大縮水,仍然on居居等落去掛?人生有幾多個十年?

橫行三十年仍未望見家鄉 <<<<1980 $50美元買 到2011都未見5字頭大家都明

購買力大縮水 <<<<可以見得???未見家鄉但購買力應該不變, 有無example???

Joe 提到...

試想想如果回到1973年,見到白銀由高位回落,毫無回升蹟像,且當時未有各路專家分析,你鎮定還是不鎮定?
Joe哥開始帶我遊花園:)
我問你又唔答,掟番個波比我(你做官架?)
鎮定就鎮定,唔鎮定就唔鎮定lo,簡單一句啦。
---------------------------------------

OK!咁唔好遊花園咯!如果沒有各路專家分析,我在1980年會唔鎮定!

咁如果假設你在1973年買,見白銀回落4年並且冇回升跡象,又冇各路專家教路,又會鎮定還是唔鎮定?(希望你都唔好帶我遊花園)

鎮不鎮定,一樣好易答!

Gordon 提到...

Yellow兄,

請不要對號入座,我說得"怨"人是說那些重覆犯錯的人。
因為Joe兄已經重覆又重覆地說:"不過當現金再次大貶時就唔好嘈嘈閉。怨樓價為何急得快又急,怨通賬為何那麼高。"

Joe 提到...

因為一個人一生工作能力最強,賺到錢最多也不過二三十年,而呢一代即將退休嘅工作人口也多在八十年代投身社會(包括不少年輕人的父母),而咁啱段係金銀大熊市。

---------------------------------------
你不明我意思,我是說,為何不選過去三百年任何一段二三十年的走勢?

因為在長期的歷史中,有某一代人經歷過熊市,如1980投入社會的人口,亦同時有某一代人經歷過牛市,如1960年代投入社會的人,那何解要舉1980年代投入社會工作的人,而不舉1960年代投入社會工作的人?或甚至早多幾代的人?

由於銀市歷史甚長,而一生人最強工作時期只有二三十年,所以我們可以在三四百年的歷史中找到許多以二三十年為期的走勢時段,當我們選取某段時期數據時,應如何決擇?決擇之準則又如何?

Yellow 提到...

OK!咁唔好遊花園咯!如果沒有各路專家分析,我在1980年會唔鎮定!

係咯!人之常情姐!令你鎮定嘅只係所謂嘅各路專家(專家?高級財演?),咁你同d中左冧把降嘅老散有咩分別,只係你中左嘅冧把降叫47,79之嘛。(以後可唔可以改口叫"羊生"呀:))

咁如果假設你在1973年買,見白銀回落4年並且冇回升跡象,又冇各路專家教路,又會鎮定還是唔鎮定?(希望你都唔好帶我遊花園)

鎮不鎮定,一樣好易答!

我點同你?你叫我講白啲我即刻講白啲!係你鍾意帶人遊花園姐!
我會唔鎮定,但係:
1)我唔會全副身家買
2)用黎買果啲一定係閒錢
3)買得就做左最壞打算,當係跌左或者使左,有賺嘅係bonus.
4)唔好講4年咁耐,兩年唔對路我都神早stop lost喇
所以即使我唔鎮定,實際上對我影響有限。

由於銀市歷史甚長,而一生人最強工作時期只有二三十年,所以我們可以在三四百年的歷史中找到許多以二三十年為期的走勢時段,當我們選取某段時期數據時,應如何決擇?決擇之準則又如何?

做得最壞打算就梗係簡極端啲嘅情況,而二戰以後全球金融格局重新洗牌,比較極端就係呢二十年,而且唔少香港人對呢段日子記憶猶新,已經成為集體回憶。(幾百年前嘅事同新一代人幾乎一d關係都冇,提黎做咩?)

Joe 提到...

fubjj兄:不好意見思,delete了你的留言,小弟之前與他的對罵,小弟亦delete了自已留言。謝你幫小弟出頭!

Yellow 提到...

問人而家鎮唔鎮定都還可理解你想做參考
但又要set年份又要講明市場資訊不足,咁多假設性為咩呢?一頭霧水
為嘅係帶大家睇清楚,信磚家,叫獸,同信三姑六婆同財演冇分別。

純八掛都算,咁set個問題叫人答,真心答你唔鎮定啦,點知都只係想抽水想暗示人地羊群......
佢唔係邊個暗示到佢?你又睇d唔睇d,我係問佢"有咩分別"呢d叫明示,唔係暗示。

fubjj 提到...

joe兄我頭先都想叫你del埋我d留言

係你個場攪事我唔好意思就真