2011年8月16日 星期二

商品排斥性:鮮魚與鹹魚



研究黃金的貨幣性真的非常有趣!在馬克思的《資本論》又提到商品價值形式的排斥性!甚麼叫價值形式的排斥性?

很簡單,當兩種商品作出交換時,彼此都會想盡量以自已最高價值去交換,例如一個漁民以鮮魚與鹹魚曬家交換鹹魚,兩人都會盡量爭取最好的價格。由於彼此不了解大家的技能,漁民覺得捕漁較曬鹹魚困難,所以應兩條鹹魚換一條鮮魚,鹹魚曬家亦一樣,覺得曬鹹魚花功夫花時間,所以應兩條鮮魚換一條鹹魚,這就是價值形式的排斥性,因為每一種商品生產者都會認為自已付出的勞動成本價值較高。

每一種商品都有排斥性,因為商品投入了勞動成本後,商品的物理性質往往發生重大改變,例如鮮魚曬成鹹魚,鮮魚的物理性質就會發生根本的改變,並且不能再回復本來特性,簡單講,鮮魚變成鹹魚後,就很難由鹹魚變回鮮魚,就像布匹製成衣服後,衣服就很難變回完整的布匹。

所以當鮮魚與鹹魚作出交換,或布匹與衣服交換時,排斥性就會出現,因為萬一交換後發現不適合自已用,亦難以回復本來的物理性質。就算要求交易對手退還商品,對方亦可能改變了商品的物理特性,例魚鹹魚可能已被剁成鹹魚醬,或用了來做鹹魚蒸肉餅!

貴金屬,如黃金與白銀,排斥性非常低,其物理性質不會因為投入勞動成本而有根本改變,例如金飾可以隨時熔掉變成金塊原材料。排斥性之低遠勝鑽石、玉石,因為鑽石、玉成一經啄磨,基本上很難變回本來面目。就算黃金白銀混入其他物質製成合金,亦有可方法分離。排斥性低令到黃金與白銀作為貨幣,大大減低了商品價值形式的排斥性,從而降低了交易成本,最終進化成為貨幣王者。

有網友說,若然貨幣崩潰,社會進入兵荒馬亂,黃金與白銀就會失去價值,這完全不附合歷史事實,再兵荒馬亂的世界,每個人亦不可能生產自已全部生活所需,最終亦要與其他人交換物資,一交換物資,最終也是反回要依賴金銀作交換媒介,這就是為何戰爭時,金銀仍然能保持價值的因由。

---------------------------------------------------------------------------------------
PS1/近來事忙,這文章是之前寫落,網友們的問題或email,有時間就回復,沒時間,請等候!

PS2/完全搞不清指數兄想講乜?既然政府或策劃者可任印鈔票,何解還要用實物去欺騙人們手上鈔票?如果上帝給你一本可任寫銀碼的支票,且支票簿無限供應,那還有必要去欺騙其他人的錢嗎?印錢、掘金、起樓,那種成本最低?捨棄低成本方法不用(印錢),而用較高成本去騙人的錢,搞不明當中的邏輯!

54 則留言:

匿名 提到...

~一個字"貪"米國自己有石油都要貪哂全世界石油~唔知J兄平時有冇捐錢既habit?最好唔好好似d賭仔門口狗日日錢錢錢得閒出來吠~

Joe 提到...

你的舉例不對!因為石油是有限資源,美國國內石油早晚會用完,才需要貪其他國家石油。若美國國內有無限石油用,又何需貪人家石油?

鈔票就不同了,有無限供應,想印幾多都可以,又何需貪其他人的,例如日元、人民幣,因為這些鈔票也是可以任印。石油有限,鈔票無限!怎可以相題並論?

Joe 提到...

我沒有捐錢習慣,因為有朋友在慈善組織工作,深知當中黑箱作業,如公x金的高層日日去髮廊Set頭都是開公司數。現在好多街頭捐錢活動皆委託第二間公司做,分傭金!捐錢慈善組織實際未必幫到有需要的人。所以我從不買旗!

日日錢錢錢的人沒有甚麼問題,不害人就可以!他們只是盡本能為自已謀取最大幸福。難道你不是?捐錢給人,獲得內心滿足亦是為自已謀取幸福感覺的方法,為別人亦為自已,例如你,捐了錢後,就會覺得自已做了善事,很有愛心,其實可能根本沒幫過人,只是給了錢人家吃喝玩樂。幫助別人是美德,是愛心表現,但不一定要捐錢慈善組織,不幫助別人亦不見得就是狗。

satan_wong 提到...

我沒有捐錢習慣,因為有朋友在慈善組織工作,深知當中黑箱作業,如公x金的高層日日去髮廊Set頭都是開公司數。現在好多街頭捐錢活動皆委託第二間公司做,分傭金!捐錢慈善組織實際未必幫到有需要的人。所以我從不買旗!

----------------------------------------
>.<竟然係甘..難為我成日為慳錢而無捐錢..耿耿於懷..

匿名 提到...

公X金應該都要核數,set頭出公司數如何過骨?

Joe 提到...

公X金應該都要核數,set頭出公司數如何過骨?
-------------------------------------
見客咯!借口就係要到各大公司叫人捐錢,所以要執靚d!仲有,例如開慈善晚宴,要帶少量紀念品給善長人翁,就搭的士,其實無必要,商業公司沒有問題,但慈善組織就有問題!

樂X會更離譜!行政混亂不堪,成日在電視上找人喊苦喊忽!攝影界早知道,好多年前找某大攝影師拍宣傳海報,去到非洲拍飢民,拍攝地點小孩子其實好開心,為了營做效果,打到佢喊,千真萬確!

Joe 提到...

公X金早期的地址是那裡?銅鑼灣時代廣場!有沒有必要?雖廣場以優惠價出租,但管理費,水電肯定比其他區貴。

Joe 提到...

公X金一個總監,人工閒閒地十皮八皮,普通主任都有三四皮。大公司除了捐錢給他們,還可以捐人,即是公司有冗員,就派去公X金做番一年半載,其實去到冇野做,日日上網、炒股,一樣是浪廢社會資源。

如果你有朋友在電X盈科做,可以問下佢有沒有這樣的事,證明我說的是事實!

Joe 提到...

想做善事,走過深水步,見到阿婆執紙皮,俾一兩蚊佢,好過捐錢。灣仔集成門口有個印巴藉伯伯行乞,我次次行過都俾錢佢,另外,銅鑼灣天橋有個伯伯打木琴,我亦俾錢佢!理工大學通往巴士總站有個伯伯唱歌,都可以俾!

Joe 提到...

另外,銅鑼sogo門口有個用膠袋包全身的婆婆可以唔使俾,因為佢好有錢,只係精神有問題。我怎知?去上環蓮香飲荼,見到佢飲茶,顆計同我講佢飲左幾廿年,好有錢!

Lisa 提到...

係, 聽講慈善組織行政費好高, 而流到窮人手上的錢不會多 ! 所以捐錢都要睇對像 !
對身邊的人好D, 而維護大眾利益都是行善之一 !

Gordon 提到...

宣X會如何?呢間我捐助左好多年添?

匿名 提到...

that's why Bill Gate set up his own foundation to do charity.

there are more and more 'volunteers' near train station, 'working so hard', almost like a sale, to persuade you to donate money. i think they have a commission on the money you donate.

嘉芙蓮 提到...

oh i can reassured what joe said was correct. I was involved in a charity project few years ago, and found that unlike other countries HK has no law to regulate/control percentage of money donated should go to the needy. Therefore, administration charges can be as high as they need. That's why since then, i will only donate internationally on physical goods like rice.

旁邊學 提到...

對一些所謂慈善團體的行政混亂素有所聞,令我對街上的一些募捐運動常有保留,但每次面對滿臉熱誠及童真的小義工朋友時我都被感動...先生..幫忙..買支旗..吖!...
真不忍心打擊充滿熱誠的小心靈,所以我每次在街上捐款大多是為了鼓勵這些赤子之心... :)

匿名 提到...

~發財立品~股市又好金銀又好磚頭又好~講咩都假~捐款真係可以走下稅~但策劃者示捐款者為仁者~但我唔同意~有些教友朋友同J兄觀點一Q樣都唔點捐款~

匿名 提到...

2011-08-18 HKT 15:03

世 界 黃 金 協 會 公 布 , 第 2 季 黃 金 總 需 求 919.8 噸 , 按 年 減 少 17% , 但 以 美 元 計 價 黃 金 需 求 總 額 按 年 增 長 5% , 創 歷 來 第 2 高 紀 錄 。
協 會 解 釋 , 第 2 季 黃 金 需 求 總 量 減 少 是 由 於 ETF 的 黃 金 需 求 減 少 。 由 於 金 價 連 創 新 高 , ETF 和 同 類 產 品 的 黃 金 需 求 量 按 年 減 少 82% 。

協 會 說 , 第 2 季 印 度 和 中 國 的 黃 金 需 求 增 長 再 次 位 於 全 球 市 場 前 列 。

第 2 季 黃 金 總 供 應 量 下 跌 4% , 減 至 1058.7 噸 。

Lisa 提到...

ETF減少姐, 因為索羅斯沽呀嘛 XDDD !

匿名 提到...

JP Morgan操控銀價內幕大揭秘(最新part 7)
http://www.wretch.cc/blog/aiolex/33323940

平凡人

Jason 提到...

有冇人知,邊度有一両白金粒賣?

匿名 提到...

金價不久前創新高

鋒 提到...

賣楓葉銀幣 $370 有興趣email fungchunfung@yahoo.com.hk 留電話 名
thx ~

satan_wong 提到...

金價不斷創新高真係好恐佈....

Joe 提到...

歐洲有銀行出事,緊急向歐央行拆入資金!但未知係邊間?

Lisa 提到...

James Turk : A Gold Breakout Above $1,810 Could Come at Any Time

Joe 提到...

歐洲應快會出現銀行擠提!

Joe 提到...

金價不斷創新高真係好恐佈....
---------------------
gold fever就係咁,好戲還在後頭!

匿名 提到...

幾時到silver fever

黃泰利 提到...

以前我做廣告公司(仔),幫一間蚊型基教背景慈善團體做marketing...間野冇雷公咁遠走去柬埔寨服務孤兒...班友上嚟我公司開會��到一袋二袋(非茶記蛋撻),開大食會咁,開完吸水騷又請我地公司同事上酒樓開慶功宴...你話如果對方係私人公司當然無任歡迎,最好請埋揼骨直落添...但係慈善團體喎...錢從哪裡來????

不過由於大蚊型,只會喺教會圍內搵食,唔會公開募捐,大家可以放心...

Joe 提到...

估唔到大家都有類似經歷!

Gordon,宣X會同樣cut得!冇間好野!我老婆之前都有捐,我叫唔好,佢唔信,認為小弟太偏激,最後佢自已有朋友入去做過,知道真相後,死死地氣cut!

Cefull 提到...

委內瑞拉要求提回黃金300餘噸, 一下只要籌集咁多黃金交貨, 個價想唔升到爆都難...

Joe 提到...

應該俾唔到佢!可能最後都係用高級paper gold代替!

涼粉 提到...

如果講捐錢, 我淨係捐過俾救世軍 (指明必需用於四川脤災, 雖然唔知有冇用) 同埋 綠色和平。

綠色和平黎講佢地講明只接受個人捐款, 唔受任何商業機構贊助,唔知係咪表面野? 暗地裏可能又另一套, 但我又幾讚成佢地用D比較引人注目既手段表達意見, 所以都捐過錢俾佢地 :P

匿名 提到...

Gordon:
宣X會幾年前先俾人X過佢地用哂所有錢去宣教。

閒人

匿名 提到...

涼粉:
綠色和平係政治組織, 環保只係晃子而已。我比較buy奧比斯同無國界醫生。不過最實際都係對自己人好D。

閒人

嘉芙蓮 提到...

應該俾唔到佢!可能最後都係用高級paper gold代替!
_________________
應該係會比人反大,然後不了了之。

黃泰利 提到...

個人認為,所有基X教背景既公司都唔好捐...如果要捐,最起碼自己要去間野做過義工...

奇怪既係,我打過去唔少機構話想做義工,佢地只係留名,從來冇聯絡過我(唔通佢唔開3G就知道我唔靚仔?),其中一間仲係之前出過阿蘇節目.個老細本身開茶記,話成日都會派飯俾露宿者,好有愛心咁話.咁我打電話去落單話想幫手派飯啦,個職員竟然問我:「請問閣下有乜才能?」嘩!我一時真係語塞,唔知講乜....乜派飯唔係有手有腳就派得既哩咩???

涼粉 提到...

@閒人

環保的確係有政治目的, 但係咁並唔影響環保本身既正確性 :) 有時綠色和平做既野的確係幾對胃口的 :P 例如呢排佢地針對緊 Nike / Adidas 呢D運動品牌係大陸排放有毒污水既問題, 又搵人去佢地D門市度貼下 banner, 有呢D聲音我覺得係一件好事黎~

匿名 提到...

Gold and Silver fever, still long time to go.

Gordon 提到...

唉,我都係時候要硬起心腸cut了對宣X會的地捐助。

涼粉,
試下查深入d真正操控綠色和平的背後機構啦,會是那個組織呢?

Joe 提到...

對地球暖化等議題,學術界還有爭論,是人為還是自然交替過程?未有定論!綠色和平不應先下定論!與其責難波鞋、大機構,不如先行抗議國際期貨市場對第三世界農產品的壓價行為,可要求政府嚴厲禁止無貨沽空,但未見其有任何行動!

匿名 提到...

綠色和平在大陸只能做呢D針對工廠污染等工作, 係因為地方政府同中央都唔會俾政治位(例如維權)佢地呢D NGO入。而且排污處理係一單大生意來的。以戰養戰, 留係度就無問題。

閒人

KEN 提到...

對,宋老師都在貨1講過,環保係代替戰爭的銀行家工具。

匿名 提到...

D 金真係貴到飛起

wahd 提到...

上星期先捐左錢,話等如10 children feeding kits,唔知又係咪揩左野.

wahd 提到...

應該係聯合國難民署.

匿名 提到...

以前就是因為睇過Joe講果D慈善機構的黑暗野,搞到我E+見到索馬里飢荒都唔敢捐錢,驚捐o左D錢都唔係直接幫助到D災民.

涼粉 提到...

環保既目的, 同環保本身所達至既後果應該要分開黎講, 唔通有政治目的既話, 減少排放廢氣就會變成壞事? 咁樣有少少唔公道, 當然, 政治目的既存在係令件事變得唔再單純, 但並唔影響事情既正確性。

至於全球暖化, 對, 我個人都唔相信暖化係人類造成, 但千祈唔好將 環保 同 防止地球暖化 劃上等號, 環保係可以有好多範疇, 生活上節儉少少, 唔好咁浪費物質資源都係環保, 循環再用又係環保, 而就算有任何政治目的, 呢類事情都係有好冇壞。

至於針對大陸污染, 係咪大生意, 有冇政治目的根本唔係問題, 最重要係有人去針對, 就會令多D人知道件事, 就算冇改善, 佢都成功地令更多人去關注工廠污染既後果, 同埋事情既嚴重性。

匿名 提到...

反擊末日撚言論:
!J兄吹股災?~仲吹cashismere(屎?)哈哈哈哈~去飲茶無位等等等等,買嘢排隊等等等等,去restaurant訂晚上6:30pm後既位要排期等等等等!結婚註冊排期擺酒都係辰等等等等~好X旺~世界末日撚?想我買金銀?我啋你都有味!

匿名 提到...

反擊末日撚言論:
~等到自由行喉住既野冇人買~茶樓冇人等位~晚飯訂位幾時都訂到~擺酒註冊期排期短~先至同我講買金銀啦!~睇來短期內旺到都唔會發生改變~政治目的有冇真係見人見智~

匿名 提到...

捨棄低成本方法不用(印錢),而用較高成本去騙人的錢 <==
因為人開始唔信印既公仔紙,而且人想找回報。咁就用唔同既方式去引你買,之後怒MARK去做到你打一生工。負資產就係一個好例子。

Joe 提到...

負資產是因為唔信貨幣?對公仔紙無信心?

請想清楚!負資產元凶是過度借貸,最後價格下跌引致資不抵債,被斬倉,被追債!

匿名 提到...

灣仔英皇集團對出的馬路成日都有呢D"慈善Sales",日日出街食飯都俾人追住要求捐錢。好多時仲要係同一個人,幾次出現時都代表住唔同的"慈善組織"

試過俾個sales塞住路問捐錢,拒絕後被佢鬧無良心,好大聲鬧到d人望住晒,超無奈。

我依家不定時捐錢俾奧比斯同壹基金,係無國界義工助養左個小朋友。呢3間應該好D掛....

匿名 提到...

而家好多分析員看好金價, 但原因都離不開對紙幣的不信任, 他們都是執人口水尾, 無D主見的狗:

外 匯 業 人 士 黃 耀 明 表 示 , 金 價 雖 然 有 機 會 升 穿 2000 美 元 , 但 短 期 走 勢 要 視 乎 美 國 聯 儲 局 會 否 推 出 第 三 輪 量 化 寬 鬆 政 策 而 定 , 假 如 美 國 未 如 市 場 預 期 推 出 措 施 , 金 價 或 會 回 落 至 1800 美 元 。
國金明鑑 羅明立 8月 22日 星期一 .
黃金升勢 確實瘋狂
今日金價再創歷史新高,曾經升至1895美元,跟1900美元大關只是一步之遙。金價自今年1月3日開市時的1416美元起計,已上升接近34%,若以全年低位的1309美元計算,其升幅更接近45%,單就過去1個月,已漲超過18%,黃金成為近期金融市場大幅波動下最受惠的資產。現時黃金的升勢已確實出現瘋狂狀況,當中主要原因是反映投資者對法定貨幣失去信心,而歐美債務問題以至經濟前景都顯示黃金更值得被持有,因此在技術分析出現超買的情況下,金價仍然維持大漲小回的格局。



環球經濟可能再次陷入衰退,令市場相信歐美央行不得不繼續開動印鈔機,貨幣購買力最終難逃下跌的命運,美國評級被調低後債息卻繼續下跌便是反映市場認為央行未來的貨幣政策將進一步從寬;再加上債務危機的負面影響,歐洲銀行的資本狀況愈發讓人擔心,從三個月美元倫敦銀行同業拆息繼續走高可見,情況確實不妙,造就金價屢創新高。

現時估計金價會升至2000美元已變成保守的預測,但現水平入市買金,同時存在很大的風險。金價近期的急升,某程度已反映投資者對後市的避險需求,市場亦對金價繼續上升有較大的預期,因此一旦市場突然出現利好因素,技術超買的因素會急速反映過來,金價隨時會出現大幅調整,從現價漲跌10%的機會其實相當均等,暫時不宜入市。

匯市方面則繼續反覆上落,仍然缺乏方向。市場對歐盟會發行歐元區債券有所憧憬,但德法兩國對此的反對立場相當堅決,法國總理認為共同發債將會推高法國的債務,甚至會影響其主權評級;德國亦表示有關建議無助解決區內的債務問題。現時大家要留意歐洲銀行的資本狀況,由於信貸市場有跡象顯示個別銀行已面對融資困難,市場大鱷隨時會借此炒作獲利,相信歐元短期應繼續維持1.40/1.46的大型上落市格局,不妨短炒波幅。