2011年4月4日 星期一

轉貼: 人言報 - 石林叔(節錄)+ 畢老林(節錄)

2011年4月4日

金與銀

石林

白銀首季表現驕人


打壓金銀價不成功

談到銀市不能不 說上周有令人關注的一幕,就是在3月份COMEX期銀合約交割最後限期的前一天,有290張合約相當於1.45百萬盎斯現貨白銀待交割。在現貨緊拙的今 天,有銀市牛方巴不得出現迫倉、推高銀價,以懲罰那些涉嫌操控銀市、作為當局代理的寡頭金銀錠銀行。然而,當天交割順利,迫倉沒有出現,期銀市場出現已一 段時間的「現貨升水」現象也慢慢有所改善。雖然銀市無出現迫倉性的急升,但說到底仍在上升,目前銀價又再攀臨至重要心理關口38元不遠。正如敝欄上期說, 有關當局及其代理打壓金銀價格的意圖在較長線來說是不會成功的。

說回金市,她們力圖壓制金價不要升逾1440元,至今仍是得逞,上周四金價 就是在此水平下沿又給打下來。但是我們應該看到,金價每次遭打壓每次的下跌幅度已愈來愈小,回揚的速度則愈來愈快。例如前周四金價創1447.7元歷史新 高即遭打壓,但金價只回落到1410元,與敝欄估計的1411元(並認為不致低於1406元)極為接近;上周四再遭打壓,金價只再回落到1412.5元, 惟隨即又反彈回揚。換言之,打壓金銀的效果愈來愈小了,牛方則慢慢進逼。

巫婆是她鬼又是她

為什麼打壓金銀價格的效果愈來愈小呢?說穿了就是有關當局又做巫婆又做鬼,表面上她們叫人對法定貨幣要有信心,通脹不是問題,金銀價隨時見頂,但實際上摧毀紙幣價值、實質推高商品價格的元兇正就是她們。

截至最近的3月23日,美國貨幣基礎增升至2.419萬億元的新高,該數字在去年底約為2萬億元,即今年首季內共增加逾4000億元。無怪乎該季美滙指數累跌了3.94%,上周末美國就業數據有所好轉,但美元仍弱,收市價繼續維持在三年支持線之下。

感謝一金甲蟲網誌主人對「石林叔」主要觀點的認同,惟石林叔推薦本報主筆畢老林上周二的文章,談及加息不等於利淡金市,請參閱之。

好彩無響JOE兄個朵, 不過只要係GOOGLE SEARCH「金甲蟲網誌」就會搵到依個BLOG.

好奇的讀者必定按圖索驥, 這就應該再吸引不少人來看

而愈多人愈好, 我們小市民, 講野唔洗就住就住, 唔似LEE + X

人多意見多, 促進資訊交流, 樂事也

2011年4月4日

投資者日記

畢老林

烏煙瘴氣投資能源 股神師徒因「金」失義?


著名「金甲蟲」Bill Bonner在4月1日投資通訊The Daily Reckoning中聲稱,「維基解密」不知從何處取得索科爾的私人記事錄,內載︰「我要走了。我真的受不了這老傢伙。是的,這個決定可能令我蒙受金錢上 的損失,但想到不用在奧馬哈多留一天,聽這個悶透頂的什麼「聖賢」(Sage)一大堆廢話,值得有餘。聖賢?他若早聽我的忠告,賣掉所有價值股買入黃金, 我們比現在富有多了。」

這則「記事」,出自索科爾還是Bill Bonner之手?老畢只知後者把「維基解密」拖落水,其他無法肯定,這番「心底話」,是否I Hate Tricky Dick一類開大人物玩笑之作,難以置評。然而,「金甲蟲」我手寫我心,借股神「師徒失義」嘲諷瞧不起黃金的畢非德,不足為怪;重要的是,讀後一般的令人 會心微笑!

遲下黃金白銀真係會走入平常百姓家

期待這一天來臨

股神唔買入黃金, 自有他的原因, 你估佢真係傻咩 哈哈

可能佢好似LEE + X咁, 成個金礦買了, 有待跟進股神的步伐

63 則留言:

匿名 提到...

好文...多謝Joe兄嘅分享~

Marco

匿名 提到...

Marco:
>>張貼者: Wong Wai Leong 於 4/04/2011 04:20:00 上午

閒人

TheGoldenMean 提到...

真理其實不能辯出來,只有愈辯愈唔明,不竟每個人既情況唔同. 所以有時多意見並不是好事. 金銀投資要既係耐性同堅持

匿名 提到...

唔該哂閒人你講比我知. 因為我睇嗰陣唔見話係邊個post, 所以先搞錯咗...真對不起!

Wong Wai Leong 兄, 多謝您的張貼!


小弟,
Marco

Joe 提到...

謝wong兄資料,今日可以唔使買信報!

sky925 提到...

今日去利昌買跟銀,$366.5 一両
聽到個客同sales講,睇過gogoldjoe 的blog

近來,sales話每逢食飯時間都好多人!
2011年4月4日下午6:58

wahd 提到...

呢度, 終於都"黃"左. 仲有就係媒體已經認真咁討論緊黃金既基本因素. 畢老林談及加息不等於利淡金市, 呢度已經在之前回應過.
現在高通漲令到更多人留意同討論黃金, 我打賭今年金市升勢會明顯加速.

mang 提到...

今天,中午在利昌買銀,366•5一兩,
下午4點,打電話再問,己經369•5一兩了。

Gordon 提到...

"惟石林叔推薦本報主筆畢老林上周二的文章,談及加息不等於利淡金市,請參閱之。"
------------------------------
石林叔,
請再仔細參看此blog於"2011年3月29日星期二--好文共嘗!"

其中joe,bosco和閒人的回應,是3名高手過招,唔可以睇漏的,不過小弟功力未夠,消化唔晒。有機會提下老畢tim啦,等佢理解左之後,用再簡單d的文章補充番啦,嘻嘻。

Gordon 提到...

聖賢?他若早聽我的忠告,賣掉所有價值股買入黃金, 我們比現在富有多了。」
------------------------------
黃兄,如果那編私人記事錄是真的,我諗可能那位索科爾先生,未有資格入神秘組織,所以連有神秘組織都未知囉。另外,我諗巴老先生唔買入黃金的其中一個原因,係佢唔想臨老先出有交通意外囉,索科爾咁傻豬豬架。

Cefull 提到...

神秘組織? 共濟會?

Joe 提到...

有錢人買入黃金仲有好多考慮,數量太多,搵地方儲存係大問題,貨源亦係大問題。大過集中儲存,政治風險好大,如遇上沒收黃金行動,非常危險。

匿名 提到...

Joe 兄, 咁銀有好大政治風險 & 沒收銀行動??

Gordon 提到...

joe兄,咁金、銀礦股呢?斷估成哥諗到買起D金礦,佢高班過成哥,無理由諗唔到啦,嘻嘻。

Joe 提到...

有錢人儲金,數量大,亦需要較大地方儲存,較容易被發現,當政府要用金時,自然會先向這班人開刀。

Joe 提到...

可能佢有買,但我地唔知,因為唔一定用公司名義公開買,可以成立離岸公司,以私人名義買,世界各國的金礦銀礦股東好多都好神秘。

Gordon 提到...

以爸爸郡一己之力,已經可以橫掃現銀市場,期銀和收購很多銀礦啦。當佢開始橫掃時,銀本來的潛力肯定被釋放而爆升,佢基本上實銀又賺,期貨又賺。

但爸爸郡買乜野,全世界都會遲d知。而且,如果真係買左,索先生應該會知,呀駛發悔氣走喎?

而如果佢有心水,但淨係自己買,又唔安排爸爸郡買,好似同佢以往一般做法不一至。

大風暴 提到...

原來joe同石林叔是認識的,

經石林叔介紹這個卜, 肯定一登龍門, 升價十倍

匿名 提到...

嘩...joe 兄啲網友一定唔係普通人, 全部都係有番咁上吓專業...唉..我一定要加把勁至得!

Marco

匿名 提到...

Gordon:
去到包發達或者誠哥呢D級數, 已經唔係話買定幾噸金/銀放係屋企等升值, 而係講控制生產資料. 例如誠哥買油田, 買礦山, 出海外買土地, 用和黃控制物流, 日用品, 通訊等; 包發達死楂汽水, 牡丹樓, 刀片, 電池電動車, 保險等等, 唔論世界變成點, 生意都照做的.

閒人

大風暴 提到...

徵團購銀幣500個, 集齊人可買, 每個平3.2元左右, 有意留下聯絡, 購買數量, 取貨日期.
集齊人數才購買

BL 提到...

大風暴兄! 我想join! 想買>100個silver maple...
唔知大風暴兄打算買邊種同咩價位買??

Gordon 提到...

閒人兄,
多謝,包發達呢個名好貼切,哈哈。我明白超級富豪們的級數要的是[控制],而不是[擁有],而且要控制有賺錢的專利權的實業。
不過既然你、joe和我也明白為應付美元崩潰的危機,包發達更加應該知最安全最好賺肯定是要暗中控制有現貨的實金銀公司和買下優質的金銀礦山,不論是公司名義公開買、離岸公司或私人名義買。

包發達都就來退休,佢唔同我地香港的浮雲成,佢間屋住左成三十幾年都無換,無豪裝擴建過。而且佢都七十幾,死後又話捐晒d錢出來,我覺得佢真係當賺錢係game來,係為快感,為威。

Gordon 提到...

爸爸郡係佢最大成就,美元騙局爆破係超級財富轉移的好機會,佢點解唔幫爸爸郡威盡呢?
推論至此,假設佢知道要控制金銀,個煲就來爆,佢又有大把錢,除左怕死同家人安全,點解佢唔係爸爸郡攞10%買金銀資產,俾索先生怪責呢?

大風暴 提到...

買鷹揚, 集齊人數後以第二天早上12:00pm打去落柯打計算價錢

大風暴 提到...

政府快派6000元, 就用這筆錢來買金銀來增值(真正價值), 不需要政府為引誘我們將錢放番去銀行系統而去派息(通貨).

匿名 提到...

Gordon:
佢同標記既所謂慈善基金會, 其實同洛克菲勒果200幾個基會有類似目的, 避稅只係點心, 最重要係控制社會部份科研同生產資料. 呢個比起用個人名義擁有企業或金銀更能隱身於幕後做其控制人. 正如無乜人要理洛克菲勒後人做緊乜野. 香港都有好多呢類家族, 多數係買辦階層之後人.

閒人

Cefull 提到...

如果政府沒收金銀, 各位甲蟲有何對策?

匿名 提到...

剛讀過麥克本"富爸爸教你買賣貴金屬", 當中有講到1934年1月美國既"新政"實行美元對黃金貶值前, 只收到全國22%的黃金. 而沒有交出黃金的人民根本沒有受到任何處罰.

閒人

阿葉 提到...

轉貼自宋鴻兵的微博

继犹他州通过金银币成为合法货币法案之后,美国田纳西、弗吉尼亚、新罕布什内尔、南卡罗莱纳等州纷纷引入新货币法案,这些法案规定了当美联储系统彻底崩溃时,各州将实施自己的法定货币。佐治亚州正在讨论未来该州的合法货币仅限于金银。越来越多的州开始要求货币自由竞争,废除美联储的货币垄断权。

大風暴 提到...

Cefull
去到這個情況, 政府已經係等同沒收巿民的合法財產, 這就等於強搶.
這時候, 就一起去公民抗命, 視死如歸.
在那時候, 社會已經很混亂失序, 犯罪會大幅上升, 警察可能都會罷工等等.

Gordon 提到...

金銀甲同志們,
joe兄另有一文曾於2010年12月9日星期四貼出,討論"政府強迫收金問題",可作參考。

Cefull 提到...

沒收黃柑這個問題小弟是想過的. 純粹想分享一下我的想法.
為甚麼咱們要買實金實銀? 說穿了就是對紙幣制度的不信任, 同時也是對政府的不信任. 政府等錢使時明偷暗搶掠奪民財也是史不絕書. 尤其是當貨幣戰爭打到攤牌的階段時, 沒收黃柑行動肯定會出台. 小弟認為攤牌階段會在小弟有生之年出現. 既然猜到了政府會幹甚麼, 做點準備功夫保護自己並不為過.
小弟認為辦法有二: 1. 裝窮; 2. 藏起來
政府要抓肯定先抓大的, 其次是抓易抓的. 誰是大的大家都知道了. 但誰是易抓的呢?
最明顯的就是各銀行及金銀商的客戶及交易資料庫了. 誰買了多少在電腦熒幕前一目了然. 跟著電腦記錄抓人易如反掌. 還可以 sort by 購買量先抓大的.
這就是為甚麼我多半都幫襯利昌, 東洋等, 因為他們不記錄客戶的個人資料! 帶現鈔上去買貨, 銀貨兩訖之後誰也不知道我有甚麼. 這時我只是茫茫人海中的一條小甲蟲, 想抓我沒這麼容易.

大風暴 提到...

死啦, 我去KITCO買銀, 有晒我的資料, 萬一政府強搶, 真係要走佬做通輯犯

Joe 提到...

唔使咁擔心,收金就聽得多,收銀,歷史上少之又少。另外,就算老美限制百姓持金,都只係限於美國,當年貴為英國殖民地既香港都只係加入實行黃金禁運,冇加入限制持金行列。今日阿爺都叫人民買金,作為特區既香港舊年更出面要求取回存放倫敦既黃金,擺明玩野,暫時睇唔到香港有幾大可能實行收金行動!

Joe 提到...

回大兄,有個大陸人email俾我,話見到你留言有興趣投資農業,想邀請你投資,有興趣就俾個email我,等我forward俾你!

匿名 提到...

原來gordon兄係內幕人士,
唔怪得咁多料爆.

阿葉 提到...

銀價剛試US$39.

wahd 提到...

大風暴,
買鷹揚面交?

Gordon 提到...

內幕人士?
唔通我表面上係一個小小的泥水工人,實際上係Joe、Lisa網誌和168網-金價點睇的忠實fans呢個秘密,咁都俾你知道?

Gordon 提到...

佢同標記既所謂慈善基金會, 其實同洛克菲勒果200幾個基會有類似目的, 避稅只係點心, 最重要係控制社會部份科研同生產資料. 呢個比起用個人名義擁有企業或金銀更能隱身於幕後做其控制人.
-----------------------------
閒人兄,
這方面資料很難獲得,看來你在此方面曾有深刻研究,願聞其詳,敬請不吝賜教。

wahd 提到...

金價破頂....谷左咁耐一上可能上好多...詹聖茄下一個站1521.

匿名 提到...

Gordon,
詳情請睇<> XDDD


閒人

匿名 提到...

Gordon,
詳情請睇 "貨幣戰爭2" XDDD


閒人

大風暴 提到...

回joe, 那位大陸人的好意我感激了, 但暫時不會選擇大陸的農地

原因: 大陸司法制度落後, 對保障人民財產意識薄弱
政府非法搶佔農地時有發生, 很多時候都是官商的勾結
大陸離我比較遠, 相關的買賣規則也不太熟

所以暫時只會找尋香港的農地.

BL 提到...

我對4條9o既maple 有興趣d~
或者會唔會到時約埋上去一齊買/拎貨...免除約出黎面交o既麻煩呢?

大風暴 提到...

團購白銀, 我打算在kitco的寫字樓交收
我在facebook白銀戰隊中留了團購白銀, 大家可以到那裡登記

我的email是hsbc4434@gmail.com
那位大陸朋友可以聯絡我傾下有關的投資

Joe 提到...

支持大家的團購行動,將溢價拉到最低,絕對是好事!

匿名 提到...

To follow Dr. Martin,

Gold and silver should soar to
$1785/ounce and $55/ounce respectively and the due date is mid-June.

US, CA, European + Russia stock markets should keep rising until mid-June or early August.

That's what I see the market trend is. Please comment on it. Thanks a lot for you all sincerely.

satan_wong 提到...

><銀價升得甘勁..邊有得玩..仲想買....

匿名 提到...

銀價再創新高!!!

Charen Wan 提到...

今日登入網上理財時發現 mpf 個balance變左做$0!!
打去銀行問才知道原來僱主幫所有員工轉計劃, 所以暫時見唔到結餘住!
要星期四先見得返

銀行真係好古惑

Joe 提到...

回charen,唔到我地控制既野就冇謂諗咁多囉!轉來轉去都相差無幾!每次見到mpf都會激發我去買多d金銀,最少每月用5%薪金入貨(或者10%),作個平衡!

Charen Wan 提到...

人生交差點: MPF揀股票好定係保守好? 個人現在還是選了保守
gold:MPF ratio is 39:1
gold:cash ratio is 92:1
gold:silver ratio is 99.8:1

匿名 提到...

其實大家MPF戶口總共有幾多?大概10個年頭,每月$2000(自己加僱主),有無50萬?

匿名 提到...

Joe,
09年中到而家港股升左唔止50%. 但我的MPF (100%港股基金)只升了8.4%, 計埋平均本法應該大約係double of 8.4% = 16.8%. 我心裡只有一句: "TMD!"

閒人

匿名 提到...

>>黃金價格近來持續高檔震盪,也讓投資人嚐到收益甜頭,財政部國稅局提醒五月報稅季節,透過銀行的黃金存摺帳戶買賣黃金,必須依規定申報綜合所得稅。

睇來國家想民眾買實金唔好炒賣紙黃金喎!

閒人

小C9 提到...

大風暴,
其實團購都係慳$3.2, 如果你唔等, 星期一買已比今日慳$5, 又如果上星期五買已經比今日慳$8...

天天 提到...

我都好憎kitco買銀要抄身份証.....點解我買嘢要俾人侵犯私隱先可以成事?

唔知中銀需唔需要咁呢?東洋溢價太高,利昌無銀幣.....

匿名 提到...

利昌今早377, 問過回收價闊左。。。要減14蚊~

Simon

匿名 提到...

利昌有網上報價就好咯...

fubjj 提到...

打個電話問都好易姐

匿名 提到...

根據防止洗黑錢條例給予各貴金屬及寶石交易商的參考拍引中,為防止不法之徒或恐怖分子融資的活動,各企業需不斷更新現有的客戶的記錄,確保正確。企業亦應索取有關現有客戶身分的證明文件,以確保日後有需要時,例如為作出可疑交易報告和配合調查時,可隨時交出這些文件。

Reply by Kitco customer services in my email.

我覺得係歪理.....