2011年3月24日 星期四

平心對待:Rothschild


投資白銀要認識亨特兄弟,投資黃金,那就不能不知道羅富齊(Rothschild)家族了!過去二百年,他們一直擁有黃金定價權,每日與各主要交易商齊集在倫敦羅富齊銀行內的黃金房(Gold Room) 開出倫敦金交割價,這個金價是全球黃金買賣的重要指標!

關於這個家族的故事及事跡,比亨特兄弟更多更豐富,隨便在網上及Youtube搜搜,數量多不勝數,自從《貨幣戰爭》推出後,很多大陸人對他們產生了濃厚興趣,透過不同手法去了解這個家族,像清茶淡飯Blog(有權限)就常用符號學去拆解「以他們為首的神秘組織」是如何操控世界。多年來,有人說他們的財富比全球政府加起來還要多,有人說他們是全球金融及資源的幕後操控者,有人說他們是地球真正的統治者,控制著全球的主要媒體.......講法眾說紛紜!

在此我不想重復太多他們的歷史及過去,辯論他們實力有多大?在網上可找到的資料多的是,神怪的、現實的、政治的、經濟的......要甚麼有甚麼。對這些說法及論點,我只會用平常心去對待,不會認為他們厲害到天上有地下無,世界最終都逃不過他們的控制,亦不會完全不在乎,不放眼裡。

羅家的勢力大嗎?我認為就算不大,也絕不小!2004年,影星阿諾舒華辛力加當選加州州長不久,就前往倫敦羅家大宅,拜訪羅家後人,負責銀行業務的Lord Jacob Rothschild(上圖),同行的還有股神畢菲持。今時今日,就算是幾十億身家,要約股神吃頓午飯都要拍賣競投,但對著羅家,股神竟是親自前往其莊園,莊園裡相信沒有甚麼業務可給股神視察吧,連世界最富有的人都要勞師動眾,登門拜訪,羅家的超然地位可想而知。

羅家的作風很低調,銀行業務都是私人性質,一般大眾甚少接觸,其位於倫敦的大樓亦很平凡,沒有甚麼大師設計建造。看其網頁更是簡單(http://www.rothschild.com/),業務介紹只有幾隻字,非常精簡,特別是家族掌控超過200年的黃金定價權及買賣生意,幾乎看不到任何痕跡,這倒教人非常驚奇,似乎他們是要完全洗清與黃金的任何聯繫,與他們2004年退出黃金定價權的決定不謀而合。

不過,我認為亦不要過份高估其勢力!或者你會說,過去200年,不是所有情事都在他們的掌控下嗎?的確,根據很多資料顯示,他們的實力真的很大,但想清一點,其實從十八世紀發展至今,不過只是區區200年左右。只要將時間拉長一點,200年又算甚麼,在十八世紀前,世界不可能也是由他們操控吧,起碼我們讀中世紀歐洲歷史,或者是宋史明史,都找不到全何他們活動的痕跡。

在歷史上,全球各地都曾經出現一些可以操控大量人口的勢力族群,中國的士大夫、俄羅斯的教士、巴比倫的祭師........這些人的勢力今日去了那裡?或者已經轉化?或者已經消滅?但從現有歷史證據,實在看不到有一種勢力可以春秋萬世,更多的是維持了一二百年就消失得無影無蹤!我認為歷史興衰不斷,沒有人或族群能永遠做掌控者,所以,我們不能夠因為羅家勢力龐大,就認定今後羅家勢力會永遠延續下去,應該以一個較平常的心對待!

(Rothschild大陸翻譯作羅斯柴爾德)

中央電視羅富齊家族訪談
http://www.youtube.com/watch?v=U5USVZq_CII

38 則留言:

sky925 提到...

今日Appledaily 廣告 , 有間瑞士投資有限公司..有銀和金賣 !

www.swiss-investors.com

250g,500g,1Kg,5kg,15kg

Tel 2511 1130 上環文咸東街

匿名 提到...

此blog的'新買銀處'有介紹.

投資新丁 提到...

「特別是家族掌控超過200年的黃金定價權及買賣生意,幾乎看不到任何痕跡,這倒教人非常驚奇,似乎他們是要完全洗清與黃金的任何聯繫,與他們2004年退出黃金定價權的決定不謀而合」

黃金前景好,點解佢地偏偏洗手唔撈?連定價權都唔要...

Lisa 提到...

因為佢地知, 就來穿煲控制唔到個金價啦 !

金錢一一 提到...

金價1447,好似係歷史高位!

Joe 提到...

係呀,今晚白銀文係電視都有講!李兆富話唔明點解金銀升咁快,其他商品唔係點升,金銀又唔食得?白銀文一句野寸爆佢:「如果你有100萬,可以買乜?買100萬粟米?」

(笑鬼死)

Eddie L 提到...

http://www.youtube.com/watch?v=YDJ57JGFW2I
王冠一頭先都講金! 小弟頭先錄,畫面濛d大家見諒

BL 提到...

升勢強勁!! 一支箭咁標上去!!

Tamama 提到...

還以為會趺落去的 .....
點知被升幅殺個措手不及, 入唔到貨

Joe 提到...

地震+打仗,好難估計,呢d就係所謂人算不如天算!

Gordon 提到...

雖然上到$1447,但對比白銀同期升幅都仲係差好遠。希望銀真是大上大落啦

匿名 提到...

缅甸发生7.2级地震 云南西双版纳有震感
http://t.cn/h1RYwG

Simon

匿名 提到...

昨晚JPM 白銀backwardation 消失, 銀價亦由38以上急跌. 唔知做左乜野手腳定係有大買家接受左settlement.

閒人

匿名 提到...

SIFO (Silver Forward Offered Mid-rate) 昨晚由負轉正, 代表現貨溢價(backwardation)消失.

閒人

Joe 提到...

謝閒人兄報料,我估計係有人接受了現金交割!

Satan_Wong 提到...

-0-我先2星期前高位入左..唔知係好事定壞事...

匿名 提到...

我對現金交割價很感興趣 :P

閒人

匿名 提到...

回Satan:

兩星期前既所謂"高位"而家來講都係筍價!

閒人

Satan_Wong 提到...

Eddie L 提到...

http://www.youtube.com/watch?v=YDJ57JGFW2I
王冠一頭先都講金! 小弟頭先錄,畫面濛d大家見諒

thx你..我用左你d片..

Lisa 提到...

當時宋鴻兵出第一本貨幣爭戰時, 我在網上也見到以下故事, 不過無留link !
話說宋鴻兵有位姑姑是中信員工, 嫁咗俾 Rothchild 家族, 而把家族秘密專俾中信 ! 本來 Rothchild 家族成日搶到生意, 但之後俾中信贏咗 ! 之後姑姑兩公婆在美國發生車禍死咗, 所以中信把秘密俾咗宋鴻兵 ! 宋鴻兵是姑姑搞去美國讀書的, 所以佢要報仇, 大家一定要支持買多 D 實金實銀 !

Lisa 提到...

Rothchild 和聯署的秘密在美國俾禁咗好多年, 不過一在中國爆出來, 佢地想禁都禁唔到啦 !

匿名 提到...

Lisa,買實金實銀已經是與神秘組織及FED對著幹.
nlpsonia

Lisa 提到...

所以宋鴻兵 2006年寫貨幣爭戰不是巧合, 而叫人買入實金, 之後又叫人買實銀, 一於推高金銀價等 D 有心人無得再壓低金銀價 !

kannyfai 提到...

我都係專買銀~~~~~~~~

Joe 提到...

謝lisa資料,這些我都不知!

Lisa 提到...

咁大的秘密, 我都俾嚇到忘記 save 低來源 ! 之後去搵都搵唔返 !
諗咗好耐先決定呢度公開, 因為我覺得大家應該須知, 全部野都有關連 : 金銀價, FED, Rothchild, 宋鴻兵 !

阿葉 提到...

謝lisa...提供

阿葉 提到...

回Lisa,
我係網上capture到呢一段,
http://honson.concordtech.com.hk/pic/Picture%202.png

Lisa 提到...

回阿葉,
原來是宋鴻兵老婆的姑姑 :)
如果宋鴻兵唔識經濟, 咁其他是中信或國家教佢寫的, 而佢抄的資料都來之美國學者, 所以無花無假, 清茶淡飯一早已指証咗 !

金甲超人 提到...

Thanks lisa told us the wonderful story !

wahd 提到...

佢可以點報復Rothschild?

Lisa 提到...

Rothchild 家族的目的是控制世界黃金價格和全球政府財政 ! 搞亂國與國的關系, 而從中借錢俾政權買軍火 !
Rothchild 家族是由銀行家出身, 所以用借錢賺錢是佢地強勢 ! 搞到某些國家因為通脹須借錢應付財赤 !
wahd, 你須好好讀一讀[貨幣爭戰 1] 啦 !

wahd 提到...

Lisa, 貨1巳讀. 只係覺得小小一個宋鴻兵唔知可以做到些什麼.

嘉芙蓮 提到...

同宋同一理念既人人多, 都在努力宣揚真相, 希望世人醒覺

Lisa 提到...

宋鴻兵背後, 還有中信和國家, 因為中國是美債大手持有人, 所以唔好睇小 ! 中國差 D 在鴉片爭戰後, 又中洋人計, 好彩中信去尋真相, 唔係中國人又會再一次輸得好慘 ! 所以 Joe 說得好岩, Rothchild 唔係打不敗的, 雖然佢地好心狠手辣, 就連阻佢地計劃的美國總統(和其他國家元首)都敢殺 !

匿名 提到...

所以除了兩個被殺的美國總統外,其他的美國總統(包括現任的)和其他國家元首都係果個神祕組織(共x會)既會員囉.要睇清楚羅富齊家族,洛非克勒家族等等的真面目,就要從共x會入手,你地以為美國首富Bill Gates都係低級會員黎ga ja. 講最有錢既人,有排都未輪到Bill Gates,真正有錢有權的人,係唔會咁容易被你知道佢地既真面目.

大風暴 提到...

羅富齊家族簡直就是銀行家之中的銀行家!!!!!!!!!!!政府之中的政府

Gordon 提到...

Lisa, support"Rothchild 唔係打不敗的"

所以我之前都講過神祕組織未能控制大陸的政治勢力,中俄兩國可能就係神祕組織控制全球的貨幣系統的最大反抗勢力。