2011年1月24日 星期一

利昌9999金粒

上周五唔得閒,今日再去利昌入貨,買左一兩裝9999金粒,利昌的金粒有兩種,99及9999,形狀有兩種,方及圓,圓的中間有洞。以今日金價計,相差大約百幾蚊(老闆話),但99已冇貨,於是買左一粒9999,以慶祝金價下跌,以今日國際價1250/安士計,這粒金要港幣$12811。利昌今日好多人,我仲見到lisa去(希望冇認錯),員工工作量雖大,但個個好開心(見到老闆好有耐性同d客講解買賣方法,黃金款式等),單賺差價,利昌今年都幾和味,佢地今年應有不錯分紅。

59 則留言:

Lisa 提到...

又唔叫下我 XDDD !
我去時唔係好多人, 因為過 lunch time !
去咗當然要乘熱鬧, 買咗銀粒 !

馬蘭奴 提到...

你係咪想講今日國際價 USD1350 呀?

小C9 提到...

似乎個個都掃貨掃得好開心喎 :-)

Joe 提到...

對!馬兄,一時打錯!

馬蘭奴 提到...

係咪話四條九既金可以用牙咬得開架?我試過咬我果D兩條九,連印都冇個。

L U V B U N N I * 提到...

激死~尋朝早特登去利昌諗住買500g銀磚 (大約早上10點), 去到問原來已經冇曬貨~:(
好彩之後行過kitco買兔仔銀幣仲有貨~! :D

匿名 提到...

oh..May be no stock arrived yet in the early morning, I bought at around 11am yesterday, it had 500g silver bars, and I saw the truck delivered the silver.

Karenchan99

匿名 提到...

今天早上十時返貨,乜都有,我等五分鐘van仔到!
今次買少少,再跌再買

阿豬媽

Gordon 提到...

?阿豬媽
請問你是否講緊利昌的銀條呢?
但是我11:30打過去問利昌的阿叔,佢回覆今日500G同四兩都無貨喎,得番少少一兩...
要我問天打電話再問佢地喎.

VERY CONFUSE

小C9 提到...

Gordon,
唔係喎, 佢地返咗好多4両條喎 (有成100條喎), 你再打去問吓.

小C9 提到...

Gordon,
500g 就好似冇哂, 我見最後幾條比個男仔買埋la (果時11:xxam)

Lisa 提到...

哇, 真係搶貨中, 慢一步都買唔到 !

匿名 提到...

今銀價跌咗~我都想買返D,可囊中羞澀.....

有冇人知邊到可以買到半兩的金粒呢?

匿名 提到...

我約一時半到利昌還有四兩銀條賣.

Lisa 提到...

半両金粒可以試下周大福或周生生地舖 !

匿名 提到...

一兩同500g有喎O.O
四兩就冇晒:(

小C9 提到...

咁奇怪?! 會唔會利昌放假消息等人以為缺貨,快d入貨同入多d呀??

照計佢地唔洗咁做都大把生意ga??!!

匿名 提到...

咁奇怪??我在一時半買了十條四兩,甘快又無啦!!!

Joe 提到...

製銀都要時間架嘛!另外,佢亦唔會儲存所有白銀係舖頭,隨時分幾個倉,於是可能係先拎一批來舖頭賣,賣完再拎一批,所以d供應斷斷續續,一時有一時冇,呢個係我估計。

Gordon 提到...

我今日11:30問完利昌,諗過去KITCO買2條100oz銀油條算數.但係再睇多次KITCO個email,再打電話問埋,佢地現階段仲係只係回收有幫親過佢地的客戶的銀幣,就算係由佢地賣出,有kitco logo的銀條都唔回收!?
佢唔信我,我都係唔信佢地,d銀條咁厚,都唔知個芯...都係穩陣d,等利昌500g.

另外,利昌d實銀供應咁飄忽問題,會唔會係有人見銀價愈回愈多,為了鎖定利潤,獲利
回吐呢?

畢竟,實銀是非常重的,如果有一或兩位人士放出手上實銀,由於要來回多次而且每次帶得郁數量不多,可能產生此現像.

Tamama 提到...

講到Kitco, 大家有冇留意Maple個回收價仲低過Kitco銀幣 !!!??
買賣差價僅僅比維也納少0.2%左右, 之前都唔係咁
唔知係咪因為現時最多人擁有, 所以降低個回收價......

不過都冇法, 比較貼近銀價的銀幣, 似乎都搵唔到第二間, 有種陰D陰D的感覺...冇利昌咁 "正氣"

匿名 提到...

我前天早上去買銀條時, 個櫃員話剛剛有人放左D 4両裝裝出黎,所以有貨.

Eddie Lam 提到...

tamama, 上年年尾個差價都好似差20蚊,而家差成30蚊..
遲D想沽銀換金都唔知放去邊好

匿名 提到...

其實利昌以家大把貨,只不過生意好做吾切姐.師傅話之前買銀的多,以家金銀都多人入貨,做得金又做唔到銀.


自在人生

小C9 提到...

Tamama,
所以今日我諗吓諗吓(唔知去KITCO定利昌),最後都係幫襯利昌.

Johnny 提到...

小C9
我今日去了KITCO和利昌入今年第一次貨. :)

小C9 提到...

Johnny,
好耐冇"見"你LA. 你今日入咗咩貨呀? 有冇買KITCO新返果3隻銀幣呀? 都幾靚吓 :-)

Tamama 提到...

Eddie / 小C9,
而家銀幣之中以鷹揚的差價最低(9-10%), 不過遲下多左人轉買鷹揚, 到時可能又會拉返開.....
所以我打算每隻銀幣 + 利昌銀條都平均地入 (如果升之前入得切), 起碼沽果陣唔會因為某隻產品的差價唔理想而 "dump心" ....

Johnny 提到...

小C9
KITCO新返果3隻銀幣加維也納和楓葉,利昌就四兩條.

Wong Wai Leong 提到...

拎唔到銀幣去中銀放嗎?

匿名 提到...

sorry, 而家至有時間寫野

Gordon, 甘你未空手而回!
昨日打電話問利昌有冇銀貨,佢地叫我過咗年才有貨。我今天諗住去Kitco買兔銀,順便去利昌碰運氣!
(大約十時半)


小C9
你最後有冇買野?
我都見個男人(唔係男仔)企左好耐等點貨,全部係500克,價錢六位數字!

至於供應,Joe有道理!

我其實爭扎好耐買/not買Kitco楓銀,最後買咗!但... 如果賣比其他銀行,唔知回收價好唔好!

有誰可指點?謝!


阿豬媽

匿名 提到...

Kitco唔收自己公司銀條?唔係呀fa?
我仲想買Kitco銀幣,貪佢差價細,靚姐姐話2010等回收才有貨,2011貨未到

阿豬媽

小C9 提到...

阿豬媽,
我見果個唔係6位數, 係5位數喎.

JOHNNY,
我咁耐(喺KITCO)淨係買過MAPLE SILVER COINS + 新返果3隻銀幣 JA. 利昌就買過4両同

TAMAMA,
我冇諗呢樣,差價ANYTIME都可以加大,所以冇得預.

Johnny 提到...

小C9
其實我覺得維也納最靚

小C9 提到...

JOHNNY,
哦. 我就貪MAPLE係4條9 LOR.

匿名 提到...

小C9,
所以我見嗰個係男人阿叔,你見係男仔law! 我見佢買好多銀磚,我買完佢d磚都未砰完!!

阿豬媽

Tamama 提到...
作者已經移除這則留言。
Tamama 提到...

哈哈, 6位數字
看來大家都放了不少資金在白銀上

如果我有6位數字1/2的白銀已經很足夠了 ~

匿名 提到...

其實多口講多句:我去利昌時只有一個男人買緊銀磚,係x拾萬元!

跟着我去Kitco買兔銀加楓銀,我係room 2,我聽到 room1果位買咗十三萬幾元!

咁啱比我碰到!真有米

阿豬媽

snoopy 提到...

佢 d 房好唔隔聲 , 冇哂私隱 . haha

匿名 提到...

哈!真係唔知点解你地淨係只知利昌有实貨買,其实在20幾年前在上环附近丽記,景福,恒生.都有实貨買,景福有强哥,恒生有池哥,揸咈.但他们都退休了.

Losing_Mind 提到...

樓上你都講咗了,廿幾年前呀嘛~
今時今日仲有的話,我哋都會去....但依家得利昌咋。

Wong Wai Leong 提到...

利昌最出名掛...我朋友住上環果邊
佢聽佢爸媽親戚長輩之類,佢地都係話要買銀就去利昌買

Gordon 提到...

好野,今日下午終於係利昌買到十條500G銀條,上午打電話問利昌的阿叔,仲講緊供應緊張,提議過年後再去買.好在下午3點試試再問之下,竟然有貨,即閃去買.的士西隧來回香港九龍,趕到死死下.

去到利昌,阿叔是在佢地寫字樓入D的枱面上,從2個盒仔內攞新鑄的500G銀條給我的,看樣子盒仔內全是新貨.

JOE兄之前推理利昌的貨倉分開幾個,及製銀需時,因此供應飄忽,果然有理.

satan_wong 提到...

:)祖兄..and各位朋友..
今日終於成為一隻小金甲蟲..

匿名 提到...

利昌唔係最出名,當年買实貨的主要客源是来自台湾人.他们最喜欢是景福的貨.利昌还要向我们公司sell他们的貨.不信的話,你可以问问各位利昌叔叔當年曾否送货到中环干諾道中附近的台湾公司.

匿名 提到...

THX Lisa~
我打去周X生,佢地話已經唔賣半兩的金扣了,好在周X福仲有。買咗個半兩的金扣返來,假假地算係半只金甲啦....哈哈

如果利昌/上商都有半兩的金賣就好了....周X福果粒設計得好唔靚。不過會介意投資金粒美觀程度的我先係怪人一個吧....

匿名 提到...

恭喜Satan Wong

Lisa 提到...

我覺周大福半両金粒都好靚啊, 細細粒, 易收藏 !

匿名 提到...

Lisa, 請問有無相睇下半両金粒個樣 ?

Lisa 提到...

http://investtalk-lisa.blogspot.com/2010/11/blog-post_7531.html

匿名 提到...

見到, thanks Lisa

我o係觀塘做野多數都會o係周xx買一/半兩金了,

上次lunch去Kitco買兔仔來回成二粒鐘,飯都無得食 :(

Lisa 提到...

樓上無名已說周生生已無半両金粒賣 !
上環是對好多人來說好搖遠, 而趕時間可以邊行邊食麵包, 我都試過 :)

匿名 提到...

丫..其實利昌等金鋪回收金銀時會如何辨別真假既呢:o

匿名 提到...

所以鍾意去利昌因為近mtr站

阿豬媽

satan_wong 提到...

利昌有半兩金賣..

金錢一一 提到...

小弟响利昌問過賣飾金點計,個伙計話會即時溶咗佢,然後秤番溶咗後果件嘢至計價,如果唔啱價就都係俾番溶咗果件嘢你啫。

金甲超人 提到...

咁忠記好好多!我上星期攞啲金牌仔去放,睇一睇就知足金定K金!因佢即將我瑞士金牌仔同個架分家!真利害!

匿名 提到...

大家好,岩岩開始睇呢個blog
好想入手買金/銀
先問金: 請問入金幣定係金粒好d呢??? 金幣係咪依家好多銀行都無曬??
其實依家d金係咁升,依家買係咪唔係時候??