2011年1月31日 星期一

利昌忙中有錯事件簿最新發展!利昌好0野!

剛到利昌!那位哥哥仔記得我!即時跟進!話問我加唔加碼!因今天有貨!四両都有!哥哥仔好好人計回當日價$260Tim!今天$273呀!結果順利!所以利昌好0野!走前再買多十條四両裝!因要上班,明天下班先去取!走時有個鬼佬買哂餘下500g銀條!得番30條四両咋!

P.S 我無改單,個哥哥仔照星期五價位,補比番10條500g比我!我只係比多$900火耗費!另再買今日價位10條四両銀條!因為上班無帶其餘現金,唔係就再掃買個30條四両銀!

另外見個阿叔買6.88両!於是見個利昌伙記用個大剪鉗剪件金!好五金舖!;)

54 則留言:

小C9 提到...

果然係老字號! 以後買野更有信心!

金甲超人,
今次錯有錯着(鄧你開心), 點解你唔要埋果10條500g呀? 反正你都預(比)咗, 加多10條火耗je. ;-)

wahd 提到...

鬼佬都識得去利昌搶銀~~我唔得閒搶唔到:(

匿名 提到...

好野, 重著數左少少, 正 !

利昌好 !

Tamama 提到...

仲因為咁多左40兩平銀
可惜呢兩日都出唔到來買 T_T

匿名 提到...

頭先13:00左右到利昌, 買左4條4兩銀條, 剩餘5條
在場得我同一個國內客....佢比左3疊一千蚊...約20-30萬, 買金條

Hea

Tamama 提到...

哈哈,我們的同胞很富有

Gordon 提到...

利昌職員好似等緊你來咁,唔通佢地都有睇呢度?

satan_wong 提到...

good news~~

匿名 提到...

Joe兄, 講開又講,
今日買銀時,
利昌個哥哥仔都問起你個blog,
佢問有冇討論區或者網址之類,
不過未得你同意, 我唔敢俾佢.

soul

Unknown 提到...

Sorry, I want to know where is 利昌?

諾克 提到...

請問怎樣在此發表文章?

gogoldjoe 提到...

email給我,收到邀請後,在回復內click入去確認,即可成為隊員,發表文章!(邀請與否由現有隊員們決定)
(電郵地址:gogoldjoe@gmail.com)

gogoldjoe 提到...

回soul,利昌老闆咁好人,咪俾佢羅!

wahd 提到...

呵呵,我諗利昌最近好多生意都係黎自Joe兄個blog~

Gordon 提到...

利昌,joe兄,有興趣投資實銀人士,大家3嬴啦

1.利昌:從交易中賺到錢了;
2.joe兄:我想joe兄開此blog的本意,是起碼寫完文章介紹實金銀的好處後,令大家知道係香港都有地方可以老實地買賣銀啦,如果要係加拿大成箱銀咁訂過來,入門的門檻就太高了,否則有些人可能睇完文章,明明想做銀甲,但都入不了門. 因為而家買一個1oz金幣要成萬一蚊,其實都唔係小數目,但1兩只需二佰幾蚊,對剛有興趣的人士來說,第一次買了實銀,拿在手上那份感覺,對是否決定成為銀甲很重要;
3.有興趣投資實銀人士:香港買和回收實銀的地方真係少得可憐,利昌是少數的其中之一,而且回收溢價很低,真有需要隨時可將實銀變回紙幣.

gogoldjoe 提到...

從加拿大空運來還有個問題,之前168有師兄的銀幣就被海關拆開檢查,刮到花晒!

匿名 提到...

住得遠無著數.....
上星期有一天放假想去買,但亞叔話未有貨.....
請問係九龍有無啲好店介紹?

諾克 提到...

本人過往的戰績也不太好, 投資什麼東西都不順利, 所以不像各位師兄買金, 只能買窮人黃金-白銀.

我睇過michael本投資黃金白銀書,認同要以景氣循環作適當的投資, 由2002年開始是商品週期, 未來10年升勢也會很可觀.

希望這次押注會正確

諾克 提到...

最近買了一些白銀, 在金拓買, 4條9拋光面, 貪其色澤耀目@@
因為資金不夠, 所以用借貸來買, 各位師兄認為是否冒險?

諾克 提到...

利昌有沒有4條9白銀賣??

匿名 提到...

本人都支持利昌買銀,但昨天帶太太到利昌和金拓買銀後。見4條9與3利9之比。再加上賣相。太太命令光顧金拓。

Wong Wai Leong 提到...

哈哈
和我朋友的意見一樣
我游說他買利昌,但他說利昌手工不夠好
他寧願買貴小小,都要買銀幣

Tamama 提到...

但利昌的買賣差價的確少很多
所以我兩樣都有買 XD

金錢一一 提到...

忽發奇想,香港其實有條件行「金本位」,因為港元背後係有足夠嘅美元資產去支持住,只要將所有資產轉做實金就得。當然正如小弟想將自己嘅資產轉哂做金都要經過太座議決,港府想做又要問阿爺又要經垃圾局,難度可想而知。

金甲超人 提到...
作者已經移除這則留言。
金甲超人 提到...

今早年三十成班朋友合共掃了100條多4両裝。見到仲有貨!希望初五那天唔好咁高價!(今天$277/両)

>>因為資金不夠, 所以用借貸來買, 各位師兄認為是否冒險?

nwo24601 兄說得好!不過要識區分:好的負債和壞的負債!兼且能評估風險!正如:無牌揸車極危險;有牌揸車少危險!投資一樣!重要是學會減低風險!

回金錢一一兄
唔係個個人都能:富貴險中求!尤其政府人員。要有淵博知識、滔天嘅見識和出色嘅膽識先惦!可惜全在商界,非在政府!

snoopy 提到...

呢度叫 "金甲蟲之路" , 要政治正確當然叫人不要借貸啦 .

然而 , 各人買金都有各只目的 . 如果你唔係有錢 , 又要決心做金甲蟲 , 就應該要有以下心理準備 :

1) 窮人買實金 , 在貨幣崩潰前 , 一定會買越會窮 , 甚至影響生活質數 .因為買實金消耗你大量現金流 .

2) 同股票 , 按揭買樓比 , 買實金没有 operation margin , 没有 finacial margin , 遇正牛市一定會跑輸人成條街 , 到時不要眼紅別人 , 或埋怨金甲蟲 .

3) 德國股神話 , 富人不用投機 , 窮人必要投機 . 黃金在尾段衝刺力是個變數 , 但窮人誠實地用現金購買, 收集力有限 , 不要對回報有過份幻想 .

金錢一一 提到...

回大風暴兄,你係咪講緊Michael Maloney果本?小弟覺得佢係用美國國民為對象寫本書,所以金價係相對於美金而言,但係對於其他國家,特別係中國對美國嘅影響就無乜點講,升到六千蚊美金係有可能,不過可能一兩年,也可能十幾廿年,到時港元可能早已同美金脫鉤,或者一蚊人仔對一萬蚊美金都未定。小弟認為我地身處香港,人仔對我地嘅影響,住屋嘅需求,加息嘅可能,都係一D我地要考慮嘅因數,唔可以照抄佢講嘅。

諾克 提到...

每個國家都用美元做儲備資產, 美元崩潰, 足以影響全世界.

mike文章講到中國同老美玩火棒遊戲, 最後中國極有可能使人民幣貶值救經濟

金錢一一 提到...

小弟諗緊,如果有條友週圍問人度水,然後玩賴皮,最後果條友嘅結果就係俾人排擠,而其他人則繼續過佢地嘅生活。至於借咗俾佢嘅,個個都知收唔番啦,咪變咗大家坐埋一齊吹水嘅話題囉。

Wong Wai Leong 提到...

只不過拿外匯儲備去買實金並不是行金位本制啊=.=

satan_wong 提到...

snoopy 提到...

呢度叫 "金甲蟲之路" , 要政治正確當然叫人不要借貸啦 .

然而 , 各人買金都有各只目的 . 如果你唔係有錢 , 又要決心做金甲蟲 , 就應該要有以下心理準備 :

1) 窮人買實金 , 在貨幣崩潰前 , 一定會買越會窮 , 甚至影響生活質數 .因為買實金消耗你大量現金流 .

2) 同股票 , 按揭買樓比 , 買實金没有 operation margin , 没有 finacial margin , 遇正牛市一定會跑輸人成條街 , 到時不要眼紅別人 , 或埋怨金甲蟲 .

3) 德國股神話 , 富人不用投機 , 窮人必要投機 . 黃金在尾段衝刺力是個變數 , 但窮人誠實地用現金購買, 收集力有限 , 不要對回報有過份幻想 .


snoopy兄,雖然我既政治唔方向同各位唔同..不過你真係講得好好..好認同你既睇法..買實金實銀係要知道自己買黎做咩..

wahd 提到...

而家個現象幾有趣,香港人買人仔等升,大陸人就係咁買金保值。當有日美國發生超通,香港呢邊唔知情況會點?可能港元會同人仔掛勾?

gogoldjoe 提到...

金銀升得最厲害時,極可能出現「金息互逐」,即是加息推動金價上升,如果借貸購買,到時就見財化水了!

匿名 提到...

可能港元會同人仔掛勾
<--上次曾任權係答問大會都有講到類似的野.個時佢話吾會同人仔掛鉤.
我心諗:[咁點解吾同金銀掛鉤呢?]
曾任權話呀爺吾比.因為會推更多熱錢來炒人仔.
:[咁即是由港幣死囉?香港人好慘.俾人推左去做箭靶]

金錢一一 提到...

今日响將軍澳獅子銀行㩒機時有個發現,响平時左上角提款果格變咗做「提款(HKD)」,右面果格則留空咗,會唔會第時果格會變做「提款(CNY)」呢?同埋原來好多內地同胞都唔識分真假港幣,咁睇法港幣都幾「幣」!
小弟不才,就果少少對「金本位」嘅認識都知想港幣行「金本位」係「痴心妄想」啦!

snoopy 提到...

如果是借 P Loan , 利息在還款期內都是鎖定的 , 而且黃金都没有拿來作抵押 , 就算金價下跌亦不是風險 . 我想 , 唯一風險就是定期還款的現金流突然被中斷 , 例如被老闆炒魷魚 .
注意 : 這只是個人意見只作討論目的 , 不是任何建議 !

匿名 提到...

Joe,請問過去是否有'金息互逐'的歷史呢?能否在這方面發揮你的所長,再發表大文讓大家了解一下?期待.
nlpsonia

小初哥 提到...

題外話:
香港有發官債, 如果行金本位會唔會出現美國早期用晒D金去還息呢個現像呢?

諾克 提到...

請求各位師兄出讓澳洲銀幣三寶給我, 因為呢排出去公幹, 沒有留意kitco最新消息
想要樹熊, 笑翠鳥, 兔年各一, 等待師兄好消息.

金甲超人 提到...

Kitco : 樹熊Yes , 笑翠鳥 No STOCK, 兔年 No STOCK

諾克 提到...

等待中.....

Lisa 提到...

旺角東洋可能還有澳洲三幣, 330蚊一個 !

諾克 提到...

...../kitco個價都係270幾

gogoldjoe 提到...

回nlpsonia,近排急於完成第五章講倫敦金,埋尾了,雖大家或者已很熟本地倫敦金所謂何事,但新手很多不知,所以要快點寫起。關於金息互逐,會他另一章,黃金與利率中講。不過在這之前,還想寫一篇關於埃及的。

匿名 提到...

Tks,Joe.辛苦了.期待你的各大文章.
nlpsonia

Charen 提到...

joe兄: 期待你的新作! 加油!

金甲超人 提到...

joe兄: 期待你的倫敦金 !!! support !!

匿名 提到...

期待 Joe 的大作

諾克 提到...

幾時可以等到1盅司金買一層樓??

金錢一一 提到...

to:大風暴兄,如果有人肯用1盅司金買一層樓俾你,即係佢要走嘅決心好大,大到「命仔緊要」嘅地步,你估係咩世界呢?

金甲超人 提到...

咩世界????睇埃及咪知囉!命仔緊要時!金都唔要啦!有人肯用1盅司金賣一層樓俾你!原因:金價高到無普;層樓又舊到無倫!咪有可能!!

金錢一一 提到...

小弟相信,响走難嘅時候,黃金係最容易帶得走嘅財產,就好似你我金甲去完利昌金拓,身上可能袋住十両八両金,不過你唔講我唔講,邊個知?
依家揸住美元資產,真係有D走難feel。

匿名 提到...

JOE兄, 謝謝你咁照顧我這些新手, 期待你的文章