2010年11月27日 星期六

黃小姐之買銀經驗


這間kitco究竟搞乜?銀甲蟲黃小姐去買銀,點知係像爛地盤一個!黃小姐當堂信心大打折扣!想我將她的經驗跟各位分享分享,當然沒問題!

其實我第一次去都好驚係黑店,因為佢確實係好黑,門口暗暗沉沉,連門都係黑色,問佢地點回收又口啞啞,試問又有乜信心?

不過,一想起無幾遠仍然企係銀行門口抗議被迷債欺騙的人,加上之前已見過168唔少師兄在網上向這間公司訂購了銀幣,就決心買了。

光鮮的門面,欣勤的服務,可愛的笑容,不會損失本金的保證......曾經令我地對銀行充滿信心,很多父母以仔女能打一份銀行工而自豪,但這些表面工夫需要甚麼?不錯,就是成本,且是極高的成本,成本那裡來?不就是羊毛出自羊身上!

今日,kitco有冇周圍拉客買銀?銀價升了一倍,kitco會唔會擺幾個sales係街度推銷,打鑼打鼓叫大家買銀?答案係冇!而且買賣手續仲鬼咁煩,沒有事事以客為先,咁既公司似唔似厄人?直覺話俾我聽,係唔似!銀幣並非佢地發行,我只認銀不認人,如果今日東洋用低過kitco的價錢賣,我就會轉到東洋,我看重是很多年以後白銀的價值。

今日,白銀沒有一個良好的回收機制,令投資者非常擔心上錯船,但試問那些基金,強迫金,又何曾有承諾?65歲可以取回退休?聽住先!到時可以改例,像法國一樣將退休年齡往後推!白銀不及黃金受重視及普及是回收機制不夠完善的另一原因,但情況將會續漸改善,要記住,大家仍然算是非常早投入實物白銀市場的人,看的是10年8年,而不是10月8月!
ps:最上一張是我初次去kitco時拍的,跟現在比,其實更似黑店

9 則留言:

Bosco 提到...

如果你有看Kitco個Analyst Jon Nadler(人稱金銀界既Tokyo Rose)寫既野(Lisa姐個Blog剛剛有一篇拒既不知所謂既Silver Trail),你真系會以為Kitco唔系賣金銀既,竟然有個寫左十年,年年都Call Top既人系到倒自己米。

Lisa 提到...

人地成日說, 賣花讚花香,
不過賣金融產品的, 一定要帶出產品的風險, 而唔係一味叫好 ! 金融市場, 風險一定有的, 只是多或少吧啦 ! 其實買實物的人唔係好多, 反而炒期的人就好多, 所以在金和銀的世界, 波動屠殺難免 ! 而去 Kitco 買實銀的人, 多數是知自己在做緊乜 !

Lisa 提到...

說一說, 點解我對 Kitco 有信心 ?
第一因為見到 168 有人經空運在 Kitco 買銀幣, 雖然最後唔開心, 因為個膠筒打開咗, 而 D 銀幣壓變形, 但都收到貨, 不過我覺空運煩 !
第二我大仔在英國都經空運在 Kitco 買咗銀幣, 而送咗八個鷹揚銀幣俾我老公當生日禮物 !
所以見到 Kitco 在中環開 Office 當然唔放過即刻走去買銀幣 !

Lisa 提到...

還想對 D 人說, 好多野唔好睇表面, 而須小心去睇全面做多方面的研究 ! 有時華麗 Office 才得人驚, 背後可能是老千陷阱 !

Joe 提到...

我已一排冇買,但佢地從來冇打電話來推銷,換轉係銀行,如果買的是實金實銀以外產品,肯定曰call夜call叫你再買野。

Bosco 提到...

>不過賣金融產品的, 一定要帶出產品的風險, 而唔係一味叫好

你可以先看看外國Source對Jon Nadler既評論(可參考Jim Sinclair,Ted Budler,Ed Steer),然後去判斷拒到底系“帶出產品的風險”定系一個Tokyo Rose啦。拒系外國系出曬名JPM既Shill來架。

拒個篇Silver Trail好次用好多數據,好次好客觀,但幾乎全部數據都系以對銀不利既方法帶出來。我只舉一個例子,入面拒有個論點,就系銀既平均開採成本系每Oz 5個幾美元,所以現價既極度偏離現實既。。。

事實系咪咁呢,當然唔系。
先唔講平均開採成本系咪一定要同售價成直接關係
(如:一張1000蚊銀紙製作成本可能只要10蚊,咁系咪我比50蚊你就可以換呢?又一間賣300萬同3000萬既分層單位既建築成本現差又點會有10倍呢?Hermes手袋既成本可能5%都無)

我只講5個幾美元呢個數字系咩來既。

大家要知道,世界上系好少純銀礦既,大部分既銀都系以一個By Product既形式系銅或鋅礦到來既,而呢D礦通常系主力賣銅或鋅既,所以呢個價系會記既結果.你D礦一開採,成本用系開採銅或鋅道,但銀亦一齊開採埋出來,咁當然系“低成本”啦,因為D成本比銅或鋅“吃曬”。(好次只Silver Corp,NYSE:SVM,你看拒年報,銀既開採成本系負數架!)

咁點解系咁呢?因為過去咁都年,銀價極度低賤,業界系無Incentive去開獨立既銀礦。如果要咁做,銀既開採成本唔會比金低,即300至600美元一Oz。

Jon Nadler作為一個業內人,拒無可能唔知呢樣野,但拒選擇性去用呢D數據而又唔解釋,仲做到好次好客觀咁,司馬昭之心可見一斑。好在既系,拒既面目已經比人看穿左,但華文世界就唔清楚。所以拒寫D野,當笑話看看就好啦。

(一個相關既點,銀成日都比人話系Industrial Metal,所以如果經濟唔好,Demand會無曬,先唔講Demand會唔會無曬,其實就系因為銀系銅或鋅礦既By Product,而系經濟唔好既時候,隨著銅或鋅礦既減產,銀既Supply會減少得好快,呢一點咁緊要既Fundamental,Jon Nadler當然唔會提啦)

如果大家想多D了解銀既Basic facts,我推薦
http://about.ag/

Lisa 提到...

我睇野都好客觀的, 而貼文只用來做參考, 唔好信到足; A說好, B 說唔好, 自己須思考 :)
雖然宋鴻兵力說金銀好, 不過買賣都要顧及自己能承受的風險; 就好似個位又想賺升勢又要顧及急用錢是好錯 ! 投資須用閒錢, 急用錢須放活期, 唔可以用急用錢去買一個唔可以隨時套現的產品 !

omo 提到...

Joe兄,Lisa姐

我也對加入金甲蟲行列有興趣。但據我理解,持有黃金是對政權的不信任,不負責任的政府會放任通漲,更可能能以武力明搶。所以此時黃金可以保值或張其移到其他地方。你們是否覺得十年八年內會出現戰爭或政府會放任通漲(如二十年代的德國或四十年代的國民政府)?

Lisa 提到...

回 omo,
好多野都係預測, 而將來個勢點走就無人會知啦, 除非你是來之未來 ! 戰爭和惡性通脹都唔係好事, 所以希望我們下一代唔會見到 ! 不過好多野都可以發生, 所以我們只可以用盡能力保護自己財富, 有無用就唔知啦, 因為一個原子彈, 乜都無曬 !