2010年11月4日 星期四

衰!

以為QE2會推遲,點知金額達6000億,估計錯誤,清了股票倉,不過冇所謂,股票佔自已投資唔多,唯有睇機會再入!股市就係咁,係資金泛濫,經濟靠印銀紙支持既情況下,根本係一個大賭場,所以一早已經有心理準備,會估錯!

相信QE2唔會係最後一次,跟住仲會有QE3.....QE4.......QE5等等,因為愈係印錢,債市投資者會愈意識到自已資產風增大,資金會進一步撤離債市,以債市規模,莫講話6000億,就算係60000億都嫌少。

黃金、白銀將會繼續升值,股市可能會如King兄所言,升到50000點,甚至100000點,樓亦一樣,除非政府大力打壓。

PS:銀價今朝10:30剛剛升穿50年高位!

6 則留言:

patrcikking30 提到...

有QE3,4,5係不出奇,因為佢地根本上唔印唔得!!

昨晚都有分析認為今次規模有d小,可能會有再多幾波都未定,

仲引用了08年11月本來巳有6000億的救市,

但4個月後聯儲局竟加大至1.75萬億,

所以邊個知這會係最後一波呢?

而且750億美元一個月,如以一年計就係9000億一年,

都係一條大數呢.

i 提到...

應該係30年高位? 50年高位係要破Hunt Bros 嘅 $49.

Joe 提到...

謝i兄更正!希望好快破埋Hunt Bros價!

匿名 提到...

點解呢度無人去大型的金鋪買金...好奇怪

Bosco 提到...

有咩咁奇怪,食水咁深,做咩要去。

jasonchong 提到...

我大膽推測未來十年,香港係全球繼美國之後,"通張" 最強勁的地方!香港無能力控制匯價,亦無能力控制利率,在聯系匯率下,加上無外匯管制,更聲稱為全球最自由的地方!自然成為 6000 億資金最好的停靠點!此外,香港衣食著行都要靠入口,就連飲啖水都照顧唔到自己 .... 要靠大陸入口,依家大陸以人民幣計算的物價也日日升 ... 一換成港幣,再加上交易費用 ,,, 升幅之高,可想而知!行出街,買隻蛋,你應該已感受到物價之高!但高處未算高 ....

這條路怪不得人,是香港七百萬人自己選擇的,但作為七百萬份之一既你,應該點自處呢?每日行街,見到金鋪加完又加,都重係咁多大陸人買金 ... 收金鋪,又開到成行成市 .... 警報,永遠會出現,只是你有無用腦去思考!香港人,係時候用腦袋思考一下了,