2010年9月17日 星期五

吹淡金銀的總路線!


今日大鱷係新聞講,而家冇一樣資產係安全,包括黃金,唔知佢所指既資產包唔包括各種紙幣,如果係,咁真係唔知佢想d人點做?金、樓、股、債、匯、商品全部唔安全,咁可以持有乜野?
--
金融界一向對黃金白銀唔友善,唔係唱淡,就係只識教人炒出炒入,買倫敦金、期金.....大家都知背後根本原因係關係老美貨幣既生死存亡,同時亦可能係唔想人地同佢地爭貨。
--
除左呢樣野之外,仲有一樣就係黃金白銀,尤其係實金實銀亦關係到金融界生死存亡,如果,假如有一日,愈來愈多人走去玩實金實銀,咁.........
--
1/好多金融從業員都會失業,尤其係財演。全世界都係玩兩樣野,唔係升就係跌,咁仲有乜好分析?更加唔使教人揀股,揀外幣。亦唔使理財顧問教人設立投資組合,因為黃金白銀只得一種!
--
2/分析員係神係鬼,兩三野就知,金銀唔係升就跌,幾次教錯人,即刻原形畢露!想教人換馬都冇得換,唔通金換銀,銀換金?定係為各大銀行的保險箱評定安全級數?
--
3/你買實金實銀,佢收左你錢,d錢要分俾開礦商、礦工、冶煉廠、運輸、儲存........成本太高,有幾多錢可以落袋,唔使講都知,現金流大減,仲點樣拎d錢炒炒買買、再投資?
--

7 則留言:

Bosco 提到...

你講個3點唔系最大問題,個D只會令D低級金融財俊出事。問題系一個建基於真正實金實銀既金融體系,無咩愆生工具可以出來,D哎賓架即刻收皮。

patrcikking30 提到...

幾年前全球外匯交易額日均2萬億美元,

但而家係4萬億,多左咁多錢,如果不是交易頻率高左外,

仲可以係咩原因??但多左交易,單係這方面就賺差額都賺死了.

patrcikking30 提到...

食螺斯咁做是因為佢基金買金最後市場一定知,
但又唔想D人跟風
所以佢反而高調出來話金係最終泡沫,好危險,好易奶野,
咁就可以解釋點解佢會買金而又不想人跟去買.

到左美元先係出事,佢就扮晒嗟異,話估唔到美元頂唔住,
金賺到了的就絕口不提!!

jasonchong 提到...

就算從回金銀本位,股票市場都不會滅亡 .... 因為公司一樣需要集資(金)投資者也可運用股票市場得到更大利潤(金) ... 但股票市場會變得很簡單 ... 會無左高槓杆工具因為受金銀量的限制。說穿了,市場上需無咁多"錢" ,,, 投資股票,會還完基本步,看香公司業績 .. 股票交投會比現時淡靜很多 ... 人們傾向從事實業 ... 但科技公司也不再會今日 Iphone 4 、聽日 IPAD ....

這看似一個美好的世界,但人類能走回頭嗎?

Bosco 提到...

>但科技公司也不再會今日 Iphone 4 、聽日 IPAD ....

邊個話?難道工業革命時歐洲唔系金銀本位,有CDS?19世紀鐵路大世紀,亞,美,非洲大開發唔系金銀本位(Globalization 其實系個時就開始啦)?

我地好多時都理所當然咁以為我地而家系活系一個發展速度前所未有既時候,我地太看得起我地自己啦,想想工業革命時對當時既人既震撼吧。

Bosco 提到...

再者,科技進步唔系由所謂既金融創新比我地既。相反,而家既體系正正系防礙左資本既有效運用(Capital Misallocation)。

放棄金銀本位傷害既根本利益系一D以Welfare State去取悅愚民既政客同由中得益既相關Banksters。同人類社會進步系無相關既。

唔好比人洗腦。

Joe 提到...

同意bosco所說,事實上整個工業革命,都係金本位下完成,期間有200年時間,通賬接近零,科技卻有長足發展,蒸汽機、紡織機、電話、電報、汽車等等都係係呢個時代出現,同iphone及ipad一樣係非常劃時代。