2010年5月5日 星期三

歐洲財政危機的底蘊

歐洲近日危機,包括沉晚既CDS勁升,當然可以睇成係老美作怪,想借危機將資金迫入美元美債。

不過,我成日都懷疑,歐洲的國家好多都有負債勁多既國家,究竟實際有幾多財富可以俾老美搶?

其實歐洲好多國家都想加入量化寬鬆,都想減息印銀紙,將歐元貶值來抵消債務,又可以刺激經濟,但係以前好多歐洲人都勁反對,特別係最有錢既德國,聽講有6成幾既人反對援助希臘。要令佢地支持救希臘,加入量化寬鬆,其中一個方法就係製做經濟危機,令佢地覺得佢地同d財政危機國係唇齒相依。

老美係呢個時候反而只係幫下佢地手製造危機,又可以將資金迫入美債美元(美債息已回落左好多),真係一箭雙吊!

當歐洲都加入量化寬鬆,貨幣一定會同美元齊齊再貶值,咁人民幣可以點?升值壓力一定更加大,因為資金一定會因歐美貨幣貶值而湧入,係大陸經濟已經年年8-9%增長下,就要面臨比歐美更大既通賬(因為本身已係經濟強勁增長國),但歐美反而因為經濟較差,增長率低,唔使面對咁大既通賬。

如果咁睇,歐洲近期既種種動作,目的就係將通賬輸出口,如此就唔難解釋大陸近日大力打壓樓市既舉動。

4 則留言:

Merry Christmas 提到...

希望共橙擋可以頂得住呢次既貨幣戰爭.
如果國內亂起上黎,唔會好似21年前咁易攪得掂........

patrcikking30 提到...

在被標普降了評級後兩日,西班牙公布的失業率剛好升穿了20%,

會否咁岩??

Joe 提到...

我估計其實歐洲都一樣想印錢抵消債務(即係唔想還錢),但要人民一關(佢地始終民主國家),並唔容易,所以5月19日希臘首批債券到期日前,個市都唔方好,但之後我估計會好好多。

Merry Christmas 提到...

雅典暴亂銀行受襲3人死亡!!!!

都未通過撥款,$$都未到手,攪到咁亂為乜,陣間最後真係唔通過撥款,咁點算??