跟進黃金變色問題

今日咁岩去中環做野，為左悉除大家疑慮，於是將168師兄的有問題金條相片PRINT出來，拿去忠記問一問，睇下有冇問題？

忠記老闆話好平常，如果你拎呢條金條去，佢地會照收！咁究竟金條有咩問題？根據忠記老闆話，係氧化，原因同我親戚講的一樣，製造時可能清整得唔夠好，殘留左些少其他礦物係金條表面，另外99金條雖然係純金，但仲有1%係其他物質，1%亦可能導至局部氧化變黑，老闆拍心口話絕無問題，金塊時常出現類似情況，好少事。

咁有冇解決方法？有！就係用火槍對住發黑部位噴，真金不怕紅爐火，黃金溶點有1000度以上，其他物質被火熔了之後，金仍然會完好無缺，黑色就減退或消失。我再問老闆，如果拎來忠記搵佢地幫手搞，收幾錢？老闆拍心口：免費，而且會係你面前搞店！