2015年11月19日 星期四

今天幫朋友入貨




今日幫朋友入貨,買了一條五兩金條。是1982年寶生銀行出品。排隊的人不多,前面有個中年漢買了數條金條,隨即落地庫放保險箱。今日發現中銀的網站牌價更新不夠快,買時價格可能與網上顯示的不同。入貨價每兩$9981。

34 則留言:

Lisa 提到...

正 !

Unknown 提到...

請問邊間中銀?

gogoldjoe 提到...

永安大廈

honson 提到...

油條五萬樓下

9394 提到...

33 年歷史

Unknown 提到...

依家仲有人買兩條9架?

gogoldjoe 提到...

99金是香港傳統黄金買賣形式!現在仍然普遍!

Frederick Cheung 提到...

根據其他金甲蟲網站的意見,以被充公/沒有/禁止買賣的機會來講,香港及新加坡係佢地心目中存放實體金相對最安全的地方,我覺得有銀行同埋其他做99金的商鋪都有做買賣,係香港的流通不會差過外國的9999金幣,咁買番香港貨都係不錯的選擇.我自己以前都買咗啲.

Frederick Cheung 提到...

應該係沒收

gogoldjoe 提到...

黄金流通性一向好高,99或9999只是成色不同而已,沒有甚麼分別,因為在鑄金工場可以很容易被熔化,改變色成。

買賣分別亦不大,就算拿99金到金行或一些飾金回收公司,他們亦會根據成色換算出與9999金不同的回收價。

狗股小子 提到...

謝謝Federick兄分享。

Ken 提到...

本人近期都有好有興趣想開始買入實金實銀來投資,但由於係新手,想請教各位師兄師姐一個實際的問題,如果我係用來投資,如果金銀價有日升返三成左右我就想賣返出去,甘樣我應該買咩類型的實金或實銀呢? 去金鋪買金銀條? 去銀行買佢地出的金銀條? 定係買加拿大投資金銀條? 是否係邊度買就賣返比邊個, 佢地實回收的? 吾係好識, 希望指教一下.

Lisa 提到...

去銀行網頁睇買賣差價, 去網商睇買賣差價, 睇 Joe 寫的忠記回收 !

Jackcal 提到...

有樣野想請教各路前輩,就是不同的零售金銀鋪頭的網頁所顯示的,也聲是紐約實價,但發覺當中也存有差異,甚至是外國apmex通常都比香港零售所顯示低,我要參考那個所顯示的?另外好像是產品實際價錢是易升難跌,是我錯覺嗎?

Lisa 提到...

網店金銀價是佢地金銀幣價格賣出的指標, 所以通常會比 spot price 高少少, 所以想睇現貨金銀價去睇
1. http://www.netdania.com/Products/live-streaming-currency-rates-foreign-exchange/real-time-quotes/QuoteList.aspx#
2. http://www.kitco.com/

Lisa 提到...

Apmex 金銀幣價格, 是跟金銀價上落外, 還跟受歡迎度升降, 多人買的幣會加價, 少人買的幣遲下就會減價的 !

Ken 提到...

睇落好似買賣差價最少的是楓葉金幣? 1安士買賣差價只差50元?? 但係點解我見好多玩金的人都係去金鋪買金條而吾係買楓葉金幣, 金鋪回收差價無可能少過50蚊啊???

Lisa 提到...

Apmex 通常新出金銀幣會貴少少, 到搶購期過後, 佢又會減返價, 所以有時真係唔曬心急, 不過接近賣完佢又會加返價, 而舊年份限量發行金銀幣會愈舊愈少發行量會愈貴, 所以金銀幣收藏價值就係呢度 !

Lisa 提到...

金舖金條價格睇
http://www.lukfook.com/
今日差價是500蚊1両

Lisa 提到...

銀行金條差價
http://www.shacombank.com.hk/tch/rate/gold_price.jsp
10170-10020=150蚊, 不過銀行唔係成日有貨 !

Lisa 提到...

而買乜和去邊度買是以各人手中資金和去銀行或金舖的路程 !
金舖多數有間在你隔離, 而銀行多數要出中環 ! 分行有金賣的是上商和華僑永亨 !
買少少可以買粒楓葉金幣, 但想大量資金一次過轉換實金的人會買5両金條, 收藏霸位少好多 !

Ken 提到...

我是否可以說, 如果吾介意行遠D,吾介意收藏阻地方一DD, 從純投資角度(考慮買賣差價及出手方吾方便),買金最好係買1安士楓葉金幣(因為放比銀行實收, 而且差價只是50蚊)?

Master NLP 提到...

也可以學Joe兄咁買鴻運金幣,而鴻運金幣係每年唔同設計的。買賣差價同樣在銀行網頁睇,目前差價也是50蚊。

Lisa 提到...

買乜都好, 你買到貨先啦 :)

Unknown 提到...

冇錯!本來想放工去帝銀買RCM 10oz 銀塊,現在已經冇貨!!

gogoldjoe 提到...

我上次去買,佢已經話貨唔多!

Ken 提到...

各位師兄師姐, 我始終吾明... 就算係金銀幣商如LPM買一安士楓葉金幣, 剛剛睇現價係8708HKD一隻, 再睇中銀香港買入價係8624HKD, 即係我係外面買楓葉金再攞去銀行放售, 差價都只係8708-8624=84蚊, 所以, 即使銀行無貨賣吾緊, 可以去外面買, 升到目標價時就賣比銀行. 呢個操作, 比起在金鋪買金條再賣返比金鋪,差價蝕少好多! 所以.... 如果純投資角度,應該還是買供應源源不絕的楓葉金幣吧?

所以, 除非係對金條有情意結, 否則還是買楓葉金幣比較"化算"吧? 還是我理解錯左呢??

Lisa 提到...

在2006年, 我剛投資實金時都計到楓葉金幣是最少溢價的, 所以去銀行買, 個時7千幾蚊1枚, 點知去三次中環才買得1枚, 要升到去9千幾才有多D貨 !
中銀賣的是有膠套金楓葉, 而LPM依家賣的是無套金楓葉, 所以中銀唔會用個個價收的 !

gogoldjoe 提到...

你理解沒有錯!差價只是84元。

我自已一向沒有所謂。但横掂順路,如果有兩邊都有貨的,當然是便宜一點的較著數。

我只試過兩三次於鋪買金粒,那是因為沒銀行沒有貨,自已又心急。

除非是數百元差價,否則數十元我是沒有所謂的,但為了服務網友,我盡量希望大家買到最便宜的,所以才詳列各處買賣價。

Lisa 提到...

Kitco 依家還有有套金楓葉, 是8779蚊1枚 !

Ken 提到...

啊, 原來還分有套無套....吾該晒各位指點, 等我都出手買番少少玩下先

Jackcal 提到...

多謝前輩指教

匿名 提到...

現時買銀條好還是金條。。。。想分批入100萬總值作投資用。。

gogoldjoe 提到...

如果是我,就各一半!但50萬白銀,要想好放在那裡先!