2015年11月4日 星期三

今日入市







兩年多沒有買,今天再度入市,難得買到5個2003年的澳洲鴻運。現價未必是最低位,未來受加息影響,市場或會錯誤解讀為對金價不利,令金價下跌,但相信今天這個位應該屬於一個低位,所以會預留部份資金,待加息後再入市。今日頗熱鬧,前面數人都是買金,前面兩個黑衣男女最誇,一次買了大約二十條金條,總值過百萬。

另外,有追看馬田的網友都知,近日美股已升了很多,升穿幾個重要阻力位,他已確定升市,並預算只有兩個可能(他用only形容,語氣非常肯定):一是「閃崩反彈」已完結,以月線圖計,八月低位已跌穿去年低位回升,二是很可能將進入 Phase Transition,兩種「可能性」都會令美股再創新高。何謂 Phase Transition?大家可以用這個字搜查其網頁,簡言之,價格將會升上1倍以上,他預計道指最樂觀是見30000﹣40000點,最少也有23000。

或者今日「閃崩反彈」與1987年日股真的不同,所以昨天同時買了一點美股(UDOW)。這次有點失預算,一直以為有更低的低位,錯過了15000﹣16000的區間入貨,但投資就是這樣,那有這麼容易給你高賣低買,金股皆然,所以有時很難計得太盡。雖然馬田這樣樂觀,但美股八年來幾乎未有一個似樣的大調整,加上不知加息會帶來甚麼影響?我們看到的是,當9月吹加息,6月股市就開始跌,像要阻止加息似的,最後成功了,沒有加。然後又吹12月……所以會預留一些資金,再作決定。

65 則留言:

Frederick Cheung 提到...

我冇JOE兄的胆量,只敢買DIA.再者,UDOW好像只適合短炒

Julian 提到...

買嘅時候有冇問Krugerrand有冇存貨?排隊多唔多人等左耐唔耐?

林祖 提到...

冇問呀!

前面五個人!

猛虎勇士 提到...

我唔知馬田準唔準…但Joe 潛伏多年再度出手,必定信心滿滿!值得參考。

Lisa 提到...

恭喜Joe, 買到靚舊金幣 :)

HKSAR CHINA 提到...

請問恆生買金幣,使唔使有戶口?

林祖 提到...

要!一定要!

陳比利 提到...

到恆生買金幣, 不用有戶口, 不過要比身份証佢地影印

林祖 提到...

是嗎?我是恆生客戶,一直以為要有戶口!

Ryan 提到...

無恒生銀行戶口,要比身分證登記,買金上限係十二萬港元。

Merry Christmas 提到...

JOE兄估計金股齊升??

林祖 提到...

Yes

mc 提到...

Joe兄
我都只係夠膽買DIA :)

林祖 提到...

如果我比較確定,通常會較進取:)

Vesco Wong 提到...

我今日問恆生,佢話無一兩賣,只有五兩金條。
之後去泗利,用$10400買了一兩9999金粒
本人間中過澳門,知道澳門“天盛金舖”都有鑄造99金粒
林祖師兄,有無興趣研究鄰近地區金銀產品、經營狀況、發展改變?

林祖 提到...

都有既!歡迎提供資料。

但內地就不會講,因為有出入境限制,費事誤人!

林祖 提到...

一兩金粒,恆生沒有賣!

Lisa 提到...

一兩9999金粒要去上海商業銀行 !

fourthppp 提到...

martin 說要等benchmark date才升破,這樣早買了?

"The velocity will begin to pick up with the benchmark targets in gold."

林祖 提到...

計得太盡,亦會錯過低位!重要係大方向。

pisquare 提到...

Joe 兄,
請教, 2014年低位是指, 2/3/2014, 收市15372.8 或是10/16/2014, 收市16117.24. 若是前者, 那今年的低位8/25/2014, 收市15666.44. 今年低位還沒有跌穿往年的低位. 由八,九月之後, 歐州回升 7-15%. 美債三個到十年期的YIELD, 都有些升幅. 看資金還沒有尋找美國天堂的意願, 因現時氣氛好像向好, 又不是好好, 仍是平淡向少好.
之前馬田先生在十月反彈之前, 還說若果跌穿今年八月低位, 便會大反彈. 但11月3日說其中一個可能, 是跌穿往年的低位.
這裡小弟有些問號??
請指教. 謝謝.

mc 提到...

Joe兄
呢次你好有信心喎 :)

David LEE 提到...

加息金有排跌,係時候買HSBC

Elly Ho 提到...

今晚再跌

林祖 提到...

回pisquare:

不好意思,剛才沒留意細節,解說錯了!原來馬田有解:

http://www.armstrongeconomics.com/archives/36435

意思是2015年8月24日收市15666,低於2014年10月日收市計最低的15776,而15776是繼2014年2月小型危機的15370點後最後一個低位。

林祖 提到...

致於15776這個數字好像在紀錄中找不到!請看下面,那是他自已用私人電腦程式計出來的。

http://www.armstrongeconomics.com/archives/36297

林祖 提到...

回Elly,

已有心理準備會再跌。

肥姑姑 提到...

昨晚見過最低跌左US18,係時候又要去入貨,這種機會買少見少

Julian 提到...

你就好啦我去買次次都係15年,其實有冇得可以問teller姐姐俾個其他年份嘅我㗎 lol

Ryan 提到...

當然可以,有很多金甲都會要求要舊年份金幣,當然要恆生有舊金幣才可以。

Elly Ho 提到...

等我分批入貨先

Jackcal 提到...

為何要選舊年份,我是初哥,求解。

Lisa 提到...

在恒生銀行方面, 無分別, 但在外國網上幣店, 愈舊愈值錢 !

Jackcal 提到...

多謝前輩指點

Julian 提到...

同埋我今年我買左幾次全部都係2015版,想要吓其他年份 :)

Lisa 提到...

買舊幣要有緣, 無人賣出恒生又點會有呢?
我就會要新幣, 因為一定少花痕, 舊幣難講是否保養得好 !

Ryan 提到...

新幣都要小心檢查,今年買過兩次楓葉金幣,兩次都要即場更換,
呢兩次都係同一個問題,金幣個齒輪邊位置有黑點(個黑點非常之小),
初時以為係個透明膠包裝上污漬,用手指卒兩下,
先發現個黑點係包裝同金幣之間。之後要求銀行職員更換。
雖然金幣只係投資級別(bullion),但係都要搞好清潔才包裝。

新舊金幣對比,就會發現鑄幣廠既鑄造工藝有明顯進步。
以澳洲金袋鼠為例,8-90年代同2000年後出既金幣有明顯唔同,
"198x 1 OZ 9999 GOLD" 同 "201x 1 OZ 9999 Gold"
字體細左好多,但係字體既清晰度反而高左。

Lisa 提到...

係, 鑄幣技術是會進步的:)
想玩收藏幣升值, 就要買年年不同圖案和限量發行的金銀幣 !

Julian 提到...

重諗住換吓款式儲吓唔同種類, 原來咁多學問同咁多野考慮...

Ryan 提到...

其實都唔係甘複雜,都係慢慢累積經驗。

如果純粹儲金銀幣為升值/保值,真係會好悶,
除左升/保值之外,金銀幣背後仲有好多野值得發掘,
例如之前提及既鑄造工藝,仲有鑄造廠歷史,礦藏來源,
設計...等等。

呢兩年開始入非洲索馬利亞大象金銀幣,先開始認識索馬利亞。
最初係比佢個設計吸引,乜非洲既金銀幣個設計甘正斗 ?
上網搵資料,先知道礦藏來自非洲索馬利亞,鑄造是德國工藝。

另外 Lisa姐 提及收藏幣,
加拿大同埋澳洲,呢兩間大廠年年都有出十二生肖紀念幣,
間接證明,華人財富積累,真係唔可以睇小。

最最最...悶果隻,加拿大楓葉,
前事頭婆個頭像都會跟真實年齡而改變,
防偽特徵越來越精湛...等等

識玩,金銀幣可以好好玩。


Aiello 提到...

宜家金幣同銀幣開採價分別係幾多?
如果入購金幣同銀幣又邊種好
我見joe兄多數入澳洲金幣同楓葉銀幣

BSN 提到...

舊金幣放出去,會比它的重量更高價嗎?市場會有人出比市價高的價錢買?
若果是古羅馬的就算是2條9我就明白,但……

林祖 提到...

黄金除了普通的實金市場(以重量計價),還有古董市場(以罕有性及歷史性計價),正如鈔票一樣,如果到銀行提款時,對方不覺意間給你一張特別編號的鈔票,例如888888,那你就可以高於面值的價格出售。論規模,當然前者大好多,標準較劃一。後者標準較主觀,但如果你能以普通市場價買到一些具罕有性或歷史市的金銀幣,將來放售時,就會多一條渠道,可獲得比普通更高出貨價。

林祖 提到...

回Aiello,

開採價,可很容易於網上查到!

金銀二選一,我會以黄金為主。雖未來白銀發圍空間較黄金高,升幅可能比黄金大,但目前仍要考慮流通問題,黄金始終高很多,起碼以銀行計,除了中銀有白銀買賣外,其他都沒有。黄金就很多間都有,我主攻楓葉銀幣,亦是這個原因,因為它的流通性最大。

Ngat Tong 提到...

請問買金銀一般什麼時間是淡/旺季?
一般coin/bar差價有多少?

林祖 提到...

沒有淡旺季!
差價有時會變,可參考本blog「金銀買賣公司」

Jonathan Kuok 提到...

Martin Armstrong mention in his conference that the extreme low for gold is USD 681 with a spike high of USD in 2016 due to Europe's melt down.

林祖 提到...

THX Jonathan kuok

fourthppp 提到...

Martin Armstrong mention in his conference that the extreme low for gold is USD 681 with a spike high of USD in 2016 due to Europe's melt down.

剛過那個conference?
Thanks

林祖 提到...

這篇文章也有提過:

http://www.armstrongeconomics.com/archives/35556

fourthppp 提到...

其實有沒人買了馬田的報告看?或參加他的會議?

另想告訴林兄3xETF很抓笨的,
我曾經是JNUG,NUGT的熱愛者,但後來發覺不對路,研究下才發現
升時平均得2.75X,跌時就3X.所以長遠很不利.
到證券商到開期貨戶口買期貨,按金用馬田的600美元做本,可能效果更好

林祖 提到...

明白!謝意見

我小玩而已!因為不是短炒,中期看升,才進取一點!

Frederick Cheung 提到...

早陣子才心郁郁想買金,咁快又俾馬田打沉.

JOE兄,就正如fourthppp兄所言,升得2.75X,跌就足3X,如果係上落市,會唔覺唔覺蝕水,所以我先認為UDOW係啱趨勢好明顯一面倒的市,比較啱用黎做短炒.

林祖 提到...

謝兩位意見!

等我考慮下轉唔轉DIA先:)

林祖 提到...

frederick,

我初期買也是心大心細!不過心諗,既然買入既係實貨,大不了咪留俾仔女。不過,當然一切要看自已條件及經濟情況,最近有位朋友,由於換樓,買左新既,但舊既未賣出,唯有吐金周轉。我冇乜後顧之憂,所以唔怕長揸。

瑩達陳 提到...

請問您對黃金最新看法

林祖 提到...

沒有甚麼最新看法,一如概往!

Lisa 提到...

我諗唔曬等咁耐, 半年後金價會升返, 就係等股市冧完先 !

Poshing Ho 提到...

我是新手....我想問問如果現在入銀塊....找比較便宜的"帝銀"很信譽嗎???他們說要3星期到貨..價位就是下訂那一刻.

林祖 提到...

可以呀!原來他們有原裝有套楓葉銀,也是不錯選擇!

Jackcal 提到...

之前佢地入了1000條10 oz RCM Silver bar ,早兩日還有500條,可打去問有冇現貨。

Poshing Ho 提到...

thx曬^^

666 提到...

主要投資實銀價格參考

超級好,謝謝😍😘😚

666 提到...

林祖 提到...
可以呀!原來他們有原裝有套楓葉銀,也是不錯選擇!

2015年11月13日 上午7:48

---------------------------------------------------------------------

無套買賣差價 11.7%, 而有套買賣差達 19%
會否買無套較好?

林祖 提到...

無套ok!