2012年10月5日 星期五

關於保險箱問題


(後補:今日又幫人入貨!入貨價$14610,前面又有個女人買左兩條金條!)

久不久,我Blog就有爭論,其實網上討論或貼相,要做手腳有多難,莫講話假金假銀,假收據一樣可以做,我相信讀者會自行判斷。

講回保險箱問題!保險箱當然不是100%安全,出甚麼意外,銀行亦有免責條款保護,另外就算賠錢了事,對視「金銀比錢更重要」的金甲銀甲而言,亦未必有意思,放家中保險箱亦可能被劫。

對我而言,保護自已財富乃是人類本能反應,就像人要衣食住行那樣自然,我們不會因為房屋會火災、地震,或者像70年代某次山泥傾瀉意外,全楝大廈倒塌,或木屋區大火,而不購買物業一樣。

若因此而不做一些行動去保護自已,到問題出現才後悔,我覺比懂得設法保護自已而遭遇不幸,更加愚蠢。《論語》都有講,知其不可為而為知,你覺得對的事就去做,不一定要理會成效,這樣才對得起自已,明知問題將會來,卻不去做一些事來保護自已,更因為怕保護自已的行為會導致另一些問題,甚至未必能100%有效,甚至只是得10%有效,而自已又想不出更佳保護自已的方法,因而甚麼也不做,那又如何對得起自已?

金銀放保險箱當然不是100%安全,銀放銀行又100%安全?銀行一樣會倒閉,就算有政府的存款保障,那又能確保政府不倒台?甚至存款保障亦有上限,過了就不賠。存款人可將大筆錢放數間銀行,金銀數量若多,亦可考慮如此,如果真是同時數間銀行保險箱出事,時也命也,也沒辨法,到時可買買六合彩了!

另外銀行的免責條款亦非萬能,你亦可挑戰,一切視乎法官信那方,2004年宋立功星展銀行保險箱被擲到堆田區,賠償額都有得駁啦!


金銀若於銀行保險箱出意外,就算銀行最後賠償了事,也不一定只能收回錢,若銀行自已都有黃金儲備,甚至白銀儲備,你亦可捉住此點去挑戰,到時手拿宋鴻兵《貨幣戰爭》,以及本Blog上你對貨幣看法的留言一起去打官司,要求銀行以黃金賠償,都唔一定輸架!所以,小弟有以下建議:

1/ 保險箱放於有黃金儲備的銀行
(到時咪駁咯,問佢做乜要儲金,既然我唔見金,你可以用錢賠償了事,咁點解唔可以賠金?乾衣店弄破我衣服,賠錢了事,但我若見乾衣店老闆娘穿同一件衣服,要求不要錢而要她身上那一模一樣的衣服,你估個官又會點判?)

2/ 保留所有買賣單根據
3/ 多留言本Blog
4/ 買幾本同黃金是貨幣有關的著作,把買書的收據亦收藏

36 則留言:

匿名 提到...

伊朗貨幣,一周貶值 70%
http://www.bloomberg.com/news/2012-10-03/iranians-abandon-meat-for-bread-as-rial-freefall-sparks-protests.html

依家金價為美元所騎劫。
港元又與美元掛勾。
所以呢,港人並不會擔心伊朗的情況,發生在香港之上。

但係呢,到販夫走卒都知道「出事了」的時候,你就已經沒有機會做甚麼了。

匿名 提到...

好了,假設「出事了」
港紙貶70%

街頭出現暴動,銀行會開門嗎?
保險箱還打得開嗎?
真的是沒有機會做甚麼了。
(要在暴動前衝去開保險箱wow...)
存港紙自然更慘

買實金,方向對了
可是講實際些
The devil is in the details
很多細節根本達不到原來的目標
是保值了
真動亂的時候
如不能自保的去賣金
又怎能買米換糧
黃金蟲
懷璧其罪
會活的久還是死的早

覆巢之下無完卵
金銀銅鐵沒分別

Lisa 提到...

In the long run, we will be all dead ! 人最終都會死 !

儲實金實銀, 只是為抗惡性通脹和保購買力 ! 好過到時要靠政府去排隊取食物 !

如果去到亂世過亂世, 大家都等死吧 ! 世上無一個角落會例外, 因為依家最好的地方還是中國和香港 !

Lisa 提到...

如果你依家不認同, 儲金儲銀有用, 到時在食物銀行排隊取食物時, 請記住我的說話 !

匿名 提到...

Lisa,如果只是為了不要肚餓
現在把買金的錢其中的一點點,幾百港紙
多買三個月份用量的柴米油鹽儲備起來
邊吃邊補
好過到時拿一粒金去黑市換一包米回來
依家幾百港紙就得
為何要花幾萬港紙做相同的事

gogoldjoe 提到...

好奇怪!

點解港元貶值70%會等同街頭暴動,及銀行唔開門?

美元近100年貶值左90%以上,美國冇動亂,銀行都冇唔開門!

1930年代bank holiday時,銀行唔開門,反而是紙幣升值時期!

Hahaha......

gogoldjoe 提到...

Lisa,如果只是為了不要肚餓
現在把買金的錢其中的一點點,幾百港紙
多買三個月份用量的柴米油鹽儲備起來
邊吃邊補
好過到時拿一粒金去黑市換一包米回來
依家幾百港紙就得
為何要花幾萬港紙做相同的事

=======================

好簡單姐,因為Lisa姐有錢囉,買3個月野都仲有好多錢剩,咁剩落來的錢都會一路貶值架嘛,咁點算?

Lisa姐又冇可能一次用成份身家買晒食物,或買定幾年食笏,會變壞架嘛!

gogoldjoe 提到...

lisa姐為食物只係其中一個目的,仲有其他架嘛,又不是所有動亂時期,金銀都唔值錢,有d動亂時期好值錢架,lisa姐都係搏下姐,好過乜都唔做!

匿名 提到...

樓上講笑。
如果可以預知香港有戰亂之類,
唔係買金儲金,而係走人!

我嘅重點係:
1) 港元掛美元
2) 美元騎劫黃金

手持港元嘅港人,就會覺得持港元與持黃金,分別不大。

gogoldjoe 提到...

美元騎劫黃金?

點騎劫?請明示?

Lisa 提到...

到美元大眨值之時, 大家就會見到港元和黃金有無分別 ?
現代人在溫室長大, 已唔識自保啦 !

gogoldjoe 提到...

香港人覺得港元同金冇分別?定係你自已一個覺得冇分別?

梁美芬議員都係香港人,佢就覺得有分別,仲月月買,年年買,將港幣兌成黃金。

http://orientaldaily.on.cc/cnt/news/20091028/00176_091.html

gogoldjoe 提到...

如果香港人因為港元掛美金,而視港幣與黃金一樣,咁做乜香港政府會發行金幣呢?

莫非唔驚賣唔去?定係香港金幣只外銷?不是賣給香港人?(笑鬼死)

http://www.hkartclub.com/coin/hkcoin/hkcoinhistchn.html

gogoldjoe 提到...

其實真係笑到我肚痛....(香港人因為港幣與美元掛勾,視港元等同黃金)

莫非Lisa姐唔係香港人?莫非小弟又唔係香港人?莫非呢度眾買金買銀的都不是香港人?

定係大家都係外國人?定係大家一直唔知港元與美元掛勾?

Lisa 提到...

Joe 唔好笑人啦, 因為好多人都沒知為何要買實金實銀 ! 所以金市只是步入牛市二期吧啦, 到金價再升一倍, 就會多D人追買實金實銀的啦 !

Lisa 提到...

自救手冊一早寫咗 :
http://investtalk-lisa.blogspot.hk/search/label/%E8%87%AA%E6%95%91%E6%89%8B%E5%86%8A

我行商店見到平靚蠟燭會買D返屋企都成日俾老公笑我 ! 我叫佢唔好出聲, 到要用時才知珍貴 !

匿名 提到...

現時「合理」的金價,究竟是多少?
有人說是 USD 5,000 以上。
何解遲遲都不能突破 USD 2,000?
美國不會坐視黃金再次稱王。

之前也有文章,述說有人如何打壓金銀價。目的為何?都是直指維護美元的價值。

---
手持十萬八萬港元,
與手持六個一安士金幣。
分別就不大了。

當然喇,一千萬港元與 660 個金幣,就會有分別了。

joe 兄,我相信你都明白,
得果十萬八萬,甚至只有更少的人;
而這些人,就是大部份的香港人吧?
佢地買金,差不多就是「訓身」了,根本行不通的。

對佢地黎講,今朝有酒今朝醉,才是「最賺」的吧?

Lisa 提到...

儲少成多 !
大多數香港人絕對可以買實金實銀, 不過因為太多野吸引, 又 iphone 又 ipad, 又日日starbuck 咖啡, 還有好多消費.....
我依家還用緊 2G 手機, 而4G已出 !

gogoldjoe 提到...

現時「合理」的金價,究竟是多少?
有人說是 USD 5,000 以上。
何解遲遲都不能突破 USD 2,000?
美國不會坐視黃金再次稱王。

之前也有文章,述說有人如何打壓金銀價。目的為何?都是直指維護美元的價值。

=========================

遲!?(即係話升得慢啦!)

那何謂不遲(快)呢?要在多短時間內,升多少才謂之不遲呢?

之前文有文章話如何打壓金價,維持美元價值,亦有文章話,打壓將失敗,你如何決定信那一邊呢?抽籤決定?

美國一直都不會坐視黃金升,不過由1971年35蚊咪升到而家$1780囉!及由2000年升到而家。

你又話美國不會坐視?但點解會由得黃金升到而家呢?坐視左咁多年呢?(見笑)

gogoldjoe 提到...

joe 兄,我相信你都明白,
得果十萬八萬,甚至只有更少的人;
而這些人,就是大部份的香港人吧?
佢地買金,差不多就是「訓身」了,根本行不通的。

對佢地黎講,今朝有酒今朝醉,才是「最賺」的吧?

=========================

哇?你做過全港財富調查?點知香港人都係覺得今朝有酒今朝醉,才是「最賺」?

定係你以為自已所想,即代表很多人所想?

十萬八萬夠啦,只要十萬八萬係有錢人就得,人多不代表有錢,成個天水圍夠多人啦,集合資金可能唔夠中環幾座大廈人口。

所以人數並非問題,而是資金多少!

gogoldjoe 提到...

唔記得問,今朝有酒今朝醉才是「最賺」,係咪即係話消費(用錢)就才是最快樂呢?

你又是否「今朝有酒今朝醉」的人呢?

Cefull 提到...

Lisa姐果篇《自救手冊》,其實有好多人做緊。
美國好多呢類有自救意識的人,儲備各式各樣物資去應付災難。甚至已經形成一股運動叫 survivalism, 連 National Geographic 都拍左個專輯叫 doomsday preppers 介紹呢班 survivalist.
國內也有很多,叫做「生存主義者」,「生存狂」等等,去搜尋引擎可以搵到好多呢類網站。
無獨有偶,幾乎所有生存主義者都是金甲蟲,如何應對金融災難一直都是生存主義者網站常常討論的話題。

gogoldjoe 提到...

其實我真係唔明,點解良哥要將買金、儲糧、今朝有酒今朝醉三件事對立,好似做左其中一樣,另外兩樣就唔使做,或唔准做。(好奇怪)

假設我係一個茶餐廳老闆,咁基本上公司已經長期有儲三四個月糧食,甚至半年以上物資,而且會定期入貨,咁點解唔可以將賺到的錢買金,而又要自已再儲三個月糧?重複自已業務正在做的事。

又例如我係一個注重健康的素食人士,食素消費較低,食物開支低,容易儲錢,咁冇理由為左今朝有酒今朝醉,特登改變自已,餐餐要大魚大肉,儲落的錢都要面對貶值問題,是否素食者就不可以,不需要保護自已財富?素食者唔少架,劉德華咪係囉。



gogoldjoe 提到...

九龍城方榮記火鍋店已故老闆咪係囉,佢間店已儲左好多糧,那些糧食通通屬於他,可以隨時自取來用,但做火鍋又賺到錢,咁唔通又再買一大堆糧放家中?

所以佢咪買金囉......hahahaha

Lisa 提到...

只要好好去思考, 將來世界可能會變成點, 就會去裝備來保護自己, 唔曬次次等政府打救或去盲搶鹽 !

2004年開始叫人買樓, 因為樓價低和利率又低, 但就俾人串小心負資產 ! 叫人買物業收租又俾人串, 說物業好多雜費如管理費呀, 維修費呀 ! 好啦, 到了樓市牛市三期, 個個出來叫救命, 鬧政府點解樓價高到買唔起啦 !

匿名 提到...

我語意不清,抱歉。

我所講的「十萬八萬」,
是指窮人有十萬八萬港幣儲蓄,已經很「富有」。
由於窮人的財富有限;所以「買金」這個行為,窮人就不能效法了。

六個一安士金幣,時值約八萬四千。
窮人買金,近乎訓身。
JOE 兄也會反對人「訓身」吧?

看著美國佬兩次 QE 後的金價走勢,
我的信心本來也是爆棚,
認為在瘋狂印鈔之下,打壓金價的行為,最後必定會失敗。

但是,睇返近幾個月的下降與回升,
以及 QE3 狡滑地玩「神秘主義」,
擔心美國佬一但醒悟,口裏說印,實際就唔印。

最後,有關戰爭。1950 後出生的香港人,沒有親歷戰爭之中。高登仔轉載了一些關於波斯尼亞內戰,存活者的經歷。
看罷,就覺得「世亂而買金」並不實際。「世亂」,平民應該係走。子曰:危邦不入,亂邦不居。

高登仔的轉載:

[怎樣活下去]波斯尼亞內戰一年生存報告

http://forum3.hkgolden.com/view.aspx?type=CA&message=3961583&highlight_id=0&page=1

Lisa 提到...

WWW3 走去邊 ?
歐美自身難保 !

多睇外國英文文章, 會有益處多, 好過自己亂估 !

gogoldjoe 提到...

我亦有經歷,國何時變亂邦?世事難料,很難預測,好好地地的歐西風情的伊朗,可於三日內變伊斯蘭國,當年能逃離者療療可數,越南西貢亦一様,能於亂前走當然可喜,但多數人其實估計錯誤。

本地著名老趙越南菜館老闆當年就估計錯,最後靠黃金由南到北,穿兩粵到達香港。

變亂邦隨時可變,不能以眼前所見為準,明明太平盛世,一個毫不起眼危機可以逆轉,惟黃金是最佳依靠。

匿名 提到...

對啊,當時波斯尼亞內戰。

1) 災變都是突然的
有人問佢:如果你知道會圍城,會儲乜?
佢答:如果我知道會搞到圍城,會走。

2) 平民永遠係最後才知出事
有人問佢:軍隊行軍,咁大隊人馬,點會無知無覺?
佢答:果啲本來就係「友軍」,突然之間變左「敵軍」。政客就一味話無事無事搞得掂。最後圍城才知道出事。

我呢,但願香港可以永保「中立」,唔會捲入戰爭,唔會俾人「圍城」。

扯太遠了。
只是近期金價上上落落,
道行不足,身家微薄,對黃金的信心才出現動搖。
老實講,依家拎住十零廿萬,買樓又唔夠,買股亦都唔見得有幾穩陣,拎住現金又俾通脹蠶食。
真係 lisa 姐所言:走去邊?

兜了一個圈,看來也是要回到實金呢條路。

bbchu 提到...

請問買金粒保值d 定買金幣呢?
由於銀根不多, 我希望每年可以買一個, 慢慢一個一個儲下去, 請賜教 ^^

gogoldjoe 提到...

兩種都一樣保值,但金幣欣賞價值較高。

Lisa 提到...

係囉, 乜金都一樣保值, 只是你買時用幾多溢價(對比網上的spot報價, 昨元收 1781美元1oz)去買, 而在你賣時可以在乜情況下(1. 收藏幣俾炒高時 2.大平時世去銀行用高價換返錢 3. 在亂世中換食物 )賣到幾錢 ?

如果低溢價的實金無貨, 到時會迫到你去買高溢價實金 !

所以好多時, 人算不如天算, 隨緣吧 !

Gordon 提到...

哈哈,Joe兄,Lisa姐,我地講自救裝備,講得多都不知不覺出埋QE3了。時間過得真快!

gogoldjoe 提到...

眨下眼,我股票清倉已兩年,而家恆指都仲係低於我清倉果陣。

Lisa 提到...

俾多大家年幾時間收集實金實銀, 所以在沒爆升之時, 金銀還是平 :)

bbchu 提到...

唉... 我咪比d股票累死.. 2年蟹貨都唔知幾時先可以打番個和.....