2012年4月30日 星期一

法國大選




今個星期日,法國總統大選,薩爾科齊大戰奧朗德,一個主張緊縮財政應付歐債危機,一個則主張擴張經濟,即是偏向印鈔救經濟,對回教移民政策亦不同,兩人鬥得難分難解之際,去年被人捉黃腳雞之前IMF主席卡恩出口插薩爾科齊,說是他陷害自已,大家又點睇?這場選舉將影響未來數年的歐債危機發展,意義重大。小弟我又用歷史潮流的分析法,買重奧朗德勝出!若結果如小弟所料,到時連「歐拉伯的誕生?(二)」一齊分析!

8 則留言:

helmut 提到...

http://youtu.be/3K3DIx6RiM8 要留意5月6日

helmut 提到...

20120429文茜的世界財經週報4 荷蘭內閣垮台及波士尼亞戰爭 歐洲深刻的傷痕

匿名 提到...

小弟現住係法國,或者講下自已睇法,其實依家形勢好似係Hollande佔優,但關鍵在於投俾Marine Le Pen個20%選民會唔會投Sarkozy,基本上左派及一半中間派支持者既票多數會流向Hollande,雖然法國社會普遍都唔鐘意Sarkozy,不過右派支持者(多數商家同高收入人士)係怕Hollande上台後大幅加稅,特別係年收入過15萬歐元要抽45%稅,過100萬歐元要抽75%稅(等同瓜分),所以關鍵時刻右派支持者會否出來投Sarkozy是好大關鍵。

如果真係Hollande當選,之前Sarkozy做既都要換過哂(eg:退休年齡由62歲改回以前既60歲),同埋會有大批有錢佬出走法國,呢個係現時睇到社會黨執政所帶來既後果。

DD (我都係一條金銀甲蟲,不過在法國因為買金幣要打成20幾個%稅,暫時優養生息先)

Jo 提到...

多謝法國朋友分享,這裡也真夠國際化....hahaha

我知道法國有近10%伊斯蘭人口,他們的取態有沒有影響?

Jo 提到...

我知道伊斯蘭教領袖已開聲支持奧朗德:

http://www.thenational.ae/news/world/europe/french-mosques-in-the-election-front-line

因為薩爾科齊為了贏德極右選文支持,公開說討論伊斯蘭移民政策不再是禁忌,引起部份muslim不滿,想問法國網友,這在法國一直是禁忌嗎?

匿名 提到...

當然是一個禁忌啦,因為你係巴黎、馬賽呢d大城市,係你身邊行過既未必係純法國裔,因有太多太多北非、阿拉伯移民及其第2、3代,佢地就算融入左法國社會都好,始終伊斯蘭信仰係一代傳一代咁來,伊斯蘭信徒其實係有好多,未必有10%咁少。

我覺得一直以來社會都有講過伊斯蘭移民呢個問題,但多數係探討佢地是否融入到法國既生活,就算有負面野都會好婉轉咁講。

現時Sarkozy因為為左個20%極右票,先至出口術係度講伊斯蘭移民政策,如果最後俾佢險勝過到關,之後係佢任期內呢樣野又唔存在,始終伊斯蘭人口係法國有一定數目,不過為左保住份工,依家咩都講得出架啦。

匿名 提到...

Francois Hollande當選下任法國總統
http://live.leparisien.fr/Event/EN_DIRECT_Suivez_et_commentez_les_resultats_du_second_tour_de_lelection_presidentielle_2012

Jo 提到...

Bingo!