2011年12月25日 星期日

提早一年回顧



祝大家聖誕快樂!新年進步!2011年話咁快又過!年尾特別忙,未來兩星期小弟更會出國公幹,所以趁這幾日放假有空,提早作2011年投資回顧。

2011年是本blog多事之年,先後遭人洗版,遭人出言攻擊,不過市場是公正的,正如我經常在留言中說,放長雙眼看,時間自會給予答案。大部份金甲銀甲都是長線投資者,包括我自已在內,主策略是買入持有,不炒出炒入(當然,買實物亦難以炒出炒入),不借貸。2011年還有數天就過去,以上星期五(12月23日)為止,一年內各種投資回報又如何呢?

黃金,不過不失啦,不過相對很多股市失利的人來說,16.37%的升幅,已難能可貴了,年頭買入,甚麼都不用做,有超過一成半回報,當然開心!或者很多人不悄一顧,因為有些股票回報更高,能揀到這些股票者,在此說句恭喜!

白銀,今年失色了!原地踏步!不過話說兩頭,2010年,白銀一口氣升了80%,今年休息一下也理所當然,今年才入市的銀甲蟲要耐心等了。

恆指,慘不忍睹!跌了18.41%!年頭有網友認為經濟好,茶記位位40元,茶樓天天排長龍,股市想死都難,又多次認為小弟沽售股票的決定非常錯,結果遭受市場懲罰!而我等沒良心、黑心、白痴、廢物........(下一百字省略)的奴隸,始終沒有受到市場懲罰,小弟還未因金價跌到800或400而消失,真係天冇眼!今年初有星級姓陸的分析員言恆指合理值是30000點,信者慘遭滑鐵盧,最近他又出言,說合理值是25000點,不過後加一句說:不是指一定會到這個點數!你又信不信?

匯豐,銀行股代表,在今年比恆指還差,跌了25.03%!年初有網友推介買入銀行股,後來見銀行股不濟,又自爆是甚麼引蛇出洞,惹來多位網友批評,結果證明這裡的讀者質素奇高,分析有理。引蛇出洞....引蛇入洞....引蛇出洞.....不知搞甚麼?

有人說今年最好的投資是不投資!怎會?不過不是投資港股,而是美股及美債,聽說美債今年回報勝黃金,不過一般人連怎買美債都不知,關他們甚麼事?較簡單的方法是買美國上市的美債基金IEF,由巴克來管理,分散買入7-10年美債,不過要給管理費,實際只得13.4%回報!不過也要恭喜阿爺,幾年來,阿爺坐擁過萬億美債,受盡許多星級分析員批評,今年證明阿爺分散部署有理。


PS:中原指數根據http://hk.centanet.com/icms/template.aspx?series=281&article=37495
,只反映整體趨勢,並不代反映個別屋苑的情況。

55 則留言:

honson 提到...

來年2012..多事之年....看看金銀兩兄弟如何面對!

Yan 提到...

Joe
出外帶多件衫
來年工作順利!

匿名 提到...

Joe
出外帶多d金
來年工作順利

馬蘭奴 提到...

今日金價出現異動,Joe 兄還是等 31日才來一個全年總結較好。

snowcat 提到...

今年風水佬講得準過分析員

Jo 提到...

今日金價出現異動,Joe 兄還是等 31日才來一個全年總結較好。
------------------------------------
馬兄對!不過我估計這幾日不會有太大異動!

Jo 提到...

今年風水佬講得準過分析員
---------------------
點止?

肯買金的話,阿婆師奶都勁過基金經理!用幾十萬去讀個MBA,真係要很頭埋牆!

Imhung 提到...

四月的銀價太給力,所以年底的銀價就沒力了,唉!

James Turk說好的60美元呢?

匿名 提到...

Joe 兄
新手一問,其實買幣同條意義上有冇d咩分別?有冇話邊樣好d?

Jo 提到...

各有優劣!我兩種都買!但現價金條已不平,一條近七八萬!

CarCar 提到...

個人建議,請問joe兄會否介意加埋樓市做比較以方便分析? 謝謝

Jo 提到...

已加了中原指數

匿名 提到...

Hi everybody here, This is Alex again, long time no see, 大家跟我50蚊附近沽銀, 這個聖旦會否快樂一點? 近來我又空過羅… 希望大家新年進步,賺多d

^_^

匿名 提到...

加埋樓的租金回報!

Jo 提到...

加埋樓的租金回報!

不加了,因為本身中原指數不是太能反映個別屋苑情況,如美孚就有16%回報。

匿名 提到...

Hi everybody here, This is Alex again, long time no see, 大家跟我50蚊附近沽銀, 這個聖旦會否快樂一點? 近來我又空過羅… 希望大家新年進步,賺多d

^_^

Alex你咪玩啦,上次你話自己十年前巳買實銀,阿Joe兄一問你
以前長城銀條係有一個特別之處,你都答唔到人啦!!

Jo 提到...

佢之前好似講過,佢係玩期銀!
搵快錢,期銀當然吸引,不過風險所在,應該冇人夠膽訓身買,最多三五萬雞仔注。贏得幾多?

路遙知馬力,2008年低位買,而家仲賺3倍多,使乜沽空咁危險?

匿名 提到...

Joe兄 個回顧圖真係要update下,因為呢幾日變化好大

Jo 提到...

過埋聽日可update!

匿名 提到...

一個你一世人可能只見一次既大浪都只係「最多三五萬雞仔注」???
真是連業餘級也稱不上,簡直是細路仔玩泥沙

花無百日紅 提到...

今個星期joe兄你可以update返最新既report . 金銀都跌好多. 又係入貨時候

Charen 提到...

我記得以前Alex哥提供過D低位, 只係大家貴人善忘

Jo 提到...

一個你一世人可能只見一次既大浪都只係「最多三五萬雞仔注」???
真是連業餘級也稱不上,簡直是細路仔玩泥沙

--------------------------------------
我指的是期銀、倫敦銀!唔好話三五萬,一蚊我都唔會買!所以從期銀市場角度,我連細路仔玩泥沙都稱不上,而是盲毛!

Jo 提到...

我記得以前Alex哥提供過D低位, 只係大家貴人善忘
------------------------------------
Alex兄是玩期銀的,好多位都沽過!佢認為白銀未來三五七年都不會有運行。大家不妨悉目以待!

今年做淡,好多市場都會贏,做淡股市贏得仲勁,不限於銀市。乜都唔買,hold cash已經算贏。

匿名 提到...

謝謝關心,唔洗三五七年,今日平倉已穩袋兩個幾,一張大約十萬港元

講財經的有幾類人要提防
第一類叫財演,大家都明
第二類叫cheerleader, 呢類人對某類事物存在不理性的迷信,其終極目的可能是收集,可能是興趣,可能是陰謀論,但似乎不是賺錢。

再講一件可能使版主很不爽的事,黃金我是長期有core position長倉的 XD

既然你叫我做阿哥,就講多少少野你知,如果你有本事的話,期貨是可以提取實貨的,你比少少錢可以exchange for physical,唔信你打去你賀利氏/hsbc/三井問下,問下佢二月期金既EFP係幾多,佢會比個價錢你,唔好連上google都懶先得架,而咩係倫敦金,咩係倫敦銀,最好就搵個行內人問下,搞清楚先,到依家你都仲未識,真是不長進,對你很失望,充實下自已先學人做金講金啦。

ALEX

匿名 提到...

美國不動聲色救助歐洲
http://cn.wsj.com/big5/20111228/opn193612.asp?source=newsletter

匿名 提到...

這個Alex真係吹水王,搞來搞去都無答過長城銀條的問題,
只一味講自己點準,單據都無張,咩十年前買銀,真係任你吹!!

仲話咩期貨可以攞實貨,鬼唔知咩,有排都難攞,
你攞得多你睇下有無?咩新聞都唔去睇,
紙金和實金有咩分別都仲未知,
一味只識吹水.....

匿名 提到...

美國不動聲色救助歐洲
http://cn.wsj.com/big5/20111228/opn193612.asp?source=newsletter

真係救的話就唔好比D評級機構猛咁降人地評級,美聯儲咁做為左自保美國銀行系統,明幫暗插

嘉芙蓮 提到...

http://us.ishares.com/content/stream.jsp?url=/content/en_us/repository/resource/slv_vault_inspection.pdf

this audit report was done by a global provider of testing and inspecting services, which just happened to go private shortly after the SLV ETF commenced.

Inspicio was taken private by 3i. Who is 3i?

3i is closely related to JP Morgan Chase (the holder of the monster silver short comex position)

"N.M. Rothschild & Sons Ltd. advised 3i on the transaction, with JPMorgan Cazenove acting as corporate broker, while Citigroup Inc. and Kaupthing Singer & Friedlander advised Inspicio. 3i bought 54 million pounds of shares, or about 24 percent of the company, on the market this morning, Giddins said today."

In January 2010, J.P. Morgan Cazenove became a wholly-owned part of J.P. Morgan

JP Morgan acting as corporate broker for this 'Commodity Inspecting Company'. I guess this Inspicio company owes JP Morgan a favour or two... perhaps a fake 'Inspectorate Report' stating the SLV ETF holds silver - when they really hold a negligible amount?!

Yes, there are audit report saying physicals are there for you to redeem. But who did the report? who own the audit company? Don't just believe in what you hear, do some research and debate rationally. Warren Buffet owns 13% of Moody, and Moody's clients are JPM, HSBC, GS...etc. Shall we listen only to these so-called independent credit agencies?

Jo 提到...

ALEX兄,懂得入黃金長倉,小弟怎會不爽?兩個市場,兩種投資概念,見人贏錢就不爽,那小弟咪要整日不爽,今年股市雖蝕錢的人多,但仍有人贏錢,小弟一樣替人高興!是否兄台見我等小蟲投資黃金而不玩期金感不爽?

小弟只是一味叫人收集而阻人沽貨?兄台不要只看本blog,努力追看其他金甲blog,今年charen兄沽金,在lisa blog討論時,小弟就恭賀他賺夠離場,能以局外人身份看金市未嘗不是一件樂事!(charen兄可做人證)

匿名 提到...

只要引用一句"雷曼臨執粒前五日,都仲係三條A評級"
就突顯到D金融監管交易機構有幾高可信度!!

Jo 提到...

期貨是可以提取實貨的,你比少少錢可以exchange for physical,唔信你打去你賀利氏/hsbc/三井問下,問下佢二月期金既EFP係幾多,佢會比個價錢你。
-------------------------------------
比個價你,同比你提貨,是兩回事?提貨量多少同提不提到貨又是兩回事,幾年來提不到貨的新聞時有所聞,最近明富環就因為500安士黃金與匯豐嘈上法庭,難道兄台連此等新聞都唔知?

口講無憑,其實最好證明方法,唔好問價就算,直情提貨,提完再影相post出來,又睇下人地比唔比你?加幾多付加費?實淺是求證的最好方法!唔好得個講字!正如你之前話10前已買長城銀條,但遲遲解答唔到10年前銀條同而家銀條有何分別一樣!

Charen 提到...

今年charen兄沽金,在lisa blog討論時,小弟就恭賀他賺夠離場,能以局外人身份看金市未嘗不是一件樂事!(charen兄可做人證)
-----------------
而家1550和我清倉個位都係差唔多,
冇乜升跌,
可能因為金價處於高位,
令金商產量大增,
金價受控

Jo 提到...

美國不動聲色救助歐洲
http://cn.wsj.com/big5/20111228/opn193612.asp?source=newsletter

真係救的話就唔好比D評級機構猛咁降人地評級,美聯儲咁做為左自保美國銀行系統,明幫暗插

-----------------------------------
歐美唇亡齒寒,整死歐洲,美國怎能置身事外?歐元死的話,整個信用貨幣系統亦會出現大風暴,到時是火燒連環船!歐美目標始終是阿爺手上的儲備,能釋放出來,還可捱多十年八年,不釋放出來,石頭亦榨不出汁。

Charen 提到...

1. 最近留意到上商的廣告, 令人摸不著頭腦, 點解咁open賣實金
2. 不久前有個股友話港元有黃金做backup(係咪指機場果批?)

Jo 提到...

1. 最近留意到上商的廣告, 令人摸不著頭腦, 點解咁open賣實金
(有留意!個廣告好大!阿爺策略之一,最近亦推出規管國內金市新法,最終目的是擴大金市規模,令自已的黃金定權更具權威)

2. 不久前有個股友話港元有黃金做backup(係咪指機場果批?)
(唔會有黃金backup!暗backup要好多金,明backup有違IMF會章,人地講明與黃金掛勾的貨幣國家不可加入,瑞士都係因為咁要放棄金本位。)

之但係會費就要用黃金交,超搞笑!哈哈.....

Charen 提到...

最近看嘉芙蓮blog話世上冇絕對安全資產...
其實只要不借貸買實物(泛指通貨..金股樓甚至做生意入貨)是不會有問題的, 是安全的

Charen 提到...

今次銀價下跌亦令我見識到收藏幣和銀條的分別,
收藏幣可以擋成一件商品貨品放在鋪頭或網上出售, 但銀條就跟銀價

Jo 提到...

講財經的有幾類人要提防
第一類叫財演,大家都明
第二類叫cheerleader, 呢類人對某類事物存在不理性的迷信,其終極目的可能是收集,可能是興趣,可能是陰謀論,但似乎不是賺錢。
----------------------------------
還有第三類,就是以賺錢之名叫人參與高槓桿投資,其實等同借貸,企圖以刀仔鋸大樹方式賺快錢。這包括炒期,炒輪、炒牛熊證等。古老智慧及經驗告訴我們,除了那些富豪,一般小投資者在此等市場往往遭滑鐵盧。實物黃金與白銀未必能保證獲厚利,但最少不會血本無歸,過去數百年歷史都是有力證明!

ALEX兄可否告訴大家,你在金銀市場上做幾大槓桿?不講也不要緊,大家知道有槓桿就得了!難道你沒有做槓桿?

Charen 提到...

關於金甲蟲是否"迷信"係一個很大的topic...
恒指50000點和金價5000+是否迷信?

匿名 提到...

還有第四類,就是以財經為名行政治洗腦之實,循序漸進、溫水煮蛙。對某類政權捧到天上有地下無,對某國則極盡詆毀之能事。從一堆精心挑選之史料和一堆歪理為獨裁者歌功頌德。

匿名 提到...

講來講去,終於明白此君原來因為係唔Like阿爺!

路人丁

Cefull 提到...

買了個新的夾萬, 又去掃貨. kitco 的 silver round 比我掃晒.

Jo 提到...

估計上面兄台是暗指小弟言論(有錯請指正)!

史料只有真與假,不會因精心挑選,而真變成假,假變成真。綠野仙縱原著是穿銀鞋就是穿銀鞋,十九世紀的美國鐵路罷工有鎮壓就是有鎮壓,不用詆毀或不詆毀。

上面兄台言某些政權為獨裁,就不是以史料為根據作判斷?這些用作判斷之史料又不是精心挑選出來?還是一個政權是否獨裁,不必證據,不必分析,某些人說是就是,說不是就不是?

歷史是有趣的學問,資料浩瀚,不怕人詆毀,只怕人不勤力,空喊口號,而沒有史料作支持!

匿名 提到...

估計上面兄台是暗指小弟言論(有錯請指正)!

史料只有真與假,不會因精心挑選,而真變成假,假變成真。綠野仙縱原著是穿銀鞋就是穿銀鞋,十九世紀的美國鐵路罷工有鎮壓就是有鎮壓,不用詆毀或不詆毀。

上面兄台言某些政權為獨裁,就不是以史料為根據作判斷?這些用作判斷之史料又不是精心挑選出來?還是一個政權是否獨裁,不必證據,不必分析,某些人說是就是,說不是就不是?

歷史是有趣的學問,資料浩瀚,不怕人詆毀,只怕人不勤力,空喊口號,而沒有史料作支持!
==============================================================
新年快樂,最近多左時間睇小說,抽少少情節同眾師兄分享一下:
某女主角收養了一隻全身白毛(包括尾巴和手腳)的小貓。並給牠起名作"小黑"-只因牠的瞳孔是黑色的。

當然,女主角同Jo師兄一樣視力正常,瞳孔是白是黑,一眼睇得出。

分享完畢,再祝新年快樂,身體健康^_^

匿名 提到...

︵︵
Θ∠Θ〣
どのよう?

匿名 提到...

美國不動聲色救助歐洲
http://cn.wsj.com/big5/20111228/opn193612.asp?source=newsletter
================================

これは、そのドル指数、金の最近の下落の強さを説明することがあります。しかし、私は金が5月、2012年に最も低いポイントにヒットすると思うし、徐々に最高価格に

匿名 提到...

are you japanese??

匿名 提到...

私は日本人ではない。

匿名 提到...

日本人じゃなかったら、皆さんがわかる言葉を使ってください。
<--- 你唔係日本人既話, 請用大家明白能明白既語言.

識日文唔代表你高人一等. 大把香港人識日文, 唔明你無里頭打日文有乜野意義....

匿名 提到...

呢度真係牛鬼蛇神乜野都有, fake Japanese, 指數兄, alex, 前排既大蒼蠅, 見習兄......

econtse 提到...

朝鮮發行金正日紀念金幣
-A
+A
明報 – 1小時19分前

寄給朋友
列印
朝鮮最高人民會議常任委員會宣布發行紀念金幣,紀念已故領袖金正日當選朝鮮人民軍最高司令官20周年。
「朝中社」周六報道,朝鮮最高人民會議常任委員會近日發布政令,宣布發行金正日紀念幣。
金正日於本17日逝世。12月24日是金正日當選人民軍最高司令官20周年。朝鮮國家郵票發行局早前亦為此發行了紀念郵票。
報道指出,紀念幣分為金幣和銀幣。金幣為純金製造,直徑35毫米,厚度2毫米。金幣正面中央為身穿元帥服的金正日肖像,上外環有「擁戴偉大的金正日同志為朝鮮人民軍最高司令官20周年」字樣,下外環有「1991-2011」字樣和20個五角星;金幣背面中央為元帥星,上外環有「朝鮮民主主義人民共和國中央銀行」字樣,下外環標有金幣純度、重量和發行年份。銀幣的圖案與金幣相同,質地為純銀,直徑40毫米,厚度3毫米。
----------------------------
好想入貨!!!

匿名 提到...

呢度真係牛鬼蛇神乜野都有, fake Japanese, 指數兄, alex, 前排既大蒼蠅, 見習兄......

仲有你呢條名都唔敢開嘅垃圾

JOEISREALLYSHIT

匿名 提到...

I blog quite often and I truly thank you for your information.
This article has really ρeakeԁ mу interest.
I will book marκ уour blοg and keep checκing for new infoгmation abοut οnce per
week. I оpted in for уοur Feеd tοo.


My blog poѕt ... wedding photographer 2012

匿名 提到...

I'm impressed, I have to admit. Seldom do I come across a blog that'ѕ both equally eԁuсаtive аnd interesting, and let me tell
уou, you have hіt thе nаil on the hеad.

Тhe pгοblem is аn issue that tоo fеw
men and womеn аre speakіng intelligentlу about.
I'm very happy that I stumbled across this in my hunt for something relating to this.

Feel free to surf to my web blog: Fotografos de bodas