2011年12月20日 星期二

金鋪缺貨

【明報新聞】

近排金價跌番唔少,搞到小琴心郁郁想買番啲金儲下,第時嫁得出的話,可以用來做嫁妝。早兩日行過周大福(1929)的金舖,諗住入去買番d金條、金粒咁啦,點知店員姐姐竟然話賣晒,小琴當堂打左個突。

話就話金價跌,都唔係無貨賣咁誇呀。店員姐姐同小琴講,好多自由行客湧來掃清光。梗係啦,要投資的話,買飾金要蝕手工費,點計都係買金條金粒抵d。

個別分店 10月已斷貨

佢就話,因為要等總公司派貨,有幾多貨量都係今日唔知聽日事。就算入左貨亦唔一定有,皆因自由行一早就來掃走。聽聽下,覺得唔多忿氣,一於打去其他分店問下。問齊全港九咁滯,都話無晒貨,金條、金粒全線斷貨咁話

周大福:日日有補貨

有分行仲同小琴講,話10月開始已經斷貨,申請左個幾兩個月都無貨返。好多客成日打來問,但係宜家無貨賣,唯有買住飾金。老實講,飾金點靚都好,一定唔及金條金粒咁紮實,畀到人安全感。

周大福品牌總監陳義邦同小琴講,話臨近年尾,加上新年快到,呢排佢地舖頭都多左自由行客,趁過年前入貨送禮自用,生意好左好多咁話。佢仲話,公司的庫存無問題,唔怕無貨賣,仲日日有補貨添。不過,小琴真係問極都冇,唔通真係要買番兩手周大福,就當自己買左?

41 則留言:

Smith 提到...

真誇張!?不過呢,就算係利昌都多咗D人。

Tamama 提到...

筆者肯定沒看Joe兄以及一眾金甲們的Blog
其實去銀行/利昌買金,已經成為金甲們的common sense
今天就不清楚,但至少到上星期為止都還有貨

和身邊不少親戚朋友一樣,慣性地認為買實金就要落周大福、周生生等金行,更甚者以為買金投資即是買金飾。。。

不少人的注意力都還在股票外匯等無形資產,卻留意不到除物業外的有形資產,卻靜靜地起了變化

Tamama 提到...

說到有形與無形,未知Joe兄有否讀過陳志耀先生的"經濟大變局"呢?
作者提出,80年代開始是無形資產的年代,當時商品步入熊市,但股票急速起飛,而2000年之後,卻靜悄悄地回到有形資產的身上

作者提出的觀點,與一眾金甲的觀點頗為相似,投資上支持buy and hold的策略,更經常提及黃金這種資產及以其做例子,不過就好像沒有明確指出,持有黃金是應付現在社會經濟危機的最佳方法

如Joe兄有讀過的話,未知有否值得和大家分享的地方呢?

匿名 提到...

似係打手稿多d..

匿名 提到...

耐人尋味:紙金大跌,但實金被搶購到斷貨!

旁邊學

Lisa 提到...

回旁邊學,
MF Global 單野已証明, 紙金紙銀絕唔安全, 只有自己手上的實金實銀才是最實在的 !

嘉芙蓮 提到...

旁邊學
好簡單,就如政府出手打壓樓市但用家市場供應卻繼續緊張,用家同炒家之別。大戶操控紙資產話咁易,實物投資者卻逢低必掃。我上星期走了多間周xx找金粒順便八掛下行情,金行冇貨。但銀行如上商、中銀、恆生會有,但大把人排隊買,小市民入小量貨是沒問題,但要下些苦功例如一早去排隊或如我後來留名留貨,吾使排,去邊間行pick up 都可以。

嘉芙蓮 提到...

Lisa,
係啦,就算放實金喺MF Global, 最後都只可能攞返價值60%現價,不能贖會d金。所以都係吾好放係人地度。

匿名 提到...

回Lisa姐、蓮姐:
希望這種以假亂真的幻術會被越來越多的人覺察!.. :)

旁邊學

匿名 提到...

今日去利昌想買四兩一條的銀條也無貨了,要過左年先返貨,只好買500G一條的銀條 =.=

otherworld 提到...

話說利昌依家仲有冇出一兩的銀粒?

過年買D分發都幾得意。

匿名 提到...

好出奇咩,金條,金粒,計金條價,金鋪靜係賺買入賣出差價幾百蚊,佢地都唔想做呢d 買入賣出賺得幾百蚊既(生意),留番d 金條,金粒自己用梨做飾金仲可以賺多好多,飾金價買賣價差千幾,又手工費,又佣金,都唔想賣甘多金條,金粒比你地!

匿名 提到...

好似我有時去金鋪巳經係買飾金架啦,但係個sell 屎姐姐,都仲唔係好想我買飾金甘!係甘叫我睇鑽石sell 我買鑽石!因為賣鑽石,金鋪賺多好多錢呀麻!

匿名 提到...

仲有你識係金價突然跌左甘多,想買多d 金,等金價升返賺錢!你估人地金鋪老細傻架,d 金突然跌左甘多!仲賣甘多金條,金粒比你,賺你買入賣出差價果幾百蚊!之後徐時金價升返,比你屈佢機,賺佢錢!就算你唔係高d 既金價賣返比佢賺佢錢,佢都可能要係高d 既金價補返d 貨啦,為左你果幾百蚊差價值唔值先?徐非你買飾金甘又唔同!我講得岩唔岩先?

匿名 提到...

我唔係玩,係認真討論!


Andy

Jo 提到...

冇既!當市面愈來愈難買到投資性黃金產品(如金條、金粒、金幣、金塊....),最終金甲蟲可能要向飾金打主意,所謂的人工、火耗最終變成溢價,當溢價愈升愈高後,最後出現兩個金價,到時真相亦會大白於天下!

不過我估計,短期內佢地唔會俾呢種情況出現!

1980年時,金價升得太勁,飾金價一度落後於現貨金價,金行回收價高於賣出價,黃金究竟值幾錢?千古難題!紙幣冇事,是一個價,紙幣有事,冇辨法計價!

kidthief 提到...

RE: 匿名

人地金鋪係做買賣生意
如果$90入貨$100出貨有錢賺,無咩問題
就算金價跌都去$50都無問題
只要佢可以再低啲既價錢入到貨(重要有肉食ie人工,租,水電,etc)
佢$50都會賣出去
如果佢$50有貨唔賣(係無咩問題)但比人知道商譽就會...
就算一個唔賣第二個都會賣啦(冇貨又係第二件事)

"賺你買入賣出差價果幾百蚊"
香港地咩都要錢
租重要最重皮
一單幾百蚊,一百單就一萬
小數怕長計

左治 提到...

中銀仲有無五両

匿名 提到...

昨日還有

匿名 提到...

請教各位;澳洲袋鼠金幣跟加拿大楓葉金幣比較,那個較保值﹖

Jo 提到...

一樣保值!因為兩者都是黃金,且都是9999金!

匿名 提到...

kidthief 同你講都9哂氣!租金一百幾十萬一個月,做幾百蚊差價,仲要如果金價升左要比你賺tim,比你買左又要運輸成本.

匿名 提到...

kidthief 我問過周生生佢大部分商場鋪,根本唔會賣金條價果d金粒,人地唔做米唔做羅,你話(無咩問題),你開架?,

Gordon 提到...

金鋪有買賣金條、金粒服務係必須要有的,雖然肯定佢唔多想做,亦會只得好少好少貨賣。
但就好似可以係便利店交水、電費或八達通增值,便利店係呢類服務可能每次賺得只一、兩蚊,但咁樣可以吸引到人入去佢間店,那人可能因此會順便買其它野。

又或者以前有些酒樓的一蚊隻雞,都是宣傳、吸引客人入場的技倆吧。

匿名 提到...

如果佢$50有貨唔賣(係無咩問題)但比人知道商譽就會

關咩商譽事姐,人地可以大條道理話留番d 金條金粒做原材料,梨做飾金,手飾,有貨一定要賣哂比你架,留番公司用做飾金,手飾都唔得會影響到商譽架,唔好玩啦!

Andy

Gordon 提到...

每日咁多自由行旅客,即使原本有d想去金鋪買金粒,但如果無貨,因為旅行急趕時間的關系,他們即時轉買飾金的機會也很高的。

匿名 提到...

回kidthief,你話:(如果佢$50有貨唔賣(係無咩問題)但比人知道商譽就會)

關咩商譽事姐,人地可以大條道理話留番d 金條金粒做原材料,梨做飾金,手飾,有貨一定要賣哂比你架,留番公司用做飾金,手飾都唔得會影響到商譽架,唔好玩啦!

Andy

匿名 提到...

d 地產商見樓價跌,一樣會封盤(即暫停放賣樓盤,等遲些再放賣),佢地又怕比人知道商譽會唔好呀?明封盤唔賣架啦,商人就係甘!

匿名 提到...

匿名兄!!言下之意係你認為D 金舖老板覺得D 金價跌咁多應該等佢升番先賣?
姐係連金舖老板都睇好後市所以封盤??
EDWARD

匿名 提到...

問題在你自己的答案中了
點解要封盤?
如果金鋪可以很易地再買入的話,有錢賺一定賣,因易補充
如果要留在店自己做手飾用,証明來貨不易,不會用已有的貨賺這樣少的錢

匿名 提到...

金鋪在低金價時會封盤不賣金條?因會賺少咗?按照此思維邏輯理應亦同時封盤不賣用皇金造的首飾先至啱數噃!在商言商梗係等個價升番再賣盡D啦!
如果真係咁做,人家寶號每年用數千萬做的形象建立廣告(image build-up)咪即係倒錢落海!做生意者「商譽」係其不惜公本千方百計建立的,點會為左一時賺少果D濕濕碎,而破壞百年建立的「商譽」呢!

人家寶號D經營策略係點呢?查實我同大家都只係「想當然」,吹吓水嘅啫!... XD

旁邊學

匿名 提到...

黃金熱潮

投資者在2011年紛紛買入黃金,推動金價屢創新高,9月份收於每盎司1,920美元的歷史高點,但隨後投資者獲利了結以增加現金儲備,導致金價在不到三周的時間裡跌至1,600美元。此後,金價一直在每盎司1,800美元左右徘徊,但分析師表示,說不準這種情況會持續多久。高德伯格說,當股市波動性加大時,黃金通常都比較堅挺,但今年受市場波動驚嚇的投資者在賣出股票的同時也在賣出黃金,導致黃金波動性較大,難以作為一個穩定的多元化投資品種。

不過,黃金投資專家指出,目前的金價還遠未達到1980年時每盎司2,400美元的通脹調整歷史高位,因此黃金還有上漲空間。但財務顧問表示,最好還是盡量降低黃金在投資組合中的比重──不能高於10%。賓仕建議買入投資於一攬子大宗商品的共同基金或交易所交易基金(ETF)來分散風險,如投資於金屬、農業、能源和牲畜的iPath道瓊斯-瑞銀大宗商品指數交易所交易票據(iPath Dow Jones-UBS Commodity Index exchange-traded note)。

匿名 提到...

>>kidthief 我問過kidthief 我問過周生生佢大部分商場鋪,根本唔會賣金條價果d金粒,人地唔做米唔做羅,你話(無咩問題),你開架?佢大部分商場鋪,根本唔會賣金條價果d金粒,人地唔做米唔做羅,你話(無咩問題),你開架?<<
-------------------------------------------------------

師兄,請搞清楚:周生生有兩間:一間有"粵港澳湛"另一只叫周生生"有限公司",
周生生"有限公司"系有粒粒賣的,半兩裝都有,今天經過SOGO側個間多口問過佢話呢排賣斷貨!

旁邊學

匿名 提到...

講極都唔明,睇清楚啦,金價突然跌左甘多,多人買左已經只得好少好少貨賣既金條、金粒,當然會冇架啦(因為唔多想做冇乜錢賺),仲要金價突然跌左甘多,唔通有貨要係呢個時侯賣哂比你(仲要賣哂d 金條金粒比你,但係賺得幾百蚊差價,值得做咩,)唔關來貨不易事,係值唔值甘做,人地主要係做手飾,唔係買賣金條、金粒,

嘉芙蓮 提到...

匿名 提到...
黃金熱潮

投資者在2011年紛紛買入黃金,推動金價屢創新高,9月份收於每盎司1,920美元的歷史高點,但隨後投資者獲利了結以增加現金儲備,導致金價在不到三周的時間裡跌至1,600美元。此後,金價一直在每盎司1,800美元左右徘徊,但分析師表示,說不準這種情況會持續多久。高德伯格說,當股市波動性加大時,黃金通常都比較堅挺,但今年受市場波動驚嚇的投資者在賣出股票的同時也在賣出黃金,導致黃金波動性較大,難以作為一個穩定的多元化投資品種。

不過,黃金投資專家指出,目前的金價還遠未達到1980年時每盎司2,400美元的通脹調整歷史高位,因此黃金還有上漲空間。但財務顧問表示,最好還是盡量降低黃金在投資組合中的比重──不能高於10%。賓仕建議買入投資於一攬子大宗商品的共同基金或交易所交易基金(ETF)來分散風險,如投資於金屬、農業、能源和牲畜的iPath道瓊斯-瑞銀大宗商品指數交易所交易票據(iPath Dow Jones-UBS Commodity Index exchange-traded note)。

-------------------
hey, this only refers to paper gold, here we are talking about physicals!

嘉芙蓮 提到...

i guess no need to drill on why CSS is not selling or whether they have stocks coz this is not their core biz anyways.

匿名 提到...

旁邊學 :關咩商譽事姐,人地可以大條道理話留番d 金條金粒做原材料,梨做飾金,手飾,有貨一定要賣哂比你架,留番公司用做飾金,手飾都唔得會影響到商譽架,佢唔係封盤不賣用皇金造的首飾呀,佢係賣首飾,但係唔賣甘多金條金粒,可以係佢公司既政策,因為冇乜錢賺唔做甘多,主要係做手飾,

匿名 提到...

如果金鋪係甘缺貨,佢地就唔會係香港及大陸開多左甘多間金鋪,每間都有甘多金賣啦,靜係一間周大福:

香港及澳門:分別有89間
中國大陸:1417間
台灣:6間
新加坡:1間
馬來西亞:1間
ctf2:港台大陸共有269間

匿名 提到...

PS:資料未更新,周大福係大陸仲越開越多而家唔只呢個數!

匿名 提到...

利昌仲有一兩銀粒,不過一兩一粒熔銀費由$10加到$12了=.=

美少女

匿名 提到...

>>i .......................is not their core biz anyways.
>>旁邊學 關咩商譽事姐,...............,主要係做手飾,<<<
----------------------------------------------------------

同意匿名師兄及蓮姐見解,金鋪主打係賣首飾,所以佢地唔賣金粒大可到銀行及利昌盡情咁買... :)


旁邊學