2011年10月5日 星期三

應時光倒流回那一時期做參考?




謝yellow兄問了一個有趣問題,他問小弟如果有一架時光機返回1980年,在沒有各路專家指點下,面對銀價回落,會否如今天鎮定?


小弟就試試幻想,應該不會這般鎮定!不過既然有一架時光機,又何解一定要返回1980年?因為銀市的歷史甚長,經歷過高低起伏,曾是貨幣,後又被踢出貨幣體系。而人的一生黃金賺錢時間又有限,如果錯誤墮入熊市,豈不倒楣?


上圖是銀價過去300年經通脹調整後,購買力走勢,為何不用銀價而用購買力計,因為1873年前根本沒有銀價,銀就是貨幣,正如我問你港幣值多少錢,你會一頭霧水一樣,所以只能計購買力,購買力的波幅以二三十年為限,有些則長達60年,即是說,在整個銀市歷史中,有由許多代人所經歷的牛市及熊市組成,那問題就大了,為何時光機要反回1980年做參考,而不是返回1960年?或更早的時間做參考?


難道是因為1980年投身入社會工作的人現在還在生?而之前幾代的人已死掉?在悠悠三百年歷史裡(或者有更長遠的數據),每二三十年的人都一樣,同樣要生活,同樣要吃飯,同樣要拉屎,同樣都沒有宋鴻兵、馬田大師、馬克等人的指點,難道1980年投入社會的人較特別?我不知原因!

29 則留言:

Yellow 提到...

由於銀市歷史甚長,而一生人最強工作時期只有二三十年,所以我們可以在三四百年的歷史中找到許多以二三十年為期的走勢時段,當我們選取某段時期數據時,應如何決擇?決擇之準則又如何?

做得最壞打算就梗係簡極端啲嘅情況,而二戰以後全球金融格局重新洗牌,比較極端就係呢二十年,而且唔少香港人對呢段日子記憶猶新,已經成為集體回憶。(幾百年前嘅事同新一代人幾乎一d關係都冇,提黎做咩?)

Yellow 提到...

串唔切,我係話呢段時間好多人經歷過,而且仲係極端情況。
試下叫家中長輩買金銀,佢地話唔定會答你:十年黃金變爛銅
有近嘅唔講,係幾百年間簡段最有利嘅時間講,知道咩叫"作最壞打算"?

chapman 提到...

多謝joe兄圖表,很精彩!

honson 提到...

本來無一物,何處惹塵埃
有因就有果

Joe 提到...

yellow兄:

明白理解!即是說:

1/80年代投入社會工作的人,要作最壞打算,因為經歷過白銀由高位大跌的慘痛經歷,有集體回憶!你之前亦有解釋「呢一代即將退休的工作人口也多在八十年代投身社會(包括不少年輕人的父母)」

2/90年代投入社會工作的人,不必作最壞打算,因為沒有經過那次慘痛經歷,沒有集體回憶。

3/2000後投入社會工作的人,亦不必作最壞打算,原因亦是因為沒經過那次慘痛經歷,沒有集體回憶。

4/白銀這次牛市由1999年計起至今12年,愈往後推,愈往後才投入社會工作的人更不必作最壞打算,因為80年代的慘痛跌市對他們已完全沒有回憶!

5/不過,如果是60年代投入社會工作的人則不知怎算好?因為經歷過1960年至1980年的白銀大牛市,亦經過1980至1999的大熊市,再經過1999至今的大牛市,我想他們亦作最壞打算之餘,亦應作最好打算,因為1960-1980的大升市前後有三次重大調整,包括我提及的1973-1978大調整。

Yellow 提到...

精彩嘅係圖表,唔係Joe哥

我又想反問下,照Joe哥邏輯,段段時間都可以講-點解唔可以講1980年呢?

因為-呢段時間對金銀甲蟲不利lo.

P.S. 宋磚家揚言銀價今年必破50,我話唔會。有無人想同我賭一舖?

Joe 提到...

P.S. 宋磚家揚言銀價今年必破50,我話唔會。有無人想同我賭一舖?
---------------------------------------------
我同你賭!但我賭今年不會破50,我賭2014年後破50!因為我認為宋專家不是個擅於估計短期走勢的人。

Joe 提到...

小弟屬於第二組,Lisa屬於第一組,大家又屬於那一組?不願意透露年齡的女士,如嘉芙蓮大約可講一次大話咁多!

chapman 提到...

我第一份長工,1996年

Joe 提到...

我又想反問下,照Joe哥邏輯,段段時間都可以講-點解唔可以講1980年呢?
--------------------------------------------
我沒有說你不可以說1980年那段,而是問你「甚麼原因」令你只參考那一段,而不選其他?你已解釋了,因為是集體回憶!

Generation Next 提到...

我又賭,今季內會穿$26 ^_^
========
大好鳥,可以入平貨。

Joe 提到...

二戰以後全球金融格局重新洗牌,比較極端就係呢二十年。
-------------------------------------------

二戰於1945年結束,二戰後白銀經過20年大牛市,之後是20年大熊年,再之後是不知何時結束的牛市(1999年至今),1980-1999年的急跌是極端,1960-1980的急升亦是極端。

另外甚麼是「全球金融格局重新洗牌」?

Yellow 提到...

1)最壞打算之餘,亦應作最好打算?
啱!調轉頭諗:最好打算之餘,亦應作最壞打算。

2)不必作最壞打算,因為沒有經過那次慘痛經歷,沒有集體回憶。
錯!冇經歷過唔代表唔使作最壞打算。不過由於80年代大熊市好多人經歷過,所以特登拎出黎講。(正如你同d後生仔講南海泡沫、密西西比泡沫、大蕭條等等,所以唔好以為股票長揸升硬,佢地可能唔知你噏乜。但係一講1997股災,金融海嘯等,明哂!)

3)愈往後才投入社會工作的人更不必作最壞打算,因為80年代的慘痛跌市對他們已完全沒有回憶?
事實証明,好多人都係咁。事實證明散戶係完全無汲取市場教訓嘅。所以要居安思危,預先設想最壞情況。

"爲最壞的做好準備,所以生活只會越來越好" 羅伯特 • 清崎

Joe 提到...

沒有經歷過大跌升,不代表不必作最壞打算。那沒有經歷過大升市,可不可以有好的憧憬?

Yellow 提到...

沒有經歷過大跌升,不代表不必作最壞打算。那沒有經歷過大升市,可不可以有好的憧憬?

當然可以!夢人人都可以發,你\我都可以幻想一朝訓醒,福布斯十大富豪榜有你\我個名,唔使返工:)

Yellow 提到...

另外甚麼是「全球金融格局重新洗牌」?

英國superpower地位讓與美蘇,包括英鎊國際貨幣地位。
西歐一片癈墟,輻心國元氣大傷
美聯儲取代老太太,成為眾中央銀行之首...

chapman 提到...

yellow兄,

實金實銀走勢中短長將會如何,沒有人可以肯定...

有一點可以絕對肯定,投資實金實銀,一定不可以短期發達...

你說:[精彩嘅係圖表,唔係Joe哥

我又想反問下,照Joe哥邏輯,段段時間都可以講-點解唔可以講1980年呢?

因為-呢段時間對金銀甲蟲不利lo.]

倒不如你說說你對貴金屬未來2-3年的實質看法,讓大家見識一下...^_^

Yellow 提到...

倒不如你說說你對貴金屬未來2-3年的實質看法,讓大家見識一下

見識咩丫,吹下水就得^_^

金價:短期有重大阻力。如果出QE3,應該可以突破2000之後穩步上升。市場現時信心疲弱,資金短暫流入美元避險。

銀價:50大關5年內破唔到,最多只在35-40區間橫行,市場如有重大利淡消息,會出現受壓->反覆偏軟->回穩格局。

Joe 提到...

啱!調轉頭諗:最好打算之餘,亦應作最壞打算
-------------------------------------

對!所以兩邊都要諗!參考數據不能只因為集體回憶而只看一段時間,而同時要參考其他時期的數據!不能因為數據離我們較遠時間而不考慮!

chapman 提到...

多謝yellow兄,,,5年,,,好在我諗住起碼揸到2017,如果今年真係穿26...重要多多入貨,當然,一定要街有合理premium嘅貨先得啦...

chapman 提到...

yellow兄,其實道理不難明,人生一般60-80左右.一間公司可能50-100年...分析人生,股價,找週期性變動,觀察20-30年數據已很足夠.

但金銀,是[錢],人類文明很早已經有錢的出現,二三千年的明文,參考400-500年的數據,(而且不是[只]觀察這一區間,20-30年也有考慮),沒有不妥.

Yellow 提到...

Chapman,
啱!但一二百年前的物價,如何比較?
而且我冇話唔睇之前銀價走勢,只係話80年代"比較多人經歷過",所以拎出黎講。

Joe,
之前拗緊嘅銀價vs獅子,有無頭緒?

Joe 提到...

可能Yellow兄覺得大家講得太好,沒有作最壞打算,才重點提醒大家1980年的大跌市吧!不過如果講好多人經歷過,其實又有許多經歷過。1980年投身社會工作者,以20歲投入社會計,今天應大約50歲以上,看香港2010年人口分佈,有經歷過的比沒經歷的略少,最多去到一半半,即是一半人有經過,一半人沒有!

Joe 提到...

這是2010年香港人口分佈,「比較多人」之說應不能確立!

http://www.overview.hk/knowledge/hong-kong-population

Joe 提到...

Joe,
之前拗緊嘅銀價vs獅子,有無頭緒?
---------------------------

有一些資料在手,但仍未有時間看!所以可遲些再傾!

Yellow 提到...

而且,長期追蹤銀價同物價,而唔考慮生產成本,好易被數字誤導

例子:一百年前,一安士銀幣買到一百個麵包,今日,一安士銀幣買到一千個麵包,係唔係代表銀價上升十倍?

其實唔一定,因為可能做麵包技術先進左,以機器代替人手令成本大減。所以唔係銀貴左,而係麵包平左。

Joe 提到...

兩位慢傾,明天繼續,上床搵周公!

PS:最後Yellow兄可想想,100年前白銀是貨幣,100年後卻要透過對換紙幣去買麵包,能否將兩者作一比較亦是問題!另外,麵包生產成本會變,白銀一樣會!所以一樣難計!

Yellow 提到...

這是2010年香港人口分佈,「比較多人」之說應不能確立!

比較多人意思係相對3,400年前,唔係老人家同後生仔相比。事實上,越少人經歷過跌市越大獲,而家行去街頭,仲聽到好多保險仔\保險妹大講"股票長揸必勝"

可能Yellow兄覺得大家講得太好,沒有作最壞打算,才重點提醒大家1980年的大跌市吧!

無錯,謹慎保守,一百次都不為過;魯莽衝動,一次都嫌太多。所以要居安思危,作最壞打算。

chapman 提到...

買得銀,預咗坐過山車,個人而言也不是100%貴金屬.

多謝提醒