2011年9月26日 星期一

隊長保重!



今晚看有線,白銀隊長有份做主持,但有點語無論次,像喝醉了(或索了K),最後中途離席,剩下黃元山與女主持繼續下去。從前看隊長的blog,知道他愛賭,買實銀外,亦玩孖展期銀,希望不是這方面出事吧?(隊長若見到此文,請回復,你也是小弟啟蒙老師之一!)

金銀出現重大調整,意外嗎?有一點,但也不算太意外!本年4月19日,6月10日,8月8日,8月19日,在文中亦有提及小心調整,一個牛市是不可能不出現調整的,說實的,目前的調整也不算很大,恆指跌回兩年前的點數了,金銀卻仍比一年前要高一截。

早前,網友們還為股票好?還是買樓好?還是金銀好而爭論不休,有許多網友見6月至8月金股呈反方向,更以為金價好會傷及股市,其實學Lisa說,有甚麼好駁?正如我很早前解釋給指數兄聽,金股不一定呈反向,亦可同升同跌。

這次金銀大調整,以為在不設限的新人問路區會出現很多臭罵,誰知又不算多,因為以為金股呈反向的人士亦同坐一條船了!調整會幾時完?幅度多大?像168的糟老頭說,沒有人會知道,認清大勢就可以了!不過,有一個人其實幾準:羅仔!

今年6月10日,有網友曾貼過他的併圖,題為「銀市未有耐玩完」,回頭看一看又真是頗準!調整會一路去到2012年3月,會在$30-$40橫行!大家又即管看看他準不準?不過買貨的話,參考一下好了,每個時代的經濟不會完完全全重復,金銀的長勢亦一樣!Buy and hold,不借貸,不玩期.......仍然是我給所有人的忠告(包括隊長)!

19 則留言:

史密夫 提到...

冇錯,只要唔好做margin,用閒錢嚟買金銀,坐定定,堅持落去,this bull market should have a long long way to go! 互勉!

黃泰利 提到...

多謝JOE兄,在這困難時期互相鼓勵總好過互寸...我都希望白銀文冇事...

Eric 提到...

我最近玩金銀孖展....輸左好多.....

Cefull 提到...

http://silvergoldsilver.blogspot.com/2011/09/london-gold-exchange.html

關門唔做???

Wong Wai Leong 提到...

小弟喜歡貼羅仔的文章~哈哈

其實羅仔的GMAIL會回覆讀者架,大家不妨問下佢野,我以前都成日問佢野,特別係朝頭早六點幾SEND過去,哈哈,通常佢就好快回覆(9-10點),因為通常都霸左個頭位。但依家愈黎愈少囉,怕成日問埋D低B問題阻住佢食飯(一笑)。

上次我比較關注2017年羅仔拼的暴跌,其實拼圖如果要準,就必定要考慮當時的環境和將來的環境是否相似,不然拼圖就不會準確。因此,我仍然覺得如果真的有暴跌,是反映出白銀不能重回貨幣制度內,因為當時的白銀已經不是貨幣。

但如果咁短期睇個走勢點行,我就諗唔到解釋啦,一來唔知以前發生咩事,二來我連依家發生咩事都唔太清楚(一笑)

Wong Wai Leong 提到...

原來隊長有玩孖展,真的希望他沒事!我暫時睇錯過兩個人,一個係畢老林,第二個係白銀文。

幾年前我仲讀緊預科,開始學人睇信報,畢老林個專欄仲係細細個,果陣我見到佢睇好黃金,暗示自己已經渣左好多金,係黃金大好友,果陣年少無知(雖然依家都係,哈),完全唔知黃金為何物,所以覺得此人竟看好黃金,那他的文章不看也罷。

第二個,白銀文在USD$10時叫人買白銀,我也覺得此人文章不看也罷(但他在節目幾上鏡,常常七情上面,非常好看)。

後來無意中在U汪見到JOE兄,基督神,泰利兄的POST,受他們啟發,感召,突然發覺我以往錯過了很多好東西,為什麼我要鄙視?而不是懷疑,再花時間和精神去探索呢?如果我是懷疑再探索,就可以更早起步了,哈哈,天意。

i 提到...

回 Cefull:

"London Gold Exchange" 唔係 LME (London Metal Exchange). "London Gold Exchange" 根本同金無關係. See http://en.wikipedia.org/wiki/London_Gold_Exchange

This news 可以不理.

kidthief 提到...

白銀隊長唔係叫人渣實銀咩
估唔到會玩孖展期銀...
金錢的魔力...

kidthief 提到...

http://youtu.be/aWyrjwXoIqA
best video ever

Gordon 提到...

請問各位一事,今天中銀還有長城賣嗎?謝謝

honson 提到...

Gordon兄,BOC 長城有貨,我尋日都去買左的

Satan_Wong 提到...

真係估5到..

平凡人 提到...

師兄們:

羅家聰的文章有無得網上睇返, 佢依傢還在寫信報嗎?

honson 提到...

平凡兄,睇下幫唔幫到你

http://www.bankcomm.com.hk/tw/financialinfo/info2011.html

平凡人 提到...

謝過Honson兄!
這就是報上之文章轉載?

ttpaul100 提到...

今天見有過鬼佬買了三條長城銀條,一手拿著三條銀條站在門口好一會,開像好開心,後來有見有過師奶沽二十條銀條,其他人都買金幣,傍邊的人都在吹銀行職員快d,又比剛才貴了幾十元

gogoldjoe 提到...

白銀隊長唔係叫人渣實銀咩
估唔到會玩孖展期銀...
金錢的魔力...

-----------------------
佢好耐之前已有玩,2008年炒輸一次,當年還在blog內設立了一個懺悔區!

kidthief 提到...

aiy
希望佢無事啦

匿名 提到...

今日頭條話佢係飲到貓O左喎.....信不信由你