2011年8月23日 星期二

百感交雜

今天百感交雜!在168看到freeman有這段留言:「明知市場隨時會轉勢的,卻自以為可以捕捉先機,係股期上下其手,賺回一大筆,才斯斯然收集,如今終弄巧反轉,人財兩失,變成雙失青年。」

還記得早前我在一個留言中提及一位朋友嗎?這位朋友專炒期權,沒有工作。之前工作收入頗豐,儲了一大筆錢,於是辭去工作,全職炒期權,支持一家四口加一個印傭生活,聽說近一年兩收入也不錯,每個月都足夠收入維持一家生活。由於需要現金流,就算明知黃金有潛力,他都沒有買,因為買金會鎖死現金流,我亦十分理解。始終每個人情況不同!

今天傳來壞消息,他在最近大跌市中損失慘重,短期不敢再玩,失去炒期權固定收入,一家人要開始節衣縮食,情況跟Freeman情況有點似吧!或許以為自已能捕捉到升跌,能在波動的股市或期市中獲利,但現實是,逆勢而行,難度很高,反而順著金牛銀牛的勢更易行,增長穩定。

世人每每如此,有簡單而行的路不走,喜歡走捷徑,雖然捷徑有時很快很有效用,正路辛苦花時間,感覺笨笨拙拙似的,但世事那有如此簡單, 能靠每天在電腦前按按制,就能不用工作養起一頭家?雖然我不知他炒期權技術如何,但總覺得不夠踏實!

食過屎才知飯香!這是168某師兄說的,幾年來叫幾個最親的親戚買金,只有一兩個聽,且份量很少,這輪股市下跌,他們又是損失慘重,其實這已不是第一次,過去幾年,他們輸了一次又一次,還是死心不悉,我亦愛莫能助,眼白白看著他們輸錢。反而自已所寫的blog鼓勵了一些素未謀面的人投資黃金獲利,有時想起,真是百感交雜!

70 則留言:

Lisa 提到...

炒權易學難精, 而我一早說過:沽期權是火中取栗, 風險好大 ! 我都交過學費 XD !

匿名 提到...

Joe,
學168師兄講:買實金實銀都要講緣份. 我地有緣喺你, Lisa 姐同富媽個BLOGS+168討論區學識買實金實銀,係我地既福份.

小C9

honson 提到...

Joe兄,正如小C9講,一切也是緣吧!

davidtam 提到...

我只係一個中學生,但係睇完呢個blog半年之後,我都用左人口普查既人工買左呢一生人既第一條銀條,亦都開始叫自己父母同其他同學買銀,因為真係好多JOE開呢個blog,令我呢個中學生見識多左!!

Xperialau 提到...

要让他们信金,先要让他们重新认识货币史,要慢慢讲,我喜欢由1976倒转黎讲。

匿名 提到...

投資一定要明白,無論投資什麼!

小銀通 提到...

叫人買實金銀不容易呀,所以在店舖里放著銀幣和銀塊,吸引一下大家

kidthief 提到...

叫人買實金銀不容易呀,所以在店舖里放著銀幣和銀塊,吸引一下大家
==================================================
有無效果?????????

鋒 提到...

賣楓葉銀幣(原廠有套)每個 $388(10個起)南昌交收
有興趣fungchunfung@yahoo.com.hk 留電話 thx

鋒 提到...

金融市場 = 大賭場

匿名 提到...

happens to one of my friend as well, a financial planner, buy and sell option 期權 for his clients and himself.

i asked what it is, in general, in a normal trading periods (ie hang sang doesn't go major down or major low), you have 5% gain each month safely. it is usually the case in 80% of the months.

so after mastering the 'technique/knowledge', he made many month's interest 5% already, and thought himself 'expert'. i guess it is how the financial tool get you hooked, ie giving you some gain at the beginning as bait, then 'i-will-kill-you-later'. and then your ego drive in, and think you are the 'expert', and you know the game, and you can outsmart the crocodiles in the pool.

so then here comes the rest of the 20% chance that the hangseng index is volatile, he lost the whole 100% of the profit (yes, not 5% loss!)

the maths, with the figure he provided is easy: 80% chance gain of 5%, then 20% chance loss of 100% , would yield: 40%gain-200%loss = 160% loss!!

the danger is really is the over-confidence after the little early bait. be very careful that virtually no one can outsmart the big crocodiles in the pool, they always make money no matter what! be humble and you will be more safe in the market.

sure i have told him to buy gold/silver, sure he dissmissed it as profitting 'too slow'. ..well..

mattisse

匿名 提到...

Mattisse,
如果你朋友是在輝仔度做, 我可能知係邊個。

閒人

匿名 提到...

呢排沽put既人好多都輸得好甘, 咪以為沽遠價put就唔會到, 唔會有事, 係就係未必跌得到果度, 但IV升起上來補孖展守都補唔切, 更何況有期權莊家玩野, 一下子升孖展去到90%-100%! 兼且唔開價, 或者開價超闊。所以玩沽option做輪商係大錢賺小錢的遊戲, 諗住用小錢, 只俾孖展去搏高回報率, 好易沒頂。

閒人

Mirrorman 提到...

食過屎才知飯香! <--好鐘意你呢句

小弟係09年開始學習買金
同好多同輩朋友講起, 個個都話小弟係老一輩既想法

雖然貴金屬無股票咁快回報, 但相對風險同用黎留意大市既時間少好多 <---小弟淺見

而家小弟開始留意銀市走勢, 希望增加一些其他有升值潛力既投資

小弟淺見, 有錯請插

gogoldjoe 提到...

呢排沽put既人好多都輸得好甘, 咪以為沽遠價put就唔會到, 唔會有事, 係就係未必跌得到果度, 但IV升起上來補孖展守都補唔切, 更何況有期權莊家玩野, 一下子升孖展去到90%-100%! 兼且唔開價, 或者開價超闊。所以玩沽option做輪商係大錢賺小錢的遊戲, 諗住用小錢, 只俾孖展去搏高回報率, 好易沒頂。
----------------------------------
期權我從未玩過,謝提供資料,從你所說,我也估到大約怎玩了!之前太太見那朋友有不錯收入(太太亦認識那人),也有興趣,看來可以死心!

gogoldjoe 提到...

雖然貴金屬無股票咁快回報, 但相對風險同用黎留意大市既時間少好多 <---小弟淺見
-----------------------
絕不淺見!好多人就是不明白,甚麼叫成本效益!甚麼叫路瑤知馬力!

Wong Wai Leong 提到...

依個世界絕對唔多168的波比兄!

http://www.inv168.com/phpBB3/viewtopic.php?f=48&t=55224&p=1536909&hilit=+%E7%82%92#p1536909

http://www.inv168.com/phpBB3/viewtopic.php?f=48&t=55224&p=1537723&hilit=+%E7%82%92#p1537723

而且需要天時,地利,人和,神助。方可達成,絕不容易,人生有幾多個十年?

http://www.inv168.com/phpBB3/viewtopic.php?f=48&t=55224&p=1536935&hilit=+%E7%82%92#p1536935

http://www.inv168.com/phpBB3/viewtopic.php?f=48&t=55224&p=1537723&hilit=+%E7%82%92#p1537723

http://www.inv168.com/phpBB3/viewtopic.php?f=48&t=55224&p=1537726&hilit=+%E7%82%92#p1537726

Mirrorman 提到...

雖然有點價高, 但頭先跟同事去左利昌入左些少銀

當儲錢又當交學費

黃泰利 提到...

To Lisa師姐及其他師兄

想請教一下,其實係咪宣傳玩期權既人都主張玩short(以能賺取固定期權金作cashflow為宣傳手段)???

tonyfans 提到...

To Mirrorman,
我 第一次 $18 入銀的時候都覺得價高,但當你他日回望,就會覺得平了 :-)

jerry 提到...

閒人

請問什麼是輝仔? 是輝立 的 米高仔? 可以講多d嗎, 謝

Lisa 提到...

回黃泰利,
什麼是期權 ? http://investtalk-lisa.blogspot.com/2008/08/blog-post_2215.html

什麼是股票期權 ?
http://investtalk-lisa.blogspot.com/2008/08/blog-post_2736.html

Lisa 提到...

上落牛皮市, 沽期權好易賺錢, 但如升穿或跌穿一邊就要輸錢啦 ! 好多時都係因為之前賺到錢, 愈玩愈大而忘記風險, 最後一舖清袋 !

匿名 提到...

SHORT OPTION 好易輸身家

旺旺 提到...

我就是做short 期權, 在今次股市下跌, 加埋之前損失, 損了1百萬.
人生有幾多個1百萬可以輸. 今次的教瞓, 太大太大了.
期貨, 期權期貨, 真的唔敢再玩.

面對巨大損失, 只有忘記過去,
希望跟大家學習, 努力儲實金實銀.

旺旺

旺旺 提到...

看見這篇文章, 真的百感交習, 第一次在這裡留言. 跟各位學習.

我是一位期權投機者, 08年剛開始做期權短倉, 在3個月內輸了近50萬, 將所有積蓄輸清.
輸錢後, 幾乎停止買賣, 努力儲錢, 一心儲大本金, 在期貨市場追回, 當時我的想法是, 我在2010年沽了現貨樓, 想換樓, 但樓價上升得太快, 心有不甘在高價換樓, 於是只好租樓, 結果愈得愈上唔到車.
當時我把部份資金作了人民幣與澳幣投資, 心想這部份尚算穩健, 自已的好炒,好賭心態仍在, 不如另一部份作一些高風險投資

2010年我見經紀炒得不錯, 於是把賣樓後的部份資金, 即是50萬, 交給經紀管理, 我出錢佢出力, 輸錢就一人一半, 由2010年9月開始, 大概分帳後, 我每個月都有近1萬5千-20000的回報, 心想每月有1萬多收入, 如果穩定繼續, 我都有能力作持久戰等樓市下調, 雖然都知道炒期權是高風險, 但已經習以為常.
但在2011年7月, 經紀做錯方向, 當時把一直的利潤, 大概十多萬輸了, 變成打和.
到8月, 我們做了大量的短倉, 股市下趺, 做了6張不趺穿20000點的, 還有一些更近價的, 每張只是收3000蚊,
我們一開始時, 也不認輸, 於是我跟經紀, 每人補了20萬, 由做初的50萬組合, 變成投入了90萬, 但只是頂了兩天, 按金要求增加至120萬, 亦即是我跟經紀要再補近100萬孖展, 心想今次大件事了, 要補100萬, 心諗補又怕繼續趺, 唔補又會被斬倉. 同家人商量後, ;斬後仍資不抵債, 欠股票行錢, 但最終都決定斬倉.
由原來我最初的投入50萬, 埋數變成我跟經紀每人輸40萬, 共80萬, 這是部份首期呀, 真不`知如何再儲.

寫這件事, 唔係想講自已點抵死, 自已唔玩, 交俾人炒都要輸. 始終要自已負責.

我在看了你們的博後, 我在7月開始買賣實金實銀, 只買了很少資金, 每日在期貨佣金都要2, 3千, 銀碼的上落很大, 人完全迷失,
買金買銀未試過, 於是逐少的去開始, 但金幣銀條拿起來觀賞, 已經好實在.
在期貨市場輸了近1百萬, 已經是一層細價樓的首期, 覺得自已錯得不得了.
銀是升得慢, 金銀真的給我踏實感覺, 在期貨市場是永遠沒有的
經過這一次, 真的受教訓了, 但後悔又有甚麼用.

可以做的, 是從新做人, 永遠遠離期貨市場, 踏實的開始實金實銀的買賣.

旺旺.

Lisa 提到...

回旺旺,
實金實銀點玩都還有實物在手, 只要唔訓身分散投資, 又唔曬傷神 ! 做人一定要腳踏實地 :)

匿名 提到...

今朝去排隊, BOC話又接受番 booking . 每次30條, 一星期內會 call 你…

TAXI-DRIVER

匿名 提到...

Joe兄不用太感慨,你所說的我完全明白. 你設立這個blog已是無私的分享,我們是沒法說服所有人的,始終選擇權在他們手上.
在此要謝謝你繼續寫好文章!

nlpsonia

匿名 提到...

旺旺兄,懂得收手就是好的開始.加油啊!

nlpsonia

匿名 提到...

Jerry,
輝仔是輝立, 至於係邊個, 其實有好幾個人的 :P
旺旺,
謝謝分享痛苦經歷。其實沽權唔係唔玩得, 但要有實力接貨, 所以我話係用大錢賺小錢。例如你想100元買長實, 而又想平D買, 咁咪沽長實100p囉, 真係跌落來有人行使, 咪接貨囉, 反正你本來想100元買入, 現在重慳左兩三元 (收左期權金); 有貨在手時, 又可以沽call當收息, 只係如果大升就食唔到個浪了, 張call幫你封左頂 (外加期權金)。只要唔用孖展,唔會有事。

點解宣傳都係教short期權? 一來如果係long期權, 即係買窩輪, 吸引力不大; 二來只有令人short期權, 先至可以一網打盡。

匿名 提到...

不過旺旺兄, 始終玩來玩去都係紙張, 就算係藍籌股又如何? 一樣可以default之後拍拍羅友走人! 而家既波幅只會愈來愈大同急, 但有波幅無升幅喎! 玩期權既人全日都係度望報價機, 無心工作的! 你現在既然跳左出來, 就唔好入番去玩, 因為請原諒我直接, 事實證明你係唔岩玩的! 玩期權賺到錢的, 一係有錢佬, 一係係炒期高手, 萬中無一的。 買入實金實銀, 就放埋一邊唔好理佢, 專心工作, 層樓三幾年你就會賺得番, 因為來緊幾年市場唔會好得去邊, 保得住份工, 儲得到金銀, 必有機會重奪樓宇的!

honson 提到...

旺旺兄,鳥倦知還....人生總要有經歷先可以成長,經一事長一智...祝你明天會更好...

Cefull 提到...

阿爺想搶奪黃金定價權?
http://www.zerohedge.com/news/precious-metal-margin-warfare-jumps-pacific-shanghai-hikes-gold-margins-second-time-month-prepa

好似係阿爺小試牛刀之作...

馬沙 提到...

見隔晚金價由高位US$191x 回落到US$182X, 今朝又上返去US$185X,咁啱經過旺角恒生,又有貨喎,乖乖比錢入多兩個ANA.

話時話,唔知係咪啲金越來越貴重,依家旺角恒生無戶口比現金,除咗跟以往要睇身份證及寫地址外,今日第一次要影印身份證.

姐姐話呢排好少貨,不過昨天咁啱有幾個客出貨,所以今日仲有貨,近旺角恒生又想入貨嘅金甲兄弟.... 快.....

snoopy 提到...

沽勒策期權 , 風平浪靜時好過隱 , 玩得過隱注定上隱 , 上了隱就注定輸身家 !

snoopy 提到...

其實玩期權羸大錢既人都係靠長倉 , 靠短倉養命即係冇技術 , 膽搏膽搏唔會出事 !

snoopy 提到...

學投機搏奕 , 未諗嬴錢 , 先諗輸錢 !

kannyfai 提到...

金價跌得左好多WO...想入番小小

匿名 提到...

旺旺,
你係之前上d記r.koeman post share期權倉睇法的師姐嗎?

gogoldjoe 提到...

謝謝AHK的真心分享,令很多獲益良多!

gogoldjoe 提到...

金價跌得左好多WO...想入番小小
-----------------------
之前升到咁勁,都好應該回一下!

feifei 提到...

但聽啲師兄講銀行啲存貨都無晒Lu..請問美國鷹揚金幣今年開始是否暫停供應呀?

kanny 提到...

想問CHING 知吾知銀行D 金條鐘有無?

chapman 提到...

今日去利昌,經禧利街,見到一間舊式鋪頭,叫泗利金鋪是做'金條生意'唔知有無師兄幫襯過?

匿名 提到...

joe 金價跌得左好多,我買金銀孖展買輸到PK......


Eric

gogoldjoe 提到...

Eric?你是白文銀?

應該唔係!白文銀幾年前曾寫過一篇悔過書,當時是2008年,他同樣以孖展炒白銀。財不入急門,切記!

其實,羅仔上幾星期出過一個圖,估計股市反彈到9月中,之後會再大插,我已估計金銀會調整。好應趁這次,認清投資實物的重要!

匿名 提到...

哈哈哈哈~happy bungee jump?

匿名 提到...

~世界末日撚好快會變過街老鼠!~

匿名 提到...

joe我唔係白銀文....Eric...you not remember me...?

Lisa 提到...

一早講過遠離炒賣 ! 今晚殺倉殺得好勁 !
但對持實貨者是好消息, 可以在低位買多 D !
(死啦, 我好似 D股票死牛派啦, 愈跌愈買 XDDDD !)

gogoldjoe 提到...

哈哈哈哈~happy bungee jump?
------------------------
一早預左啦!可以睇金銀小甲蟲blog討論!
仲有,唔好唔記得1480年果陣你又點講?果陣有入,而家仲賺一大節!

gogoldjoe 提到...

~世界末日撚好快會變過街老鼠!~
--------------------------
放長隻眼睇咯!反正你又唔係今日咁講,已經係由5月16日講到而家!升到2000再回到1600,又或者升到3000回到2500,你一樣會咁講!

呢度大把人係1000樓下入,kam168,king兄、泰利兄、i兄.......數埋一大籮!

gogoldjoe 提到...

Eric,我記得了!

但你怎會去了用孖展炒期?

gogoldjoe 提到...

一早講過遠離炒賣 ! 今晚殺倉殺得好勁 !
但對持實貨者是好消息, 可以在低位買多 D !
----------------------------------
相信星期五會大反撲,再穿1900,之後可能會再回調,期市要死得人多了!

chapman 提到...

匿名提到...

哈哈哈哈~happy bungee jump?
--------------------------------
講真確實好enjoy!!!今日見開始回重出利昌入貨慶祝下tim呀!

匿名 提到...

joe。。。貪德意low。。。


Eric

匿名 提到...

hahaha~~happy bungee jump^^
點解越跌越跌越開心,跌多d仲好啦,買貨慶祝啦^^

Brian 提到...

請問,
1. 甚麼是紙黃金?到BOC用"貴金屬存摺帳戶"的形式買倫敦金/銀或香港九九金,是否就是"紙黃金"?
2. 如果是,則香港哪裡能買實物金/銀?會否比紙黃金貴?
3. 究竟"紙黃金"和"實物金/銀"有甚麼分別?為甚麼"紙黃金"會是將來散戶輸錢的工具?
謝謝!
Brian

kidthief 提到...

paper=無實物係手
physical=有野渣係手
1)係
2)bochk, hsbank, kitco, dealers(利昌) etc
3)paper can default, there are counter party risk etc , for more information please read this blog.
(paper gold) 枇杷膏的秘密
http://gogoldjoe.blogspot.com/2010/10/blog-post_27.html

Lisa 提到...

回Brian,
全部解答在網誌中 !
想學野一定要由頭睇起, 世上無幾多不勞而獲 :)

Brian 提到...

謝謝! 我仔細看看文章, 有需要再問

Brian

Brian 提到...

再請問,若有3-5萬港元的餘錢準備買實貨銀,宜一次過買10oz,還是分幾次買?

匿名 提到...

Brian,
All the answers of your questions could be found in the blog. Even your last question on the quantity of purchasing. Don't jux to be a free rider.
Billy

匿名 提到...

今朝見跌, 去恆生買 ANA, 見到 BOC 又有人排, 咁我又排. 原來除左 booking , 排隊都得. 因為小左人排, 有幾個呀太想排多轉.

TAXI-DRIVER

匿名 提到...

回Brian
此blog真有很多有用資料,
要有耐性看一看,得出自己的決定後才行動.
以免日後後悔.
(可能我們甲蟲的信念是假的呢.)

黃泰利 提到...

To 旺旺

請問你有冇上過九龍灣杜乜乜既堂???係咪受咗佢既影響至玩期權???

你話我馬後炮又好乜都好,咩咩20000點對金甲蟲嚟講係穿硬既(你以為我睇好股票會揸金咩?仲要係「麻麻煩煩」既實金?)

Lisa 提到...

大鱷又成功提款啦 !
呢浪好多玩期指、期權的人都輸錢, 而旺旺唔係輸得最多的一位 ! 而玩股票的人都輸唔少, 聽一位在五、六年前低位買咗貨的人點, 由高位買落來, 愈跌愈買, 計下數都輸唔少 ! 人地已有大把buffer輸, 你由高位去跟, 唔輸死都一身散 !

Brian 提到...

謝謝各位指教! 我會儘快看看本欄的精選文章!

Brian

匿名 提到...

呢期買金係咪好過買銀?
銀升到咁上下就比人按番落黎,相反金越升越有。

路人甲