2011年6月16日 星期四

真的很失望



真的對指數兄非常失望!枉我寫了幾篇文章指正,還可以如此亂來,不找數據,人云亦云,以為加息,黃金白銀就會下跌,貧乏的財經知識,還敢問我關於息口的問題?各位金甲銀甲以後做分析切記,不要如此!否則在投資路上,只有死路一條!其中,指數兄提到:

美國明年奧巴馬連任,需要令美元穩定,首要條件是提高息口,因此,未來進入加息潮是可以預期的,預期每次加息二十五點子,一年累加一厘。~仲學人掃金銀~~到時見唔到更新~喊都無謂~最後主持及利益者會自動消失~」

其實以前都講過幾次,金銀升得最勁時,是利息升得最勁之時,看看上圖1962-2007黃金與息口走勢就知,息升金升,息跌金跌,到2002年,息跌,金照升!以指數兄的知識,當然不會明白,何解息升金升?到2002年息跌,金又升?

給我又一次指出漏洞,如無意外,指數兄應會回避再回避,不再討論下去,所以你們說,是不是浪費時間?何解指數兄會認為加息不利黃金?應該是看了坊間大部份的財演及普通的財經書,甚至是報紙財演專欄分析,我勸指數兄,還是勤力一點找數據,等水準高一點,再上來講,否則浪費你的時間,又浪費大家時間!

我亦不可能再浪費時間續點指出指數兄錯處,希望各位新人舊人自行小心判斷!我知道如此高調叫人買金銀,一定會得罪很多人,如倫敦金公司,甚至有股市好友會認識叫人買金銀會削弱股市資金,我一早已有心理準備,各位亦要有心理準備,未來日子會愈來愈人上來漫罵,不斷重複又重複一些充滿漏洞的觀點,但我絕不會BLOCK任何言論,這裡缺的是反對聲音,只希望反對聲音有價值兄之水準,而不是那些街市師奶都識的「加息喎,仲買金?」論點!

我沒有任何憤怒,只是失望!何解要不斷講大話?扮高深?說自已認識策劃者?卻原來見識跟一般小散戶無異?「加息=金跌」是策劃者教他的嗎?若然如此,策劃者認真「靠害」,其實無需策劃者教,找資料找數據便可知真假,但世人往往如此,不求甚解,人云亦云,所以在投資市場蝕錢者,往往是大多數!

指數兄,我又問你一個問題,何解息口上升,黃金會升?不知你會否賞面說說見解?(希望不是那些「知都唔話你知,策劃者想點就點,世界末日撚去死,OUT,過時!」的答案,但如此答覆的機會很高,又要再一次失望了!So Sad!)

27 則留言:

Lisa 提到...

我行我素 ;)

匿名 提到...

有反對聲音即係代表黃金白銀列車仲未去到總站
好事好事

匿名 提到...

我看尋找利率與金價的關係是無甚意義的,因為與金價此無息適品較有關的是實質利率。實質利率高企(大於2%)時金價趨跌,反之則趨升。

不過以實質利率來解釋金價亦只可作一年內之中期分析之用,因為實際長期形響金價的是貨幣供應。在當下貨幣供應亂飆之時,金價只會給「浮」得越來越高。

Pete

gogoldjoe 提到...

謝peter,實質利率,對!以前我們都有提及,不過謝你意見!

旁邊學 提到...

如果貨幣狂貶值,加到十厘息都嘥氣啦!

匿名 提到...

其實指數兄個假設係咪有的問題呢?..如果淨係美元"強"勢, 而失業率創新高, 房地產繼續低微, 下任總統還會姓奧嗎? 定係指數兄認為只要美元穩定, 所有野都會迎刃而解咁簡單呢?

CALVIN

匿名 提到...

~無論Joe 兄講乜~指數兄都會繼續出黎9up~指控我地d所謂末日撚~金銀o係策劃者利用完之後就會爆煲~到時喊都無謂~都係買股票最實際~

gogoldjoe 提到...

預左啦!以佢性格,一定心有不甘!

Gordon 提到...

其實我地駛唔駛確定呢條友唔係強迫症患者,先再理佢呢?

gogoldjoe 提到...

回Calvin,

佢最大問題係以為加息就可以穩住貨幣的價值!坊間99%的人都係咁樣認為,所以得出一個加息=金跌,減息=金升的結論,但邊有咁簡單,如果出自普通人之口,好平常,但出自一個自稱認識策劃者的人之口,就真係好騎喱!對息口睇法竟然跟99%的人一樣。

另一個更大自相矛盾之處,就係佢之前自稱買左樓,而且仲係要供款,但家下認為會加息,竟然咁開心,亦好奇怪,因為如果加息,佢供樓負擔會變大,若息口大幅上升,更分分鐘會供唔起。預計未來會大幅加息,又借錢買樓,簡直係一種自挖墳墓的投資方法,果d教佢既策劃者、富二代認真靠害!

不過,當然人人情況唔同,佢有富二代照住,供唔起可能有人會幫佢供,只有天知。

我只係覺得奇怪,點解會咁講,只有兩個可能性,1/佢根本冇買樓。2/佢唔識息口與經濟及價格的關係!

匿名 提到...

回Joe兄同咁多位網友:

我覺得呢條友係吁有咩問題架呢? 點解佢會話利率上升=黃金白銀大跌? 學咁多位仁兄講: 名義利率係唔等於實際利率!!

再者, 稍有些少經濟知識的人都知加息係唔等於某隻亦或所有貨幣都唔Devaluation 架喎. 仲有, 佢知唔知點解貨幣會devaluaion??

真係同呢啲人講多一陣都影響自己的智商!

Marco

gogoldjoe 提到...

其實我地駛唔駛確定呢條友唔係強迫症患者,先再理佢呢?
----------------------------
咁又可以咁講!佢其實不知幾醒目,自已唔識既野,就會避開唔講,我敢100%......100%.......100%confrim佢唔會再就住黃金與利率呢個講題討論落去!

匿名 提到...

Joe兄何必花咁多心機去寫"指數兄"呢.. 從行文中看見你對他的憎恨,都是不要過份投入爭吵,會影響你客觀分析的。其實你也可想想有現時有什麼可能性會令到金銀牛市玩完.. 以作好準備.....

Bo 提到...

Another dumb mindset in public >>> USD up, Gold down and USD down, Gold up.
They never try to think the meaning of ''All currencies depreciate against Gold''.

嘉芙蓮 提到...

其實呢d唔係憎恨,只係對牛彈琴有D frustrated, 呀, 唔知大家有無睇過"大時代"呢? 指數兄讓我想起鄭少秋的角色

匿名 提到...

~賺得好肉酸~

~呢個強迫症患者唔知點解要迫人買金銀呢?~點解唔揸住支槍指住我買?其實策劃者不嬲都有大量金銀~講明係實貨~比你果少少+世界末日撚全球恐慌網上大派對以為可以呃到我?~


因為如果加息,佢供樓負擔會變大,若息口大幅上升,更分分鐘會供唔起。預計未來會大幅加息。

~關於加息問題~你供樓同時要夠奶粉錢~點維持你既低息供款~咪就係叫人加入世界末日撚全球恐慌網上大派對呢個幫派!~除了印刷機既功能外~因多了世界末日撚送現金入銀行系統~銀行多左批錢要再借出去~樓價估價自然水漲磚高~買金銀對冇樓人士非常有害~低息借平錢一個電話就搞掂~點解我仲up得呢d出來?~

我比較擔心加息會對打工仔有影響?點解?有人要比家用錢啦比奶粉錢啦供樓錢啦金銀啦都去左J兄唔少~加息金銀都可以升不過一定唔會耐~可能仲會悶都悶死~唔緊要啦何況你話我根本冇買樓~加得幾多~咪睇下加息對你(供唔起想法)影響大或是我(拒絕中末日撚毒不如儲兩期供一期)大先~

Gordon 提到...

Katherine,

完美比喻!鄭少秋的角色叫丁蟹。

好啦,我以後就叫佢指數蟹,哈哈哈哈。

嘉芙蓮 提到...

gordon,
我記得有一場戲講藍潔英唔想再見丁蟹覺得佢好煩,當時藍好似只係幫佢做下家務, 但丁生反而話"得喇得喇, 我知你無非都係想結婚0者,咁結啦", 類似咁對話,笑爆咀. 因為當時還少,朋友們十分喜愛背對白....

snowcat 提到...

JOE 兄咁好心機仲晒時間係指數人身上...
等緊新既馬田文章呀~

Gordon 提到...

Katherine,

經你一提,咁我開始明明地。原來指數蟹以為joe兄寫呢個blog係特登引佢買金銀,佢可能以為呢個世上d事情全部針對佢而做*。joe兄,你慘啦,照推理佢以為你想呃佢d錢添。

*引用指數蟹名句 - 世界末日撚全球恐慌網上大派對以為可以呃到我?~

gogoldjoe 提到...

加息金銀都可以升不過一定唔會耐~可能仲會悶都悶死
----------------------------------------
指數兄,勤力d啦,圖都搵埋比你,仲要死口唔認!息口由1972升到1982,升足10年,黃金就由1972升足9年,升到1981,息口升到當年近21%,黃金升足23倍,咁都叫唔耐?叫悶死?咪玩啦!

當然,你可以話而家情況同當年唔同,咁有乜唔同先?當年為乜會咁升法?咁就要睇歷史,睇數據!放心,呢d野好多經濟學既書都有,唔係末日撚果d書。

投資最緊要嚴僅,事事尋根究底,我手頭既書大部份同末日撚無關,大部份都係講歷史!

匿名 提到...

其實我想問下各位師兄師姐, 一向大家都以黃金同美元, 利率, 股票指數作比較. 得出不同結論. 但會不會有樓價同金價的比較, 樓同金都係實物投資, 亦係中國人的傳統投資項目. 而且利率同樓價亦無直接的相反關係 (eg.利昇樓跌), 如九七時利率高但樓價可以更高. 所以想問下各位有無相關比較?

daniel

Generation Next 提到...
作者已經移除這則留言。
Generation Next 提到...
作者已經移除這則留言。
Generation Next 提到...

~因多了世界末日撚送現金入銀行系統~銀行多左批錢要 再借出去
﹏﹏﹏﹏﹏﹏﹏﹏

此傢伙必定未試過買實金是如何困難,只收現鈔不收信用卡不在話下,也並非間間銀行有實金銷售,也經常沒貨。
實銀更只有中銀有售,也是經常沒貨。
實物金銀豈是全天侯賣廣告荒死冇人借打個電話就攪掂之平$可比。
世界末日撚要吸金銀甲紙鈔,為什麼不打鑼鼓自己賣實物金銀呢? 來來去去也只有Kitco,Swiss。
再者,世界末日撚那裡有那麼多貨賣呢?
難道問策劃者借貨賣嗎? 他們是一伙人?
要增加紙鈔,策劃者咪QE緊囉,佢老美要賣金吸$?咁多此一舉?

此君如果真的是與策劃者、富二袋一伙的話,那麼,這些策劃人也大慨是與有緣兄一般水準了。

匿名 提到...

GN兄,

"富二袋"呢個gag,真幽默.

Gordon

Generation Next 提到...

~咪睇下加息對你(供唔起想法)影響大或是我(拒絕中末日撚毒不如儲兩期供一期)大先~
----------------------------

加息對打工仔影響:
- 供樓會貴了
- 租平了, 樓價跌了,物價平了,奶粉平了
- 供不起就債務重組,債主債仔雖怕雖?
- 若有金銀在手,靈活性更好,高息時金價是可以升的,賣金屬樓保家園

加息對策劃者及有緣兄之影響:
- 手上及能收回的低押品不那樣值錢了
- 利息支高了
- 少客來借錢了
- 呆賬多了,也要想辦法令打工仔保住份工好還債
- 若有金銀在手,靈活性更好,高息時更要讓金價升,持金壓倉保信譽