2011年4月6日 星期三

買金銀對沖MPF

講起MPF,香港人個個把幾火!特別係當你認識左貨幣系統及金融體系本質之後,簡值覺得佢神憎鬼厭!每次諗起我就想鬧爆!

首先,MPF投資係跟國際評級構構做參考,金融海嘯,大家已清楚見到呢d評級機構真面目,咁點解而家仲要跟?積金局可唔可以解釋一下?其次,MPF有好多做數手法,唔單止係管理費高的問題,例如買了100%港股,根本就冇辨法控制到基金經理幾時入貨幾時出貨,亦無辨法控制到佢更改當中的組合,幾時更改?更改後各種股的比例?總之就係由佢武,好景就分多少俾你,唔好景就話蝕好多!

唔好話買金銀,淨係點解唔買樓收租?已經係一個好大疑問?驚推高香港樓價!?咁點解唔去外國買?外國好多退休基本都來香港買樓收租啦!

原因好簡單,講得難聽d,因為買樓收租,有交易紀錄,出貨入貨都好容易check到,亦冇可能成日換馬,唔通今日買左層樓,唔夠兩個月又沽出?到時俾人問起,點答?

其實,積金局員工都知自已事,早前係一篇文章中知道,原來佢地員工外出食飯,個個唔敢用積金局個名訂位,驚到時d野食俾人加料,去到咁既地步,已經會受到良心責備,不過我諗d員工都唔知發生乜事?仲以為自已做緊既野好有意義,只有幾個頂級阿頭知道當中底蘊!

小市民有心無力,冇辨法去改變政策,但我相信天理循環,如果你令到人地過唔到修尾果幾年,你自已都要因住修尾果幾年,果班苦害小市民既惡魔最終會得到歷史懲罰!

小市民唯一可以做就係買金銀對沖,因為MPF已經全部都係paper,一樣實物都冇,就算係買商品,都係以基金形式持有,同實物完全是兩回事,當好多人問我買幾多金銀?或者猶豫買唔買時?我經常都會答佢:因為你有MPF,已經買左好多paper,所以分散投資好重要,而數量可以用MPF做參考,就係每個月5%薪金,或者10%都可以,因為顧主所供的部份,亦會在你薪金中反映。

74 則留言:

匿名 提到...

呃錢帝國 香港版預告 Inside Job Trailer
http://v.youku.com/v_show/id_XMjUxNjY4MDAw.html

匿名 提到...

Joe,寫得好!(鼓掌)
nlpsonia

匿名 提到...

報價:利昌銀 $379 12:35中午

gogoldjoe 提到...

謝謝,快d上映,一定去睇!上星期,明報有篇文章用一版介紹。今次個片名翻譯得唔夠大陸好,大陸叫監守自盜,更切合影片主旨。

匿名 提到...

好文! 痛快淋漓!

閒人

匿名 提到...

http://news.sina.com.hk/news/23/1/1/2064532/1.html
Joe指明報說的是這一篇?

小C9 提到...

Joe,
我每次見到mpf/orso 都好想閙爆. 點解自己d錢要人地幫我管, 仲要比錢人管. 呢個咩道理. 學你話齋, 唯有買金銀對沖(自求多福). 我已經由舊年10月開始咗每月用一部份人工買入金銀.

金錢一一 提到...

好文!
睇完至知財爺嘅「苦況」,大概佢早知呢個係咁大個氹都未必會踩落去。

匿名 提到...

Inside job上緊喇! 不過得好少戲院上!

Eddie

匿名 提到...

Joe兄:我想合法地提走MPF,我供左十年了,想襯轉工提走MPF,是否要離港幾日?何種情況下才犯法?有否這方面資料?感激!

Gordon 提到...

joe兄,
本來無一物,何處惹塵埃?
只要你想清楚你個mpf只有你個名是真的,戶口內的一切只是幻影,根本你用唔到的,便無所謂了,善哉善哉.

匿名 提到...

其實大家MPF戶口總共有幾多?大概10個年頭,每月$2000(自己加僱主),有無50萬?

匿名 提到...

Joe兄:我想合法地提走MPF,我供左十年了,想襯轉工提走MPF,是否要離港幾日?何種情況下才犯法?有否這方面資料?感激!
------------------------------------------
離港幾日就想提走MPF?邊有咁易,係就個個都提走晒lu,好似一係夠年齡,一係移民,一係宣誓以後唔做野,先有得傾,correct me if i am wrong.

Daniel 提到...

直頭燥爆,連orso都要離職先攞得返.

匿名 提到...

只要小心行事,做足功課,MPF是可以合情合理合法地提出來用,不是幻影,請各大俠指路,我是小A

Gordon 提到...

小A,
方法的確有!不過古語有云:六道之外,存而不論.呢度唔講邪野.如果你聽阿JOE講"買金銀對沖MPF "已經好足夠的.

人辦睇SATAN兄啦,成為一位上報的金甲新星,佢網誌有詳述佢心路歷程!

匿名 提到...

借錢買金是正道,用合法途徑提取我的儲蓄去買金便是邪道嗎?請gordon兄指點。我也是直的離港發展,如果不成功,當然也有可能回港打工,這又是邪道嗎?我是小A。

金甲超人 提到...

MPF 我建議所有朋友轉去宏X - 中華X力!因我2000年開始投資這隻基金直至2010年年尾全部取回投入金銀實貨!MPF實施後宏X亦將這隻加入選項!雖然表現不錯!都係嗰句!可盡快走去實金銀為妙!

匿名 提到...

金甲超人,能否公開一下具體做法,我是小A

嘉芙蓮 提到...

我睇左inside job la,非常好,用訪問形式,好眞實

黃泰利 提到...

我都睇咗inside job, 當溫書咁重溫番當年既歷史,令我回憶起當年金融海嘯前後我盡沽股票買金的心路歷程...

果啲油泰高層...個個個樣衰到呢...

honson 提到...

inside job .........係好好教材

黃泰利 提到...

睇完inside job,唔知仲會唔會有人俾佢啲仔女讀economics呢門junk knowledge呢???

諾克 提到...

what is inside job?

fubjj 提到...

奧斯卡最佳紀錄片

Gordon 提到...

豈敢指教,此處是大家留下各自意見的地方。請容小弟略舒謬見,純屬分享。 愚見以為,行為的結果是主,動機是次。正道是合法行為,邪道是違法行為,我最驚因違法行為有機會引至被監禁。

有計劃下的借錢買金,打算連利息有借有還俾番銀行,是正道,是合法的。
有計劃下的借錢買金,打算收埋d金,然後申請破產,是邪道,是違法的,捉到可能會坐監。

有計劃下的永久性離港,另有發展,宣誓屬實,申請攞番MPF,但之後世事多變,要回港發展,而家先用d錢買金,是正道。

有計劃下的,轉MPF的錢出來買金,扮宣誓永久性離港,特意安排倒轉先後次序便是邪道,捉到可能會坐監。

如果有地方教唔違法,唔駛坐監可以攞番MPF,就算我一對腳跛左,隻左手斷埋,得番隻右手,用手爬呀,我都爬去聽呀!

匿名 提到...

奧巴馬促國會兩黨通過預算案
http://hk.news.yahoo.com/article/110406/3/nnfk.html
近日股市不停上漲,但美國咁大單新聞都無咩人報導,
各位有玩股票真係要小心小心,我都放埋手上最後PAPER,

Inside job <--推薦睇一睇 ,

TSHOI

Cefull 提到...

MPF, 小弟基本上將之撇帳. 能拿回固然是一萬個好, 拿不回亦係預左...

諾克 提到...

非常時期要用非常方法.
亂世用邪道也值得去做.
財富大轉移的機會快來了
記住: 少錢的人可以投機, 無錢的人必須投機

Lisa 提到...

回大風暴,
你咁多錢都投機 ?
沽出一隻股, 已夠你買 500個銀幣啦 :)

諾克 提到...

無錢, 無權, 無勢的人, 你們都沒有什麼可以輸, 如果有個機會給你一筆錢, 將錢轉為商品, 等待大轉移的機會. 由無變有, 雖然是不道德, 但社會不也是由一堆既得利益者使用用下三流的手段搶錢.

記住: 什麼人最惡, 一無所有的人最惡, 以其人之道還治其人之身

諾克 提到...

不夠喎@@

諾克 提到...

不要相信政府能夠控制通脹, 不要相信政府政棍財演要打擊通脹.
通脹就是巿民自己所製造出來, 你們都有份, 不要推卸責任.

Tamama 提到...

只要不是去偷, 不是去搶, 用正途去得到財富的話就沒什麼道德不道德了 ~
君子愛財, 取之有道 !!

匿名 提到...

總瀏覽量
407,180
1-2日都好像是39,xxx
有更多金銀甲虫加入我們了

六千變六百萬大計劃 提到...

六千變六百萬大計劃

hk6millionaire.blogspot.com

金甲超人 提到...
作者已經移除這則留言。
金甲超人 提到...

Cefull 提到...MPF, 小弟基本上將之撇帳. 能拿回固然是一萬個好, 拿不回亦係預左... X 2


我的建議是:如有多次跳槽,而有多個MPF戶口時,將他全部歸一,全部轉去宏X - 中華X力!如現在有此戶口可選擇此!

絕對同意Gordon兄! 我有位故人前輩講過:正道邪用、謂之邪!邪道正用、謂之正!

兼且非常時期,用非常手段!才是上策!
大風暴兄有見地!

satan_wong 提到...

mpf將外國果套copy過黎香港..
因此香港既未來..應該可以係呢幾年外國身上睇到..
包括政府可以延遲發放退休金..

嘉芙蓮 提到...

仲有美國將退休plan買左好多衍生爆煲工具....

小C9 提到...

今日喺明報見到有版喺"獅子山xx會"登既聲明:反對甚麼全民退休保障計劃. 好開心有人肯公然指出所有政府cover up 咗既壞處, 等好多人知道, 唔好再比政府呃.

六千變六百萬大計劃 提到...

持有美國債卷會否有相同效果?

匿名 提到...

法律只會用行為、文件、人證和物證等去判斷人的動機,學佛的人也知道人的念頭在彈指間何只千萬,我不會去想某個人的動機。大家現在都知道MPF不是為了我們年青人退休,是為了支持股市債市,是為了支持現在退休的人退休,我不明白這種"行為"有什麼道德。在這裡長了見識就是智,買了黃金就是勇,用未來錢或者MPF去買金就是謀,如果有成功例子分享就是仁。至於法律,在中國是為黨服務的,在西方是為金融騙子服務的。非常時期非常手段是正確的,如果非常時期不是那麼近,大家也不會這麼關心黃金白銀。我想信我宣誓離港時我是真的想離港發展,或對香港失去信心,至於買些黃金作準備,也是很合理的"動機"或"行為"。至於要我把十年的MPF撇賬,我不甘心!人生有幾多個十年。我是小A

Gordon 提到...

小A兄,
我絕對同意你全段回貼啊,被政棍們安排[被]儲MPF,我也不甘心!無奈呀!但什麼理由也好,被捉到攪MPF會坐監呀,我而家遊行都唔敢了,好驚行行下突然對眼俾胡椒噴到,被落案非法集會呀.小弟上有高堂,下有妻小,好驚被監禁呀.
例如有人為了萬分之一機會發生的意外買保險,其他人次次無事,不代表下次到你無事,是因為萬分之一也是有機會發生的.

我就阿Q精神地當MPF被抽稅了.*~*

其實,從另一方面睇,明知道黃金白銀對於將來超級通漲/縮/滯漲,都是現價超低,168網有師兄說將來黃金可漲到USD14000,宋先生又說白銀15年後有機會漲到接近黃金價格,所以係現階段儘量用手上法幣換實金銀,已經對沖左MPF的損失,又免除左坐監風險.

例如SATAN兄,借錢買金,依家有市值約HKD4萬實金銀,HOLD住15年,可預計到時有機會去到HKD3M市值.如果被人捉左去坐監,買唔到貨,損失更大.

(SORRY,SATAN兄,又借你過橋)

Chanel 提到...

Joe 哥,

我在記念幣店內見到有美國鷹揚銀幣,賣$320,很多年份都有,也有生肖銀幣,想請問這些小店可靠嗎?

Lisa 提到...

Kitco 有 1 盎司9999銀塊賣, 手快有手慢無 !

匿名 提到...

各位好,
有些不大明白, 為何借錢買金會是一個選擇呢?
還是我理解錯誤呢?

匿名 提到...

法律是一個遊戲規則,只要按規則辦事是不會坐監的。法律明文規定永久離港者是可以合法提取MPF的,我想信被起訴的人是沒有離職、沒有離港或過早返港工作,希望大家多討論遊戲規則,然後才講風險,我也是有妻小的。如果遊戲規則都了解便怕坐監,這樣能改變自己厄運嗎?香港的高租金已經是很高的稅,還要當MPF是稅金!?我就當MPF是閒錢,當我對香港的工作及前景灰心時,我便用來買金。我是小A

匿名 提到...

回匿名,
借錢係為左即時有筆大錢低位買貨, 每月還既錢咪當係儲錢囉. 如果等慢慢儲, 而金銀又急升既話, 買少好多.

閒人

gogoldjoe 提到...

回chanel,
應該冇問題,不過當然睇清楚d,最好拎一個真既去對比一下。大量買,都係建議去有信用既大店!

諾克 提到...

有沒有人去過大洋金銀幣店交易過?
信譽如何, 價錢公道嗎?

我想買一板熊貓銀幣, 共30個, 你們建議如何?

諾克 提到...

記住, 借錢要用定息, 就算到時大幅加息都不會失去預算
另外可以使用物業貸款, 有大額金錢可即時使用, 息率也比私貸低

諾克 提到...

旺角是否有一個商場專門買賣紀念幣, 地點在那裡?

匿名 提到...

剛剛歐洲加息 1/4%,繼續甘容易借錢?

諾克 提到...

有借就快啦, 息口上調就無平錢架啦

honson 提到...

回大風暴
>>旺角是否有一個商場專門買賣紀念幣, 地點在那裡?

好旺角購物中心

九龍旺角砵蘭街 169-173 號

honson 提到...

大洋要買 60個先有折...11年銀貓 一枚 $420,
60枚 $380

Gordon 提到...

恕小弟嘮叨,
借錢買金前,請必須先完全明白銀行的所謂定息!因小弟仔細閱讀某大銀行在蚊滋咁細段的借貸合約條款細節中寫明,一日未還晒錢,銀行有權要求額外增加手續費,但無寫明收多少,即係無上限!

詳情請參閱此blog文章--借錢買金的迷思

i 提到...

我發覺呢道成日有人鼓吹借錢買金,我之前已經辯論過,Joe亦有文章提論過,你自己要睇返之前啲帖做功課,權衡得失!

本人意見係,第一借錢首先未買金已經益咗啲銀行老,買金都係為咗費事同呢班人deal. 如果你係覺得賺硬嘅,味問你屋企人借,唔好益呢班人! 網上係有好多人混飯食,聽唔聽就自己執生.

第二,買實金就係去避險,你反而借錢加上無謂嘅風險, 無聊之極, 走火入魔!

第三, 買金嘅主要原因唔係投資,喺係現行貨幣制度崩潰時用嚟救命嘅.

所以我睇,唔需要買太多,只需要買到等於三個月人工就可以了,不需要強求. 有多餘錢當然可以買多啲,悉隨遵便,但係借錢買就無謂了,你借錢買嘅金亦喪失了佢本身最寶貴嘅功能, 就係 "Gold is nobody's liability!!"

講多次, 貪字得個貧ar!

Unknown 提到...

都係個句: 小錢的人選擇投機, 無錢的人必須投機
一無所有的人已經無乜可以輸, 借錢係一個不錯的選擇
最壞情況: 破產, 4年後重新開始
最好情況: 低位買金銀, 金銀價大幅上升, 還了錢後還擁有實金實銀.

如果你地認為不要借錢買金銀
當中有誰買樓是沒有借錢呢?

Sky925 提到...

旺角,好旺角中心 2011熊貓賣$390元
上星期六買了一個
宜家唔知有冇加價!?

金錢一一 提到...

如果你地認為不要借錢買金銀
當中有誰買樓是沒有借錢呢?
------------------------
住屋係基本須要,只能選擇租或買,如果有首期而又計過供平過買嘅,梗係借錢去供啦,
但係買金係儲蓄嘅一種形式,即係如果有錢多又計過儲金好過放响銀行嘅,就買金啦。
我諗呢兩樣唔應該撈埋來講嘅。

匿名 提到...

回金錢一一:
非也, 樓在滯脹期係高風險投資, 加息可以kill左一大截價, 但金銀會大升的.
回i:
借錢買金只是其中一個低位快速屯貨的途徑. 借唔借要睇自己. 個人認為反而樓按開始有加息風險. 樓按息低但條數大. 銀行一般唔會收負資產樓既原因係政府唔俾, 但唔代表賬面損失唔存在, 亦唔代表將來頂得順供款利息. 我只知道樓按是香港最厚的羊毛.

閒人

Gordon 提到...

閒人兄,
我剛弄明白了向銀行借私貸的合約中隱藏了極危險的風險。如你所言,我也明白樓在滯脹期係高風險投資,所以想進一步研究樓接的合約條款是否也會隱含類似的風險,否則有多多金銀,最後也俾呢班大勢力食埋,請問你可以告訴有關細節嗎?

匿名 提到...

請各位容小弟發表一下自已感受~

無錢還就去破産,只能夠見到再次發生違約行為!
儲金儲銀就係避免有人為的違約行為!
儲多/少,每一克每一兩都係辛苦工作後誠實回報!
無付出過而有收獲,而且透支未來。
最後同個班印錢銀行家有咩分别?!
而佢地就係睇中人的心魔,先有今日扭曲社會!
勞動階層辛苦得黎既錢!白白比人造通脹蠶食!
當初成為金銀甲既目的!到今日依然無忘記!

Tshoi

匿名 提到...

回Gordon,
其實任何向銀行借款合約都有呢條, 銀行可以隨時中止/更改合約而毋須得到債仔同意, 基本上無得輸的. 負資產唔收樓係因為政治需要, 收番來都係要賣出去, 都有壞賬; 倒不如唔收樓繼續俾業供樓或者還息only, 咁就唔算壞賬喎, 只係應收賬. 我只擔心, 因樓按動不動20-30年,中間可以經一兩個利率火山期. 到時還息都唔夠. 所以要多留buffer (唔係首期, 係流動現金呀!) 去守, 唔可以去盡.

如果你叫個手頭得幾萬既人去買金銀, 頂多買到四兩金或者百幾安士銀, 只可以講係好過冇囉. 搏唔搏, 借唔借錢買金銀好睇個人. 但從道德方面去討論就不大乎合投資市場討論, 因我相信投資市場永遠只行叢林法則, 弱肉強食的. 道德只係自己好唔好過而已. 正如我有幾看好農產品我都唔去炒, 因為個個炒的話好多人會無野食.

閒人

匿名 提到...

要提mpf就很易犯法,
不過如果唔介意前事不計的話,
學金甲超人轉晒去一隻基金,
之後的,就自己辭工開公司, 以另一形式與現公司合作提供服務,
帳務上盤數自己可控制, 稅率是扣除收支後的利得稅制, 交稅已可以少了,
你如果在公司不以全職僱員身份支薪或最多以自由職業者身份工作, 又或者只以作為投資者/股東在公司有盈餘時分紅俾自己, 咁Mpf咪又唔洗供lor!
在法律上這是合法的。

平凡人

金甲超人 提到...

點解撰宏X - 中華X力!原因幫宏X管理此基金者係謝清海。(何許人?自己做功課!No Free Lunch!)所以云云中國基金以這隻較佳!

都係AQ個故仔!A、B君同遊遇老虎追剎,A君即換跑鞋,B君邊走邊話:仲換鞋!走唔切?A君答:鬼唔知走唔切咩!我換咗鞋跑得快過你就走得切!

匿名 提到...

I see the nature of this blog is changing, with more people start to talk about leveraging thier credits for "investing" in gold/siler.

匿名 提到...

I see the nature of this blog is changing, with more people start to talk about leveraging thier credits for "investing" in gold/siler.

天天 提到...

Dear 平凡人,

可唔可以講多少少?我覺得呢個方法好像幾好喎~

我可以開公司,但稅果到就唔係好明(此人數學極差),依家開間公司3千蚊左右的成本,若然可以就此避過MPF呢個毒穴,真係幾抵架.....

但有限公司每年到填表報稅核數,都幾麻煩,唔知無限公司可唔可以呢?

匿名 提到...

天天:

有限公司每年報稅核數,都一定要俾幾千蚊會計師搞的, 怕麻煩就唔好做投資啦, 又要上睇咁多資料和書籍, 仲要計算分析, 搞咁多野為乜WOR?
無限公司就假如你公司睇日有乜債務或惹官非就乜都要上身的,
而有限公司在法律上是"法人"的身份, 有乜野事清了盤(在法律上即法人宣告死亡),就不用跟手尾, 所以點解大部分公司都係有限公司。
不過當中涉及很多細節及操作上的問題, 最好都係先尋求可靠的會計師的意見, 避免犯了法都唔知, 否則就麻煩了。

平凡人

天天 提到...

假如開無限公司是為了避開MPF,而非經營謀利的話,咁風險都唔高,不過身為股東,我自己有另外一份工,果份工的MPF如何轉過來&點樣令到自己唔駛再扔錢入海就真係要請高人指教了。

講真,我真係唔甘心自己D MPF打水漂,雖然好似唔多,但對低薪的80後來講其實每個月D MPF係幾大負擔的。個個D PLAN 不知所謂,我次次睇都好激心。

Gordon 提到...

可能out date左d.不過都通知一聲,我剛剛發現PPS 有得睇 Inside job.