2011年3月30日 星期三

警告的真義



昨晚,亞視有個節目叫《香港百人》,介紹了利昌金舖老闆胡漢輝及利昌,內容很豐富,不過最教我印象深刻是講到胡漢輝對員工的嚴厲管教,員工若給發現參與炒金,即刻炒魷魚!唯有一個員工例外,這個員工以儲蓄形式每月買入一兩金,胡太解釋,炒字由火與少組成,愈炒就愈少,所以他們絕不容許員工炒金!

從胡家管教員工的作風,可以肯定他們對黃金市場了解非常透徹,明顯超越了一般大眾及財演,其理念應與金甲蟲類同,清楚知道虛擬黃金市場的虛偽與把戲,只是礙於形勢及怕得罪相關勢力集團,不便作詳細解釋。大眾往往如此,投資只跟大隊,只學皮毛,昨日首富誠哥說,若是自住又付得起三四成首期,買樓不錯,但一眾傳媒卻理解為買樓可抗通脹,真係Bullshit!去年同樣的問題,誠哥沒有作答,只說若果講出抗通脹方法,會得罪人,記者們個個一頭霧水,只有金甲蟲笑在心裡!

如果不是後來黃金經歷二十年的大熊市,以胡家穩健作風,今天就算不擠身首富行列,亦應離此不遠!可惜,這種作風不為多數人所理解!就像我在網誌上提出金銀調整警告,可能會有部份人利用此去炒賣實金,更不排除有玩倫敦金或紙黃金的人利用來操作,這並非我的本意!

提出警告是希望大家心裡有個準備,知道金銀市場發生了甚麼事,調整的底蘊是甚麼等等,不要因為一時三刻的調整而自亂陣腳,以致在金牛及銀牛中途被震出來!正如我在多篇文中講到,投資黃金白銀,不是買了就算,因為在整個牛市歷程不可能沒有波幅,尤其是像金銀這兩種受嚴重人為操控,又涉及政治、金融系統角力的產品。認清形勢,豐富知識,令你能安心地持有,不會給慣常的炒股思維影響,十分重要!

在我身邊有幾個親友,在金價$750,我已跟他們多次提及持金的重要及可觀的前景,但他們始終沒有投資,就是因為沒有深刻認識黃金與白銀,不知道這涉及一個大時代金融系統重整、財富大轉移,而只以一般投資思維去理解金銀。

其中之一是我太太的哥哥,他在大陸做生意,有投資股票,常常想發達,整天看甚麼企業併購、如何成為億萬富豪之類的書,知道他會看書,我就將一本做了筆記、highlight了重點的《貨幣戰爭》送給他,自已另買一本作參考,性急的他看到厚厚的一本書後問我:重點是甚麼?有何投資建議?我答:黃金!買金!他點頭說知道!兩年前,另一個是做財經記者的朋友,她買了《貨幣戰爭》,但看了三成就覺悶,太多歷史資料,我跟她說我全本看完,再看了多本概念近似的著作,她又是問我重點及投資建議?我答:黃金!買金!她同樣點頭說知道!

結果呢?兩三年過去,兩人都沒有買過一粒金!太太哥哥兩三年來在股市上的虧損就高達一百五十萬以上!或者他做大生意,不當作一回事,但白白失去一次更佳更穩健的投資,很可惜!

何解兩人會這樣?因為在他們心目中,黃金、白銀與兩個股票的number根本沒有分別,他們不會去了解股票背後公司的業務,正如他們不會了解投資黃金與白銀的理念一樣!只知一個number,只懂黃金、白銀四個字,是不可能知道持有金銀的迫切性,不可能安心面對金銀市場的波動的!

我寫警告就是以此為目的,因為在2008年親身經歷了金銀的兩次重大調整,黃金從$900跌到$700,白銀從$21跌到$10,調整驚人!我知道在這條黃金與白銀的路途上要面對沉重的心理壓力!

未來出現的波動只會更大,因為參與的人愈來愈多,局勢亦更加混亂,但只要肯用心認識黃金與白銀,了解這對孖兄弟的過去,認清市場波動的本質,一定能夠體會到我發出警告的真義,那不是一個炒賣的訊號,而是一個叫你安心持有,一個叫你等待時機,在適當價位繼續買入的溫馨提示。

118 則留言:

小C9 提到...

Joe,
好! (拍手)

匿名 提到...

joe兄,我真想說一句,中國有宋鴻兵,幸好香港有你,看了你們的文章,讓我獲益良好,最重要是給我的投資路上找到了一盞明燈。

fubjj 提到...

好彩我聽你地講
上次講會回調時無出貨
遇到呢到d大師真係好彩
thx

Charen 提到...

http://www.youtube.com/watch?v=pKyc49A01jw
祢是彌賽亞

感謝主的帶領, 令我認識祖兄!
之前在1400沽出的"粒粒"和"條條"已在上星期高位1440補回"幣幣"

金錢一一 提到...

受教ing

kidthief 提到...

want to ask is anyone familiar with goldmoney.com?

Bosco 提到...

Joe兄,請問系邊一集香港百人呢?唔知網上有無得看番呢?

BL 提到...

回bosco: 好似係第16集~因為我今日都搵過! 最新upload o既去到15集咋! 或者今晚會有!

匿名 提到...

Bosco:
http://app2.hkatv.com/v3/webtv/webtv.php?program=3000045

閒人

honson 提到...

回Joe兄..
學習......

TheGoldenMean 提到...

讚好

wahd 提到...

> 去年同樣的問題,誠哥沒有作答,只說若果講出抗通脹方法,會得罪人,記者們個個一頭霧水

原來有件咁既事,真係正喎。

wahd 提到...
作者已經移除這則留言。
fubjj 提到...

李嘉誠:抗通脹方法說不得
http://inews.mingpao.com/htm/INews/20090813/gb41612i.htm

匿名 提到...

joe兄你好,
我是一位80後的細路哥, 最近才看到你的blog, 看後真是令我大開眼界 獲益良多!
我現在了解到把資產轉做實金的重要性, 但我儲蓄不多,只有幾皮,收入也不多, 沒有太多閒錢買金.
聽眾多金甲兄講的,不久後貨幣便會出現重大危機,我呢d窮蟻民其實有咩可以做呢..? 雖然我已經知道買實物才是出路,但我真係冇乜能力做..只有避免借貸可做...現在有d像等死的感覺...


阿東

匿名 提到...

有冇睇今日黃國英個專欄?

http://orientaldaily.on.cc/cnt/finance/20110330/00376_001.html

fubjj 提到...

回阿東
有幾皮比好多人好好多喇
如果你用呢幾皮買左銀
或者係第日的首期

諾克 提到...

買首期, 我想買層樓喎

諾克 提到...

抗通脹下, 買黃金不一定是唯一的選擇?
買樓, 買股也不是能夠嗎?

諾克 提到...

想問各位有沒有買家居財物保險?
如果家中有黃金及白銀, 這些財物會受保嗎?保額有多少?
有沒有建議投保那一間公司?

匿名 提到...

我都有唔少朋友係冧把降的受害者, 絕大部份人仍然執迷不悟. 每每講到投資, d人問咩冧把云云, 我都係打啞謎咁話47, 79, 睇元素週期表.

諾克 提到...

人地邊度識啫, 直接講買黃金白銀, 等佢地到時後悔就知

Tamama 提到...

他們後悔之時, 就會怪你當初為何沒有明言 ~

satan_wong 提到...

多謝祖兄的提示,你已經交待得好清楚。

gogoldjoe 提到...

回阿東,

沒有借貸已比很多人好了!收入、儲蓄不多也不致於等死,我覺得買入適量白銀已可以,如動用40-50%資金,另可以儲蓄形式,每月買入定量銀幣,但也要留一部份作流動資金,多少視乎你的生活要求。

買銀幣盡量買普制銀幣,不必要的溢價可免則免,同樣是一安士,那種最平就買那種!

另外要小心理財,如有幾份保險就cut cut cut,只留一份供款不多的就算,若是儲蓄型、投資型,唔使多想,即cut。若你不買保險,我也不反對!

若是附合資格申請公屋,即刻申請,留意政府的政策,有多少著數就取盡,不要做慈善捐款,這不是黑心,我有多個朋友在慈善機構工作,我也做過,行政烏煙障氣,太太剛cut了樂x會。要做好人,直接買些少物資寄到大陸山區小學,或路過見到阿婆執紙皮,給十元八塊她已很夠了!

股票、基金、外幣千萬不要買,你的強積金已迫你買了很多,連顧主供的計算在內,吸血鬼每月徵了你10%稅,顧主供款也是你的,因為顧主會在成本內扣,無形中減少了你加薪幅度。

gogoldjoe 提到...

那些醫療事故,說不定是有人存心誇大,事故全球各國都有,私家醫院亦有,較少聽聞是因為難做的手術,私院較少接來做,報紙天天說事故,因為收了保險公司廣告,否則食西北風,大病是不好彩,人生無常,那能完全避開,小病,公院很少出事,大病買了保險去私院也幫不了多少,最終也是去公院,我有個朋友的小朋友在私院出生,小朋友體內有心泡,要做手術割掉,不也是要轉公院。買保險不如買補品,多做運動,看多點自然療法的醫書。

匿名 提到...

good post. I like this one
"不知道這涉及一個大時代金融系統重整、財富大轉移,而只以一般投資思維去理解金銀"
most people buy the metals in order to make some fiat money
I trade my fiat for metals because that's my real money.

gogoldjoe 提到...

謝Fubjj,誠哥金句,真情貼出來啦:

長實主席李嘉誠被問到有何對抗通脹的心得時,頗為神秘地說:「我知道可以點做,但我不可以講。」

李嘉誠說,現時經濟不能說已復蘇,只能說是跌幅收窄或跌停,但如果各國政府都加印鈔票,他相信通脹一定會來。

記者問他,如果通脹是必然的事,一般市民可以做甚麼來預防自保。他面帶神秘地說:「應該點樣做,我知道,但我不可以講。」

他頓了一頓,續道:「這種方法,做了的話,會令人有損失。我不希望因此而有人不開心。」

匿名 提到...

唔通誠哥有渣金?

匿名 提到...

更係有啦,仲好多添.

TheGoldenMean 提到...

誠哥有礦場ga la

匿名 提到...

我有個好矛盾的想法, 買金買銀, 是不相信現有的貨幣制度, 所以為將來要買實貨, 看長遠
但短線(1-2年)會(可)否可以投資股票, 如果升, 將賺的取出買實貨 (如2015前不會崩潰)

Keith

TheGoldenMean 提到...

可以,前題係你D股票升得快過金銀,同到時要有貨比你賣.
不過計我話,早買早享受. 享受D乜? 咪睇住局世發展,並且安枕無懮,晚晚大覺訓

kidthief 提到...

我想問問大家如果買金/銀

spot price+premium=actual cost

premium係幾多%???
你賣出去的時侯premium%可唔可以回收返?

我未係香港買過金/銀所以想問吓

匿名 提到...

呢幾個月銀價真係升得好勁,同期都買左d金,好似唔郁咁,睇黎轉做銀甲蟲好d。

匿名 提到...

Quoted from Reminiscences of a Stock Operator, Jesse Livermore:

And right here let me say one thing: After spending many years in Wall Street and after
making and losing millions of dollars I want to tell you this: It never was my thinking
that made the big money for me. It always was my sitting. Got that? My sitting tight!

閒人

Bosco 提到...

閒人兄,我成日攞Jesse呢句來提醒我自己架。真系至理名言啊!所以我話:
“Sit Back,Relax,And Have A Cup of Tea"

Lisa 提到...

Tea in a silver cup with a silver spoon ?

Bosco 提到...

Lisa,speaking of which,getting sterling silver ware might be a cheap and useful way to accumulate silver:)

天天 提到...

依家白銀的漲勢好勁,我過年後想買但一路未落到手,
一路想等睇下佢會唔會跌,但一路都係上上上....

好想佢跌下俾我D小市民入手....

匿名 提到...

香港百人 第十七集
http://www.youtube.com/watch?v=jpQdRgTE4p0

匿名 提到...

回Bosco:
咪就係回應你句 “Sit Back,Relax,And Have A Cup of Tea" 囉 :P

閒人

honson 提到...

猶他州通過回復金本位

http://finance.sina.com.cn/money/forex/20110331/03129620210.shtml

gogoldjoe 提到...

thanks 阿葉資料,今次真係精彩!

匿名 提到...

Joe 同各位網友: 您們好!

我叫Marco, 係一名買黃金白銀的初學者. 今日係第一次來報到, 但願各位仁兄可以指教一吓小弟吧.

我睇咗呢個blog啱啱1個月, 由於自己唔夠Pro, 因此唔知點好去留msg 同埋向Joe兄您 與各位網友詢問一啲問題.

首先, 我極度贊許呢個blog, 因為實在好Professional, 我諗我搵唔到再有一個blog比呢個更出色的!

其次, 係想問, 白銀有冇機會下跌至$25-27一盎司呢個水平, 因為目前實在太貴啦, 再加上我冇咁多錢, 如唔想比白銀繼續上升, 而自己繼續冇貨喺手, 咁點做好呢?

如果冇可能下跌至$25-27呢個水平, 咁$32-33呢個水平會唔會有機呀?

我只估計到白銀最終會上升至$200左右一盎司, 呢個係以1980年的貨幣購買力計.

請指教!! 多謝Joe兄同埋咁多位網友! Have a great day~

小弟,
Marco

Charen 提到...

星期六到銀行買了第一代(1987)沒有膠套的ANA 和 最新的2011版, 發現了一個問題想請教各位:

點解金幣碰撞時的聲音是"叮叮"聲的? 好像與之前有套包住的金粒和條的碰撞聲有點出入, 是否金粒比金幣厚, 所以聲音比較沉實

仲有就係發現當中有一個金幣背面的"幸運金塊"和眾多金幣有點不同, d紋理和凹凸無其他金幣咁深, 不知是否被上一手持有者壓平左少少, 應該唔會係假貨掛(根據joe兄所言, 金幣做假成本好高)

匿名 提到...

回marco
雖然講個價格出黎係冇乜用..最終都係睇購買力...
不過你既然睇最終會升上$200,而家$37又點會係太貴呢...
JOE兄都講過,銀市根本冇分析可言,有閒錢咪慢慢買囉

Eddie L

gogoldjoe 提到...

回marco,

買平貨的心態,人皆有之,包括小弟,所以時常也想等低位入貨,但估計低位,在一個受人為操控的市場非常困難。其實,如果你估計會上到$200,$25或$33買,分別不大!

更重要是,就算去到你心儀的位,有沒有貨也是一個問題!個人就有多次的經歷。

最近一次在過年前的年廿八,當時銀價跌落最低的$27,小弟已於$28.xx入了,於是想再入,怎知去到利昌,店員話冇貨,最快要初五,那就買不到了!

遠的一次在2008年,銀價跌到$10,中銀一個楓葉銀賣$98,小弟想買100個,但去到得5個!結果唯有預訂,四個月才有貨,每個變成$160,當時銀價升得很快,要不要貨?猶豫了一陣,覺得長遠看好,有買貴應沒買錯,照殺,當日的高位變成今日低位!

還有東洋買銀,最初發現時,中銀牌價$13x左右(冇貨),東洋賣$165,貴了足足30元一個,百份比計很高,調整心理後照殺,給老婆鬧了一晚,話做乜咁高溢價都買,今日我鬧番佢轉頭,話做乜唔比我買多d?

價跌沒貨,或者不夠貨,正正證明了一個事實:違返了供求定律,供過於求才會價格下跌,如果一樣東西,求過於供而價格下跌,只有一個解釋:錯價!

錯價就是價格不能反映真正供求,那無論是大錯或是小錯,都值得買入,希望你有所體會!

匿名 提到...

Eddie L 網友: 您好, 多謝您的回答~

雖然係貴, 但係我依家冇咁多錢去買到kitco 的100盎司壓印銀塊呀, 我仲差夭$10,000左右.

另外, 我有樣嘢想請教您 同埋咁多位仁兄, kitco 係咪最好呀喺香港計? 同埋, 如果有朋友喺加拿大(多倫多), 叫佢喺邊間公司買比較好呢?

唔該哂~

Marco

匿名 提到...

多謝哂Joe 兄的回覆! 一切都明白哂~ 您的寶貴意見實在太專業了. 真的多謝您個人經驗與無私的分享.

Marco

匿名 提到...

kitco買銀幣,利昌買銀條
睇你想買邊樣囉...

eddie

satan_wong 提到...

阿葉..你既資料好有用..

匿名 提到...

加拿大Quebec有Kitco,看Kitco網站

匿名 提到...

請問利昌一兩銀粒賣出買入價係幾多呢?手續費又幾多呢?唔該!

honson 提到...

回 joe 兄及 santan 兄..
少少資料分享...不用客氣,我在這裡學到得多知識,
都是各位大大無私的付出...
感謝

匿名 提到...

From Alan Greenspan

"However, unless the price of gold doubles over a five-year period (16% compounded annually), interest payments on the gold notes in terms of dollars will be less than conventional financing requires. The run-up to $875 per ounce in early 1980 was surely an aberration, reflecting certain circumstances in the Middle East which are unlikely to be repeated in the near future."

May I ask what Middle East event GS is referring to?

匿名 提到...

From Alan Greenspan

"However, unless the price of gold doubles over a five-year period (16% compounded annually), interest payments on the gold notes in terms of dollars will be less than conventional financing requires. The run-up to $875 per ounce in early 1980 was surely an aberration, reflecting certain circumstances in the Middle East which are unlikely to be repeated in the near future."

May I ask what Middle East event GS is referring to?

匿名 提到...

回匿名:
1979-80年蘇聯入侵阿富汗, 及1979年伊朗高米尼上台.

閒人

匿名 提到...

Re: 閒人

Was that the period for US dollar changing from pure fiat to somehow oil-backed currency? As described in detail from "ANOTHER"?

匿名 提到...

Re: 閒人

Was that the period for US dollar changing from pure fiat to somehow oil-backed currency? As described in detail from "ANOTHER"?

匿名 提到...

http://www.hillsdale.edu/news/imprimis/archive/issue.asp?year=2011&month=02

An interesting article, can we make the kilo float like a dollar?

匿名 提到...

Joe 同各位網友:
請問喺利昌買銀條係點買呢?唔該哂各位無私的分享.

Marco

Gordon 提到...

Marco,
只收現金,睇磅,看白銀的重量,一手交錢,一手交銀,其實和買稞菜,分別不大。

Joe,
不如在"金銀買賣資訊"一欄內的"購買實銀"加入埋利昌金鋪啦。

小C9 提到...

Marco,
1 両(粒) = 當日両價 +$10火耗
4 両(條) = 4X當日両價+$25火耗
500G (條)=13.3585X當日両價+$90火耗

其他重量唔知,你自己打去問LA.

匿名 提到...

Thanks in advance for all of you! I appreciate your share all time :)

In this blog, I really learn a lot of things about gold and silver. That's the most significant knowledge for me life!!

Again, thanks so much :))))

Marco

匿名 提到...

Joe兄 同各位網友:

請問如想買金幣,喺邊間公司買比較好呢? Kitco or 利昌金鋪?

唔該哂各位~

Marco

匿名 提到...

Marco,買金幣(安士)就去中銀或恆生la,Kitco貴好多;買金粒(両)就去利昌囉.

fubjj 提到...

利昌應該無金幣

Cefull 提到...

Kitco 係最貴,但係通常都有現貨。中銀同恒生要價較平,但係多數無貨,要等。等待時間幾天到半年不等。銀行職員也會嘮嘮叨叨的哄你去買紙黃金。
建議你先打電話去銀行問問,有貨就飛到去買,無就改去Kitco。

匿名 提到...

多謝哂匿名, fubjj & Cefull 的分享.

小弟Marco 明白哂, thanks!

匿名 提到...

To all brothers:

如喺Kitco 買, is the price any difference between Credit Card and cash?

That's because it's inconvenience to have so much cash on hand and on the way to Kitco for purchasing gold coins.

Thanks a lot for your help.

Marco

匿名 提到...

Marco,Kitco唔接受信用卡,要付現金or預先PPS過數.另中環恆生我唔知金幣的供貨情況,但旺角恆生應該有貨,我在上月中都在旺角恆生買過,其他網友也買過,而且數量唔止一個.你唔放心,可以去之前先打電話問問.

匿名 提到...

thank you so much ar...my brother!!
Marco

Gordon 提到...

買金幣不如去上商啦,分店多D,就腳D,中銀和恆生只有中環總行先有得賣。上商就每間都有金幣和金條賣架,不過每個金幣或金條每兩貴多中銀和恆生賣出價十元左右。

gogoldjoe 提到...

已加入了利昌資料,原來自已一路唔記得加利昌!(笑)

匿名 提到...

Thank you Joe!!! Your work is appreciated all time:)

Marco

匿名 提到...

Gordon,上商只有4間分店才有金幣,因為我親自問過,記憶中此4間分店是中環,CWB,大埔(這間我最記得,因為我特別問新界區),另一間唔記得左,但金條就確實每間分店都有.

匿名 提到...

Thanks a lot for Gordon and 匿名

Marco

BL 提到...

我已經o係沙田上商買o左幾次金幣...次次都冇特別打電話去問有冇貨! 但買賣時間比較長,可能平時比較少人買...每次都要PHOTOCOPY ID CARD~hope that helps! :)

匿名 提到...

Thanks for BL 兄

Marco

諾克 提到...

銀行有邊間還有白銀售賣?>

諾克 提到...

http://www.caogen.com/blog/Infor_detail.aspx?ID=21&articleId=25557

有關黃金的文章

黃泰利 提到...

Joe兄,

近來除了金銀資訊外,有留意日本核災問題嗎??

謝謝...

Gordon 提到...

但我記得係"2011年1月27日星期四
上環買貴金屬集中地 !"文章有回應如下:

"yes. 金甲兄,上商差價是少D,而且每間上商都有貨,連我朋友住天水圍都可以在天水圍上商買到,住新界的人會覺得上環好遙遠,最緊要是方便,部分上商有保險箱,買完就放入箱,既方便又安全.
nlp
2011年2月1日下午9:39"

而且,我問過美孚上商有鴻運、楓葉金幣,上商一兩和黃沙五兩金條賣。

gogoldjoe 提到...

回黃兄,當然有啦,想寫一篇關於日本的文,搜集資料中!

gogoldjoe 提到...

gordon,上商有得賣係阿爺豪俾香港廣大市民,香港人真係要珍惜!

匿名 提到...

回Joe 兄同埋Gordon 兄:
照咁睇,上海商業銀行係最好For 買金條同金幣. 唔該哂您地呀!

Have a great weekend~.

小弟,

Marco

匿名 提到...

但金既升升幅好似無銀咁大,我農曆年前同期買金幣同銀幣,金幣只升7%,但銀幣就升左20%以上,Joe,係咪買銀幣升值潛力大d?

匿名 提到...

>上商有得賣係阿爺豪俾香港廣大市民

祖兄,何出此言?

匿名 提到...

回匿名:

我個人就咁睇, 金價會下跌至$1310/盎司才會開始急速爆升至今年年尾的$1800/盎司. 根據Martin 大師 (Joe 板主介紹比我地知), 佢話6月13日至17日呢個星期係金市的大轉勢. 由於依家比較弱, 因此我估計過咗6月中就會轉強, 自始之後, 金價會上升至2014年8月左右的$3250/盎司, 同年會下跌至12月的$2200/盎司水平. 接著就...哈哈哈...金價 Bull market 第三期就正式開始了. 由2200/盎司水平爆升至2015年的$5000/盎司, 抖一抖後, 就會好似火箭咁膨脹地升至2016年3月左右的$9300水平一盎司.整個金市長達17年的上升過程正式結束.

如有錯誤, 請指教! 多謝各位仁兄.

Marco

諾克 提到...

美國有地方政府通過金本位制,直接地宣佈不再相信美元, 他們不怕被中央叫停嗎

諾克 提到...

這個卜的文章分析得不錯
http://tw.myblog.yahoo.com/jw!ek8_sO6eFRP40o.CuFM-/article?mid=4623&next=4605&l=f&fid=15

諾克 提到...

我想找人換銀幣, 我有一塊100盅司銀磚連證書, 想換100個1盅司銀幣, 有意留言給我

匿名 提到...

回Marco及各位c hing,剛剛在致電上商hotline,確認有金幣買賣的只有6間分行:Central,CWB,TST,MK,TUEN MUN,TAIPO.
沙田分行確實係無,因為我只去過沙田分行,已經去過幾次,都只有金條,沒有金幣,自己每次都是找沙田分行的某主任做買賣,亦問過此主任,她說只有指定的幾家分行才有金幣,今早再打去hotline問,得答案如上,要沽出也是只能經過該6間分行,所以無可能是有人在沙田分行沽了貨,然後有貨賣.唔知BL兄是何時在沙田分行買到金幣?

諾克 提到...

9300元, 我想未到達最高的價位
有網站計算過, 最高黃金會去到81000美元1盅司!!!!

諾克 提到...

去kitco買啦!!

wahd 提到...

什麼金本位呀.......佢地只係取消金銀幣sales tax同capital gain tax.
所謂legal tender據說仲係停留在coin face value.

匿名 提到...

大風暴仁兄:
$9300係我自己估架, 我唔知啱唔啱...同埋, 如果美國由2007年至2016年(當然唔只美國, 而是全球)真的好似1914年至1923年的德國咁, 咁金價就唔只係呢個數啦.
有個網站叫www.nowandfutures.com

入到去您會見到有個比較表.

另外, 我想問, 有冇人知道銀價係點分析出來的? 因為我好想銀價可以下跌至$25-$27一盎司.
同埋, 白銀係咪始終冇黃金咁好呀? 我指投資方面.
至衰我冇咁多錢, 如果唔係真係好想買黃金.

Marco

諾克 提到...

最新jim文章
http://www.wealthwire.com/

fubjj 提到...

Marco
多有多買少有少買
你睇過mike教買銀的片未
多多少少都買囉
等到就有100oz等唔到你重買少左

BL 提到...

回Marco及各位c hing,剛剛在致電上商hotline,確認有金幣買賣的只有6間分行:Central,CWB,TST,MK,TUEN MUN,TAIPO.
沙田分行確實係無,因為我只去過沙田分行,已經去過幾次,都只有金條,沒有金幣,自己每次都是找沙田分行的某主任做買賣,亦問過此主任,她說只有指定的幾家分行才有金幣,今早再打去hotline問,得答案如上,要沽出也是只能經過該6間分行,所以無可能是有人在沙田分行沽了貨,然後有貨賣.唔知BL兄是何時在沙田分行買到金幣?

唔好意思係我講錯左!
我淨係於上商買過1tael金條! 冇買過金幣!
講錯左對唔住!

匿名 提到...

回BL,不要講對唔住咁嚴重,你澄清左就好la,不然我會以為沙田上商既某主任一直在呃我.其實我既目的只是想提供比所有新手正確的信息,免得人地撲來撲去,好唔方便ja嘛.Joe這個blog的目的都係想方便大家.

Gordon 提到...

"gordon,上商有得賣係阿爺豪俾香港廣大市民,香港人真係要珍惜! "
----------------------------------------
Joe,
我已用行動回應左阿爺的關照啦.早排日本核電廠開始爆果時,個心好慌張,見到有人盲搶鹽,我都走去盲搶,不過去左上商盲搶左幾兩金囉,d金揸係手,當堂個心定好多.

未地震前,日本已經有成十T外債.而家地震後,狂印日元(好似只係3月內超過十二T日元了),而且,1/3個日本D食物又唔可以安全食用,小孩更連自來水都唔飲得!如果美國係6月出埋QE3,或轉名的其它寛鬆貨幣政策,個美元騙局,突然爆煲的機會會大大提升.

BL 提到...

回BL,不要講對唔住咁嚴重,你澄清左就好la,不然我會以為沙田上商既某主任一直在呃我.其實我既目的只是想提供比所有新手正確的信息,免得人地撲來撲去,好唔方便ja嘛.Joe這個blog的目的都係想方便大家.

係啊!所以都好欣賞你打去上商問關於金條金幣既事! 網友們應該繼續發揮SHARING既精神! =)

feifei 提到...

各位師兄,
我今日去中環恆生買到富格林金幣呀,全部都係1978架,上個星期都買到1988年,2003年同2004年嘅鴻運金幣,到咗哩個價真係有好多人沽出珍藏噃........

諾克 提到...

富格幣賣多少錢?????????
越遠年份是否越值錢?

feifei 提到...

回大風暴
一個富格林11,145呀,不過我覺得好似紅銅咁囉....一啲都吾似係金幣,咁我又吾知係吾係越耐越值錢呀..佢無寫9999架,只係寫 FINE GOLD咋...鴻運就11680..

BL 提到...

fyi, kruggerand 係22K, 即 91.67%PURE GOLD, 餘下成份係COPPER
"It is minted from gold alloy that is 91.67% pure (22 karats), so the coin contains one troy ounce (31.1035 g) of gold. The remaining 8.33% of the coin's weight (2.826 g) is copper (an alloy known historically as crown gold which has long been used for English gold sovereigns), which gives the Krugerrand a more orange appearance than silver-alloyed gold coins. " Copied from Wikipedia

諾克 提到...

富格林含金量最低
如果我買會選擇楓葉

feifei 提到...

吾該BL兄嘅資料...
因為平時只買鴻運,所以今次恆生有富格林咪買囉...下次我會去永享買楓葉 XDDD.....

匿名 提到...

各位請睇清楚,維基百科已經講左:the coin contains one troy ounce (31.1035g) of gold + 2.826g of copper,所以一枚一安士富格林金幣其實是超過一安士的重量,有一安士的黃金加2.826克的銅,銅是送的.正因為它含銅,所以顏色有別於楓葉金幣.

feifei 提到...

回匿名
我同事都有咁講,佢話買富格林抵啲喎....XDDDD

Gordon 提到...

一安士富格林金幣確實重量是33.9296g,不過要考慮多兩樣野:

第一)富格林金幣上面是沒有寫法幣面值的,不同楓葉鑄明是50加元或鷹揚鑄明是50美元;

第二)富格林金幣歷史上曾因政治問題,被某些國家禁止在其境內流通。

sky925 提到...

今日去左東洋.2011 熊貓賣 $420

2010年$520....2003 $12XX...

crazy...!

不過去左另外一間鋪 買左 2011 熊貓 $390

其他d 鋪...セ銀幣 .都加價..

1OZ牛 $580
1oz虎 $580

全線2OZ...冇貨...

所以.只買了 2 個2011 熊貓
(1 個幫人買)

另外...實在太多人買銀幣..炒到貴 !

匿名 提到...

回Sky 925兄,

我就係見啲人買銀幣買到咁, 我先打算遲啲先買, 同埋依家真的冇咁多錢買銀條. 我見銀條個價值好似比銀幣高少少.

Marco

fubjj 提到...

Marco
希望你等到

匿名 提到...

marco,
低買高賣是一個方法,你可以try try. good luck

匿名 提到...

多謝您們呀!

Marco