2011年1月25日 星期二

要白銀人間蒸發,冇咁易!

白銀貨幣地位被剝奪後,被人刻意壓價,而且將用途全推到工業用途,結果令白銀慢慢消失於世上,好難返回貨幣地位。

係真又唔係呢?近排睇資料,發現事實可能唔係咁!黃金、白銀都有物理穩定既特性,好難要佢地人間蒸發!

近年,白銀主要用途係電子用途,睇資料,原來美國每年平均生產300萬噸電子垃圾、德國180萬噸、法國150萬噸,全歐洲總數達600萬噸。歐美國家對於電子垃圾有著嚴厲條規限制,不能隨意土埋或焚燒。所以有80%電子垃圾會運到外國,當中有八成運到亞洲,好似中國、印度、印尼,其中90%又被中國食晒。即係大約每年有518萬噸電子垃圾運被中國吸納。

湖南永興縣是其中一個集中點,根據當地冶煉廠表示,每一萬噸電子廢料可提煉出5噸白銀,所以當地年產白銀1500噸,被業界譽為「中國銀都」,即係每年中國從垃圾中得到大約2590噸白銀。咁多年,吸吸埋埋,真係唔知吸左幾多?今年,永興政府就用5萬兩白銀建左一座銀樓(上圖)。

當然,處理電子廢料有很多污染後遺症,當中利害得失,要由中國政府自已衡量,最近政府公布限制電子廢料入口,唔知係唔係吸夠銀?要白銀消失,冇咁易!

6 則留言:

旁邊學 提到...

物質不滅定律!

Bosco 提到...

5萬兩應該起唔到上面個間銀樓。

5萬兩=6萬Oz=120個MonsterBox=1.9噸左右咋。。。

我覺得應該主要支柱唔系純銀

gogoldjoe 提到...

BOSCO兄料事如神,小弟即找資料補充如下:

銀樓位於中國白銀第一坊(銀都坊)內。銀樓借鑒日本金都的金樓而建,總面積140平方米,樓層高二層,一樓是柱式空透建築,中間鑄一大型鎏金神龜。整座銀樓雕梁畫棟,除屋面瓦片外,主要構件全部用銀片裝飾包裹,就連門窗上的鏤空雕花都用銀片裝飾,而所用5萬兩白銀全部都是回收于來自全國各地的廢渣、廢料、廢液。

gogoldjoe 提到...

而且純銀太軟,應該要用925銀,或溝其他硬金屬先至夠硬,否則座野分分鐘會倒塌。

Bosco 提到...

謝Joe兄補遺。
從垃圾入面提成到銀當然系好,但我相信對環境既破壞亦系驚人既,呢D影響可以禍延幾代。。。

satan_wong 提到...

真係5講5知..thx祖同bosco既資料..