2011年1月12日 星期三

買金股銀股

先跟各位道歉,關於永亨可做黃金抵押的事經snoopy兄求證,原來是黃金孖展服,小弟沒打電話求證應記一過。可能如此,令snoopy有意買金股銀股,說實的,今年本地金股的表現也很突出,升幅大過的黃金的大有人在,招金、紫金、靈寶黃金、瑞金都有不錯升幅,曾令小弟垂涎,而某隻在加拿大上市的中國銀礦股亦一樣不錯。不過,168師兄糟老頭一段有關買金股的評論最終令我卻步,現引錄如下:

--------------------------------------
謝謝介紹這隻 Dom Dom , 待在下 look see look see 一下。金甲蟲很少公開論股的, 因為 Miners 可以輸死人 ( eg 2008 年 ) , Goldbugs 不想被人埋怨害人輸錢。我兄既然有命, 在下就濫竽充數一下, 拋磚引玉 以引 NES , 廢話, SP , Bobby 等等高人現身 。

所謂「未算勝, 先算敗」, 買金礦股前首先要明白風險 :

1. 可能是騙局. 百幾年前 Mark Twain 時代已經有云 : "A gold mine is just a liar with a hole on the ground. " 上次金牛時有 Bre-X 事件 ( 搞出人命) , 近年亦有 XXX. 隨著金價上揚, 騙局只會愈來愈多.
2. 跌起上來, 金礦股仲跌得勁過金價, eg 2008 年.
3. 金礦股乃 PPT 重點打壓對象.
4. 每個金礦壽命有限 , 掘完就冇, 股價亦跌.
5. 每個金礦含金量不同, 影嚮成本. 這方面要有 地質學專業知識 , 好難 !
6. 每個金礦 infrastructure 不同, 如果喺冇雷公咁遠, 最近道路/ 水源喺幾百里以外就成本高好多.
7. 好多係喺 D 山卡罅狗反之地, 個礦正得滯, 就俾當地政府收歸國有 / 俾游擊隊攻佔.
8. 如果係喺 D 政治倡明之地, 又會有環保人士 / 原居民玩殘. 如果出現意外 / 環保災難就更大鑊.
(joe加多句,今年紫金的污水滲漏是一個好例子)

9. 金礦所耗資金極大, 一有 deflation / liquidity squeeze ( eg 2008 年 ) 就跌到阿媽都唔認得.
10. 金礦所耗資金極大, 如果早年做落 forward hedging , 現在就見財化水 , eg: Barrick
11. 金礦所耗能源極大, 冇電 ( eg 早前南非 ) 就係咁先.
12 .... ad infinitum

明乎此, 必先有實金為基, 再有「贏左笑住袋 , 輸左唔志在 」才可考慮買金礦股.
金礦股又可粗畧分為 1. Producers, 2. Explorers. 3. Royalties , 又可依大細分為 Seniors / Mid-tiers / Juniors

Producers 即已揾到金同埋已經投產, 規模亦已相當, 股價亦多已反映. 當然, Producers 也可以是 explorers, 如果又找到新礦, 股價又再升.
Explorers 尚在尋金階段, 找到又適合投產者百中無一, 買中者就梗係發過豬頭. . 多倫多 Venture 板上市 explorers 多如牛毛. 多是仙股/毫子股. 賭博性/風險甚高.
Royalties 只係借出資金俾金礦公司, 日後坐地分肥 , 少左日常礦務營運之風險, eg : 美國上市嘅 Royal Gold ( 2008 年一役佢比較其他 miners 硬淨 ) , Sinclair 嘅 TRE.

或曰 : 咁 Q 煩, 點買呀 !
答案 : 最好咪搞, 除非諗住 「贏左笑住袋 , 輸左唔志在
真係要買, 尚有一法可參考 : 古哲有云 : Experto Credite (Follow the footsteps of those who have traveled this road) . 有 D 小型礦股獲某些大型礦業公司垂青入股, 有理由相信, 這些老行專應該做過 due diligence 卦 ? 在下就憑此買入:

Jin.to 金山礦業, 加拿大上市, 在中國掘金, 有阿爺照 ( 中国国资委拥有的唯一黄金企业和中国最大的黄金生产商--中国黄金集团持有金山公司41.2%的股份),
Golden Goliath 此乃 explorer毫子股, 多倫多 Venture 板上市 . 不過見佢有 AEM (大金礦公司), Sprott Asset Management ( 大基金, 搞緊實金 ETF ) 入股, 又即管跟下.
如果買唔到加拿大股, 可看看美股. 我曾提過 Silvercorp 同埋 Taseko, Taseko 大半年前8毫幾子買入, 現在 4個幾 US$. 有金銅鉬 & Niobium production/prospect.
Bobby 兄曾提過 GSS, FCX (Freeport McMoran) ,, 都是大升之股.
當然香港都有金礦股, 無需在下 9up 獻醜矣.

最後都係兩句, Do your own due diligence 自已做功課, 同埋要輸得起先好去玩. 上列之股有些我亦有, 不過絕非推介, 纯萃學術交流而已

--------------------------------------

這些對金礦股的評論亦適合於銀礦股上,因為經過多年的壓價,普遍的白銀都是來自較易開採的銀礦,未來日子,採銀風險會愈來愈高。且銀價今年升幅強勁,相信好快會有人炒銀礦概念,到時玩玩無妨,但絕對要抱著輸了唔志在心態才好,看好金銀價值,用糟老頭的說法,始終要以實貨為基。

而對於金股,操作亦復雜,因為你不知財務表上的所謂「黃金」是指甚麼?黃金ETF是,各種期貨對沖合約是,短倉長倉亦是,甚至是該股投資了金礦公司、買了黃金基金亦可被視為擁有黃金及生產黃金,內裡滿佈地雷。

現在金股的升幅大多數是因為人們以為「金價升 = 金股升」,資金湧入,才推高股價,並非真的受惠黃金升幅,當有人發現事實並非如此,可以跌幅驚人。

不過,如果覺得自已受得起風險,想趁大眾發現這事實前撈一筆,我會建議一籃子大包圍,所有主要金礦股都入,但仍要記住,贏了錢,亦要將資金購回實物黃金。

11 則留言:

satan_wong 提到...

對金礦股既興趣不大..
尤其睇完"會吃人的山"之後...

Lisa 提到...

2009年我就係買金礦股賺到錢, 不過經紫金漏污水事件後, 我唔再持金礦股 ! 大家都要小心油價咁升法, 會導致採礦成本升而利潤下降, 而股價下跌 !

匿名 提到...

joy大有冇儲開郵票?

gogoldjoe 提到...

有!但都是上一代留落到,完全不知其價值,90年代時曾放過兩個1975年香港節日的小傳張,得廢紙$600(在信和中心),買了對波鞋,現在還有大堆值錢郵票,如香港節首日封,第一套香港鳥類,還有中秋節,但已不知何價?那裡放最好?這方面我一點都不熟,有冇人可以幫到手?(我想全部出售)

匿名 提到...

有次去東洋買完銀幣之後.行行好旺角中心.
突然想到[究竟郵票是如果炒賣?]
價值又是如何定?好似好神秘.....

Unknown 提到...

我也有一堆郵票.....老爸留下來的...

因為自己沒什麼興趣,所以想放出去,但沒有途徑。如果有哪位師兄知道這方面的消息,還請告知。

匿名 提到...

真係咁arm la...早兩日無端端搵到本小學時代的集郵簿,簡左幾張去打下價,其中一張1964年中國菊花圖案的小全張居然值成兩萬多銀,據說原來這兩年中國的郵票炒賣得很火旺,有貨就值得趁勢套現Lo噃...

我係係呢到問價的,請試多幾間報價
(旺角砵蘭街169號好旺角中心一樓中國郵票)

金多祿

gogoldjoe 提到...

可我手上多外國及香港郵票,唔岩大陸人胃口!慘!

匿名 提到...

小弟係銀行做過. 據我所知, 金係可以做抵押品借錢的, 我記得做到5成, 但係咁耐都未見過有人用金做抵押(雖然都唔係好耐). 利率就唔知啦.
LF

匿名 提到...

金礦股拎黎炒下就得, 當然取代唔到實金拎黎長遠儲既目的
我都有買金礦股, 不過都係炒波幅, 絕唔會等佢一年半載..

匿名 提到...

Joe兄,D郵票留比個仔仔重有意義啦,親子價值高於一切啊。

金多祿