2010年12月14日 星期二

銀市重要新聞 - JPM可能大幅減少沽空白銀期貨

新鮮熱辣:
http://www.ft.com/cms/s/0/7d699ca4-06ea-11e0-8c29-00144feabdc0.html#axzz182Q7kOQY

根據消息人士,重點:
- JPM會系未來日子,大幅減少沽空白銀期貨(CFTC 委員Bart Chilton近期並無指名道姓咁講過,JPM控制40%既白銀期貨短倉)
- JPM咁做系為左減少公眾對拒地既敵意(看來,Max Keiser既Buy Silver, Crash JPM行動真系有效!)

如果以上報道系真既,銀價會點呢? :)

真系得意,來緊星期四CFTC既聽證會,會討論COMEX既Position Limit(限制交易參與者既倉位數量),JPM系咪想羅番D印象分呢?

43 則留言:

匿名 提到...

請問你地成日講既N記 銀礦股係邊隻呀...

匿名 提到...

白銀的流通性不像黃金般 - 受歷史考驗和沖擊
香港回收店太少, 又唔想買紙銀, 返大陸又會被人拉,
引用Liza: 要長線持有lor
白銀長線會變黑係一大問題(實貨買賣差價7%)

小戰

Bosco 提到...

>白銀的流通性不像黃金般 - 受歷史考驗和沖擊

講野之前可唔可以做下資料搜集啊?
白銀系歷史上用作貨幣既時間同廣度都比黃金長同大。

中國自隨唐開始,就系長時間銀本位既,黃金反而系作為財富既最終存儲。

唔系點解我地譯Bank做銀行而唔系金行啊?

其實你有無覺得自己呢D咁樣咩都唔識,但又懶得去做功課,而又夠膽亂咁作D不知所謂既結論,好Q annoying 既呢?

gogoldjoe 提到...

從前銀是日常用,金就大宗商品交易,多數時間是金銀本位並行,已實行數千年。

chapman 提到...

個人絕對贊成和認同小戰大大和其他大大對實銀投資的擔心和憂慮,其實如lisa大所講,所有投資都有風險,

老實講,投資又不是辯論比賽,沒有對錯,只有賺蝕,而大家在之前的post提出了很多實貨金銀的pros同cons.

買與不買,自己決定就好了,也無必要太費唇舌要說服任何一方,反正最後,誰賺誰蝕最終只有自己和家人受影響而已....

匿名 提到...

多謝小戰兄台今回拋磚引玉唄!



旁邊學

Bosco 提到...

Joe兄
》從前銀是日常用,金就大宗商品交易,多數時間是金銀本位並行,已實行數千年。

其實也不盡然。
1)對平民來講,銀其實都系大宗交易,銅錢先系日常用。舉個例,系1880至1900年清末年間,一個當兵每月可以得到大概4-5兩銀做月例(即系人工),呢個只系講法,好多時收到既系銅錢(晚清銀錢比為1兩銀對1600文左右)。所以日常使用,其實系用銅。上好既官銀主要用於交稅同對外貿易。

2)單以中國為例,就大部分時間系行銀本位(或銀銅本位)而唔系金銀本位。金系終極既財富存儲但並唔系流通貨幣。所以你見有官方既銅制錢,銀錠,銀元,但你間唔到金元。。。

satan_wong 提到...

chaman..白銀戰隊既成員???
居然係度見到你......幸會..幸會..

chapman 提到...

wong兄,你好你好

銀婆婆星期三 提到...

金價上破四次 USD 1400
銀價上試三次 USD 30
都被人打返落來, 有心人做得很明顯

是否等同股票沽空後的補倉, 壓低來補, 補完就哈哈哈哈呢 ~~?! 有冇人咁認為 ?

匿名 提到...

Bosco 提到...

> 其實你有無覺得自己呢D咁樣咩都唔識,但又懶得去做功課,而又夠膽亂咁作D不知所謂既結論,好Q annoying 既呢?

提出問題又有何annoying 之有?

或者歷史上存在過金銀或銀銅本位並行, 但今日銀有流動性低問題喎

Lisa 提到...

銀低留動性不是問題, 而是投資須用閒錢可以擺一邊十年八年; 如果銀去到人人都願意回收時, 個時個價位已去到好高 !
做人唔可以太貪心, 又想低位買野, 又無資金所以計到盡是自尋煩惱 !

satan_wong 提到...

祖兄..
尋日睇書..見到關於金既價值..我5知可5可以甘樣解釋..

假設金價係2年,同2年後既今日,完全無變,但因為匯率既變動,令有d貨幣升值,有d貨貶值。而導致本身黃金升值..

祖兄,你點睇呢個諗法?

gogoldjoe 提到...

正是如此,貨幣間的匯率雖相對,但在黃金這面照妖鏡下,卻露出了購買力下跌的底牌。

satan_wong 提到...

我終於明白點解會稱黃金為「貨幣之王」了。

多謝祖兄既解說。

匿名 提到...

satan_wong 提到...
我終於明白點解會稱黃金為「貨幣之王」了。

that's why 小弟要八成黃甘, 但是...
如果真的要比較, 黃甘相對糧食的購買力正在急速下降中,
這也是身為黃甘的持有者的無耐 囧

p.s.小戰只是以事論事, 自知經常在留言中帶了點主觀, 但希望會盡力保持忠肯認真的態度討論事情, 為保障自己的清白, 小弟保證會以"小戰"之名留言, 免生誤會

小戰

金錢一一 提到...

小弟無做stat,印象中黃金嘅升勢同午餐肉嘅升勢好似差唔多,港幣嘅購買力正在急速下降中就真嘅,唉...

snoopy 提到...

近幾十年 Gold / Silver Ratio 長期處 50 之上 ; 一手期金 100 oz , 一手期銀 5000 oz , 比率亦是 50 . 彷彿 S/V % 50 是一個合理值 . 現在 S/V % 跌穿 50 , 尚有很多下跌空間嗎 ? 現在銀價勁升 , 只是 JPM 退出銀市的短期作用嗎 ?

gogoldjoe 提到...

小戰,有時農產品走勢很勁,打仗時,婆婆說,甚至黃金換不到蘿蔔。我從前也建議過大家投資農產品,但奈何香港這方面的投資渠道差不多完全沒有(連一間商交所也沒有),只能透過場外交易以槓桿玩外國的農產品期貨,或厄人的農產品基金等等。

我在第二章已說過,由於我們手上已甚多可違約的紙上富貴,所以投資商品一定要可以取實貨。

而在歷史上,農產品上升周期,金價亦多數上升,所以我建買金,但其實我有錢,也想買點農產品,奈何沒有途徑,只好集中黃金,真是無奈。

而且因為農產品涉及很多技術問題,如在期貨市場提取了兩噸新白米,要儲存在甚麼地方?需要甚麼設備?甚麼溫度?會否因為糧食短缺給政府沒收?

當中包含了無數比黃金大很多的風險,衡量過後,加上看到歷史上糧食賬價,金價多數也是上升的事實,而且屯積黃金的風險比屯積糧食要低,政府要沒收糧食比沒收黃金容易許多,如香港就有法例規定,在緊急時,政府可徵用民間的糧食,所以最後還是覺得黃金最好。

Bosco 提到...

>現在銀價勁升 , 只是 JPM 退出銀市的短期作用嗎 ?

唔系!JPM並未退出銀市,上述新聞系PR手段者。
銀價上升系有非常強大既Fundamentals既,我再次推薦呢個Website:
http://about.ag/

》彷彿 S/V % 50 是一個合理值 . 現在 S/V % 跌穿 50 , 尚有很多下跌空間嗎 ?
如果你相信Fundamental既話,就會知道1:50唔系一個可以持續既比例。現實世界既比例:
地殼存量比例-1:19
阿歷山大大帝時代-1:12.5
羅馬帝國時代-1:12
美國1792法律(First Coinage Act)-1:15
法國1802法律-1:15.5

如果你相信黃金會好次1980年時咁顛,咁你就要留意以下呢個數字:
1980黃金高峰時比例-1:17

gogoldjoe 提到...

關於政府可沒收民間糧食,我是在一次聚餐中,聽米業商會主席符之福說的,我又參觀過他的米倉,原來儲存白米,技巧很多,如不同地方的米,因為水份不同,溫度及濕度都要不同,新米(剛收成的米)及舊米又有分別,提貨時更每每要派經驗老的員工去檢查,但沒後生仔入行,老的老,死的死,身為老闆常要親自出馬,很煩。

但要取得米商資格,又要按政府規定儲存定量的米,損失要自已負責,政府不賠。

相比起投資糧食,對一般平民百姓,黃金實在好到不能說!

Bosco 提到...

Joe兄,我既愚見:

系超級通脹時,金銀會升得比農產品厲害
但如果社會體制甭壞(如無政府,打仗),農產品會比金銀值錢
無論如何,兩者都會比虛擬財富值錢。

另一個投資農產品既問題系農產品每一年/季既產量都可以浮動得好大,亦即系拒既Fundamental系轉變得好快既。

當然,最大問題系你提到既,我地老散買農產品非常困難。

gogoldjoe 提到...

我今早在富媽媽處都留過言看好農業,https://www.blogger.com/comment.g?blogID=4770579527650120053&postID=6173692477695084749

但富媽媽回應得好岩,人財缺乏,政府又不支持,很難發展!還是買金最好!

gogoldjoe 提到...

關於米業,大家有興趣可看:
http://portal2.hkptu.org/modules/wfsection/article.php?articleid=146

gogoldjoe 提到...

如果一般師奶小戶想買點糧食來投資,也是可以的,大陸就有很多人如此做,辣椒乾、蒜頭都可以炒一餐,必要時大家不妨買些米來儲存,但先要解決一個問題,在沒有米商先進設備下,有何方法儲存100斤白米半年以上而不出穀牛?大家可以幫手找找!

Bosco 提到...

搞咁多野。。。不如都系買金啦:)

gogoldjoe 提到...

就係咯!投資糧食!太高技巧了,所以我極之佩服符先生,還有一個發明嘉美雞的郭祥銘,小弟親戚在大陸搞鰻魚買賣,所花之精神,非筆墨能形容,最近他賺了錢,一炮過買了30萬黃金。玩過實物商品的人最能深切體會黃金的價值!淨係買左之後無需擔心其變質、變壞,已夠寫意了,難怪168師兄們有閒情玩蘭花!:)

Bosco 提到...

哈哈,起碼無左“Number降”。唔單只唔使擔心,有D仲可以當Collectibles去欣賞。

近派小弟同太座買左D銀幣,遲D Post D相同大家分享下。

匿名 提到...

"影子正苦"的New World Order系統內打壓民間農業及嚴禁民間私藏農產品是重點, 所以身為奴僕的"kong府"又怎會咁輕易給民間發展農業呢? 其實實際上在舊機場興建一座樓高30層的現代化農業生產基地大樓是絕對可行的, 香港其實也可以自給自足的, 又可以增加就業機會, 但奈何"影子正苦"的目的是要實行減少人口的計劃, 快離題了, 就此收筆吧...無限期待續

小戰

satan_wong 提到...

小戰所講,並非無道理。
糧食期貨既出現,令我非常困惑。
好好地,點解會有人囤積糧食呢?

近呢幾年,有幾單新聞講到泰國出產食米少左,令好多國家非常緊張,要出動政治力量介入呢件事當中,就知道糧食既重要性。

當然,我唔會囤積糧食,不過若果我有能力,我會買農地。

Gordon 提到...

Bosco
>溫馨提示,我估你d火可能又會來,不過今日天氣凍,不如留番啖氣暖肚

匿名 提到...

satan_wong 提到... 若果我有能力,我會買農地。
小戰: 若果我有能力,我都想買農地。 But...
1)大部分農地已被某大地橙商-"行基"強制收購左
2)就算咁好彩被你搵到, 買到, 之後下場都會好似"菜完村"咁被"正苦"收返; 在under the plan of New World Order就是這樣生生不息地循環下去, 最後一塊農田也會從此消失

小戰

Bosco 提到...

謝謝Gordon提示,小弟今日無咩火:)

satan_wong 提到...

:)岩岩出左去利昌再入4両重既銀條..

Eric 提到...

satan....睇o左你個blog...+油...支持你!

Gordon 提到...

JOE兄,睇到168師兄介紹一個姓劉的BLOG,居然說美国资本會"疯狂做空黄金,有效达到疯狂做空中国楼市美国战略".
唉,猛嚇人放晒D金,買美元喎,個BLOG仲有成千萬訪問量...
好彩我睇左你同BOSCO的教路,好似上個月你那篇"COMEX Default?"的文章提到,只係有人想交割184.79噸金和2676噸銀,才1億多D美元市價而已,COMEX都交唔出!美國又何來可以疯狂做空黄金呢?
佢都可以出書喎,JOE兄,不如你諗下你出書啦,可能你的書係大陸熱買.

gogoldjoe 提到...

Gordon過獎了,出書都有諗過,因為看到周圍個個亂講,有時真係火都黎埋,更重要是我喜歡寫東西,我會繼續努力及積極考慮,因為有朋友也是做出版業,門路不難找。

gogoldjoe 提到...

satan.....10個支持!:)

wahd 提到...

姓劉那個blog, 發覺睇左幾篇都唔知up乜, 套用大陸講法只一味忽悠, d人既comment就係看不懂, 看不懂. 都幾搞笑.

Bosco 提到...

Gordon同Joe,如果以Joe兄而家咁“溫文爾雅”既文筆,我相信好難系大陸大賣。大陸人習慣了一D誇張式既文章,唔嚇死你都吸引唔到眼球。寫野好難唔忽悠。
其實你搵搵,系華文世界入面,系好少有文章講金銀徐左價錢之外仲有數字既,好多都系想當然,然後就落一個嚇死你既結論(同我地D Blog友都好次)。所以我系Post文既時候,都常常提醒自己盡量用數據去Backup。
其實我一直都好想做個中文Blog或者Site系以數據為主導去分析金銀既(其實就好次金銀版既Zerohedge),因為我覺得中文世界太缺乏呢一樣野啦。

小C9 提到...

satan_wong,
努力! 加油! 支持你!

vin 提到...

十卜 Joe 兄出書, 小弟定必支持!

satan_wong 提到...

回小c9+Eric+Joe...thx all..
另外,今日下晝..我將我係圖書館睇既野post左上個blog..係講關於黃金貨幣價值問題..雖然比較間接..不過好有用..可以睇一睇..