2010年12月20日 星期一

恐懼慢慢成真?



先多謝168的老頭介紹一段如此震撼的影片給大家!主講者叫Jim Rickards,在金融業打滾了30多年的顧問級人馬,現為Omnis的分析員,從前專做大行生意,曾幫花旗、巴克來等大行做分析員及顧問,近年,美國人深感大國地位受威脅,情緒不安,於是最近軍方就請這位分析師到軍校演講。

其實在去年尾,Jim都曾講過,經濟正處於一個不穩定和危險的環境。上世紀80年代,美國的債權人是日本、歐洲和阿拉伯國家,這些國家在國家安全方面都完全依賴於美國。現在中國成為了美國最大的債權人,就國家安全而言,中國並不依賴美國。所以,美國無法要求中國與其保持一致的經濟性,或強迫中國買入美國國債。他建議投資者應該遠離貨幣投資,因為美國正在拋售美元而且中國也在出售人民幣。他認為黃金才是目前最值得投資的資產。如黃金重返貨幣地位,將升到4,000-11,000美元/盎司之間。

今次,Jim開宗明義對軍人講,萬一國家真的窮途末路,還有一樣強大武器──黃金,必要時,軍人要聽總統指揮,沒收其他國家在美的黃金儲備,那美國就可以重返金本位,到時美國依然是最富有的強國,在黃金儲備上,中國及俄國仍然不是對手。(由2:29開始講金)

Jim亦曾在一次訪問中,建議投資者不要把黃金儲存於銀行體系內,因為以他所知,有大戶已提不到黃金,最好是放在自已的夾萬內。記得富媽媽曾說,當銀行也信不過時,就要提走黃金,所以大家一定要追緊局勢發展,當一天發現銀行也信不過,就要立即將黃金提出銀行體系。

29 則留言:

satan_wong 提到...

唔知Joe兄有無post過呢條link?
係關於另一個買賣貴金屬既地方。
http://goldsilver.com/

Gordon 提到...

joe兄,睇到你貼上jim的意見,唔好意思,長氣d重覆問多次之前另一個post"政府強迫收金問題" 的以下問題,可否指教一下,閣下對我的睇法呢?

"joe兄,我上面的提問,168的sp已回覆,我已明白當年原來沒收的應該是貸存系統內的金,不似是保險箱內的金,雖然未能証實,但推論很合理了, 因貸存系統內的金銀行有數,分分鐘被銀行keep係佢個大金庫,只要你上面張報紙一貼出來,話d金的持有人已轉政府是很簡單的,講之ma.
但如要沒收保險箱內的金,技術上便困難很多,第一,銀行未開保險箱前,銀行自己都唔知裡面有冇金,如有,可能俾銀行下層職員自己黑左,總部都唔知,第二,美國的行政命令只係收金,如保險箱內有其它珠寶,鑽石係開過後話唔見左,我諗老羅和銀行有折排俾人告.
唔駛做八兩金了,謝謝joe和sp"

gogoldjoe 提到...

其實當年也並非不許民間藏金,我很久前在kitco看過一篇詳細的解釋(但沒有copy),原來當年是只許每人藏金5安士,只要不超過這數目並不算犯法。所以好多人就將金分給屋企人,如4口之家,已可擁有20安士。

Larry Milano's Den 提到...

想問下「銀行體系」包吾包銀行D保險箱架?如果包埋,問題都幾大。

Larry Milano's Den 提到...

根據 Mick Maloney 1933 年果次叫 "gold confiscation" 吾多正確,應該叫 " gold nationalization".

http://www.youtube.com/watch?v=52BR6YIdPHI

Lisa 提到...

香港法治世界, 唔會強開你銀行保管箱的 ! 唔好自己嚇自己啦 ! 如果銀行破產, 你都有權拿回保管箱內的野 !
除非銀行有賊強爆保管箱 !

Bosco 提到...

》根據 Mick Maloney 1933 年果次叫 "gold confiscation" 吾多正確,應該叫 " gold nationalization".

玩文字遊戲者,Nationalization 咪即系 Confiscation. 用20蚊去換你個1Oz,話我同你系等價交換,所以系Nationalization而唔系Confiscation,完全系亂來。如果系真系Nationalization,拒應該系先Re-valuate去35美元,再同市民換,而唔系之後。

Bosco 提到...

》香港法治世界, 唔會強開你銀行保管箱的 ! 唔好自己嚇自己啦 ! 如果銀行破產, 你都有權拿回保管箱內的野 !

Lisa,我唔太肯定啵。
美國1933年既時候唔系法治社會,當時D人去銀行開報險箱,系要有IRS既人在場,即場同你對數看看你有無多過5Oz啊!

Gordon 提到...

>美國1933年既時候唔系法治社會,當時D人去銀行開報險箱,系要有IRS既人在場,即場同你對數看看你有無多過5Oz啊!

嘿嘿,原來係於下國有化.我睇左很多本關於X產黨以前40~70年做過的事的歷史書,佢做過無數次國有化人民財產的史實啊!
LISA,有看過"最後的貴族"嗎?此書可以讓我們多了解一下那個年代的中產面對國有化時的情況

Gordon 提到...

打漏字...補充

嘿嘿,原來係於下國有化.
香港是中國的地方呢!

匿名 提到...

其實想問JOE同bosco兄~
兩位做了金甲之後仲有冇買賣股票=.=?
怎樣看股票這東西?

Larry Milano's Den 提到...

>>玩文字遊戲者,Nationalization 咪即系 Confiscation.
英文中 confiscation 有犯了法受罰的意味,而 nationalization 則較中性,只是把資產收歸國有,可以是國家補回一定的金額。

Larry Milano's Den 提到...

The following is a definition I copy from Wikipedia:
Confiscation, from the Latin confiscatio 'joining to the fiscus, i.e. transfer to the treasury' is a legal seizure without compensation by a government or other public authority.

Eric 提到...

satan...你d袁大頭...where buy?

Gordon 提到...

馬蘭奴
如果我話金甲們都希望保留住D金係自己控制範圍之內,你總算同意吧。不如大家討論下或有冇人可以介紹下家裡裝何種夾萬好呢?

Eric 提到...

盛威夾萬??

Bosco 提到...

》而 nationalization 則較中性,只是把資產收歸國有
疏難認同。
你講既系字面意思,所以我話拒系玩文字遊戲。
而家我有1Oz金,本身其實市場價系35美元,你用行政指令“強迫”我換20美元,美其名做Nationalization,其實同強搶有咩分別。
可能我系一個Liberal,但我看不出Nationalization同Confiscation有咩本質上既差別。系共黨如是,系美國亦如是。

gogoldjoe 提到...

其實想問JOE同bosco兄~
兩位做了金甲之後仲有冇買賣股票=.=?
怎樣看股票這東西?

有!但不多,且只玩市(買盈富基金)。股市以及整個經濟的增長已因脫離金本位,而變成數字上的增長,實際生產力並不配合(不是沒有增長,是不值這個價,特別是相對黃金。)

黃金購買力的上升,就是一種調整,將公司價值、資產價值、人力價值等股市上價值調整回一個合理的價格。

調整過程會有波幅,認識了黃金再去玩波幅,看著股市升跌,少少地玩的,其實幾有趣!但不可太上心!

satan_wong 提到...

回Eric:係嚤囉街買..不過有好多假野擺埋一齊..我買5個先有1個真野..

金錢一一 提到...

小弟想問,香港嘅財政儲備有幾多金呢?
又假設政府話要攞哂d儲備折現,又得唔得呢,
如果唔得嘅話,咪即係紙上富貴囉!

wahd 提到...

跟據官方公佈, 香港有2 噸金咁大把. 而小小既新加坡就有127噸咁多.
睇黎我地又係要等阿爺打救了, 唉.

Eric 提到...

satan....how much 1個??

snoopy 提到...

關於股票,在下都有買下金銀礦股,但都係投機博彩性質。如果買實金都擔心咁多 risk ,冇理由夠膽投資股票喎。

金錢一一 提到...

香港得果兩噸金,即係其他嘅都係債券同估票啦,如果人地賴皮同質低個市,咁咪...

satan_wong 提到...

回Eric:$20

香港得2噸金甘少><

Bosco 提到...

>香港得2噸金甘少><

哈哈,系架!

世界人均:0.75安士

瑞士人均:~4.3安士
德國人均:~1.34安士
意大利人均:~1.30安士
法國人均:~1.20安士
美國人均:~0.84安士
新加坡人均:~0.81安士
台灣人均:~0.59安士
大陸人均:~0.03安士

而每一個香港人名義上得0.01安士金!!!

Little Horn 提到...

睇完個post好驚下

匿名 提到...

佢就係想嚇你驚!

Bosco 提到...

>佢就係想嚇你驚!

咁有無嚇親你啊?連名都唔敢留番個。