2010年12月1日 星期三

跟進黃金變色問題

今日咁岩去中環做野,為左悉除大家疑慮,於是將168師兄的有問題金條相片PRINT出來,拿去忠記問一問,睇下有冇問題?

忠記老闆話好平常,如果你拎呢條金條去,佢地會照收!咁究竟金條有咩問題?根據忠記老闆話,係氧化,原因同我親戚講的一樣,製造時可能清整得唔夠好,殘留左些少其他礦物係金條表面,另外99金條雖然係純金,但仲有1%係其他物質,1%亦可能導至局部氧化變黑,老闆拍心口話絕無問題,金塊時常出現類似情況,好少事。

咁有冇解決方法?有!就係用火槍對住發黑部位噴,真金不怕紅爐火,黃金溶點有1000度以上,其他物質被火熔了之後,金仍然會完好無缺,黑色就減退或消失。我再問老闆,如果拎來忠記搵佢地幫手搞,收幾錢?老闆拍心口:免費,而且會係你面前搞店!

7 則留言:

金多祿 提到...

恍然大悟!

Eric 提到...

good job

Eric 提到...

忠記收ng收銀?????

snowcat 提到...

黃金始終要金黃色先得
有氧化,自己睇到都唔舒暢

satan_wong 提到...

多謝祖兄..

匿名 提到...

如果溶晒啲雜質,咁條金條既重量咪會輕咗law?

Joe 提到...

雜質數量甚少,可能只是0.05克,價值可能只是數元,若雜質價值超過數百,那製造商已是犯法。