2010年11月4日 星期四

加息vs通賬

好多人常說,加息,通賬就會消失,但看看印度,今年6度加息,息率已高見6.25%,但通賬反而愈來愈勁,至今已到達10%。

印度要收緊貨幣供應,冇問題,問題係美國唔收,而印度盧比又是自由對換貨幣,所以美元可以自由流入印度,加各種投資稅限制外國人投資!?老美繼續印,就算點樣加,佢一樣大把錢來應付,或者印度人應好似任總話齋,實施外匯管制!

中國情況,其實已相對較好,通賬3.6%左右,這可能係實施外匯管制關係(詳情要再研究下),否則以中國發展情況,通賬應該比印度更嚴重。至於香港,相信通賬好快會勁過大陸!

通賬之下,借貸人(如銀行)最蝕抵,因為還款人將來買款後,紙幣購買力已下降,香港的銀行在聯匯下,左右唔到基本利率,卻可以左右銀行同業拆息,早前批出的同業拆息按揭,今日應該可大派用場了,查打、痕生等銀行宣佈加同業拆息,相信都係用來幫補下自已下降的購買力。

以為H息按揭有著數?銀行的產品係唔會死錯人的,冇著數,銀行點會做!?H息按揭其實變相是一種補貼!

7 則留言:

Bosco 提到...

Joe 兄唔系真系信大陸通脹得3.6%啊???

過去60日,以下原材料:
棉花-升54%
玉米-升29%
大豆-升22%
糖-升52%
鹽-升75%

3.6%通脹?大陸佬做數唔該做好D啦。你可以去下各大大陸Forum,看下D人點講而家既通脹。。。36%就有可能

我再次重申,大陸咁樣印銀紙法(Fed呢D簡直系小巫見大巫),Hyperinflation隨時系大陸出現先!人民幣而家系對外“升值”,但對內貶值。

我既觀點比較接近168既價值人,唔同既系我系金甲,拒唔系。

Joe 提到...

謝bosco,原材料升幅數據來自那裡?是國內還是國外?因為剛剛找了一些資料,如糖升52%,是倫敦及紐約期貨交易所的價格:http://news.sina.com.hk/cgi-bin/nw/show.cgi/13/1/1/1131496/1.html

我正在做一些資料收集,齊備了再討論,到時再講講3.6%通賬是否可信?可信度又有多大?

Joe 提到...

另外,我還在煲幾個關於中國各地農產品價格的網,還打過電話回國內,初步的結論是,各地價格差異甚大,起落竟可超過30%,某些產品在一個地方價升了很多,但在第二個地方竟是跌價。現在中國的官方數字主要是城市,那佔人口眾多的鄉鎮又如何?這些地方很多還未有互聯網!我有親戚就生活這些地區,希望可以問到多一些資料。

還有一點在想,如果大通脹在有9億農民的國家會怎樣?歷史上從未發生,但最近看新聞,萍果賬價,城市人被迫捱貴貨,但果農卻很開心,收入比豐收年還要好。(今年非豐收年),農產品在城市的通賬會否是一次財富的重新分配?

中國是一個Big Issue!

Bosco 提到...

>原材料升幅數據來自那裡?是國內還是國外?
2樣都有,如鹽系國內既,棉花系國際既,但有報道國內升幅接近。

》各地價格差異甚大,起落竟可超過30%
呢個系正常既,中國好大,通路狀況唔同省份/城市好唔同,呢個差異唔算大,所以比較系同城市,唔同時間既比較,橫比無太大意思。

》還有一點在想,如果大通脹在有9億農民的國家會怎樣?
無架,中國歷史上仲少咩?暴亂

》農產品在城市的通賬會否是一次財富的重新分配?
我認為唔會。
因為呢個唔系以(1)生產力進步,或(2)分配制度改善,所得出來既結果。
唔好忘記,農民都有成本,能源,農藥,水等等,而好多呢D成本唔系單純中國自己既(例如能源,化肥),當因為通貨膨脹引至既成本急速上升而令消費者(城市又好,農村又好)無辦法承受時,結果都系受損。
系Fiat System下,少量通脹對生產者系好既,但咁急既通脹就大件事。

匿名 提到...

With due respect, Indian Rupee is NOT freely convertible. You better check. Actually most currencies in the world has restricted exchange policy.

patrcikking30 提到...

按bosco兄所講,加上彭博的商品指數圖http://www.bloomberg.com/markets/commodities/futures/
可見近兩月商品價急升,我諗過多幾個月,到農曆新年左右,
高通脹會開始殺到!!

匿名 提到...

"以為H息按揭有著數?銀行的產品係唔會死錯人的,冇著數,銀行點會做!?H息按揭其實變相是一種補貼! "

此話怎說?

Hibor plan 只是將資金成本 (cost of funds) 直接轉移至 mortgagor 度啫. Hibor plan 有 cap 的, 其實幾 fair 幾透明.