2010年11月19日 星期五

黃金受惠?

無啦啦,港府出手加印花稅,六個月內買樓轉手收高達15%稅,即係話如果半年內樓市冇升15%,炒家就要蝕錢,所以連代理都話呢招辣。

呢招對長線投資者黎講影響未必好大,特別是手持大量現金依賴利息生活的人,買樓收租總比放在銀行好。
唔炒樓,d錢當然會去左第二d市場,我諗呢個係股市今日下午急反彈原因,不過除左股市,我相信有部份亦會流入金銀市場,呢d投機錢或者會於短期內谷高價格,但投機就係投機,亦可能令價格出現重大波動,所以各位要留意!

10 則留言:

Bosco 提到...

我覺得對金銀影響好有限:
1)香港人好自然既想法必然系股先,再只後系外幣,就算買金都系紙金。。。
2)呢個只系香港既事,金銀系國際市場,唔太相關。

小C9 提到...

係呀, 香港人鍾意搵快錢. 金/銀升得太慢, 唔啱佢地. 到個個都買時已經係水尾. 好似rmb 咁, 我早幾年買時(2004/5), 個個都話升得慢同小息. 到升咗好多時就個個爭住買.

我成日覺得我地呢d小市民,到發現真相時,好多時已經太遲.

p.s. 唔好意思,有小小唔知自己想寫d乜tim. hehe..

patrickking30 提到...

http://finance.discuss.com.hk/viewthread.php?tid=13453817&extra=&page=1

這位樓主又講得對不對?

Bosco 提到...

>金/銀升得太慢, 唔啱佢地
呢種想法只系錯覺同的人無造功課,慣性思維先會有呢種想法,事實系金銀升得一的都唔慢。 樓價今年生唔夠20%但的人鬼殺嘈,銀價升成60%啦!
香港人唔買金銀系因為:
1)慣性思維
2)實物無愩桿
3)買賣唔方便同熟識

》這位樓主又講得對不對
無人知呢的措施有無效,但我覺得最重要系看到政府系有決心去打樓價(你估無阿爺同意,香港點會用重招),呢的招數唔得,咪整多幾招咯,記著,“富不與官斗”

系呢到,又要講下樓同金既分別:的人成日話金無用,但偏偏系因為系“無用”,就算生到上天,都唔會有班低下基層要求上車。。。反之,拒好次吸水綿一樣,可以將過剩的流動性吸走。。。

gogoldjoe 提到...

肯定得到阿爺的指示!不過,招數仍未夠勁,再勁d可以將按揭成數再推高d,去到四成,三成,甚至唔准銀行做按揭。目的就係唔准香港人買樓。

那位樓主講的影響用家,其實亦係陷入慣性思維,大部份香港亦係咁。乜叫做「用家」?係唔係結婚就一定要有樓?係唔係生仔就一定要住大d?點解唔可以同父母住,一定要有獨立私人空間?

呢d都係一d冇左佢唔會死的高階消費,有人肯借錢俾人買樓,用家就會多,因為冇能力買的人可通過透支未來變成用家,但冇人肯借的,要切切實實有咁多錢先至可以買到,用家數目就大幅減少。

gogoldjoe 提到...

所謂用家,對我來講,就係有能力應用那項消費的人,甚麼叫「有能力」?需要問人借錢基本上已經可以定義為冇能力,否則何需問人借?

而家大部份人都將「用家」理解為需要用那項消費的人,不過需不需要是很難介定的。

Bosco 提到...

根本系香港來講,就無用家,投資者同炒家既分別。都系同一班人(即系全部有能力去買甚至系以為自己有能力去買既香港人)。只系唔同人系唔同時間扮演唔同角色而爾。。。

如,一新界師奶,拒平時就系用家,有D錢買層樓收租就系投資者,市況幟熱時(如而家),咪同人一齊系新界炒細價樓啦。點分呢?

只不過大家都系追求回報而爾。。。(大部分)香港人投訴樓價貴,唔系無樓住,而系而家樓價已經唔系拒地可以參與既水平,覺得自己賺少左或無得賺者。。。

匿名 提到...

Some people in discuss forum said..this is the beginning of 打撃樓價, 仲有第2套房產稅 and 房屋空置稅.

唔好以為你無按揭,唔賣收租可以無事,政府15%印花稅只係試下樓價會唔會受控,多數只係有效幾個月,之後樓價又上過,因為措施主要是增加買賣成本,過左呢關炒家用家都無事.但唔好唔記得,政府重有最後一招,差餉-----即係國內的物業稅。呢招係增加炒家/用家的擁有成本,同充公無分別。凡個人單獨/聯名擁有自住以外/第二層樓的人士,一律徵收每年樓價10%的差餉。公司名義持有一律徵收每年樓價15%的差餉。若果15%印花稅措施都無用時,佢就會用呢招,一舜間隊死個樓市。

匿名 提到...

大家好啊~我其實都對經濟有好大的興趣呢~

這個BLOG的很好呢~我一直都有去閱讀大家的文章!

真是十分讚的!! 大家講的要點也有深度可供深思呢~

還有啊~請問大家有無那個網頁或書本是覺得好出色和商品價格的資

訊可提供?

謝謝大家啊~在這裡我真是獲益良多~在這裡感謝各位~謝謝~

Gordon 提到...

提議可參考[富爸爸買賣貴重金屬]一書,此書用字生動,是介紹買實金實銀的好處的入門書