2010年11月17日 星期三

小時候國家打擊通賬的方法

呢張係1965年江蘇省的布票,相信好多香港人都唔知係乜東東,其實係當年物資配給券的一種,除左布票,仲有魚票、米票、單車票........總之買乜野都要用票,有錢都冇用,呢種係一種非常極端既壓通賬方法,因為經過老毛亂搞經濟,國家出現左嚴重物資短缺,通賬隨即就殺到,今日詳細問阿媽當年情況,阿媽話,當年(約1965-1969年)一個成人一日可以憑票分到4兩米,一個月可以分到10斤,但不一定有貨,所以好多人會走到黑市買,當時市場市存在兩種價格,以米為例,憑票及錢向政府買,1斤約1毫子,黑市就要4毫。

當時,一個大學生月薪約$50人民幣,普通工作就只有$30-40,以食米計,如果在黑市買,一個月就要用1/10薪金!

政府推出物資分配券制度,簡單講,即係半取締貨幣的功能,全國實行有限度物資配給,要全國大部份人勒緊褲帶生活,聽阿媽講,好多細路仔因為咁營養不良,係某d地方更餓死無數。我因為好彩有華橋接濟,生活仲算豐足,鄰居就非常慘了,餐餐都係菜甫送飯。阿媽話,當時做農民或漁民生活反而較好,因為自已種自已食。

當年用呢一招之後,先至冇發生超級通賬,今日中央因為通賬上升,再次出招打壓物價,希望不需要用到物資分配券這一招!

2 則留言:

Lisa 提到...

希望唔會去到呢個地步啦 !

patrcikking30 提到...

而家出限價,但除非有補貼,否則無用.

而且問題係錢太多先係主因,如果樓股農作物咩都唔比炒,咁可以買咩??

唔通湧晒去買金銀??