2010年11月13日 星期六

態度的底因

看到Lisa的blog講買金時遇到銀行職員的冷淡對待,真係百般滋味在心頭,相信唔少金甲銀甲都會遇到相同問題,個個好似唔多想做你生意咁,同佢地sale基金、掛勾存款時的態度完全係兩種面口,大家有冇試過去銀行櫃位,個職員會問你:先生/小姐,有冇興趣買下金幣呀?

點解會咁?原因好多,不能盡錄,但最重要係,你的買金行為嚴重地挑戰銀行制度!銀行係依賴乜野發展及生存,就係貨幣發行權,雖然香港銀行要有美元存底才能印港元,但源頭的美國卻無需咁做,公仔紙的背後亦係公仔紙(債券),金甲銀甲蟲不安心地持有佢地發行的貨幣,即係挑戰佢地印錢的權力,將手上紙幣換做金銀,本質就是一種拋空行為,就像拋空股票或債券一樣,係要質底其價值,所以買金買銀,就係拋空貨幣,要質底貨幣價值。

所以,銀行的最高指令一定唔會鍾意你買金銀,延伸到櫃位職員,當然亦個個苦瓜乾面口對你!

6 則留言:

Lisa 提到...

買實金/實銀, 是把資金由銀行體系中抽離, 對銀行不利, 而買紙金/紙銀或基金或保險, 佢地又有佣抽, D資金又留在銀行報告表, 所以對銀行職員來說, 是較有利的 ! 就好似富媽說的, 佢做銀行的朋友都俾上頭勸咗沽掉金幣買紙黃金 @_@ !!

馬沙 提到...

旺角恒生態度好好的...

Lisa 提到...

下次去旺角試下先 :)

Sea Coconut 提到...

各位好,上星期卒之買了人生第一次實金。
拿上手的金幣比想像中重,有種實在的感覺。
在中環恆生買的,職員有點cool。
下次要試試旺角恆生。
再次謝謝各位在此所提供的信息。

Bosco 提到...

恭喜,恭喜!

小C9 提到...

Sea Coconut,
歡迎新甲蟲:-)